Bold Italic (已結業)

同事話呢啲所有肉類都整得好好食，特登帶我黎食我點了「美國西冷伴芥末燒汁配薯蓉」，首先來粟米湯，湯係鮮打，好有口感、好熱，好好味略嫌太細碗，得幾淡唔夠塊牛扒燒得真係好香、好好食，我怕生，要八成熟，佢整得啱啱好通常食牛扒我鍾意跟黑椒汁食，但呢個芥末汁同牛扒和薯蓉好夾喎同事食「黑醋汁羊扒拼羊西冷配薯蓉」，同事大讚羊扒好香，一啲都唔騷，啖啖肉好好食我見隔離枱食「黑松露忌廉汁素菜意大利粉」都好似好好食咁喎～下次再黎我要試意大利粉先P.S.餐廳逢星期一休息

今日係駱駝漆大廈搵嘢食，食完慢慢睇嘢，嚟到2點幾，試下呢間西餐，記得佢兩點半係下午茶時間。老闆定職員都幾好，我哋問有下午茶未，佢話差10分鐘，可以入去坐下先~間鋪唔算大人，但裝修都係優雅類型，環境舒服嘅。望完一輪餐牌大部份決定食米線（人哋明明西式為主㗎喎，你班友叫曬呢d)嚟到碗米線都幾大，味道都唔錯，清清哋幾啱我口味。有同事叫咗飯，反而比較細兜，估佢唔到~可能我哋無叫佢西式嘢，感覺嘢食無咩特別，但計埋性價比，整體唔差嘅，經開都可以再食下~

🍙等待時間：今日正值年三十，到觀塘工廈揾食，來到呢間話滿可以入去但要一個鐘交枱，我地一行四個人🍔室內環境：呢方面我堅要俾滿分，睇得出店主放左唔少錢係裝修上，有一個好整體既浪漫田園氣息，視覺享受。🍰服務質素：正常客氣🔺用餐簡評：係我其中一次好失望既用餐體驗,佢既牛扒味道肉質都極唔符合我喜好，而佢既配汁亦毫不配合，只係令塊牛有d味道。牛扒咬落去完全冇牛肉味，更加唔好提香口，我食左一半就放棄。🔹總括來講：觀塘區食牛扒有大把選擇，唔洗呢間

Lunch好抵食以前每次食要book位但宜家就算星期五都有空位午市套餐有湯有主食有野飲有甜品餐湯+蒜蓉包 高質主食叫左西冷配薯蓉西冷好入味不錯叫7成熟就岩岩好～5成同事生到食唔落試左另一個同事既三文魚雖然好香黑松露味但食落又無咩味 好可惜餐飲嗌左咖啡想落糖 但係枱面既包裝糖全部溶哂撕開左 見到黏黏地都唔想倒入杯咖啡希望餐廳會見到同留意一下啊最後係是日甜品椰汁西米露加左d搞碎左既椰汁糕好有口感 係一個好好既結尾

行下工廈 意外地發現了這餐廳 餐廳設計簡單 有不少花草襯托感覺舒適 適合情侶和朋友聚腳地～我跟朋友19:00到達 可能閒日及時間尚早不用等待都可直接用餐一坐下 看看menu 見到set dinner 幾抵食就一人叫左一個 由於太肚餓 我們還另點一個小食Set dinner 有前菜 餐湯 主菜及飲品多士略小 沙律菜新鮮 配上柚子汁 感覺十分refreshing 餐湯一般因為有點太稀了😢主菜方面點了黑醋汁羊架伴薯蓉 份量剛好黑醋汁羊架土伴薯蓉羊架好好食 very juicy同行朋友點的餐忘記影相 就留番下次先喇～泰式炸蝦餅（配泰式酸辣醬）蝦膠好彈牙而且新鮮炸起 熱辣辣的 好好食 總括來說 環境氣氛好好 食物性價比高！

之前已經食過幾次午餐，價錢平質素高👍🏻👍🏻今次朋友生日book左間房同佢慶祝🎉晚餐同樣地價廉物美😋😋特別推薦羊扒同黑松露意粉，另加$48可以有香煎鴨肝都好抵好好食👍🏻👍🏻

香煎三文魚係煎得好香，但入面乾爭爭，好硬，又細條，係薯溶多，先食得飽仲衰過茶記，大家x 既肉眼扒，d 牛"拿"過既，一d 牛味都無係鵝肝，沙律同粟米湯正常食左三百幾好唔值

純粹經過，見到裝修OK，同兩個朋友入去試。食完真係忍唔住要立即寫食評。叫左兩份羊扒（$98@）、一份牛扒（$98）、分別配薯蓉、香草飯同意粉。加$38轉成套餐有湯、沙律、多士同餐飲。呢個價錢仲要係工廈樓上，貴過翠華但質素同份量都令人失望。三文魚蕃茄湯用個甜品杯大小嘅湯碗上，只係有味水，重要係魚腥味，完全無任何湯料。個多士細到好似粒麻雀牌咁，不過都算脆口。沙律不過不失。果三塊扒完全係茶記質素，牛扒又乾又硬，重有成犬條筋喺度，羊扒無味，靠個汁吊味。個薯蓉明顯係用粉開，乜味都無。（上碟時跟錯意粉，薯蓉後補番。）最後叫果杯咖啡，唉，竟然係用咖啡粉開，上桌時D咖啡粉仲要結左少少粒未溶哂。開頭問侍應蛋糕係乜有冇樣睇下，佢話無。最後都係以身試伏叫左件栗子芝士蛋糕，點知等好耐先上，一上枱就知點解：係果D買番黎一個放喺冰格果種，所以等無咁硬先切到。呢舊蛋糕好細件，重要夠膽死正價收$40（跟餐減$10）。成餐真係食到個心涼左一截。有時想支持下D小店，話地舖租貴你搬上樓上舖仲要係工廈但食物質素又咁樣，其實想點？

係駱駝漆大廈買完野經過見到評價ok就入黎食，點知中哂伏性價比超低。呢個質素唔值呢個價錢。工廈位置，中環價錢，屋企工人煮既質素。叫左個lunch雜扒($88)同黑松露意粉($78)，雜扒份量好少，一塊雞排分半當兩塊雞排咁上，司華力腸半條，唯獨薯蓉就大大份. 而且唔好味；黑松露忌廉意粉無味，只有一pat忌廉撈白烚意粉，仲要加埋一堆味道完全唔夾既蔬菜入去。轉做餐仲要加多$38先有餐湯同飲品。一定唔會再黎！！！餐廳唯一可取嘅地方係坐得幾舒服. 同埋環境裝修都幾新.

終於夾啱時間嚟駱駝漆大廈試食了，在雲雲食肆中揀咗價錢較平易近人的西餐。睇佢菜單,晚餐價位唔過一百，真係幾ok,但就係純主食，如果要加湯及沙律，餐飲就另加$38。加埋就過一百。是日點了雞及澳州西冷. 頭盆好快上，可能因為冇乜人。頭盆用木板上，有小多士，沙律及湯，實在有點失望，因為份量少，加$38個人認為唔太值，多士係一口大小，另外湯，份量少及唔熱，扣分。主食上得快，張枱根本擺唔落。另到食客有急趕的感覺。主菜中西冷好食，肉質及味道相當唔錯，配薯蓉份量大。而雞就認真差DD, 肉質鞋及實，反而雞皮煎得香脆，配上香草飯，以為香草飯冇油，誰知上碟後見飯面反光！味道都可以喇。最後飲品。凍飲加$3，已經加咗$38,重要再加！好在都大杯，但過甜。

平時去開觀塘都會幫襯Bold Italic, 貪呢度環境夠舒適, 侍應們服務態度亦都唔錯🤗.老細啱啱喺上個月轉咗新menu📃久違了嘅羊扒🐐同三文魚扒🐟終於返嚟👏🏻👏🏻今次仲增加咗少少泰式料理, 希望可以俾客人多個選擇同時...我喜愛嘅粟米湯🌽亦都重出漿糊✌🏻黑松露油香煎雞扒·意式香草飯香噴噴嘅香煎雞扒🐔~一刀切落去雞皮嗰下,"咔"一聲清脆俐落~香煎三文魚扒🐟伴黑松露油配薯蓉老細務求保持魚嘅鮮味,堅持用原條三文魚,再親自去骨同切件🤗.魚扒充滿油香,搞到大家忍唔住嗌老細encore~📣同場加映: 黑醋汁羊扒🐐配薯蓉香煎鴨肝🦆伴黑醋汁·意式香草飯香煎澳洲牛柳🐂伴芥末燒汁·薯蓉

中午和同事來這裏逛街，有其他同事推薦，便順便來試一試這裏的意大利菜。點菜後發現這裏的冷氣比較強烈，比較擔心餸菜會很快變冷。很快蘑菇湯及麵包已經送上，蘑菇湯和其他餐廳的水平差不多，不過不失。主菜我要了漢堡扒，漢堡扒新鮮煎起熱辣辣，味道調得不錯，可惜分量偏細，而且白飯只是微溫的，加上強烈的冷氣，很快整個主菜已經變冷了，漢堡扒因此也變硬了。在工廠大內以接近$100的價錢吃這個午飯實在不太化算，以這種水平，我相信我不會再來光顧了。

從來都無諗過自己會花時間寫食評，更何況依家大住個肚，需要更多休息時間。今次應該係我第五、六次去Bold Italic 食午餐，遇上萍水相逢卻又十分窩心的侍應， 真係令到我好想寫我既第一篇食評。觀塘既Lunch Hour有幾多人眾所周知，通常十二點半開始多人，一點打後就慢慢等位啦。我就十二點開始Lunch Time，通常我十一點九就會打電話去Bold Italic Book位。餐廳係工廈嘅3樓，晏少少去連地下等𨋢都要排長龍㗎。 去到餐廳，見到侍應們嘅笑容同好親切咁打招呼，已經十分滿意。可能因為之前我都曾經要求過要一杯熱水， 今次侍應們主動遞上一杯熱水，真的十分窩心，她們記住了我呢位萍水相逢客人嘅需要， 值得讚賞。同埋因為我懷孕中唔食得生冷嘢，我order時都要問好多問題，問清楚食物係熱定冷盤、會唔會有未煮熟嘅菜等等， 侍應們都一一解答。原來最近佢哋換咗餐牌，今次我試咗「Dry Aged 熟成牛肉漢堡」，order時侍應已介紹清楚呢個唔係漢堡包，而係漢堡扒。 令我開心嘅係佢哋嘅新餐牌可以選擇「五色糙米飯」，因為糙米飯糖分比白飯少，亦更健康。 今次嘅餐湯係粟米湯，而旁邊塊蒜蓉包一如以往地脆口

官塘區商廈內很多單位都轉為食肆，而且有很多的內部裝修都有些特色的。這單位面積雖不太大，但睇到也花了些心思來佈置的。坐的椅子有些顔色格仔布椅，簡單別緻。亦有紅鶴裝飾，花，粉紅紙鶴等佈置，有園林feel外，亦有些女性的元素。主餐加$18 有湯+熱飲。磨菇忌廉湯，雖份量不多，但飲得出用大量菇類煑成的，仲有長條型蒜蓉飽，雖不是烘熱的，但香鬆脆十足。卡邦尼蛋汁煙肉意大利粉，意粉咬口適中，卡邦尼蛋汁較稀，都好味的，只是份量亦不多。午餐埋單都要過百元，但好似未飽。

Love the presentation of food the Chef is excellent in preparing the our 8 course dinner roast pork is superbly done better then the Cebu Lechon which are famous for their roast pork and we end out dinner with I believe is an award winning raspberry cheese cake, the best cheese cake I have ever had and trust me I have many cheese cake no one comes near ....