Bove (已結業)

收工肚仔又餓但又未食得晚飯，要搵小食醫醫肚，食m記? 又太heavy🙅🏻‍♀️食燒賣? 又唔好夠🙅🏻‍♀️ 經過呢間有賣雞蛋仔、格仔餅同梳乎厘，就被雞蛋仔吸引住😍單單係雞蛋仔的味道已經令我選擇左好耐，因為實在太多味簡😂 隻隻味都想食，最後決定試流心蜂蜜雞蛋仔($25)到手已經忍唔住食左粒😆 熱辣辣先好味，每粒雞蛋仔內裡都會有粒好似爆爆珠咁，一咬開就會有蜂蜜流出😍大愛呢隻蜂蜜味～一個人食哂成底都唔會覺得好甜好漏😋😋

由於我快離開九龍灣工作了，所以下班立即再來這裡，因為目前是我嘗過最好吃的梳乎厘Pancakes 。我點了朱古力味的梳乎厘pancake，內餡是黑朱古力，外面的是朱古力醬，因為我是超級朱古力粉絲。我覺得真是的是像梳乎厘一樣，入口溶化及軟棉棉。只有這間店的水準保持這麼好，溫馨提示可以選擇平日晚間去，就可能慢慢品嚐他們的用心整成品，pancakes 多會下午4點後才有，太早的話，師傅可能未回來。

依家啲雞蛋仔越來越多味道選擇😂 有啲直頭你意想不到嘅味道佢都有出👍🏽就好似呢一家咁，就有埋羅宋湯、肉鬆味⋯⋯😳不過我比較保守，都係揀番啲冇咁特別嘅味道。🤫全部都係即叫即整，所以要耐心等待啊⌛️✅ 伯爵茶雞蛋仔：Earl Grey 係計抹茶之後港女另一最愛，$25質素有保證！外層香口內裏軟綿綿，main point 係Earl Grey 味好出！食得非常過癮🤗除此之外佢哋仲有疏乎厘同埋其他飲品供應而且店舖亦有少量嘅位可以比客人坐低飲番杯，食甜品☺️ 雖然唔坐得耐但係都算幾寫意—————————— 食物質素：7.5/10 環境衛生：7/10舒適度：6/10 服務：6/10性價比：7/10 總評分：6.7/10—————————— #foodblogger #foodlover #foodie #hkfoodie #相機食先 #九龍灣

門口唔顯眼但經過就比門口雞蛋仔和梳乎厘pancake相吸引住見到羅宋湯雞蛋仔原來之前幫襯過佢旺角分店上次試過咸味今次試下甜味既雞蛋仔係綠茶麻糬和班蘭雞蛋仔之間我最後選左班蘭雞蛋仔果然冇令我失望外脆內軟個饀好滿唔似平時係街邊食到得個殼通窿係班蘭味唔太夠下次要試其他味

久違的放早，送自己一個飯前小食先。好耐無黎，你多左咁多選擇既剩係雞蛋🥚仔都成20款，而且有咸有甜。我係選擇宇治抺茶同肉鬆都諗左成五分鐘，最後都係宇治抹茶麻糬雞蛋仔啦店鋪當然有梳乎里啦，不過份量實在太勁，我就無選擇喇，留返下次啦好香呀！唔洗等好耐，大約都係等左六分鐘左右，就有得食熱辣辣 好正咁，係等緊期間，陸陸續續都有客叫斑蘭味既，唔通好好食既？不過我呢個都好好食，每粒都有麻糬架 好開心，唔算太甜，有淡淡既抹茶味又熱辣辣，咁就好快食完

男朋友好中意食雞蛋仔格仔餅，所以我地成日都會留意下邊度有好食既雞蛋仔格仔餅店。曾經有一次食過呢間既雞蛋仔，覺得好好食，所以我地每次黎九龍灣都會黎呢間買雞蛋仔食！我地今次食朱古力味，一如以往，水準ｋｅｅｐ得好好，雞蛋仔係外脆內軟，而且朱古力既份量都好多，一粒粒的，雞蛋仔本身的味道都好唔錯，我地都好滿意。之前曾經食過綠茶紅豆同斑蘭味～幾隻味都好出色！我地食過咁多間既雞蛋仔格仔餅，始終覺得呢間係最好味既！所以之後我地去九龍灣都會ｋｅｅｐ住繼續黎呢間買～

食完暖笠笠打邊爐，好想食個甜品中和番，我已經有一間食pancake心水之選，呢間店成日都好多人排隊，就趁今晚冇乜人就入去試吓。因為頭先食得太飽，我哋三個人share一份歌劇院班戟，本身35蚊，double班戟加15蚊，雪糕加12蚊，總共係62蚊，佢係即叫即做的，大約等20分鐘，行一陣商場再返去取就啱啱好。Pancake個賣相真係好可愛好吸引，影咗好多相，個梳乎厘食落去彈彈的，蛋味唔算濃，但好軟滑有入口即溶的感覺，配埋啲朱古力醬 ，係我嘅至愛

上次試過黎呢間，不過因為太早，未有疏乎厘pancake食今次夜啲嚟，就有得食喇🥞叫咗個Opera🍫疏乎厘pancake，嗰醬係好濃郁嘅朱古力味，過醬係OK的👍🏻不過個疏乎厘pancake就好一般喇🤭，佢係好有空氣，咁好鬆軟，不過唔知係咪因為淨係用咗蛋白黎整，所以變咗冇蛋香🥚，只係食到一舊冇味嘅pancake，好似爭咁D野咁😭

去到九龍灣我地其實本身想去Bove食佢地既梳乎厘pancake架 點知去到佢話未有著 唯有試下佢地呢個綠茶麻糬雞蛋仔😀由於佢地得1個人做野 所以等既時間比較長 我係第2個客都要10分鐘先有得食 好彩舖頭入面有枱櫈比人坐😂 上手熱辣辣 食落好唔錯👍🏻 好香綠茶味又唔會太甜 每粒雞蛋仔入面都有麻糬 煙煙韌韌 口感好好😋

Bove (九龍灣) — 斑蘭雞蛋仔 $19///女人為左食甜品，可以去到幾盡？平時行多兩步都話攰，今次竟然願意由觀塘行半個鐘去九龍灣，就係為左想食飯後甜品😱。///1. 之前食過佢嘅伯爵茶味雞蛋仔，覺得幾好味，點知斑蘭味就⋯⋯2. 無斑蘭味都算，仲要有少少「草青」味😨。3. 不過雞蛋仔質感都ok嘅。4. 今次真係有少少失望😞。5. 價錢黎講又唔係話貴，不過唔好食，味道再平都冇用。

其實Bove的梳乎厘班戟也hit了一兩年吧，我才第一次吃 是不是好out上次負皮了天仁茗茶pancake後，有朋友跟我人格擔保Bove好吃很多，那即管試試有沒有你說的那麼誇張😛圖中👇🏻👇🏻👇🏻伯爵茶梳乎厘pancake ($35)某些口味可以單件散買，但earl grey就只可以一份兩件賣。Pancake企身有動感，完全沒有天仁茗茶那個軟蹋的問題。口感鬆軟但密度很高喔，不是空氣餡！整個pancake裏裏外外滿佈茶葉，而且不是虛有其表，入口茶味很濃郁，香中帶點茶澀 一點也不甜膩。可惜欠缺蛋香， 令整個pancake味道很單調。對我來說蛋香是靈魂所在，所以這點扣了不少分。而且外層和邊位煎得太over了，令口感偏韌，浪費了軟熟的內餡。配料沒天仁那麼複雜，只有cream和淋面的蜂蜜，但簡簡單單更好，不會喧賓奪主，甜甜的和pancake的甘澀感亦很夾。整體我覺得還可以 以這個價錢來說物有所值，至少水準比雞蛋仔好多了😂P.s. 伯爵茶味的話不建議加朱古力/金莎餡之類 因為會完全蓋過茶味

呢間平時食開雞蛋仔係ok嘅，今次試佢個梳乎厘pancake就認真唔掂，賣相都。。未食果陣都唔錯嘅，我加咗8蚊加咗朱古力+棉花糖餡，夾埋36蚊，我講咗個賣相先，嗱，佢鋪頭張圖係正常白色棉花糖，但我食落去竟然係七彩顏色，唔講仲以為自己食緊乜野生化食品個味道仲要好唔得，完全無蛋味，仲益益地，唔知係棉花糖影響定咩，但andway就係唔好食！白白浪費咗我人生20分鐘去等呢舊野，無下次，要食都係食返雞蛋仔算喇

經過時突然發現間裝潢簡單但別具品味既甜品舖，站在遠處時已被相片中既梳乎厘吸引住。走近收銀處時發現可揀選既味道相當豐富，有芝士、綠茶、原味等，最後係芸芸中揀左限定既伯爵茶。正當我哋想揀選兩款時，收銀哥哥温馨提示我哋伯爵茶呢款有兩件，某d就係單件上，所以已食晚餐既我地只選擇一份伯爵茶，為免眼闊肚窄。由於即叫既整，店員已提醒我哋制作時間約20分鐘。終於主角上場時，已感受到其暖笠笠既感覺，捧起影相既時候見到鬆軟既梳乎厘郁下郁下，非常吸引！食左一啖後感受到當中帶有淡淡伯爵茶既香味，而每一口就好似食緊棉花糖般，好快係口中溶化。

九龍灣唔算多甜品舖，亦都冇乜甜品鋪有梳乎厘食。好難得呢間開喺淘大嘅甜品小店終於賣梳乎厘，畀我品嚐下一直以來想試既梳乎厘喇。今次簡簡單單點咗個原味梳乎厘，梳乎厘用個外賣小兜裝住，外型賣相都幾吸引，幾靚，店鋪仲印上自己既店名。好期待急不及待食第一口，um...... 個梳乎厘冇想像中咁軟綿綿，冇乜入口即溶嘅感覺，蛋香味都唔係好濃，一般般啦。 對梳乎裡入口即溶..軟淋淋嘅幻想冇咗lu...叫做試過就算lu, 應該唔會再食...

無意中發現淘大呢細細間嘅甜品店，裡面主要係賣唔同口味嘅雞蛋仔，仲有格仔餅同pencake﹐即刻買左個我最鍾意嘅朱古力味嚟試下，果然朱古力味濃郁，同埋整得好脆口，我鍾意！下次會嚟試下其他味，全部都好吸引呀！！