BRICK LANE (中信大廈)

营业中

休息中

食物水平一般,環境一般,價錢一般, 但服務態度差差差, 地點又不唔方便,遠離港跌金鐘站起碼15-20分鐘路程。當日餐廳只有2台客人全部人加埋都無個10位,原全唔明白點解服務員可以不停傾計及不理會客人, 不主動服務客人, 不主動介紹食物, 不主動給開水客人, 亦不主動幫客人下訂單, 以上服務全部都需要客人主動出手,食完晚餐又不主動問客人要什麼餐飲, HKD328+10%的一份晚餐結果是客人白白浪費了飲品, 以後不會再去幫親及一定不會介紹給予家人朋友, 一次不好的經驗。

星期六番半日收工約同事食個lunch先各散東西行到金鐘一帶決定去CITIC食因為呢度咁偏僻 一定有位可以慢慢傾計點知12:30入到黎真係得我地一枱客同事叫左早餐我就好肚餓決定叫個lunch setLunch set 唔多選擇 主要都係意粉我減緊肥唔可以食咁多澱粉質但係肉就可以狂吃咁我唯有叫安格斯牛扒啦個set 包前菜沙律 羅宋湯 有杯咖啡但係塊牛扒就等左超過20分鐘先上到只怪我叫左七成熟啦同事一開始仲想等我先開飯 等下等下唔對路 都放棄等我喇塊扒千呼萬喚始出來 真係幾好食唔會好韌 夠晒多肉汁唔會好鹹 黑椒同埋鹽都剛剛好真係值得等咁耐

對上一次喺沙田食過佢嘅deli 版，咁啱老婆加完班就打算喺附近食完就返屋企，遇上了它（Bricklane)⬆️蟹肉餅蕃茄青菜沙律：足料嘅蟹肉餅，顯示左間餐廳嘅誠意，蟹嘅鮮味同沙律嘅汁醬配合得宜。⬆️西蘭花忌廉湯：忌廉湯不嬲都唔講賣相，最重要係個味道同埋質感，一口飲落去，感受到成棵西蘭花口裏面徘徊。⬆️美國有骨肉眼配燒薯：一上碟，就聞到厚厚嘅炭燒香味，呢個價錢食到咁大塊牛扒真係用一個底字你形容，同埋佢配有獨特嘅芥茉醬和蒜泥，呢個配搭唔係間間餐廳食得做，值得加分。⬆️炸雞翼：炸粉嘅比例控制得非常好，外皮好趣雞翼入味，肥美鮮嫩，好少可以食到咁大件夾抵食嘅雞翼，唔好忘記佢係一間高級西餐廳，淨係小食雞翼都覺得佢處事認真！⬆️香煎三文魚帶子配薯蓉伴西洋菜忌廉汁：皮脆肉嫩，一啲都唔「鞋」，店員話用魚生級嘅三文魚，好新鮮。個西洋菜汁好香，配三文魚食唔會膩。⬆️紅絲絨蛋糕：去西餐廳點都要食返個甜品啦，呢個紅絲絨蛋糕，雖然有cream cheese，但唔會好肥膩，紅妹嘅酸甜味平衡左成件事。Peach Ocean: 起初望落唔知點飲，原來佢系有個袋袋住嘅，杯入面有啲沙，好精緻喔！⬆️Latte: 呢間餐廳主打環保，所以佢

之前試過 brick lane 其他餐廳，金鐘又有，早前加完班就去試。我地叫了兩個晚歺蟹肉蕃茄青菜沙律：煎蟹肉餅，好厚。真有蟹嘅鮮味。沙律菜新鮮，個汁好開胃。西蘭花忌廉湯：看似蘑菇湯，但飲落好有西蘭花嘅香味。點麵包食，味道剛好！美國有骨肉眼配燒薯：網紋賣相吸引，五成熟，肉質嫩，肉汁豐富，有炭燒香味。有半個焗蒜頭，用黎做蒜蓉醬，配埋塊牛扒，味道剛好。香煎三文魚帶子配薯蓉伴西洋菜忌廉汁：皮脆肉嫩，一啲都唔「鞋」，店員話用魚生級嘅三文魚，好新鮮。個西洋菜汁好香，配三文魚食唔會膩。紅絲絨蛋糕：由於我地好飽，又想試甜品，就叫左一個，淡淡香甜味，中間個忌廉芝士好滑，唔膩，適合愛甜品的我。Peach Ocean: 起初望落唔知點飲，原來佢系有個袋袋住嘅，杯入面有啲沙，好精緻喔！總括而言，店員服務非常細心有禮，食物質素得高，環境坐得舒服，會再去的！

同友人好耐冇見，搵間安靜既cafe 仔傾計，去左admiralty “Habitu”, 去到冇book 位要坐outdoor! 好彩今日天氣暖和，都幾好！Order 左煙三文魚Benedict, 再要左杯Latte, 原來可order skim milk! 怕肥既人岩晒！我叫左汁另上，怕太多汁會好肥哈哈！ 三文魚份量都好足，唔會太小軟喔！另外Hot latte 也不錯，只是有點不夠熱！ staff都幾勤力加水同好polite! 唔錯！

I came here for simple dining and happy hour. Firstly, we ordered a chips with black truffle mayo. it was decent with right saltines. Also, we ordered carbonara. Carabonara was average. I ordered one glass of white wine and after I finished, I ordered a glass of red wine. Right after the Happy Hour, one of staffs came to me and poured the little bit of wine into my glass. I thought it was a kind of friendly gesture. But when I received the bill, they charged me everything without explanation. An

BRICK LANE 金鐘添美道1號中信大廈4樓404號舖-----All day breakfast ($108) 抵食就一定唔抵食😂不過係金鐘呢個美食沙漠黎講 其實個價錢又未到誇張 整體質素不過不失 薯餅熱辣辣 新鮮炸好 其他食材都正正常常 擺得靚靚 見到甘多款食物係覺得幾開心 蛋上面ge荷蘭汁調味得好好 heavy得黎好滋味 作為午餐 成個配搭係幾滿足ge-----B仔整體評價：7.5/個👍🏻B仔抵食程度：6.5/10個👍🏻B仔環境評分：8/10個👍🏻B仔味道評分：7.5/10個👍🏻B仔回頭機會：7.5/10個👍🏻-----跟住我一齊吞食香港啦！#swallowadmiralty

話說今日有個FRD黎搵我食飯, 就去左BRICK LANE 食餐好既先~ 我地兩個人就叫左個晚餐，BRICK LANE 既環境好合適收左工去食餐好既到CHILL一 下，好relax. 同朋友去飲番杯，又或者情侶撐枱腳都係好好既選擇. 發達芝士牛油果雞沙律，好新鮮，而且色彩豐富。非常抵讚的前菜。是日餐湯為薯仔湯，薯仔湯好足料。個湯仲有個包仔食 個包一定要食 幾好味架! 新奧爾良燒海鮮燒海鮮包括魚味香濃，入口爽滑鮮嫩，燒過後仍然好juicy的鱈魚!!!! 飲筒走塑既環保鐵飲筒配合到而家環保意識!

今日同幾個幾事一齊黎食LUNCH 氣氛環境都幾好架呢到, 呢到好有英倫風格, 坐位都唔會好迫, 坐得都幾舒服呀! 我地就4個人, 岩岩好一張台. 等左一陣就有位坐 都好快有位. 佢呢到出名係食 all day breakfast 咁我就叫左個Full English 呢個份量比較大 是關我地SHARE食叫多D都冇所謂啦 呢份有三隻蛋, 都有流蛋芯出黎, 都煮得幾好呀！ 同埋腸同薯餅都好好食, 感覺不錯不錯! 除此之外我同事就叫左個FISH & Chips 炸魚都好大好多肉, 肉質都好嫩, 都幾厚身. 呢兩個DISH我都強力推介. 真心唔錯~

終於忙完，所以blue monday也要去chill一chill。因為喺金鐘做完野，所以同朋友搵左呢間同樣喺金鐘既餐廳，加上之前食過尖咀店，都有信心。呢度相對平時去開既PP，都係幾入既位置，近住政總，估計平日下晝會好多人喺呢棟大廈食飯，但平日夜晚就好靜。侍應好好招呼好nice，我地大約八點幾去到，仲問我地咁夜收工啊😆😆都好friendly。我地四個女仔，叫左一個半熟蛋鯷（唔識讀😝）魚意粉，三文魚牛油果烤包，黑松露蛋黃醬薯條，Parma Ham Pizza。大家叫半熟蛋意粉，黎到記得即刻撈，我地掛住食薯條😂😂😂撈嗰時個蛋黃已經熟左！！所以完全唔關餐廳事，係我地掛住食🤣🤣🤣🤣但我覺得本身個汁都好食既，只能想像有埋蛋黃汁會更好味！一大筒薯條配黑松露蛋黃醬+茄汁，雖然平時鍾意食粗薯條，但作為餐前小食，幼身薯條又好似幾易拎住同罪惡感減倍，好似食好多條都唔會爆quota咁😆點黑松露蛋黃醬又係好正！！好好食！Parma Ham Pizza，啲芝士痴實塊板（可能都係我地掛住食薯條既原因😂）同埋塊塊都有parma ham😋個pizza皮焗到有啲脆，加芝士幾夾。三文魚牛油果烤包，細細件咁一手拎住，值得一提

傳統的英式早餐，最開心係款式多，而每樣都可以試下,見到已經令人好開心，食完之後，會令人當日好滿足。食物方面，早餐係standard 的食材。反而，我想講一講塊煙肉，他們用的是正宗英式早餐ham,特點是厚身肉多同少肥膏。而呢到早餐，最主要是enjoy個環境。不過，$128一份早餐，其實一點也不便宜，連drink都冇，真係有D令人失望。因為我個人認為，英式早餐另一個特色係好多嘢飲。餐前的果汁和餐後的咖啡，都是不可或缺的。

早幾個月前喺尖沙咀間分店食過幾好食諗住同朋友慶祝生日嘅時候再食多一次決定揀人流相對比較少啲嘅金鐘分店😎😎😎感覺上金鐘分店更加浪漫😂😂😂叫咗個火焰漢堡配炸魷魚唔單止睇得又食得而且份量都幾多因為我哋都減緊肥嘅關係催芽多個沙律平衡一下有蟹肉喺面頭鋪滿左食落口清新又開胃呢度重點就係食個甜品啦哈熱阻嘅棉花糖底部滿朱古力醬用餅乾粘住嚟食真係食過唔停話就話減肥都着咁好食嘅嘢都係食埋呢一餐再講啦😂😂😂

位於中信大廈嘅bricklane 因為近肥雞公司 所以今次lunch住就決定試下呢一間西餐廳 入到去環境都幾寬敞 裝修都幾特別 有啲單車掛喺個牆身度 咁肥雞呢就揀咗個lunch set包餐湯沙律主菜同埋飲品 湯呢就系薯仔 煙肉 蘑菇湯 個湯本身好杰身 配埋個 提子包點湯食 個湯煮得好好味 煙肉味好出 沙律呢就係蟹肉沙律 真係用蟹肉唔係用蟹柳 呢一點肥雞真係要讚一讚佢 主菜肥雞嗌咗個黑椒汁肉眼扒 雖然肥雞嗌咗五成熟 但係有啲over cooked 但係呢塊肉眼扒係冇揸 幾高水之後整多杯熱奶茶 係一餐好完美嘅午餐

今天老婆生日，選擇了這間比較安靜帶點格調的”Brick Lane”食晚飯，地點離金鐘站5分鐘路程，位於平時少去的中信大廈，平日晚上這個時間都放工了所以人都不多，所以有點遠離煩囂的感覺。來到餐廳還有戶外的位置可以坐，裝潢有特色，燈光氣氛有格調，老婆十分喜歡。現在已經開始做聖誕Set。APPETISERS:巴馬火腿，爽身帶微甜的桃、微酸的橙片，水牛芝士，帶點蜜糖墊底，還有食用花賣相漂亮，味道豐富清新開胃。味道香濃的羅宋湯，當中有Kale, white beans herb croutons, parsley oil，材料多口感味道豐富，配上新鮮的紅霉麵包，蘸上湯一同食用很不錯。MAINS慢煮過果然不同，肉質鎖住之余，肉質腍軟，配上微酸的燒烤醬和roasted passion fruit carrot puree，味道非常之夾。DESSERTSCoffee

本來打算去中環嘅Oolaa同家人慶祝生日，不過諗到要推BB車上中上環附近就真係有啲頭痕。上OpenRice搵左一陣，就見到呢間餐廳，好似幾近金鐘地鐵站，帶埋BB車應該冇問題。餐廳已經換咗聖誕裝飾，成間餐廳嘅佈置都好靚，可能係星期六啦，人並唔多。家人話要食個lazy brunch，All day breakfast同Egg Benedict係必叫items。Brick Lane Combo份蛋有三隻蛋，唔會太生，啱哂小朋友。Smoked Salmon Egg Benedict蛋夠流心，配煙三文魚，正！Fish & Chips薯條熱辣辣，魚柳就無乜味同相對細塊。Burger d牛肉無乜味食完早餐就緊係要嘆番杯咖啡啦。Orange Latte 真係有d橙味，同咖啡味幾㚒，比玫瑰味易入口。家人叫咗hot Chocolate，附送兩粒棉花糖，即刻俾兩個小朋友食埋。餐廳氣氛一流，不過主菜性價比不高，偏貴。午餐時間沒有提供意粉類主菜，亦令小編失望。如果約友人來個coffee break，佢嘅coffee都算唔錯。