BRICK LANE (中信大廈)

营业中

休息中

萬聖節就黎喇，見Brick Lane個halloween menu啲菜式名幾得意，所以就決定試下！呢杯cocktail叫地獄之火-燒棉花糖雞尾酒，聽個名都知有氣勢啦！嗌呢杯野有表演睇架，佢本身個面有好大舊棉花，店員會開個火燒一燒啲香料，然後就將蕃茄汁倒入杯酒，少少甜，有啲西柚味，幾易入口。邪惡南瓜忌廉湯，好綿，好有滿足感，味道帶甜。火焰美國頂級牛肉漢堡，呢個都係halloween menu既菜式，所以都有表演睇！店員送上時會用火槍加啲酒燒下個burger，成個著曬火架，當表演睇都幾開心！味道方面，個牛肉漢堡扒好足料，厚切有口感，side dish配既係魷魚酥，一啲都唔韌，好香口！甜品嗌左木乃伊南瓜撻，高質喎，拎黎平時賣都得！個樣好cute之餘，唔會過甜，食到一絲絲既南瓜，size幾好，唔會食到好濟。除此之外仲嗌左個燒北海道帶子沙律，Brick Lane d salad真係好出色，帶子好大粒，輕輕煎過表面，入面keep住嫩滑，配上芒果粒，牛油果，蕃茄粒，酸酸地，非常開胃。Main course仲嗌左個羊架，非常juicy，唔會過羶羊味，配埋個汁好夾。

一到萬聖節,好多餐廳都會推出萬聖節主題的菜式,有些菜式的賣相甚至乎做得好驚嚇。今晚我揀選的萬聖節菜式驚嚇度就冇啦,反而質素就不錯。餐廳以深色格調為主,牆上掛住白色單車做裝飾,好搶眼。安息吧! 鮮蝦意大利飯菜式上的萬聖節元素就是十字架形狀的翠玉瓜,但吸引我的,反而是黃色的意大利飯。意大利飯用上南瓜去煮,好香甜好creamy,而且飯粒煙韌,好味。當然少不了主角 - 鮮蝦。略煎後的蝦肉好香口,而且彈牙。地獄之火-火焰美國頂級牛肉漢堡賣相有驚喜!睇見侍應將酒精倒出來後, 漢堡突然之間着火,冒起藍色火焰,不過大概燒十幾秒後,酒精發揮左就會熄滅。漢堡份量好大,牛肉扒厚身,牛味重,夾埋其他配料食,正!而配角酥炸魷魚鬚都好香口,又有咬口,比起平時配搭薯條的組合,更覺有新意。即焗酥皮蘋果類似碟形的酥皮超香脆,而中間的蘋果混有Rum酒及玉桂粉,腍腍地又甜甜地,加入少少吉士漿更覺味美。

玩完哈囉喂全日祭，正好以哈囉喂晚餐作結～曾經在Brick Lane吃過午餐，晚餐都是第一次食。喜歡這裡環境舒舒服服，又坐得舒服。聽店員推介，為配合即將來臨的萬聖節，他們更特別推出萬聖節餐單，雖然選擇不多，但一於試試。菠菜藜麥蓮藕芝士沙律先來沙律醒醒胃。蓮藕是脆片，夾着爽嫩的菠菜葉、Feta cheese，好香口，而藜麥更能豐富口感。地獄之火-火焰美國頂級牛肉漢堡起初以為只是一個普通的巨型漢堡，但店員提醒，可相機食先，及稍微遠離枱面。接着他倒出酒精，漢堡隨即冒出藍色火焰，好吸睛。燒後的漢堡帶陣陣酒味，惹人流口水！牛肉超厚，保留相當多的肉汁，而且8成熟左右，所以不會嚡口，配合香郁的芝士、生菜、洋蔥等，味道很讚！另外，值得一讚的是炸魷魚鬚，蘸上薄薄的粉漿去炸，不會成口粉，而且調味得宜，忍不全食完一條又一條。Peach Ocean賣相可愛的Peach Ocean加入桃肉，少少檸檬汁、蜜糖及薑汁汽水，味道不錯，但略嫌偏甜。香蕉太妃除了主菜質素不錯，想不到甜品都令我有驚喜。第一次試香蕉太妃，先解構一下層次。底層是香蕉蛋糕，中間是雪凍的忌廉，上面再有朱古力fudge cake，配上暖拖肥醬。微暖的香

基維百科指，藜麥被視為一種超級食物，流行於全世界，其種子含有必需的胺基酸像離胺酸，和多量的鈣、磷、鐵等。目前藜麥種子已被廣泛使用在菜餚中，但較常見是做沙律，或混合稻米一起煮，以炒藜麥做主食並不常見。上星期去Brick Lane 食午餐，我和朋友看到有炒藜麥，立即選了，另有南瓜湯和田園沙律，加上餐飲，一份很齊全嘅午餐。湯夠熱，沙律新鮮，做到基本水準。到上溫室南瓜炒藜麥，看來份量不算多，但吃下也飽肚，南瓜香甜，配藜麥吃很夾，加上兩片意瓜，色香味齊晒

Bricklane 與Habitu Cafe 類似 都是主打如All Day Breakfast 和意粉之類的輕食 Cafe。今日難得好友得閒，拉伕去金鐘試下。店舖環境不錯，特別處是牆壁上掛了一輛漆成白色的單車，與店子的logo 一致。各式主食大約$100~200左右。『全日早餐』的內容很豐富，較特別的有咸豬手，black pudding 和牛角包。其餘幾樣的味道也不錯。『牧羊人批』是英國道地菜式，炒香的肉醬加薯蓉焗製而成。材料簡單但難做得好食。這裡的算合格。『炸魚薯條』也是耳熟能詳的英國菜。正宗的多選擇用鱈魚，配上魚油鮮炸的薯條。這種格式即使在英國也已買少見少。這裡的薯條新鮮整起味道不錯，魚柳沒什麼雪味，算可接受。『白汁煙肉長通粉』有忌廉香，意粉也有咬口，味道不錯。份量有點小。薄餅餅底酥脆，芝士下得慷慨，是滿足的一道。整體來說，這裡的出品水準穩定，牧羊人批較少見，加上環境不錯，是Brunch 的好選擇。但今次是週末所以大把位，也許平日就座無虛席了。

同友人到金鐘Brick Lane食晚飯，坐下之後，我倆正打算翻餐牌時，侍應跟我們說有幾款菜式是為Halloween 而創，隨即建議我們嘗試火焰漢堡，於是我們要了一客。火焰漢堡來了，侍應也叫我們準備好電話拍照或影片，點火後有點像一般平日的火焰雪山，同樣吸引，絕對吸睛。說回漢堡，頗厚身，可能由於漢堡扒經火燒過，漢堡扒表面有些少燒焦，不過內𥚃的漢堡扒卻沒有影響，多了一份燒烤的味道，外脆內軟，肉汁鎖在裡面，加上本身配在漢堡的番茄、青瓜、生菜，吃到了一個經燒烤的漢堡，很不錯。另外，跟漢堡的不是薯條，反而是炸魷魚酥，份量十足，配上茄汁，相當爽囗。除了主菜外，也點了一份小食及一份薄餅。小食是黑松露蘑菇雞肉鐵鍋班㦸。班㦸放在鐵鍋內加上黑松露蘑菇，很香，外形就像我們平日吃的蛋撻，但巨型版，鐵鍋保持班㦸溫度外，亦令配菜醬汁保持濕度，食每一囗吃班㦸時，都像新鮮出爐一樣，鬆軟可口，雞肉亦嫩滑。薄餅是巴馬火腿火箭菜薄餅，此菜式用上簿身的餅皮配火箭菜、蕃茄及芝士，加上同樣薄身的巴馬火腿，份量剛剛好，每樣配料都沒有搶走另外配料的味道，反而合起來吃到不錯味道。最外甜品點了草莓雪糕蛋白球，最有特色是草莓雪糕是放在一個像

曾經何時，我與情人在這個品牌的尖沙咀分店嘗過班尼迪蛋(Eggs Benedict)，齒頰留香的滋味至今難忘！今日再與情人約會金鐘海傍，又讓我們遇上它……班尼迪蛋依舊精采絶倫，難忘的還有期間限定的萬聖節特餐、酥脆雞翼、釀魷魚…… 雖然距離萬聖節還有兩個禮拜，但碰上餐廳推出節慶menu，相請不如偶遇，情人也說很想試，於是我們點了”地獄之火——火焰美國頂級牛肉漢堡”和”安息吧！鮮蝦意大利飯”~~~ “地獄之火”是一個燃燒著的火漢堡，內夾碎牛肉餅、青瓜、番茄、洋蔥……旁邊還有張牙舞爪的脆魷魚鬚，配搭新鮮取代慣用的薯條，正啊！ “安息吧”有兩個用翠玉瓜切成的十字架，放在一堆貌似墓地的意大利飯上，還有我最愛的大大粒鮮蝦球、茄子，茄汁滲滿飯粒，增添詭異色彩。 煙三文魚班尼迪蛋，塾底放塊英式鬆餅，上面放塊煙三文魚，跟住放隻波蛋，最後淋上荷蘭醬。一貫美味食落滿口蛋漿、滿口蛋香。 6隻酥脆雞翼炸得火喉剛剛好，想辣一點可蘸上辣醬，但其實雞翼本身已經夠惹味。 釀魷魚取了鮮魷的瘦長部分，包裹著豬肉切成小粒去烹調，上碟再淋上特製醬汁，一口一件煙靭有嚼勁。 飲品方面，情人淘氣地點了Child Only，是用士多啤梨

期待已久的萬聖節就到啦, 今晚同男朋友預先慶祝, 因為遲些少餐廳會很難Book到位！男朋友很有heart, 做足功課, 選了位於金鐘主打英國菜的Bricklane 亨用了一頓豐富的萬聖節大餐！！英國菜的重要特色是簡單而有效地使用優質原料, 並盡可能保持其原有的質地和風味！而Bricklane的熱門菜式是"All Day Breakfast" & "Egg Benedict"!到達餐廳給我們舒適輕鬆的感覺, 很適合一班朋友相聚一番！先點選了兩杯無酒精雞尾飲品~"Child Only" & "Blackberry Earl Grey"! Child Only~是一杯冰凍透心涼的沙冰, 入口爆滿水果味, 充滿熱帶風情, 酸酸甜甜, 令我愛不釋手！"Blackberry Earl Grey"甜度十足, 迷幻色彩, 同肉食真是絕配！首先上桌是煙三文魚班尼迪蛋(Egg Benedict )~最底層是英式松餅, 上面布滿波菜同煙三文魚, 再上層有水波蛋, 而最面層有荷蘭式醬汁, 層次感非常豐富, 更帶出多種的味道同豐富的口感, 極富特色, 令人回味無窮！再上桌有酥脆雞翼~雞翼炸得香脆無比, 雞肉肉質

今日放工，屋企人又去哂旅行，所以就叫左個同事一齊去食晚飯啦！眾所週知，金鐘比稱為美食既沙漠，餐廳選擇不太多，大部份都食過哂，中信大廈有間西餐廳成日lunch都見到大排長龍，難得今日近近地見到唔長隊就去食啦！去到我就叫左個set dinner!是日既餐湯係南瓜湯，南瓜味好濃郁，好似食緊成個南瓜，湯都夠哂熱！沙律今日係水牛芝士蕃茄沙律！火箭菜好新鮮又清爽，蕃茄甜甜地 配埋濃味既水牛芝士好match ！主菜叫左德國燒豬手，豬手好大份，外皮好像燒肉咁脆卜卜，入面肉質仍然好嫩滑！下底既薯泥吸哂豬手既肉汁好入味呢！食德國豬手點少得一杯冰凍既啤酒呢，呢個既啤酒麥香味香濃 又夠哂凍！呢度Happy hour 飲酒仲好抵！下次可以同同事再黎！

朋友不太喜愛去Brick Lane，認為食物一般、價錢卻不低，所以飯聚時很少去。那天想不到其他選擇，一起去了很久沒去的Brick Lane 吃午餐。它的午餐套餐一向有一款素食選擇，主餐牌內也有無肉餐點，不吃肉者選餐唔會有問題。今次散叫豆腐漢堡包$88，以餐廳價唔算貴。漢堡扒主要用豆腐和菇菌製造，厚厚的，質地鬆軟不會太實。味道較清淡，加了一點黑椒。配上茄汁，波菜，很美味。另有一籃粗薯條，飽肚，吃不完，外帶了一部分。唔知係咪唔太多人吃包，個包好似等咗一段時間，有點乾。希望下次再吃可吃到新鮮D嘅麵包

今日去天馬公園附近散散心, 去完之後, 就喺附近食餐晚飯 ,就揀咗喺中信大廈裏面食個西餐首先飲咗個龍蝦湯, 龍蝦湯價錢都唔平,109蚊, 但原來真材實料, 好多龍蝦肉喺裏面, 真係啖啖肉,咬口q彈, 龍蝦湯個味道非常之香濃,配搭住龍蝦肉, amazing!之後就食咗個非常之肉質鮮嫩嘅肉眼扒, 肉眼扒非常之大塊, 佢係澳洲嘅安格斯嘅, 大嗰個手掌, 基本上唔需要任何醬汁已經好入味, 牛肉嘅味道香濃, 最緊要係非常之多汁, medium rare已經非常出色, 差不多係無筋咁制, 另外最讚嘅就係佢嘅配菜, 一樣咁JUICY, GRILLED到非常之香, 忍唔住口食曬添, HEHE另外再散叫咗一杯 蘋果汁, 佢加咗青檸, 青檸嘅汁配上蘋果汁原來非常之出色, 好特別, 有種回甘嘅感覺, after taste非常之強

同妹妹去食下午茶。牛油果番茄Benedict 整到啱啱好😋😊一切蛋液流出黎，加埋趣左既包同牛油果番茄，口感很不錯。黑松露野菇天使麵好濃既cheese同松露味道😊服務態度都好好，但呢度既上菜速度對香港既節奏黎廣就有d慢啦，同埋兩碟食物既份量令我地兩個女仔都太飽太飽了。

一直很喜歡Bricklane 皆因食物質素高而且服務及餐廳環境都好平時常光顧銅鑼灣店 金鐘店是第一次喜歡金鐘店在室外有數張高吧台 一班朋友飲飲酒食食煙實在不錯 先推介一下食物每次來我也會叫薯條配黑松露蛋黃醬薯條香脆 不會油 黑松露蛋黃醬香濃極度邪惡實在是餸酒良伴 令我食到欲罷不能再來就是STUFFED SQUID就是在小墨魚裏釀豬肉醬是帶微辣而且夠酸的蕃茄醬墨魚的肉質彈牙 豬肉非常juicy配上醒胃的蕃茄醬 不會太膩HOKKAIDO SCALLOP SALAD帶子輕輕煎熟 保持內裏的鮮味沙律菜伴上黑醋汁、甜度十足的芒果和口感柔軟的牛油果是一碟份量十足的沙律菜CALIFORNIA EGGS BENEDICT 牛油果蕃茄班尼迪蛋吃第一口就跟友人說這個很可以鬆餅底微脆 食落有香濃的小麥味有點鬆化 內裏卻能保持一定的空氣感魚子醬鮮味再配上牛油果和蕃茄 足以令人回味總括就是可以一去再去沒有什麼可以批評的地方 食物高質 價值也是合宜而且位置還蠻便利 金鐘地鐵站行去很近 實在不錯

雖然「BRICK LANE」離公司不遠，但小編竟然一次也沒有試過。是午隨同事造訪享用午飯，整體評價中性。 午市餐牌有六款主菜供選擇，連沙律餐湯餐飲約百六元一份 (未計加一)，在金鐘地段可以接受。 「田園沙律」以胡麻醬提味，未有帶來特別驚喜。「南瓜湯」口味略淡乏甜，只屬一般。「燒豬肋骨」鬆軟口感不俗，醬汁味濃，屬中上評級。伴碟菜以粗薯條為主，略為「走氣」。另建議追加多一點蔬果作伴碟菜以平衡整體口味。「BRICK LANE」作為一間英式西餐廳，菜餚性價比合理。眼見店内另設酒吧，相信也是 Happy Hour 的好去處，期待下次有機會試試。

作為班尼蛋的死忠經常出沒不同餐廳發掘高質素的班尼蛋最近友人告知這裡食物水準不錯於是本人便立馬與友人K前來一試餐廳近門口範圍有數張高吧枱可見外國人已三五成群在HAPPY HOUR店內地下鋪了復古風的花紋磁磚本人被安排的座位附近有一道特色牆掛住代表餐廳LOGO的大單車，很特別GOURMET CHIPS薯條配黑松露蛋黃醬薯條即炸，相當香口配上黑松露味極香濃的黑松露蛋黃醬是卡路里大魔王STUFFED SQUID釀墨魚上枱時熱辣辣,還在冒煙墨魚肉質彈牙，內裡是釀豬肉醬汁是帶辣的新鮮蕃茄汁作為前菜頗開胃HOKKAIDO SCALLOP SALAD燒北海道帶子沙律帶子肉質鮮嫩, 沙律黑醋酸度剛好配上新鮮沙律菜，牛油果及芒果是相當健康及清新的感覺CALIFORNIA EGGS BENEDICT牛油果蕃茄班尼迪蛋英式鬆餅底能夠保持微脆口感而且小麥香味相當濃及突出牛油果和蕃茄原來味道很夾，加上魚子醬的香氣味道足以令本人念念不念PISTACHIO CRUSTED LAMB RACKS焗開心果脆皮羊架羊架肉質很嫩，而且沒有太大羊羶味面層的焗開心果很香很脆和羊肉一起有意想不到的驚喜味道，很不錯總括而言，服務態度