Bubble Tree (已結業)

落街睇下有咩食，見到呢間細細地唔係太起眼嘅餐廳，即管入去試下。地方唔係好大，得9,10張枱到。嗌左呢個白汁煙肉意大利粉，蒜蓉包，熱朱古力。個意粉有得簡扁意粉，普通意粉，菠菜意粉，我就簡左扁意粉，個汁好香，但就太稠，又少少失望，好多煙肉同菇，都幾足料。蒜蓉包好香同脆，而朱古力唔係太甜，好濃朱古力味。整體都唔錯，一定會再黎。

炎熱既街上, 路經呢間不太起眼既小舖，裝修簡約，決定入內一試！枱不算擺放得擠迫,  打開餐牌，都有頗多選擇喎 ！主打係pasta , 亦有流行既全日早餐 ，沙律 😉 pasta 亦可選套餐 ，我揀咗套餐，是日餐湯，忌廉蕃茄湯，蒜蓉包，野菌雞肉忌廉汁意粉，yummy 呀，湯用新鮮蕃茄架，因為我食到蕃茄皮😝,另外值得一讚，就係pasta 都不一樣 , 你可選擇意粉，扁意粉，長通粉或菠菜意粉 👍份量亦剛剛好，不太多，味道yummy 呢，冇味精good 👍，總括而言，用心之作，會再光顧👌

一個人的晚餐，這裡確實是非常適合獨自晚餐的地方。地方雖然細小，但都算坐得舒服。而且Order後不用等太久，食物就上枱啦！餐牌上有很多意粉選擇，可以加錢轉SET,有沙律，蒜蓉包，餐湯及飲品，四選二。今次我就選擇了卡邦尼長通粉，轉Set選擇了蒜蓉包及餐湯。是日餐湯是磨菇忌廉湯，磨菇切到好茸呀！好Creamy!蒜蓉包熱辣辣，好香蒜蓉味，脆身得很！至於個卡邦尼長通粉做得不錯，長通粉軟度剛好，不會太硬身，但又不會軟到爛，吃得實在之餘，還嚐到橄欖油味。再配上咸咸的白汁，粒粒煙肉火腿及磨菇粒，令人很滿足。價錢亦唔算貴，一個SET都係$44，你食碗米線都要咁上下價錢啦！

今晚試下朋友介紹既西餐,一入去原來好似一間快餐店,裝修簡單,只有幾張枱,冷氣唔多夠,所以佢地加左風扇。Set dinner 有4款選擇,2人同時選set dinner, 可以有餐湯,蒜蓉包,三文魚沙律及餐飲。餐湯係西蘭花忌亷湯,味道有點淡及稀的感覺,唔多好飲。但蒜蓉包就好好味,因為麵包有蒜蓉又有焗香,所以幾吸引。跟著來頭盤三文魚沙律就好意外,二人份量一大碟。很大塊煙三文魚加好多芝士粉,及香脆麵包脆粒,新鮮生菜,份外美味。其中一個主菜是帶子香草意粉，濃味的香草汁配大粒帶子,加上炒幼意粉,很惹美。另一個是白汁蝦意粉,這個醬汁很多,白汁混合味道唔錯,但入面菇味唔多出,少左個茹味像差一點點了,但蝦的味都唔錯。這個餐所有飲品都可以選,我們揀了一個凍綠茶latte, 另一個凍杏仁綠茶latte, 頭一杯綠茶味適中,唔係太甜,另一杯有杏仁味,還能將綠茶味更突岀。每人不用$100,價格合宜。唯一是地方太細及空調太弱。

周末起床遲，太座建議在荃灣搵全日早餐食，就找上這店，地點略偏，外表像是外賣飲品的小店，內部可謂無裝飾，最裏面是廚房，舖內只放了幾張方檯供堂食，感覺上似是一間社企，坐下後看過餐牌，就點了一份全日早餐跟薄荷朱古力咖啡和一份沙律餐跟檸檬茶。沙律餐有湯跟，這天是西芹忌廉湯，頗稀嫌味淡，沙律菜尚算新鮮，我們選擇配黑醋汁，味道略為過酸，但燒牛肉尚算不錯，有噬口但又不會韌，加上蛋沙律都做得不錯，口感清香，味道適中。全日早餐，原本是炒蛋，但我要求改為太陽蛋，太陽蛋都算煎得有靈魂，牛仔腸味道一般，入口熱力不足，肉質尚算彈牙，煙肉就實在太乾，入口如同噬木，味道也咸，鬆餅不夠鬆化，口感有點過硬，但果醬就非常美味，令我意外的是那一小杯水果，新鮮做成，全無酸味，十分鮮甜。薄荷朱古力咖啡，外觀上相對太那杯用紙杯上的檸檬茶，已贏了幾條街，就是不知為什麼檸檬茶要用紙杯，而這咖啡就可以做得這麽美，入口不太甜朱古力味濃郁，薄荷味清香，所以來這店貴一點也一定要飲咖啡。

試下屋企樓下間Cafe新推出嘅All Day Breakfast!!! 未食之前已經有杯檸檬紅茶為小妹個胃get start啦！平日係會用紙杯方便客人食完拎走野飲，但因為All Day Breakfast 係要慢慢歎，所以佢地特別為客人轉左用玻璃杯，希望客人可以慢慢享受。好啦！一於睇下依個All Day Breakfast 有D咩野食！WoW！好豐富呀！除咗飲品之外，有1,2,3,4,5,6...6種不同食物呀！分別就係牛仔腸，鮮奶炒蛋，煙肉，鮮果沙律，風乾火腿沙律，英式鬆餅配鮮忌廉及士多啤梨果占。真係好多野食呀！等小妹一一為你介紹～～首先由小妹最愛嘅牛仔腸先。牛仔腸煎得剛剛好，好香口，而且味道唔會太濃太咸，亦唔多油好適合膩，早餐食好適合。而個英式鬆餅配鮮忌廉及士多啤梨果占，鬆餅好濃香蛋味，但如果口感再鬆一點會更好，而個士多啤梨果占好讚，因為少少酸加上適中甜味，Good！鮮忌廉上面有少少Chocolate粉，如果可以再多一D就更好。到咗鮮奶炒蛋同煙肉，鮮奶炒蛋就OK，味道唔太咸，但小妹就覺得比較老身少少，因為小妹真係好鍾意食好生嘅炒蛋。煙肉有少少脆口，煎得幾香口。 到鮮果沙律，風乾火腿

沒有供樓亦沒有養車，更沒有化骨龍在手、但我就沒有用此作為藉口大喝大食健康每每是我搵食中最大門鈴，好多時點菜時我都會評估一下該餐幸福指數後我要伴上多少價值．．．這間Bubble Tree其實早於一、兩月前已發現，由於開飯網遲遲未有更新所以吃畢也早已忘記，今次再訪絕大多謝開飯網之提醒這條街人流不多，但就幸好有條專線輔助在旁、不至孤單無助店子分為外賣與堂食，可稱得上西式快餐店大部份亦已套餐形式供應，價錢亦算大眾化．．跟餐方面，我揀上綠茶latte(附加$5.)濃郁得帶得苦澀，絕級慷慨之綠茶味、加上沙糖才能給予中和但如果你是綠茶控者，這杯green tea latte絕對滿足到你要求 套餐上可選擇湯、蒜蓉餐包、或像我一樣沙律沙律用上黑醋汁調配，面層放上簡單菠蘿、青瓜及蕃茄片各一健康之餘味道清新主角我就選用了吞拿魚法意大利軟包包身烘得頗脆口，很是喜歡．．再加上混和了吞拿魚醬、加入青瓜、蕃茄等配搭得宜，雖然都是大路味道、但已這個價錢，配上合格分數、個人認為抵食