Bugis@叻沙・海南雞飯

营业中

休息中

今日食左個好正既午餐，所以一定要寫食評激讚一下！上到D2 Place 三樓，果然好多人排隊，侍應生同我講話介唔介意坐出面有85折！Sure!!麻辣海南雞飯配凍珍珠豆漿上菜之時已經覺得賣相吸引，忍唔住飲左幾啖湯先比相機食，住湯家般清甜全部都係我鍾意食既部位，雞肉好正呀新鮮嫩滑，我連雞皮都食埋，點埋麻辣醬更是無敵，係感覺潔淨既麻辣味再來啜一口珍珠，好煙軔，係大粒珍珠，啜完一啖想繼續啜豆漿不太甜，好健康呀美中不足係，呢個雖然係油飯，但唔够油

這天下班過後，與朋友一同前往荔枝角的商場內逛街，商場出名是現在的新地標，逛街後，我們找了一間店舖進餐。 餐廳主打的，就是海南雞飯，也就是新加坡馬來西亞等地的名菜。裝潢方面，以簡約為主，配搭人性化的設計，使整個進餐過程更為順利。食物方面，我點算了的就是海南雞飯。 雞味香濃，可口，香滑，肉質口感極佳。 配搭自家製的雞油飯，味道更為香濃，飯帶淡淡的油香，吃起來更為優越。如果一個人來吃，我相信性價比更高，全因為更有一人前選擇，由前菜到主吃，一條龍供應。

餐廳名字：Bugis📍荔枝角長義街9號D2 Place 1期3樓305號舖重點： 出色海南雞*******Kay gor 收工就係附近食野啦都未試過係D2 Place 搵食行關依間似馬來西亞菜立即想試下海南雞飯/ 麻辣海南雞飯👍🏻👍🏻👍🏻👍🏻👍🏻雞份量都幾多,都幾新鮮唔會有雪味, 最重要係唔肥食落口好滑又真係幾好食啦！配三款醬料，麻辣餐跟麻辣醬雞油飯都幾香, 又唔會太油唔錯阿👍🏻跟餐配冬瓜湯又跟飲品👍🏻👍🏻👍🏻芝士榴連波波（加配＋15)👍🏻👍🏻👍🏻👍🏻👍🏻榴連味超濃似流心芝士超勁香，超推介食阿恐龍美祿👍🏻👍🏻👍🏻👍🏻超級濃郁美祿味，仲有棉花糖整體餐廳氣氛幾開心，坐得好舒適，會再黎食多次個海南雞飯Kay Gor 推介食物 👍🏻👍🏻👍🏻👍🏻環境 👍🏻👍🏻👍🏻👍🏻👍🏻服務 👍🏻👍🏻👍🏻👍🏻價錢 👍🏻👍🏻👍🏻👍🏻👍🏻備注👍🏻5粒代表最推介———#kayGorfoodie #foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforli

好味無骨海南雞今天和朋友一齊去食這間餐廳，地點很方便，很近地鐵站荔枝角站。餐廳裝修顏色令人精神，坐得都舒適。我地叫了兩個餐，都是新加坡經典系列。新加坡無骨海南雞飯配中湯，海鮮喇沙摻摻，馬拉盞通菜。無骨海南雞飯配中湯這個中湯沒有味精，無骨雞的份量很多，非常滑，附送三個醬給我點。海鮮喇沙每種食材有2件，青口，魚蛋，豆卜，雞蛋，蝦🦐，餸多。湯的辣度剛剛好，唔食得辣的朋友仔也非常適合，份量也算大份。馬拉盞通菜，份量好夠，也好惹野。兩個餐連的，鮮蝦薯絲卷及沙嗲豬頸肉串燒。飲品叫了2杯黑糖珍珠豆漿，不用加錢，不喜歡太甜的朋友可以叫少甜。整體來說，價錢地點食物質素非常平靚正，下次一定會再去。不過這個商場收得比較早，10點就關門了。

呢個星期日黎咗D2 place，都好一段日子無黎到，成個場好似旺咗啲！ 左揀右揀，揀咗呢間，其實之前都食過，無咩特別㗎，不過見都有嘢啱食，又有個叫做好坐少少嘅位，就走咗入去！叫咗一個麵，一個飯！ 我個南乳雞翼干撈麵到先，嘩！無心理準備之下，多咗隻蛋！味道正常，雞翼都有南乳味，細細隻我倆最鐘意，54蚊有埋杯飲品都算係咁😁女友個茄汁紅飯配豬扒蛋都到喇，噢！一上枱，失望！塊豬扒咁嘅色，白雪雪😣  一睇就唔好味 feel 😑  好彩食落都還可。。。飯味正常，但整體黎講都係好一般😐p.s. 唔好意思，整完隻蛋先記得影相😝因為怕生蛋，但又忘了叫要熟蛋，所以一到就就要埋咗佢落去飯到🙈餐包飲品，我仲揀咗黑糖珍珠豆漿添，意外地好飲，不太甜添😋

新加坡讓人又愛又恨，喜歡她的美食，卻討厭其炎熱的天氣，其實香港要品嚐到新加坡美食唔難。今晚我同女女專程去到D2 place 的 bugis 食新加坡菜。黎到一定要點招牌菜海南雞飯，無骨雞肉真係好滑，配油飯真係正，好香好好味，連嘴刁既女女都清曬成碟肉。套餐跟小食，選擇了沙爹雞串，唔太辣沙爹醬足夠。加錢叫左個通菜，連沙煲上桌，鑊氣夠。另外加個肉骨茶，呢餐新加坡餐更圓滿，裡面個條排骨唔會太乾。女女點的恐龍美祿超級濃郁，面頭有些棉花糖，小朋友最喜歡。我就飲生薑龍眼茶，夠健康袪寒。呢度佈置色彩繽紛，氣氛幾開心，坐得舒適，好想再黎食多次海南雞飯，因為我本身是海南雞飯控🤣🤣。

放工後黎左呢間食，第一次黎食，經過就聞到好香叻沙味，不過因為只得海鮮揀，所以就冇試，我地試左咖哩雞冈埋海南雞餐，連小食，drinkdrink方面冇乜特別，正正常常海南雞有三款醬，雞都好滑，好好味咖哩雞都好香椰汁味，不過等左超過20分鐘先上咖哩雞全部係雞搥，有6隻，仲有4件左右薯仔同菜雞搥唔太入味，不過自己點多d汁都幾好味小食我要左雞串燒，比較乾，味道一般其實總括黎講，D2 呢度食算ok, 不過唔係我會encore嘅店

D2商場餐廳唔多，本身諗唔到食乜，行行下見到呢間食新加坡菜既餐廳，價錢相宜，就入去試下啦。選擇非常多，一人一鍋既打邊爐都有，套餐都有好多，由一人自選餐到四人餐都有。新加坡無骨海南雞飯雞肉皮爽肉滑，唔會有雪味，個飯都做得幾好，香而不膩，煮得剛剛好。生牛肉叻沙讚岐烏冬叻沙湯底好惹味，有椰香又唔會太油膩，配埋好滑既烏冬，好好食。除左生牛肉之外，仲有其他配料，份量十足。酸辣鳳爪鳳爪大大隻啖啖肉，爽脆夠凍又美味，再配埋佢個泰式辣汁，開胃惹味！香茅豬頸肉串燒豬頸肉厚身Juicy，燒得剛剛好，火喉十足。馬拉盞炒通菜即炒，一放低吱吱聲，炒得唔錯。野飲叫左桔仔特飲同黑糖珍珠豆漿桔仔特飲清新唔會太酸，黑糖珍珠豆漿就一般般，都係配奶茶會夾d

是日同朋友到荔枝角D2 place 1期的「Bugis @叻沙.海南雞飯」食一餐正宗新加坡風味美食， 雖然餐廳裝修比較簡約，但座位都算舒適，而且選擇繁多，食客都不少。點餐是自己寫好在餐紙上後，走到櫃檯付款便會有職員送上食物，非常簡單方便。朋友點一個新加坡經典系列，必吃新加坡無骨海南雞飯，配上小食新加坡香煎魚餅，他愛飲黑糖珍珠豆漿是套餐上的免費飲品，價錢為港幣$96。而我就點了熱石鍋小菜的星州椰汁咖喱雞飯，小食配了惹味沙爹雞肉串燒，飲品也是不用加錢就可飲到生薑龍眼茶，$108套餐價，算是合理。味道方面，海南雞飯的份量剛好，雞肉嫩滑，雞皮薄身也很爽脆。星州椰汁咖喱很香濃，用熱石鍋保持食物的熱度，用咖喱汁撈飯相當惹味，雞肉也很多，水準不錯。小食算不過不失，香煎魚餅的確香口， 沙爹雞肉串，肉腍夠入味。飲品值得一讚，大大杯夠份量，我大愛生薑龍眼茶，辛辣中帶甜香，至於黑糖珍珠豆漿，有豆漿很夾黑糖，珍珠有咬口，贊!

夜晚去到D2 place行下搵嘢食，見到呢間餐廳又多人，裝修又靚， 好有星馬風情，就入去試下，好彩七點半左右就到，如果遲咗就要等位Menu好多選擇又抵食，除咗set dinner之外仲有火鍋套餐。叫咗一個set dinner 六寶喇沙摻慘，送生菜連飲品， 六寶喇沙同一般喇沙唔同， 配料有豬踭、金沙骨等等， 我第一啖試咗豬踭， 食咗第一舊之後雙眼發光因為真係好好食，要用好甜嚟形容 再試下個湯底，超級香 餐牌嗰度寫有一隻辣椒，初頭怕好辣， 飲落係香多個辣， 啱曬我怕辣嘅人諗緊食咩嗰陣，初初沒有頭緒，但見到鄰桌叫了火鍋， 非常之吸引，所以就跟住叫咗一個火鍋， 餐廳職員說是日雞冇貨，所以叫了牛肉， 88蚊一個火鍋套餐，份量之大，其實一個餐可以夠兩個人食， 配料下面係摻摻，湯底試了肉骨茶， 肉骨茶比較淡一啲，藥味不太濃跟餐還點了一個海鮮春巻，強烈推薦大家試一試，春卷外層是香脆炸麵條， 內層是香軟的蝦肉，外脆內軟，口感分明 set dinner 送餐飲， 初頭以為都係普通咖啡或茶， 但原來餐飲都有驚喜 我們分別叫了生薑龍眼茶和黑糖珍珠豆漿， 生薑龍眼茶重薑味唔太甜，黑糖珍珠豆漿有很香的黑糖味，甜度

荔枝角D2商場行街見到有間食叻沙同海南雞剛巧是我和朋友最愛，當然去食個晚餐先，這裡餐牌有晚餐和主餐牌，最後我和朋友選擇叫一個晚餐，一個飯和小食，最後因為份太多都有點吃不完。套餐六寶叻沙摻摻原來都幾豐富，入面有不同的鹵水如金沙骨軟身又口感，蛋入味，豬踭，仲有最愛的白魚蛋好彈牙和入味的豆卜，麵有二種所以叫摻摻，米粉好入味而油麵都好有口感，湯底濃郁又惹味，好鮮又吾咸，份量仲要十分多。仲送一個生菜都不少和加錢轉了芒果沙冰，味道好清甜而且仲有不少芒果肉在上面好吸引，另一個小食鮮蝦薯絲卷，我和朋友都讚好，吾油身又食到薯仔味同蝦又爽口，不用沾醬都好味道。最後是新加坡海南雞飯，雞幾嫩滑而飯煮得剛好味道又夠有驚喜而且十分抵食。

特登嚟D2 place 買傢俬，真係攰到一個點😅就在這商場晚飯吧😌這間 bugis 特別多人，就來個海南雞飯吧😂😂裝飾挺有星馬風味，有肉骨茶，叻沙麵等....選好就先購食物，店員送過來👍👍一人餐最吸引，有小食，主食，飲品，也可以用優惠價加小食海南雞好嫩滑唷😍😍三色醬汁調得恰到處，油飯出色👍👍夠乾身，沒有任何油，可見大廚功架跟餐➕了肉骨茶，夠地道，香濃鮮甜😍😍老公就點了新加坡小魚椰漿飯 配 巴東牛肉 辣辣地 挺滋味😆😆😆飲品方面也不錯，挺特別的！簡簡單單的晚餐，有驚喜！喎又多一個飯堂😂

D2 place 係一個年青人好去處，入面有好多店鋪都可以俾年青人打卡，但無奈食肆價格昂貴同味道不好，於是小編行左好耐，終於搵到間食新加坡美食既餐廳 —BUGIS 。首先介紹一下環境，這店地方不大，只佔一個小角落，坐椅像快餐店一樣，沒有什麼特別。其次是食物，今次同朋友一齊食左幾個菜式，有新加坡無骨海南雞飯，這海南雞飯味道不錯，雞肉嫩滑，飯是雞油飯，好香好好食，還有一些湯讓我們食飯既時候不太乾，小編推介大家試。另外，有肉骨茶，這肉骨茶，味道濃厚，材料亦很多，配上白飯亦很好食，還有馬拉盞通菜，味道亦不錯。最後是價格，雖然價錢不算便宜，但在D2 Place 內都算合理，加上佢係自己去收銀點餐，之後由店員送上，所以感覺有點像快餐店。整體而言，這間餐廳食物質素是好的，價錢亦合理，環境亦可以接受的，喜愛快餐店既人可以試一試

睇餐廳名就知係新加坡菜, 嗰日有啲趕,同收銀員講了自己要求，確定了有足夠時間享用食物至落單(呢間雖然係餐廳, 但要先比錢後品嚐). *收銀員小姐有禮餐廳有室內室外,見室內已有1檯食客,當日由於太趕,隨意喺室內一張檯坐下.不久,我的海南雞飯送到,有碗青紅蘿蔔湯, 三款醬汁(豉油,酸辣汁,薑蓉),飯,同雞跟酸菜(伴菜). 雞的味道沒有特別,通常點醬汁,覺得會好味啲. 飯肯定不是白飯,但見顏色同其他食店的有些少唔同,唔確定係咩油飯,味道都OK,稍為覺得油香唔夠. 食完仲有時間慢慢去目的地。

同事last day 想黎li 度食最後的午餐黎li 度食飯要早d 到一過左1230 排隊排左半個鐘1點 有d set 都已經賣曬媽媽牛腩河粉有85折coupon $66牛腩: 辣椒香不辣 肉質鬆化好香 花生香脆好味生薑龍眼冰 my favorite 微辣 而多龍眼肉