Bugis@叻沙・海南雞飯

营业中

休息中

三個人叫左兩個自選一人行餐，小食+主菜+飲品小食叫左 酸辣鳳爪同沙嗲雞肉串燒沙嗲汁個味道唔太濃，仲可以帶出雞肉既味道酸味同辣味比例岩岩好主菜就叫左海南雞飯同海鮮喇沙摻摻另外加左左江魚仔炒芽菜肉質尚算夠滑，個油飯個味就淡左少少個湯底夠濃味，海鮮既份量又足夠飲品就咸檸七、恐龍美褖、阿華田恐龍美褖，搭卡一流

去D2搵好嘢食！同同事兩個人每人叫咗一個lunch 馬拉豬頸肉喇沙滲滲🍜好奇想睇吓咩叫滲滲 原來係指油麵加米粉 個人比較鍾意油麵 口感彈牙啲 米粉就可以吸湯 喇沙湯底濃郁 椰漿味濃 個人覺得可以辣多少少🤤成碗喇沙好多餸 除咗豬頸肉 仲有雞蛋 魚蛋 豆卜 豬頸肉炭燒感唔重 都唔夠嫩滑 😕印尼炒飯 用石頭鍋上 有誠意 🤟熱辣辣仲可以整到飯焦 賣相睇落好豐富 味道方面 雞肉串沙嗲汁惹味 炒飯偏鹹 有幾隻甜辣醬炒蝦 同樣太重味 成碗飯食完就好口渴😿欣賞佢嘅飲品 叫咗斑蘭薏米水 感覺滋潤 另外仲有羅漢果茶 都幾有特色

同前同事係荔枝角個頭食飯，平時都比較少上到D2 place一期3樓食野。見到有間食叻沙嘅餐廳，啱晒鍾意食濃味食物嘅我。午市套餐雖然唔算平好多，但為免麻煩都係叫套餐。-鮮蝦乾撈麵 $72一碗裡面有齊蝦、煎蛋、豆卜、同雞翼，份量其實唔算好多，但對我而言都夠飽。加上呢個套餐仲會跟一碗湯，味道都算清甜嘅，飲多兩啖都飽飽地。個人幾鍾意撈麵嘅味道，夠鹹香，唔會出現有啲麵無醬汁嘅情況。-黑糖珍珠豆漿第一次試加咗黑糖珍珠嘅豆漿，感覺都幾新鮮。本身仲驚會有伏，但原來呢個配搭都幾正。撈勻後豆漿有淡淡嘅黑糖香，好特別，珍珠都頗煙韌。

先此聲明，恐怖故事，但全部屬實。今日生病，請了病假打算休息，下午便和家人到這𥚃吃個午飯。如常點了例牌的麻辣海南雞飯和馬拉盞炒通菜，生病也不忘重口味。飯一到，一啖食件雞先，如常好味。第二啖，件雞咬咬下，嘴角有d痕，順手抹嘴，眼尾見到手背有節白色野，好似粒飯，但重點係佢識郁，係條不折不扣既caterpillar，即是🐛。最驚爬蟲類，但講緊既係我差d食左，或者已經食左佢個family，我即刻崩左個大潰。叫個店員阿姐來，佢好認真咁同我地分析🐛應該係喺件雞上面塊莞荽度黎。下，認真咩。🤯Er，講真我無興趣知佢本身住係邊，重點係 "咁你都無理由比條🐛我食呀嘛"。好快，阿姐就收左我枱上面既食物，重退埋錢比我。我無嬲，好平靜，只係咩胃口都無晒，唔知呢個童年陰影會持續幾耐，然後夜晚見到碗飯都想嘔。睇返上年自己寫對呢間餐廳既好評，到今日再寫，只係唔希望有下一個受害人。我講到好似幾好笑咁，嚴肅d講，衛生係一間食肆既最低門檻，其他都係次要。食材有問題，客人發現後，你無認真處理同交代，倒左就算，咁下一個客人呢？我好失望。失望到懶到十年無打食評既我都要打返篇同大家講。

11 Nov 2019 男朋友專登放晏就陪我食lunch ，真係呢比佢激鬼死。咁我地就去左荔枝角D2 place 誤打誤撞之下見到間食喇沙既！O!M!G! 我認我係鐘意食粉麵既，特別鐘情喇沙，同埋晏就時份邊得黎食到咁多野，食個粉麵就最perfect 啦！我地一人一粉麵，一人一杯drinks 佢食干撈 + 豆漿，我食湯粉 + 羅漢果水，味道幾惹味，無論係干撈定湯麵都ok wo!!!! 麵質爽口彈牙，配料有淡椰香既味道。好滋味。再加埋我地坐outside 天台吹風曬太陽，雖然係星期一，但唔講唔知我仲估去左旅行💫

今日下晝同三個朋友一起去D2搵嘢食，路過見到呢間喇沙馬來西亞餐廳，就入去試吓。我哋四個人叫咗一個下午茶餐三個午餐，先叫咗個海鮮喇沙湯麵，咖喱牛腩椰漿飯，巴東牛肉椰漿飯，最後叫咗個海南雞喇沙湯麵。午餐份量都比較大，先講海鮮喇沙湯麵，比較多料，滿滿的，因這個是茶餐，比較細碗，個湯比都入味。我就比較鍾意巴東牛肉椰漿飯，因為個牛肉味道同個汁比較惹味，送飯一流。至於個咖喱牛腩椰漿飯，咖喱唔算辣，但比較惹味，可以送一碗飯。最後是海南雞喇沙湯麵，個份量比較大，海南雞比較正常，沒有太驚喜，但係份量比較多，適合男士。四個人食咗$248，每人60幾蚊。服務一般。（牛肉椰漿飯冇影到，太肚餓掛住食。）

[🇭🇰香港- 荔枝角].🔻係openrice見到有好多好評話佢哋嘅”新加坡無骨海南雞飯”好出色就嚟一試, 但就冇乜雞味同油飯偏乾, 質素只係一般同大部分嘅連鎖店差唔多🤔.🔻🍽 Bugis@叻沙・海南雞飯📌 地址: 荔枝角長義街9號D2 Place 1期3樓305號舖.#tummysready #tummysreadytoeat #tummysreadyinhongkong #tummysreadyatlaichikok #tummysreadyforsingaporean #tummysreadyforsoutheastasian

係呢附近聽完講座即刻搵地方醫肚先因為係D2 PLACE有間餅店係我次次黎荔枝角都必食既，所以就決定係D2 PLACE呢度解決埋午餐啦D2 PLACE既三樓主要商戶都係餐廳，部份餐廳仲有戶外座位，不過今日好似有少少熱Bugis@叻沙・海南雞飯我就未試過，而其他餐廳我就興趣不大，所以就決定試下Bugis@叻沙・海南雞飯食物都有好多選擇，有海南雞飯、湯麵、撈麵同埋唔同既客飯一向我都好鐘意食海南雞，佢呢度仲有得揀配油飯定叻沙，最後就揀左海南雞叻沙再加一份小食棒棒脆蝦餐飲就揀左桔仔特飲(凍)海南雞叻沙份量比想像中多叻沙好大碗~配料有一隻滷水蛋、幾粒豆卜同埋白魚蛋滷水蛋滷得好入味，豆卜就當然有發揮佢既作用好好咁吸收哂D湯啦白魚蛋估唔到又幾爽口同彈牙，幾好食喎湯頭好濃郁，帶有香濃椰汁味道，唔會太稀身所以啲麵掛湯得好成功，的確係幾好味海南雞有大約十件，伴碟酸菜從來唔係我會食既野，所以不作評論伴上既醬料有三款，分別係黑醬油 / 辣醬 / 薑蓉雞件肉質超嫩超滑!!一啲都唔鞋口!!好耐都無係香港食過咁正既海南雞....好感動!!雞皮爽滑唔肥膩，點邊款醬料都咁夾不過首推就係點辣醬同薑蓉~好香好惹味黑醬油就麻麻

是日係D2 Place行左市集，完左係果度食埋晚餐啱好。因為天氣都涼涼地，所以我地揀左室外既座位，涼風陣陣幾舒服。香茅豬頸肉串燒 （跟餐）唔錯，豬頸肉都幾爽口新加坡小魚椰漿飯 配 巴東牛肉哩個唔係我點既， 試左少少，我覺得中規中矩。牛肉算係小辣程度，都係瘦既牛肉，食落稍嫌有D乾。星馬火鍋- 什錦海鮮盆都幾豐富，有兩隻青口，三隻蝦。蝦已經熟左，稍微淥下就食得，估唔到好爽口，又幾好。然後有有三四粒魚丸，一塊鯪魚肉餅，幾個豆卜同牛肉（紐西蘭生牛肉）摻摻（油麵、米粉）兩種麵，我鐘意米粉多d ，不過有得揀總是好的南洋肉骨茶本身我揀咗叻沙湯底，但我行開咗下，湯就上咗，翻來已經滾埋，就無叫換了。聞上去肉骨茶味好濃，食落又唔太入到味，所以整體係味道淡少少。黑糖珍珠豆漿羅漢果水 l

今日朋友放工要到荔枝角工業中心攞姊妹裙，陪佢去攞姊妹裙，攞完之後大約8點 我們見到附近有商場D1 place ，咁我們去呢係個商場睇下有咩好食，行左一個圈，見到呢間餐廳食新加坡野，人流不算太，座位都坐得好舒服，同朋友決定食海南雞飯配小食鮮蝦薯絲卷、海鮮喇沙滲滲，甜酸鳳爪，仲叫左兩杯野飲，一杯是青檸梳打，一杯是焦糖咖啡魔冰，整體餐廳我們覺得不錯 不過唯獨一樣是朋友食到大約9點左右，服務員唔知是不是趕收工，我地未食完佢同我講佢地就黎關門，搞到我同朋友好急咁飲同食得好趕呀，。海南雞 都算大份同埋都比較滑，最驚喜係海鮮喇沙滲滲、我同朋友都覺得個湯底好好味，甜酸鳳爪，都好入味

首先我到達店鋪留意到坐在露台有85折，向職員詢問落單，一名叫呀芳既女大媽態度差，彷彿係明知室內有位唔想你坐外面拎折！然後同佢點餐，知道叫某飲品要加六蚊後，我選擇叫另一種飲品，佢係我面前掉牌！最離譜係呢個叫呀芳既同事竟然最後照計加我六蚊！呃唔呃錢自己諗啦！好彩我即時計覺得奇怪78蚊既餐85折竟然收的72？之後我即刻同佢理論，佢態度十分差咁幫我改返，呢個服務同計多人錢既行為，自己諗幫唔幫襯啦！我就一定無下次！

新加坡菜系列🍜呢間新加坡菜位於荔枝角D2 one入面，平日都好多人食，呢間既海南雞好好食，隻雞好嫩，肉質超滑，今次叫左個喇沙麻辣海南雞拉麵，呢個餐好足料，碗麵本身已經有好多配料，有魚蛋、滷水蛋、豆卜，湯底好濃郁，好好味😋 海南雞配上特製麻辣醬超正🤤🤤真係食到流晒口水！野飲方面有得叫咸青檸水，呢杯係越南飲過，好好飲，好開胃🥰另外餐廳有分室內同室外兩個位置，室外食可享85折！！雖然冇冷氣但有大風扇，坐落又別有一番風味😂😂

同朋友路過荔枝角 見肚餓 嘆個下午茶先 第一次嚟 眼見已經好吸引 即刻試啖湯先 好好味呀 香茅豬頸肉叻沙摻摻 超足料 食到底都仲有好多豬頸肉 超正海鮮叻沙摻摻 湯底濃郁 又香又好味 配料同樣好足 下午茶餐都好夠飽 青口 蝦 魚蛋 樣樣都好好味 連湯都飲晒 有麵食又有喇沙湯飲 熱飲仲係送的 👍🏻👍🏻👍🏻👍🏻👍🏻仲有仲有⋯麵底好特別 有兩款撈埋一齊架 口感特別 米粉+油麵（好似係油麵） 如果成碗都係米粉就仲啱我口味依度海南雞好出名 下次一定要嚟試埋🐔🍚

首先和他餐牌上面的相片是完全不同的，但這個賣相美麗很多。入面有兩串雞肉串燒，三隻蝦，太陽蛋，兩片蝦片和最重要的印尼炒飯。味道是不錯的，可惜他餐牌上有辣的食物，在名字旁邊是有辣椒圖案的，但印尼炒飯沒有。當一個不喜歡食辣的人，當她看見這個餐牌會有什麼想法，印尼炒飯是不辣的。我跟服務員說為什麼這個印尼炒飯是辣的，有大大粒辣椒。他跟我說印尼炒飯是有辣的。那為什麼你沒有辣椒圖案在你的餐牌上。他沒有理會我。整體味道是不錯的，沙嗲汁也足夠，雞肉串燒就像攞貨回來的味道沒有什麼特別。三隻蝦也算不上不新鮮，但三隻蝦的蝦殼有些是完全沒有蝦殼除咗尾部，究竟係有清理或是沒有。

搵食搵到去D2place。聽朋友講D2place開左好多食市，就專程過去睇下啦。搵到呢間專賣新加坡美食的店舖Bugis，主打海南雞飯、肉骨茶和叻沙等星洲美食。一於就試試這店的招牌海南雞飯 吧！套餐有齊油飯、清湯及醬料(薑茸、辣椒醬，但沒有黑豉油)。雞件去了骨，有厚厚的雞皮，非常滑溜，雞味普通，此外，雞油飯則偏向較硬身，香味尚可以。以$68茶餐廳價一客來說，這客飯水準是很值的。