Burger Land (已結業)

on my list好耐了，因為附近開了另一間漢堡包店，同朋友討論開荃灣漢堡包店，佢話佢講到burger就話一定係呢間最好食～咁緊要？try try先。星期六晚餐時間，等咗大約十五分鐘就有枱。睇到餐牌，中等價錢，咁就點一個漢堡包set，朋友點了另一單點再加蛋。我個個先到，薯條係美國粗薯，熱辣辣（基本啦～），到主角，一咬落去，咦！好軟嘅漢堡包～包好似豬仔包咁軟，對於好憎食硬包嘅我非常驚喜！跟住片肉，都唔係硬身，有肉味，成件事好鬆軟好香，岩曬我！朋友個個估佢唔到係加隻流心蛋！因為佢expect係某快餐店個隻包同蛋款，佢話估佢唔到係咁。好香好味，但漏蛋黃個下好冇儀態～去dating 記得唔好加蛋，嘩哈哈！

上次黎係九月嗰陣嗰次我食既黑豚菠蘿burger 實在好食個水果茶都真係覺得好好飲 所以今次係刻意帶朋友過黎要佢食我上次食既野一到就行到餐廳最入 最入既枱坐左人店員示意隔離張枱唔夠1.5米唔坐得！！！ 我平時食啲餐廳隔塊板就算係少有有生意唔做 都係睇疫情為上既舖頭(⊙_⊙)上次黎係夜晚 今次去係星期六既lunch 有set跟就係79/89蚊 有個包 有杯野飲 有份沙律或薯條因為我唔食牛 所以叫左魚上次係薯條 咁我今次就嗌沙律唔知點解會預先諗左佢係黑醋所以上到枱有啲震驚( ´▽｀)係好多好多既芝麻醬其實都係夾同好食既 賣相同一般Caesar salad差唔多車厘茄 生菜 芝士粉 青瓜一開始食落都幾fresh 但食到底因為啲汁沉哂底所以好鹹(⊙_⊙)可能我中意食偏淡既野食多少少魚柳冇諗過咬開係滑同多汁係平時fish and chips 嗰種魚柳即係就算唔夾包都係好食做到主角嗰種但美中不足係冇乜芝士後來睇返menu發現lunch set係真係比晚餐少左芝士兩個字至於朋友話 係好食 但係唔屬於濃味嗰種唔係行美式嗰種 如果一心想食完係濃濃醬汁肉味喺口腔停留嗯。。。就應該會同預期有個明顯落差最後齒頰

假日中午，睡至日上三竿。興之所至，好想食burger 😂上openrice尋覓了一會兒，發現這間人氣burger shop好評如潮，躍躍欲試。抵達這小店時，已近中午兩時多，可能因為時間不早了，所以排隊的人不多，等了十分鐘左右就有位了。店內的座位不多，不過裝修還算可以，就是一般小店的模樣。先生order了Lunch set 牛肉芝士漢堡，而我則點了Seasonal special 香芒手打蝦堡。一口咬下去，蝦堡配上芒果和芥末汁，味道十分夾十分滋味！配上生菜青瓜，青青爽爽的。總之很有驚喜！包是烘過的軟身包，軟硬度適中。我點的粗薯條賣相不錯，味道普通。反而薯格很值得推薦！先生也很滿意他的牛肉堡漢，牛肉汁配上半溶芝士，正！至於旁邊的水果茶，就不值一提了。，普普通通。味道真的不錯，會再光顧😉 只希望如果正常午餐時間來不用排長龍～價錢就是一般burger shop的價錢～但地點方便（街坊呀嘛）～

是夜轉涼，每每經過路德圍總有想一試此店的念頭，每次都留下次，今晚終於來了。地點不算一線，定價也算進取。雙層牛肉要比單層的多付$30，很好奇有多值此價。但今晚不想太飽，單點一個牛肉漢堡就好。其實他的定價接近了市區店。坐下點餐不到十分鐘就到了，賣相有點小家。包身微暖，無乜點翻熱，包的切面無煎過又無烘過。還好包身軟熟，有麥香。所謂芝士不是原片芝士，是馬蘇里拉芝士醬，沒什麼味道。所謂煙肉，靚貨真煙肉，可惜得半塊 未免小家。所謂牛肉，首先有點小，本來包子也不大，但牛肉更小，相信也就130克左右，比麥當勞安格斯相近。出奇地味道也相似，牛肉味是有的，也不乾鞋，但基本上是機製，而且是全熟出品，否則不可能這麼快上枱。墊底的是沙律菜和蕃茄。整體而言，一次就夠的漢堡包。各種情況未如理想，$69一個單品漢堡，未免太不值了。

近日才發現這間小店，網上見12點開門，剛巧在附近便去光顧。不知是因剛剛開工還是職員本身服務問題，通知職員本人是一位堂食後，見職員面色即時一變。店內的枱比較少，但當時冇客人都被安排坐到店最尾一張枱子，職員還要行來行去後巷或員工室，感覺好滋擾，建議大家光顧這店必須外賣。至於食物方便，薯條即炸即上枱，非常脆口，越食越感覺到熱氣，但感覺沒有薯仔味道，只可說是炸物一舊。 漢堡不太juicy 但用料新鮮，加上軟身包皮，都幾特別。套餐份量算正常，本人食量偏少，感覺剛剛好，對於大食的朋友可能不足夠。

今日放工同男朋友諗住行下荃灣食下野突然想食個burger 上網搵下去邊間好就搵到呢間burger land去到門口等咗兩分鐘左右就埋位 店員服務態度超好 疫情期間坐低就即刻附上濕紙巾抹手意想不到之處係圖片睇落平平無奇但係食落食物質素拍得住一d名牌burger店

之前黎過幾次撞門釘 竟然lunch食到喎Lunch menu 平過dinner好多食物質素黎講 erm 試一次就夠·🍔美國豚肉菠蘿漢堡$73 加芝士$10 包小食+飲品🍔唯一會讚嘅位係個漢堡包好鬆軟 麵粉好香 亦帶甜味🙊主角豚肉略嫌太韌 亦缺乏調味/醬汁😕感覺係將啲材料放埋一齊就算$10芝士都白加了😢.🍔牛肉芝士漢堡 包小食+飲品 $73🍔朋友食完都話無乜特別牛肉都唔特別好食不停話同區另一黃店 「轉角見」好食好多😂.路德圍好多黃店店主要加油🤧

好多時會12點就去，半個鐘內都坐滿埋格離。宜家大左肚，店員見到都好貼心咁提啲burger有生菜同蕃茄。老公落單時，店員仲問清楚我係食咩，有無野要走😗 不過我食fish and chips所以無問題🥰會想食burger land，因為薯條真係好好食，之前會闊身扁新啲，仲正。不過宜家就正常size 都好好食😏 外脆內軟！個黑松露醬仲真係超好點咖👍🏿👍🏿 其實我哋叫咗勁多樣野食，樣樣都即整，正呀！上菜其間都會同我地講雞亦要等多一陣間好多野都好好食，軟殼蟹都好正，不過唔食得好好呀，你地要加油💪🏿

Happy Friday🥳今日同朋友一齊去荃灣搵食😋今次決定試吓<burger land>，我哋8點15分開始排隊，大概40分鐘有得入去坐，等咗10分鐘有burger食啦🤣建議大家早少少去排隊等咗咁耐都幾餓，所以對呢個burger都有啲期待，點知......我食呢個係雙層芝士牛肉漢堡($99)，加薯條同飲品就係Combo A($32)個包係幾好味，但塊肉比我想像中細，呢個秘製汁食落去好有時新嘅味道要讚佢塊生菜好靚好新鮮😂😂😂如果平少少會覺得合理啲

可能太耐冇黎呢頭以前黎呢道 無論係呢一間定隔離間印度野或者再隔離既冰室都會有一堆人企喺道排隊今非昔比 都係歸咎於個斷唔到尾既疫情唉。。。。 第一次行入舖頭 原來位置好少 一個L型只有三四張二人枱員工都友好既 我手上都只有一個袋都叫我可以放後面既枱咁炸炸淋落完單就望下周圍其實真係比較窄一邊係牆 另一邊係半面鏡 但都無助將空間變大牆痴滿左報紙 其實我幾欣賞( ´▽｀) 完全幫到餐廳慳裝修咁當然前提係報紙下面如果真係水泥牆而且其實都冇啲汁彈哂上報紙既情況濕左同污糟左 撕出嚟再貼就好另外其實都睇得出有刻意唔用中文報紙的確burger 唔係中式嘅嘢黎既( ´▽｀)有睇多幾眼 唔係全部都係英文所以都係會有睇唔明既狀況唔係等左好耐 就黎左份吉烈蠔本身想食seasonal special 既蠔burger但又怕唔夾 又夾一咬啲汁飛出嚟會好熱所以就叫左兩個burger加份蠔蠔好食既係( ´▽｀) 真係會好熱咬落去都有少少腥不過如果受唔到可以食少少沙律醬都係夾既都幾肯定係即炸 外表睇上去都算係金黃油應該都算乾淨既之後我個菠蘿豬包就到啦好食啊！ 應該都係用罐頭菠蘿但有烘過 所以就更加juicy啲豬都帶少少汁

今日同女朋友去荃灣食嘢，唔知有咩好食，突然好想食漢堡包，就諗起路德圍附近有間漢堡包，之前要排隊去食，所以就行過去望吓。去到嗰度前面有兩個人等緊位，無耐佢哋就入咗去，我同女朋友等多5分鐘左右都有入去，裏面都幾有裝飾都幾特別，主要用舊報紙同埋木製而成。睇咗個Menu，好多漢堡包都好吸引，叫左個貝羅菇黑松露芝士漢堡（$89），配薯條+熱水果茶（+$32），同埋香芒手打蝦漢堡（$89），配薯條+生啤（細）（+$60）貝羅菇黑松露芝士漢堡配薯條+熱水果茶，個漢堡好多汁，好正，上面呢張有少少Wasabi味，配知菇味道好夾，薯條又好粗、好長、好香口。水果茶就一般，可能因為係熱飲，所以有少少奇怪，女朋友話有為維多C味。香芒手打蝦漢堡配薯條+生啤（細），個蝦漢堡都好好食，中間好多蝦，配埋芒果個感覺好新鮮。生啤雖然細，但係都夠飲，同埋味道唔錯，少少苦味，但唔會好難入口。整體上雖然價錢貴左少少，但係值得一試。另外，員工態度好好，好細心，我哋有包茄汁開唔到，店員一望到，即刻拎另一包來，仲要幫我地開埋，值得一讚。

其實呢一間漢堡包店我已經食過三四次，每一次食都覺得保持到質素,服務我唔知好唔好,因為每一次我都係叫外賣自取,餐廳裏面實在太細，寧願買返屋企食我隔一排又會好想食呢一間漢堡包店！我覺得呢一間嘅漢堡包嘅麵包皮係佢嘅最主要吸引我嘅地方,佢嘅麵包皮同外面一般漢堡包嘅麵包皮好唔同,包皮好軟身但又好好味,餡料方面其實都新鮮好食！但可能因為疫情關係太多人叫外賣,漢堡包裏面嘅配菜餐廳職員同我講冇蕃茄,菜唔夠，叫我轉青瓜及洋蔥，另外薯條冇晒叫我轉薯格，雖然乜都轉左，不過唔影響個包本身嘅味道🤤

今日天氣十分炎熱，行過見到無人排隊，望入去得3個人等食，又唔係無位吖眼見起碼可以坐多4個人，入舖頭落order，佢哋叫我係出面等等，一等就十分鐘，曬足十分鐘後忍唔住入去問佢地究竟仲要等幾耐？佢哋就立即幫我落單，跟住安排入坐，我估佢哋忘記有客係出面等，我就被曬足十分鐘。若果好食等多陣都好吖，又可能被晒咗一段時間而影響味覺，而的而且確出品唔係十分出色囉，漢堡扒唔嫩又唔多汁，件包又凍冰冰咁，簡簡單單per heat 塊包皮都唔做。總結係食物普通，用HK$89食一個咁嘅combo, 我會選擇去老麥無咁嬲，最差係待客之道，幾忙都好，對客不尊重，客人亦下會尊重你。

經過荃灣，又想食吓burger，就嚟咗呢間burger land，其實之前都成日經過，但冇試過，今次就試吓！叫咗classic burger combo同fish filet burger combo！啲burger即叫即做，超正，朋友食classic，我食fish filet仲有隻流心蛋，真心好食！配麻汽水就一流！下次我都會再食，唔好再食m記啦！😂之前嘅文宣，今日之後好多都只可留係心中，但希望大家唔好放棄！

荃灣海壩街的轉角位有間人氣漢堡店，店面雖少座位不多，因此每次經過都大排長龍，難得早前人龍不算太長所以終於能夠一嚐Burger Land的手工漢堡，所有餐點新鮮製作不在話下，漢堡肉超多肉汁好Juicy，期間限定的手打蝦堡更是彈牙又美味，與連鎖快餐店的真的完全是兩碼子的事，層次完全不同。在我吃過Burger Land的漢堡後，也能體會到為何這是一間長期需要排隊的人氣熱店了。漢堡的價錢屬中等價位水平，不過選用的食材都是優質的，像牛會選用安格斯牛，這是一款非常適合製成漢堡扒的牛肉，濃厚的味道和豐富的肉汁，如果不吃牛亦有雞扒、龍利柳及毒食的貝羅菇黑松露芝士漢堡選擇，另外亦有一些定期更換的期間限定款式，種類選擇很多元化。香芒手打蝦漢堡 HK$89這是Regular Menu上面沒有的期間限定香芒手打蝦漢堡，光看名字就知道一定好吃。漢堡包稍為烘過後仍能保持鬆軟，手打蝦堡非常彈牙，炸得香脆但卻不太油，搭配新鮮切粒的芒果肉，能中和炸物的油膩感。另外還加了一個Combo，包括一杯飲品及一份薯條，不得不提這裡的粗薯條比一般常吃的更要粗，即點即炸薯味香濃，吃的時候要注意燙手。貝羅菇雙重芝士牛肉漢堡 HK$89