Burgeroom (美麗華廣場1期) (已結業)

餐廳以美國街頭工業風作為裝潢主調 環境寬敞舒服 漢堡份量十足 賣相非常吸睛😋🍔黑松露芝士大烤菇煙肉牛肉漢堡 $130牛肉厚度十足肉味濃 煎得焦香 跟菇菇一樣非常juicy 煙肉不會太乾身 黑松露醬很香濃 跟hl有材料非常搭配😋🍔牛油果醬芝士雞柳漢堡 $100雞扒煎得非常焦香 保持到肉質嫩滑 生菜爽脆蕃茄鮮甜 麵包鬆軟 牛油果醬中和了肉的膩感 配搭蜜蜂芥末醬 整體層次及味道很豐富 套餐+$35 包薯條及餐飲😋🍟薯條粗薯連帶薯皮 薯味十分香濃又香脆🍹蜜桃冰茶甜度剛好 蜜桃味突出☕️香濃熱朱古力朱古力味非常香濃 入口幼滑

喺美麗華商場一期嘅2樓，原來沿着廁所方向行入去仲有一個小角落，平時都冇乜為意。入邊有幾間餐廳同幾間買鞋服飾嘅舖頭。鄭伊健發現有一間burger店，見佢裝修非常有美式風味，所以一於入去試吓佢嘅食物。價錢同其他burger店差唔多，都係$100左右一個，但呢度嘅份量相對地就比較大。叫咗一個黑松露大啡菇芝士牛肉漢堡，非常足料，麵包中間夾住牛肉漢堡扒，芝士，蕃茄，生菜，煙肉，同大啡菇。一個人淨係食個包就已經好飽。漢堡扒煎至九成熟，所以口感唔會太乾柴，而且牛肉味道香濃。黑松露醬都好香，令到成個包嘅味道升咗一個層次。另外仲叫咗牛油果醬芝士薯條，芝士落得毫不手軟，非常之多，而且薯條係粗身，唔會炸得好乾好硬。

Burgeroom 一直都係我心入面好食既burger頭幾名，今日dinner去食，水準都係到。叫左個芝士煙肉牛肉漢堡，好大個，最鐘意係佢會有幫手切一半分2邊，真係方便好多! 中間夾層都見到D肉汁流出黎，好juicy，個牛一D都唔乾，入面個醬又唔會膩，中間有燶邊既煙肉，芝士，蕃茄，生菜呢D，個包仲有D牛油香，一啖食落去係勁滿足。另外，食左個牛油果雞柳漢堡，牛油果醬好fresh，所以食完都唔會話好油膩感重，雞柳好香，我個人鐘意呢個配搭多D! 因為比較輕盈。叫左佢地既直薯條，本身諗住都係正正常常，但又幾有誠意，應該係即炸，一食落口勁熱，而且唔係番油再炸既味，同埋係粗著，夠曬口感。呢間真係可以一直encore!!

Burgeroom 裝修環境舒適，地理位置優越，非常適合gathering 或者happy hour☺️今日和朋友黎食lunch，叫了二個lunch set，Portobello Cheese Burger(Combo)& Portobello Hoki Fish Burger 連薯條及梳打。我自己嗰份炸魚burger，魚塊炸粉十分薄、魚肉厚身又好實淨，唔會因為份魚肉厚而竹簽一拮落去時就散開，證明佢本身嘅quality都十分之好，我覺得就算拆開食，唔當係一個漢堡包嘅餡，單獨一份Fish & chips都係十分高質!Burgeroom個包好厚身好fluffy，咬落去十分之有層次。朋友嗰個大蘑菇牛肉漢堡包，牛肉很好味，吃落口時不單Juicy 而且吃得出肉一粒粒，而唔係完全的切碎的免治肉嘅感覺食了幾次burgeroom 水準都是穏定發揮！

🧡💛🧡熔岩芝士漢堡🧀️芝士令人快樂！😆前排經過Burgeroom，留意到佢哋有熔岩芝士嘅漢堡包，作為芝士控又點可以錯過呢？💛熔岩芝士牛肉漢堡💛 $140熔岩芝士包裹住成個漢堡，芝味濃郁🧀令人食慾大增！依度嘅漢堡包都可以追加配料，🍍我就加咗菠蘿同埋牛油果醬！🍔咬落去 有juicy嘅牛肉漢堡，加埋追加配料，🥑味道更豐富！🤎熱榛子鮮奶咖啡🤎 $40估唔到熱飲都幾大杯，香甜嘅榛子令成杯鮮奶咖啡更易入口，🌰仲好順滑添！☕️💚奇異果汁💚 $38夏天想開胃就要揀啲酸酸甜甜嘅果汁，消暑解渴都好適合！其實Burgeroom仲有好多好多burger🤣配搭層出不窮😛下次試其他先！😆BTW記得save post，方便向店員查詢有關漢堡啦❣️📍Burgeroom📍尖沙咀彌敦道132號美麗華廣場一期2 樓 207 號舖

同女兒去尖沙咀shopping,之後佢帶咗我去美麗華廣場食漢堡包。Burgeroom是一間主打美式漢堡的餐廳，裝潢以工業風為主調，場內佈滿車呔、霓虹燈和塗鴉等裝飾，設計時尚，環境寬敞舒適。主打漢堡包，款式除了肉類和海鮮之外，更有素食系列，照顧不同客人需要。菠蘿鱈魚柳漢堡：上枱時漢堡包已經一分為二，方便客人進食，芝麻麵包稍為烘過，表面微脆內裡鬆軟，漢堡用料豐富，厚厚的鱈魚柳外脆內軟，魚肉雪白嫩滑，炸到好香脆，菠蘿輕輕烤過，香噴噴酸酸甜甜的，另有新鮮生菜和蕃茄中和油膩。菠蘿燒烤醬雞柳漢堡：甜甜酸酸的菠蘿 ，配上厚身又大塊的即煎的雞扒，加入燒烤汁，層次感豐富又惹味！香脆雞塊配芝士醬：香脆雞塊即叫即炸，每塊都沾滿金黃色芝士醬，啖啖都感受到香脆與濃滑之雙重口感，美味程度立即昇華！

今日又食Burger🍔 我發覺漢堡都係我最喜愛的食物其中之一，呢間漢堡餐廳用工業風裝修風格，都好靚同潮架。兩個女仔點左幾樣野食，食得好飽🤰🏻鵝肝芝士牛肉漢堡$168又係揀左我最愛既鵝肝， 又係真鵝肝，好香好肥😋牛肉質地鮮嫩多汁，有芝士🧀️就重口味少少🤏🏻 整體上都好味。牛肉漢堡$ 80經典既漢堡味道純正，牛肉煎得岩岩好，都係好多汁，搭配新鮮的蔬菜和蕃茄，食落鮮美，是一款經典而實惠既選擇。芝士醬配雞塊$70雞塊炸得酥脆，外皮脆雞肉嫩滑配埋芝士醬，又邪惡又好味😋奇異果汁$38係用新鮮奇異果🥝搾汁，微酸味道清爽又健康，感覺揀得幾好👍🏻滋味漢堡·Burgeroom有多款漢堡選擇，店鋪工業風裝修風格坐得舒服，如果你同我都係一樣-漢堡愛好者，可以試吓呢度啲漢堡。呢度除咗漢堡包，仲有姜濤代言嘅啤酒🍻滋味漢堡·Burgeroom (尖沙咀)📍尖沙咀彌敦道132號美麗華廣場一期2 樓 207 號舖

見到個名叫做Burgeroom ，以為整漢堡包好出色，俾個名吸引入去..叫咗個最基本$80牛肉漢堡，張相見到芝士都冇一塊，就咁睇麥X X D料仲好過佢，個包就係最基本麥X X big mac 嗰個包，之後個汁就係普通嘅千島醬汁，一塊生菜，半塊蕃茄，啲料真係比較少，嗰塊牛肉扒仲要係散嘅…薯條加$35正正常，新鮮熱辣炸，外皮香脆，都算幾好食蜜桃紅茶38 $，正常發揮加埋一$169，服務都係OK嘅，但係佢個名叫做Burgeroom，啲Burger就一啲都唔OK，價錢中高，同 five gxxs ,差唔多價錢，但係質素就爭好遠…. 如果佢唔係主打食漢堡包，淨係普通茶餐廳或者係西餐我都接受到咁嘅質素，但係如果主打係食漢堡包🍔，咁我只可以話佢個漢堡包質素仲有好大嘅改善空間…

📍尖沙咀同朋友行街，喺美麗華行到肚餓，見到有鵝肝漢堡，即刻衝入去😆。夜晚都幾多人，見到全場都坐滿。兩個女仔食唔到太多嘢，就嗌咗一個漢堡包，一個小食，一個薯條share。$168 🍔鵝肝雞柳漢堡一定要試吓鵝肝，平時出邊多數都係普通漢堡包，呢度可以揀鵝肝。咬入口，鵝肝嗰個香味爆出嚟，雞扒都好大塊，大滿足。$70 🍗香脆雞塊配芝士醬(6pcs）芝士醬好濃郁，有啲似高級版嘅麥樂雞，雞肉都唔會嚡熠熠。$35 🍟旋風薯條喺扭扭薯條啊！炸到外脆內嫩，食到停唔到口。$38 🍹蜜桃梳打朋友嗌咗杯梳打走冰，但都好夠凍，配漢堡包一流。$38 🍸茘枝冰茶食熱氣嘢，配返杯冰茶，感覺好似中和啲，又香荔枝味。

今日嘅午餐，我選擇咗尖沙咀美麗華Burgeroom！Burgeroom店面好闊落買任何餐就可以加$35加購薯條同埋飲品入面嘅座位好闊落，坐得好舒服餐牌，有牛肉類、素肉類、海鮮類、雞鴨類，好多選擇最後掃code點餐，點左帶子漢堡加酸瓜，另一個餐係軟殼蟹漢堡套餐，有薯條配咗熱伯爵紅茶。Wow！軟殼蟹漢堡成隻手掌咁高，入面隻軟殼蟹好大隻，炸得金黃鬆脆，隻蟹食得出好新鮮，佢啲手手腳腳都突晒出嚟，個包包唔住😂由於太大件，所以我都係拆件食，一啖包一啖軟殼蟹，我覺得佢個沙律醬都好好味，酸酸地，配埋生菜蕃茄好Mix and match！薯條同朋友share食，炸得好脆，蕃茄醬都比市面上嘅酸，我好鍾意佢個蕃茄醬🥫！另一個餐係帶子漢堡，帶子有四粒，都幾好味呢個包，帶子肉好鮮嫩！值得一提嘅係，佢呢個包嘅醬汁都係好吸引，好滋味嘅！熱伯爵紅茶，都ok！

記得對上一次食burgeroom好似已經係五六年前😆我仲記得個陣係銅鑼灣食個陣覺得佢啲burger 超好味🤩適逢今晚去開尖沙咀做facial 自己一條友去左食burger😙😙佢個餐牌同以前一樣 都係超多野㨂🥳作為天坪座嘅我 真係好難㨂😆最後㨂左鵝肝雞柳漢堡 再加菠蘿🍍仲有蜜味辣雞翼 同 菠蘿冰茶（無錯我真係好鐘意菠蘿😆）雞翼一上枱個陣熱辣辣外脆內軟， 雞肉滑溜多汁，好味～佢唔算好辣所以就算唔係好食得辣嘅人都應該無問題！個burger 實在太大😂係一個一手掌握唔到嘅burger🤣唔拆開都唔知點食😝鵝肝比較膩，但連同菠蘿一齊食可以中和左油膩嘅感覺💕菠蘿嘅甜味襯托住香醇濃郁嘅鵝肝🥹令成個burger提升左一個層次🫡實在太耐無食burgeroom！差啲忘記左佢嘅好🥹下次要再食！

蜜味辣雞翼，雞翼本身大小隻隻都差唔多。外層脆卜卜有少少甜，好有蜜糖味，內層肉質相當入味雞肉肉質又夠滑。馬蘇里拉芝士條，外脆內暖，芝士咬落去能夠拉到一絲一絲好有驚喜。入面有6條好夠分。香脆魚柳蛋漢堡，份量相當大，麵包夠鬆軟。魚柳肉質都幾厚幾滑，外脆相當鬆脆，芝士好濃味好易溶。我地2個人叫左一份漢堡包，加幾款小食都夠晒飽。鮮奶抹茶，黎到杯野係微溫較容易入口。鮮奶比例較重，飲到一半先發現原來好足料，個底有好多抹茶粉，混合後抹茶味較濃口感更佳。蜜桃冰茶，出霍天氣咁熱，朋友就叫左冰茶。黎到冰涼透心解渴一流。

專食漢堡既店，氣氛同環境都好好，可以靜靜地CHILL 下超多特色既burger 可以簡🍴芝士蛋牛肉漢堡佢用既蛋唔係流心蛋，係炒蛋，口感比較厚實，手打牛肉都煎得香脆，裡面多汁。芝士融化喺牛肉上面，帶嚟濃郁嘅奶味，令漢堡變得柔軟，醬汁都好夠，唔會乾身🍴鵝肝鱈魚柳漢堡鵝肝經過烹調之後，散發出好濃郁嘅鵝肝香氣，有好豐富嘅口感同埋好滑嘅質地。鱈魚柳炸至金黃酥脆，有魚肉嘅鮮美味道，鵝肝同鱈魚柳意外地夾，超滋味🍴蜜味辣雞翼雞翼炸至金黃色嘅外皮，裡面嘅肉質鮮嫩多汁。蜜糖令雞翼帶有甜味，同時又帶有辣味，甜味同辣味相互平衡🍴凍濃香朱古力可以自選奶既份量同甜度，朱古力帶有少少醇香，甜度都岩岩好，唔會過甜

Burgeroom (尖沙咀)📍尖沙咀彌敦道132號美麗華廣場一期2 樓 207 號舖特量芝士牛肉漢堡套餐（$150）套餐+$30加配有特量芝士牛肉漢堡🧀🧀 配直薯條 +飲品芝士十分之多！ 十分既邪惡得來 配新鮮蕃茄生菜🥬 食到後面都吾會覺太流 好好食！墨西哥辣椒芝士牛肉漢堡（$98）墨西哥辣椒吾會話太辣 係青辣椒 🫑同芝士配搭十分之match 而且份量都算幾大 好抵食菠蘿煙肉牛肉漢堡（$98）牛肉好juice 配煙肉既鹹 配埋菠蘿既甜 🍍令到成個包既口感昇華左 十分之豐富😋大烤菇鱈魚柳漢堡🐟🐟 （$118）魚柳十分之大塊脆口 🍄大烤菇超有口感 再加埋啲醬汁 吾存在會食到好口乾既問題旋風薯條（$35）味道好鬆脆 份量好多 好抵食！🍽️🍽️🍽️🍽️🍽️🍽️🍽️🍽️🍽️🍽️🍽️好味程度：5/5抵食：3/5環境：3/5另一分店地址：📍銅鑼灣百德新街50-56號Fashion Walk食街地下D號舖

食完日本菜吾夠飽，男朋友提議食依間burger餐廳，而且又有得飲酒🍻。依家16:00前啤酒$45杯，18:00後$60杯。我哋叫咗一枝紅酒，一杯日本啤酒加一個芝士burger🤤