Butterfly Patisserie

营业中

休息中

屋企都book唔到下午茶，今次唯有外賣自取，攞完外賣去咗西九龍文化區度野餐，鹹點老老實實就一般㗎啦，點點做預咗好食嘅，個盒都值回票價，好靚！下午茶比一般嘅貴，但二人份量四個人一定夠飽，

•STRAWBERRY MILLE FEUILLE🎂超級香脆既酥皮個皮超級新鮮製作 好香口夾埋Vanilla Cream 同士多啤梨一齊食🍓亦都唔會太漏 非常滿意成個cake 都好好味🤎♥️

真係聞名不如試食，今日過黎尖沙咀既rosewood 試下網上推薦最好食既拿破倫，佢個入口都幾隱蔽，都花左啲時間先搵到，入到去竟見到幾個餅櫃裝住啲好精緻既蛋糕，但竟然唔見我想買既拿破倫，真係個心離一離，細問店員先知道話要等十分鐘左右先送到上黎買左兩件黎試，一試真係傾心，佢個脆餅係壓成波浪型，啲Cream 超滑好香，有淡淡既雲呢娜味，脆餅亦好脆，最抵讚既係因為個脆餅係波浪型既設計同埋係打直放，所以食既時候係好方便，亦都唔會話食到散開哂，天一半地一半咁，真係第一次食咁高質既拿破倫絕對係令我對拿破倫改觀同愛上左

1/1上網訂位3⃣️月平日去，等足三個月終於可以再食多一次朱古力餐車甜品餐車都比當年開業小左好多水準依然keep 得好好明白現在生意難做嘅我今次最愛拿破崙，士多啤梨蛋糕唔甜今次post 埋開業D相

女孩子都是抗拒不了甜品吧！Butterfly Room有幾難book相信大家都知，的確場地不大，很容易便滿座。幸好，酒店推出了外賣下午茶，讓我們可以在家中享受精美的食品。由於想在過年期間享用，蜜桃小丸子預訂了特別的新年版本，增添喜慶嘻嘻～賣相已經無得輸，因為年節關係，盒子採用了紅色，而不是平日的白色，很細心。淨係個盒其實都已經重重地，好實正，唔怕會撞壞甜品。一打開個個都嘩嘩聲，分了兩層，第一層左邊是咸甜，另一邊是scone。下一層是大大個的甜品。餐廳附上clotted cream和果醬，當然還有兩包茶包。果醬完全無用到，因為搽cream已經好正。茶包是出名的牌子，有Earl grey同English breakfast tea，質量不錯。咸點有青瓜三文治、黑松露牛肉三文治、三文魚三文治同豆豆tart。估唔到最好味最驚喜居然係豆豆，表面平平無奇，甚至一開始唔想理佢，但食落去勁香，好似有黑松露味，甚至濃郁過件三文治。其他質素都好好，麪包唔會太乾身，每件食落去都有種令人覺得幾辛苦做嘢就係為咗食好嘢嘅感覺。甜品有以下幾款。招牌嘅拿破倫唔使講，脆而不膩，食幾件都仲得，亦唔會一食就散到周圍都係。其

瑰麗酒店高水準雅緻英式下午茶🌹受歡迎到起碼要一個月前預訂架！😮而家仲推出左外賣自取👏🏻令一眾吃貨都為之瘋狂呀！🤩 Butterfly Patisserie Afternoon Tea Set 🧁($688)▫️4款鹹點三文治🥪▪️4款甜點🍮▫️2件拿破崙🍰▪️4件英式鬆餅🥧 (新鮮果醬和奶油忌廉)▫️2款TWG茶包☕️ (Earl Grey & English Breakfast Tea） 黑松露碎蛋全麥三文治非常足料😍足足有兩片黑松露滋味無窮！😋魚子醬三文魚配上法式酸奶油🍣口感層次迅間昇華👏🏻 英式鬆餅散發濃厚牛油香🧈入口鬆軟且與奶油忌廉互相輝映🥞果然不愧為全港最受歡迎的tea set之一！❤️ 被評為全港最岀色拿破崙！😍作為吃貨嘅你又食過未呢？😏Rosewood旗下的Butterfly Patisserie🌹由美國半島酒店總廚主理👨🏻‍🍳拿破崙酥皮獨特呈波浪狀🥐就算貴都真係要試下先得呀！😛 Tahitian Vanilla Mille Feuille🥞雲呢拿拿破崙 ($68)無數層波浪狀拿破崙酥皮疊壓著😊酥香鬆化。酥脆可口😋酥皮薄且脆身。入口即碎散發陣陣濃厚牛油香🧈層次分明確實屬佳

要farewell朋友，所以特登揀咗呢一間名氣極高嘅下午茶Teaset 試吓，程序非常簡單，只要上網打餐廳名，咁入去揀外賣二人下午茶套餐，就得，承惠698。先講講佢嘅外貌，我覺得外賣盒十分高檔，有兩層，打橫開，一次過可以看晒所有食物。因疫情關係，先後試過幾間頂級酒店嘅外賣下午茶。有四季酒店嘅下午茶，grand Hyatt 及依間。先試一試佢嘅鬆餅，味道ok,就是果醬沒有太大特色，提供了士多啤梨味及橘子. 本人覺得四季酒店嘅鬆餅或半島的較好味，Cream cheese及玫瑰果醬勝一籌。鹹點：青瓜蟹肉卷，三文魚三文治，生牛肉黑松露三文治及青豆松露撻。這四款鹹點配搭高檔，味道也好好味，足料，各具特色。甜品：一打開盒子，看見有六件蛋糕，基本上佢喺餐廳蛋糕櫃，攞咗六件嘅蛋糕出嚟。如果每件$78咁計，依6件蛋糕都值$480！所以性價比十分之高。睇吓你係唔係好鍾意食甜點，基本上一人食一件都太飽啦，因為份量實在太大。當我哋食到第二第三件嘅時候，更好味嘅嘢都變得太甜好脷啦。我哋首先試咗佢嘅享負勝銘嘅千層蛋糕，老實講唔明白點解咁多人話好好味。我都係一個Millie feuille嘅愛好者，食盡唔同地方嘅千

—之前聽友人講幾經辛苦先訂到afternoon tea整個體驗唔錯 甜點同鹹點都有水準Tahitian Vanilla Mille Feuille // 大溪地雲呢拿千層酥($78)3點去到 啱啱有批放入櫃返到屋企個酥皮仲係好酥脆鬆化切開唔會散晒 帶點焦糖嘅香甜忌廉幾挺身綿滑 淡淡雲呢拿味食完完全唔覺甜膩 物有所值——————————————————————Butterfly Patisserie尖沙咀梳士巴利道18號香港瑰麗酒店2樓

聽聞BUTTERFLY PATISSERIE出品的拿破崙是全港數一數二的好味😋👍，所以前來一試我們沒有訂位，所以takeaway 回家慢慢品嚐酥皮做得好實在，表面嗰層塗上一層焦糖，令到酥皮更香脆，焦糖味好香！內層個cream我估係用上法國牛油、奶油及vanilla籽做成，質感似食軟身牛油，vanilla味沒有搶走酥皮焦糖味！成件事好似食緊酥皮夾法式奶油！我建議配英式茶食，不要配咖啡！一食就知係用上靚食材做，$78件！呢啲高難度嘅甜品都係比錢食算啦！鬼識整咩！

因為k dollar 的關係，也是未試過新世界酒店的西餅，一定要試試。商場十分講究，很有聖誕氣氛。不童真，感覺很有個性。酒店2樓人們正在high tea，很有情調。職員見你埋櫃枱，已不用你等，便立即上前招待。又不厭其煩換來換去。蛋糕方面，不可說是每件也很好吃，但很用心製作，是大人，或者是有品味的人的口味。多加入酒，每一件外表也美輪美奐。值得一試。

疫情下暫停晚市，💍結婚周年想訂個蛋糕慶祝下。四圍餅店都忙住出聖誕蛋糕，已經好多都唔接單😞，朋友推介Rosewood拿破崙，於是睇中左方形一大個果款，打算訂之際，竟然發左Afternoon Tea外賣set! 😍見到set入面有2件standard size原味拿破崙，加上有scones、咸點同其他甜點，於是3日前就係官網落order，非常之方便，最後取餅時間係7點前，岩哂放工去拎，當埋晚餐😋😋。一去到見到Butterfly Patisserie成個佈置好靚，加上真聖誕松樹佈置，陣陣香氣，如果堂食一定更有feel!🎄我order時remark左是anniversary, 店員好貼心預備左個朱古力牌，推介給慶祝生日紀念日的你，不吃蛋糕同樣有儀式感！🥰另外抵讚既係tea set個盒，精心設計到不得了！！一層層趟開既感覺，不比傳統3層架遜色！（唔捨得掉呢！）睇返之前的post, 原來個包裝之前唔係咁既，可能因為咁，亦比之前個價錢貴左少少。不過值得的，蛋糕食物keep得好好，返到屋企同係餅店見到時係一樣！👍🏻總括來講，雖然是外賣，仍然有很好的體驗。期待下次堂食再感受現場氣氛～

重點推介🔔Tahitian Vanilla Mille Feuille 一向都知道Rosewood嘅拿破侖好出名同好好食之前睇左個專訪前四季糕餅主廚都投佢為No.1去過Rosewood好幾次但都未有機會試😣今日收工終於的起心肝去買嚟食☺️果然冇令我失望🤩酥皮好鬆脆！每塊酥皮有145層！成舊拿破崙即係有435層！聽到個數字都覺得功夫十足💯酥皮焗得啱啱好唔會太過淺色都唔會太過深色仲有好似粟米曲髮夾嘅坑紋非常特別！雲呢拿吉士口感好滑☺️仲會見到一粒粒嘅雲呢拿籽味道啱啱好 唔會過甜 非常滋味👍🏻每食一啖都變左炎柱咁不自覺地講「うまい！」😆⚠️ 比較貴 @$78⚠️ 乾冰另收$5

Rosewood Hotel 的Butterfly Room 下午茶出名難book, 現在佢地個餅房出了「Afternoon Tea Set」外賣，忍唔住要試下早在網上訂購，預約了pick up 日期同時間，職員打開個華麗的盒了，一看，真係「嘩！」佐一聲，好靚呵當中已包括2個Plain scone 同2個Raisin Scone; 4款8件迷你三文治；2件signature 的千層酥；4件特選蛋糕（蛋糕係正常貨裝，唔係迷你版架）；仲有兩個Tea WG 茶包。返到屋企，當現要砌靚佢影相呃Like 啦Scone 我鍾意食熱辣辣，所以放佐入微波爐叮左45秒。亦有配埋「奶油忌廉」及「兩款特色果醬」。英式鬆餅外脆內軟，切開裏面都夠濕潤，不會太乾，不錯！「奶油忌廉」味道不過不失；帶兩本果醬實在太特別，我就不太懂得欣賞，還是喜歡普通的草莓果醬。四款的迷你三文治做得非常精緻，未食已經覺得好漂亮！三文魚三文治——三文魚很軟熟、亦都唔腥（申報：本人喜歡食魚）、味道略為偏淡，配以面頭的魚子及酸瓜，味道幾配合。火腿芝士三文治——芝士及火腿的味道很濃，有點偏鹹，但配上酸酸的蕎頭及紫蘇葉，味道剛好中和返，我覺得有

朋友一次過買左四件試下，之前已經聽過呢間野啲cake好一般，得個樣... 果然名不虛傳。由於價錢同質素太唔成比例，實在忍唔住要出個負評等大家唔好再中伏...四件之一的lemon tart係最難食。酸嘅過酸，甜嘅過甜，最過份係個餅底好soggy，似擺過夜淋晒，好唔新鮮嘅感覺...One of their signatures - White Cheese & Yuzu - sorry 唔講完全唔知有cheese，而個餅底一樣係淋嘅。件Rose Champagne Raspberry Choux我食左兩啖就無再食，個rose味有啲假+太甜... 最後竟然得返朱古力個件食得下，但真係好一般。樣 vs 味度反差咁大嘅cake都係第一次試到，仲要係from間六星級酒店入面既cake shop... 我都係返對面海嗰間酒店。

朋友話好好食，好難book，一見到下午茶有外賣就嘩嘩聲話好抵。625蚊finger sandwich 可以俾火腿，青瓜鵝肝醬個鵝肝醬稀到1:49甘，三文魚係腥既，唯有truffle果個有5*酒店水準。蛋糕亦不見得十分之出色。大家都嘩嘩聲既Mille feuile個puff pastry太厚，喜歡傳統法式做法。個茶包係我最吾like既TWG,新加坡brand扮英國貨。packaging 好靚，蛋糕好IG’able，幸好係外賣，如果係堂食無景仲要加一會覺得好吾值。打卡食物一次就夠