C2 Kitchen (已結業)

個晚我地要落尖沙咀食飯，早上大家都有野做，我就話不如去ssp，好耐都無去過，就咁我地就約左係呢係我想試好耐既手工意粉! 我睇過報道又再加埋係“手工意粉”，我係有期待既，雖然唔算得失望，但以小人店黎講同呢個價錢，係唔錯既，但我想信佢可能再好尐!溫泉蛋卡邦尼扁意粉 $45 轉餐加28一向我都係白汁既朋友，Carbonara 更是至愛之一XD 但又係個句，做得好真係好難...我食落個味正常，但無咩蛋香，而手工意粉一係就已經整好一段時間，一係就入既，食得出唔係新鮮即整既. 不過真係既，呢個價錢，絕對收貨，只係我期望佢好食尐北海道帶子野菌忌廉汁闊條麵 $62 轉餐加$28帶子好好味! 好鮮甜，呢個一定無厄你! 但個野菌忌廉汁就唔夠出，食唔到菇菇味，就cream咁囉，同上意粉口感唔夠預想的好，不過就幾正宗，唔會過林飲品無特別問心，佢係抵食，唔差，但如果以方便加味道，我應該會去搵其他!有可能係希望越大，失望越大啦，但佢個量同個味唔差架! 如果真係經過附近，可能會再試，但我應該會選擇搵新野!

是日下午收早，同屋企人去附近食下野。openrice發現依間小餐廳，一於去試下。位置其實小偏僻，係一堆車房既中間，所以即使我地成日係附近出沒都唔發現。午後時間唔太多人。餐廳環境都算闊絡舒適。午餐餐牌，$5x-$8x 已經包埋餐湯 沙律同飲品。餐湯同沙律沙律菜新鮮，亦有幾款唔同菜，配胡麻醬。餐湯係粟米湯，不過不失。香草豬肉腸野菌辣蕃茄尖通粉 $52尖通粉酸酸辣辣幾開胃，每條通粉都沾有蕃茄醬，不錯。鮮蝦明太子忌廉汁意大利粉 $56隻蝦有少許蝦膏幾好，明太子忌廉醬配意粉好夾，好味！碳燒美國安格斯牛肩扒配瑪莎拉酒汁 $82牛肩扒煎約七成熟，肉質柔軟，但扒邊略嫌小燶。薯角剛剛炸起，香脆。第一次試依間餐廳，印象都實在不錯，算係低調但質素頗高既西餐廳，如果再有機會應該都會再encore

我未試過喺呢間餐廳堂食，叫外賣想食西式，就喺網上外賣平台搵咗呢間。總共叫咗兩個主食，一個小食。深水埗送去太子，由落單到送到嚟都係一個鐘內。有一粒好大粒嘅帶子喺上面，好彈牙。個飯好香黑松露飯，混合埋一齊，飯粒飯飯分明，偏硬，可能外賣送到嚟變到一舊舊。據說呢個係手工造意大利粉，所以試下。一聞落去好大陣草青味，蕃茄醬得好少，啲麵偏硬同乾。呢個係三款我覺得最好食嘅！雞翼個皮唔硬，脆脆地，好香，咬落啲肉好滑有肉汁，配個汁酸酸甜甜，好好食。整體來說都ok，外賣期望唔會太高，因為點都差少少，冇堂食咁好食，有機會會去堂食試下其他款式～

因為兩次愉快嘅午餐經驗，所以今年本人生日飯都揀咗嚟C2食。一家四口預訂咗枱，店家千叮萬囑要準時到，逾時不候。7點到埗時已經有人用餐中，但未滿座。點完餐稍坐一陣沙律小食陸續上枱，已餐廳上菜速度尚可。沙律presentation好好，碗底設計可以放入乾冰，煙霧飄飄又保持沙律保持低溫。唯一係portion太細。藍青口肉小，但係味道比坊間好，白酒汁有點似湯汁，可以呷兩口啊。呢度食物好味，但係服務真係有待改善。我哋明明跟餐牌上點“脆炸鮮蝦雲吞配他他醬”，但係上枱變咗春卷，冇人通知或徵求我哋意見要唔要，仲要上菜之後都冇知會吓，唔好意思都冇一聲。搞到上菜之後我哋一頭霧水，問男侍應先講餐牌唔update, 我真係反咗第一次白眼。呢間餐廳最伏嘅食物應該係pizza喇! 餅底係冷凍餅乾底，本人覺得可以escape咗呢樣嘢。每星期或每月有不同廚師推介，人太少叫咗慢煮牛所以冇叫$158西班牙黑毛豬，下次有機會再試。今次like FB有$5/隻焗蠔，味道普通合格，蠔肉有啲細，算抵食嘅。Risotto留米心=意粉al dante一樣重要，始終係以意大利粉做主打，基本工做得好好。本來想試另一款海膽意粉，但有人要食帶

OK，我第二次嚟食係特登帶一個之前做過餐廳同酒店又欠我一餐嘅朋友嚟試吓，睇吓專業行家點品評呢間我覺得唔錯嘅餐廳。朋友覺得餐廳算舒適整潔，價錢好相宜。我今次特登嚟試吓午餐嘅非手工意粉，睇吓質素如何~~上次食手工意粉，覺得好好味，估唔到今次午餐食普通廠貨包裝意粉都好唔錯。Al Dante雖然係煮意粉嘅基本，但係好多餐廳都會over cook搞到意粉變咗油麵咁粗又冧哂，呢間餐廳做得好好。醬汁鹹淡適宜，而且每條意粉或蝴蝶粉都由醬汁包裹住，火腿係巴馬火腿多咗少少鹹香，有畫龍點睛嘅效果。相比香草汁，茄醬調味冇咁精彩，但係都屬於好味範圍，意粉煮得好，已經加咗分，所以冇另我失望。老闆侍應唔喺度，牛奶朱古力冇得飲，失望。朋友對餐廳嘅環境，食物同價錢都好滿意。兩盤意粉亦得到佢高度評價，一次愉快嘅午餐，介紹成功，yeah~~~**忘記咗影相，食咗少少補返所以presentation略為失色，請勿見怪!**

一般食評食咗1次就寫，C2 Kitchen係食咗3午1晚先寫嘅，但係因為相片限制同前後變化，所以我都會分幾篇去分享。會知呢間餐廳，都係pop-up雜誌食評睇到嘅，主打平價手工意粉，所以去試吓。第一次去星期五下晝2點半，人非常少，餐廳喺樂年花園對面，旁邊有車房小店，但係環境優靜，附近有錶位泊車。隔一條街就係青山道，靜中帶旺。午餐由$48-$78不等，但非手工意粉。地方尚算整潔，座位舒適，地方少，枱與枱之間空間有少少窄，以小店嚟講可接受。午餐手工意粉單點可加錢變餐，有餐湯+飲品。為咗食手工意粉，唯有單點。主餐牌晚市供應，相片都好吸引!主餐牌種類多，由沙律，前菜，小食到手工意粉，薄餅，主菜，甜品均有供應。呢杯牛奶朱古力係好好味，但當時女侍應話冇貨。我叫佢問清楚另一位男侍應(我懷疑佢其實係老闆定主廚)，因為佢之前話有，結果先飲到。<不過之後幾次再去食，都話冇得飲。第4次去食晚餐，已經唔係嗰回事，之後嘅食評再講。女侍應生係生手，男侍應生可能係老闆，見我又影相又問得仔細，可能以為我係blogger之類，態度好好。整體非常值得嚟試一下，價錢抵，味道好!

見咁多人推薦，又有藝人去過讚好，於是決定放工去食。呢間鋪兩個地鐵站都唔近，慢行要十幾分鐘。鋪頭比較細，繁忙時間去有人龍，我地係九點幾去先至有位。我叫咗個薄切安格斯牛扒露筍忌廉汁闊條麵。所有嘢都係即叫即造，要等十分鐘左右。上菜熱辣辣，聞到忌廉香味。牛扒非常軟熟，裏面微微粉紅色，有比心機控制火候，配埋醬汁好好食。雖然忌廉汁會食到幾飽，但無多餘嘅油，感覺剛剛好，麵嘅份量都唔會太多。鋪頭比較細同迫，去到得吧枱，店員忘記咗比返矮枱我地比咗新客，不過多數都係咁。

整整用了一年半時間終於到了第100篇的時刻！年半時間整理100篇食評對我來說並不易，當工作、約會、覓食集於一身時是需要點時間管理，但當中得到的收穫總會蓋過一切，必定要多謝家人、朋友與愛人的陪伴及支持，從此令我對「飲食」多了一份執着。記得由遇到第1間理想餐廳想表揚、支持及分享時便開始了我的開飯食評生涯，其後更會想記錄自己的飲食之路，所以到了100篇的時刻想有小小對自己的獎勵，今次選擇光顧一間以手工意粉作招徠的餐廳，因為我發覺自己從未品嚐過手工意粉餐廳位於深水埗，由地鐵站步行至餐廳大約需😌分鐘餐廳面積細小，設計簡約以白及淺啡木為主，有和諧家庭感。雖然鋪位與地鐵站有一段距離，但8點到達的我倆都看到餐廳幾乎滿座，剛巧餐廳中央尚有2人枱，成了最後一對不用等位的幸運兒枱面簡單地放置了餐牌、水杯、餐具及碟子看過餐牌後發覺款式並不多，但每款食物都想品嚐，所以索性選擇二人套餐，內裡包含海鮮、前菜、餐湯、意粉、扒類及餐飲，一次過滿足我地的好奇心！海鮮用冰鎮的方式呈上，海鮮與冰之間鋪上一層保護紙，令食物更衛生。生蠔飽滿的口感真令的人回味無窮，滑流地啜進口中後滿口生蠔，加上檸檬汁與🤤🤤醬令生蠔不腥，亦沒有我所

麻甩佬甘多的一區，居然有一間清靜的西餐廳。老公諗住會多人就book左7：30，到後先知我地只系第二台客，第一台快食完買單，不過見距食的漢堡包餐都好吸引。有2人餐都系300幾，有生蠔有扒，不過而家戒口，下次先。先上是日餐湯特飲，套餐加38，湯系黑松露忌廉like 距fb可以6蚊加一只，頭系椒鹽，身系刺身煙三文魚沙律，有d亁冰整下氣氛，不過無汁既？其實仲有廿幾蚊的沙律，系我地無留意睇到老公叫的黑毛豬，好嫩，估唔到甘厚的肉可以煮到緊緊熟，配既沙律系有沙律汁，所以先覺得頭盤無沙律汁好奇怪我叫的意粉，以為意粉量少，但唔好睇少，真系好夠飽架啦，慢煮牛唔會硬，都好嫩食到8點後開始多人，最後成間舗坐曬。好耐無入過一間全部系香港人的餐廳了，小店有誠意，服務有熱誠。

這鋪位作為食肆曾經有過故事, 話說02年左右有廚師在這鋪位開過類似嘅法式餐廳, 主打油封鴨脾, 海鮮冷盤, 有俾其他傳媒介紹過, 但當年亦好似有另一個版本, 話說那個後生仔廚師一心想開一間法國餐廳, 而自己當然無錢去開一暑餐廳啦, 老頭子於是將畢生積蓄拿出來幫兒子圓夢, 印象中當時還有那些城市追擊之類的節目做過訪問, 而那店後來都做了一段長時間才結業,故事說來有點令人悕虛, 不禁令人想到有錢幫忙達成心願係好事? 定還是讓年青人自己由學秩做起, 接受社會的磨練, 又或者用錢給與去外面求學/ 實習, 會比一開始就担大旗做老闆來得更一生受用, 完全係個人感想, 或者真實的故事唔係咁樣都唔定呢,講返十多年後的今日, 再有年青人再度挑戰呢個鋪位, 這次係CAFE, 沒有太刻意的定位, 主攻年青人路線, 似乎有名DJ幫忙在節目提名過, 主攻手工意粉咁講!是日沙律: 慢煮紅菜頭蜜糖芥末沙律 賣相OK, 沙律汁雖然蜜糖味唔重, 紅菜頭慢煮後質感幾好, 唔多覺紅菜頭特有的草青味, 可能係蜜糖的功效? Anyway, 沙律算唔錯啦!餐湯係栗米湯: 唔係話唔好飲而且重好熟悉呢個湯嘅味道添, 罐頭粟米湯! 我

太太超級愛吃意粉, 所以今天放假特意去C2一試手作意粉, 剛坐下已有小插曲.....一對男女顧客問店員, "我叫左有蝦意粉, 點解呢碟無蝦?"店員立即回答 "係, 無晒蝦, 所以加左蟹肉...."為何上枱時不告知客人, 要待客人查問先解釋沒有蝦(瞞天過海?)....看到店員的這種做法, 令我們對此店信心打了折扣, 所以先點了兩款食物試一試, 好味再追加,先點了溫泉蛋卡邦尼扁意粉及漢堡包,意粉先到....太太吃了一兩啖, 立即叫我試一試, 本以為很美味, 怎想到咬了扁意粉發覺內裡很硬, 明顯煮意粉的時間不足夠, 而且味道偏鹹, 吃了幾啖就不能再吃....放棄意粉同時, 漢堡包又到, 份量不多不重要, 寄望味道....可惜! 漢堡扒只有鹹味沒有肉味, 又中伏, 意粉及漢堡扒太鹹不能吃, 但不想浪費食物, 所以吃完麵包,沙律菜及薯條就結賬離開.總結....浪費了食物, 浪費了時間.

這舖面一點兒都不起眼, 如非走進這內街根本不會見到C2 Kitchen. 肥波早前病了, 才康復不久, 就選擇到屋企附近搵食. 平日都喜歡找尋隱世小店, 今天也不例外, 走到保安道看見一間小小的西餐廳, 在黑暗的街道唯一的熱鬧點, 很好奇, 就決定幫襯. 今天吃了下午茶, 所以只點了辣汁牛油果沙律, , 水牛城雞翼, 香蒜黑露松露野菌扁意粉, 跟意粉加$28換鮮蟹肉粟米忌廉湯及餐飲. 可能是新開張的緣故, 餐廳內沒有很多裝修, 只有簡單小擺設. 餐廳近門口位置有一行bar枱, 面對外面的街道, 就算一人來用餐都不會寂寞坐了一會, 辣汁蟹肉牛油果沙律 到了。賣相很漂亮 透明的雙層杯下面還有乾冰, 造出迷霧一片的效果!!! 不要以為這沙律好睇唔好食, 辣汁, 蟹肉, 牛油果醬和沙律菜都各有鮮味!!! 只是30幾大元的沙律真是超值等了一會, 鮮蟹肉粟米忌廉湯到了. 原本沒有期望的忌廉湯(我一心以為都是開粉的忌廉湯)誰知一飲, 是新鮮蟹肉!!! 更神奇的是粟米忌廉湯...是由新鮮粟米打成(信我吧...真的和粉開的不同!) 然後水牛城雞翼都到了. 賣相不錯, 雞翼size不太小, 醬汁濃郁, 皮

某一天 看到某編廣告的介紹， 這間以手工意粉主打的餐廳， 我對意粉也情有獨鍾， 於是趁中午有空的時間 前來品嚐一下。餐廳的位置比較不方便， 若然不是有介紹我也不會到這間餐廳也不會發現， 我到達餐廳的時間是中午12點，也是餐廳剛剛開門的時候， 看了看餐牌 點了 兩個lunch set。首先餐廳的環境不錯， 佈置雖然簡單， 但卻十分清新， 杯碟也很乾淨， 我點了的午餐首先來的是沙律 和湯， 沙律的醬汁調教得十分不錯， 湯的鹹度也適中， 也是我喜歡的味道。到了主菜上枱首先是豬仔髀蕃茄意粉， 番茄的醬汁也可以， 手工扁意粉的質感十分不錯， 煙韌有彈性， 但略嫌醬汁不夠濃， 因為扁意粉 較不能吸收醬汁 ，所以吃下的時候醬汁的味道不夠突出。 而豬仔髀也是要挑剔的地方 ，味道較為普通， 有顏色但沒有什麼番茄味， 勝在也算煮得足夠淋滑， 但味道方面扣了不少分。再來是牛扒 牛扒配的是薯菜， 其實就是炸薯角跟沙律， 薯角做得很好， 味道不錯 ，但那個青瓜跟沙律菜的沙律， 醬汁加了日本芥辣， 我自己就不太喜歡 。輪到主角牛扒， 我問了他們， 他們說牛扒的生熟程度， 因為午餐所以不能 選擇 到牛扒上來的時候，

見到網上話森美介紹呢間手工意粉小店，即刻去試，坐言起行。 訂座對答有禮，地點有點難找，不過港鐵站行去約10分鐘，也可以接受。店子不大，座位比較迫，不過佈置舒服。 加點錢有餐湯同飲品。餐湯說是蟹肉粟米湯（忘了是否蟹肉），出乎意料…湯好像罐頭未開夠水的質地，可能生粉太多…。水牛城雞翼中規中矩，普通，雞翼size不大。以為伏了，但是牛油果沙律上桌即刻爭回不少分數！竟然有乾冰～漂亮只是60多元，沙拉新鮮味道不錯。明太子蟹肉意粉六十多元也是中規中矩，分量很夠，可惜乾身，麵質略厚，整體味道比較單調， 失了靈魂。當日廚師推介西班牙慢煮豬扒108元，肉質適中，味道不錯，有點肉香。 當然將貨就價，食材合理地會比較輸蝕，仍算做得好， 雖然醬汁看上去有點粗。小店滿座可以返桌，生意看來紅火紅火。我們兩位吃了那麼多東西，還有飲品才不過400大元，性價比的確高～ 。

C2 kitchen位處屋企附近，星期日夜晚8點幾去到都full晒，可能因為電台節目主持人推介同真係夠平，但味道就一般，價錢搭救。粟米湯（跟餐)，同罐頭湯差不多味道，普通。春卷配他他醬，香脆，入面既蝦都幾好味，他他醬溝得幾好，好似$28，抵食。不過本來想食雞翼同田螺都賣晒，下次要試下。溫泉蛋carbonara ，本來配手工扁意粉，賣晒得返普通意粉，好鞋口，好似煮唔熟，汁又唔夠忌廉同芝士，我唔中意d意粉，不過46蚊算平啦。今期做既promotion ，$5/1芝士焗生蠔，每人限叫兩隻，平就夠平，但好唔好食就⋯⋯好似拎d桶蠔擺係個蠔殻咁，好腥，好難食，下次真係不了🙏🏻熱情果菠蘿星星特飲，跟餐加$10，都幾好，類似梳打加糖漿，小朋友見到好開心。焦糖燉蛋，唔係即焗，係係雪櫃拎出黎再用火槍整d焦糖出黎，燉蛋好鞋，傳統既燉蛋有雲尼拿籽，依個係無既，凍冰冰好難食。埋單$193，性價比高，我覺得啲小食應該好食啲，意粉真係麻麻哋。