Cabin Crew Coffee by Holly Brown (已結業)

依間空中服務員（Cabin Crew) 餐廳聽就聽咗好耐，今日終於有機會試吓！其實去之前冇太大期望，純粹係想影相打卡！諗住呢類型餐廳通常都係玩噱頭，食物質素一般，點知又有驚喜。見到佢餐牌上面啲嘢食唔算太貴，叫咗一個set dinner（帶子忌廉菠菜意大利粉）加一個甜品（抹茶紅豆丹麥多士）。 雖然望落去份量唔算太大，但可能個sauce 太creamy, 食完個意粉真係有啲飽。意粉味道唔錯，口感亦剛好。跟餐仲有個lemon cheesecake, 依個就比較遜色，無檸檬味亦無芝士味。最後叫咗杯Camomile tea, 個茶包好大，茶葉都好香，可惜隻杯太細，飲兩啖就冇，浪費咗咁靚嘅茶。如果佢收貴啲，但係一壺上，咁就好好多。最後叫咗個抹茶紅豆丹麥多士，抹茶味好濃好香，紅豆用十勝紅豆，所以好夠味，丹麥多士亦唔會太乾太硬，恰到好處。所以今餐真係有驚喜。另外，餐廳侍應服務好有禮貌（唔知之前係咪真係做空姐㗎呢？），水準一流。

早前朋友已經睇中咗呢間餐廳，但一直未有時間相約黎食，今次終於可以約到大家，一齊為佢慶祝生日去到餐廳附近，已經聽到好吸引嘅歌聲，原來live band已經為客人唱出耳熟能詳嘅英文歌坐低後，餐廳雖然不算太大，但可以見到設計十分用心，因為內部設計猶如置身機艙之內，有不時轉動嘅飛機窗外景色餐單上有單叫及套餐，我地一行5人，揀咗兩份套餐及3款食物，味道同賣相都非常不錯飲品嘅質素亦相當好，味道好，外型吸引由於訂座時已告訴餐廳，餐廳更為生日姊妹預備上美味甜品，以及live band即時為她們唱出生日歌，令氣氛更好十分出色！最後真係好好好好鍾意呢間餐廳內嘅live band，佢地不但唱歌唱得好聽，歌聲十分動聽，更重要係非常能夠帶動氣氛令人十分享受用餐過程有個既難忘又愉快嘅經驗

今日同朋友去開尖沙咀美麗華商場，所以索性係商場食晏，於是係網上預訂咗呢間餐廳，諗住食個晏慢慢食同飲番杯咖啡。但香港既餐廳，唔知幾時開始，無論什麼時段，或多客人與否，未入座已提醒限90分鐘用膳時間，這樣掃興的一句，真係未食已想走。一睇餐牌，價錢又唔係平，而且環境又⋯⋯ 當日可能係周六，以一間面積不大既餐廳，再加上有一班家庭生日聚會，相信不少在場人士，包括本人真係覺得難頂，間餐廳已經算係開放式既都仲係覺得好嘈。因為朋友已到，並點了白汁意粉，我亦因為肚餓，是但點英式早餐加檸檬茶。基本上普通的食物水準，加上嘈吵環境，唉😮‍💨！沒有下次了！

結婚一周年想簡簡單單食餐飯.掉低個女喺屋企出黎食飯😜就揀左哩間收藏咗好耐都未去既餐廳啦🍴食物方面:⚪️Spinach Spaghetti with Scallops意粉軟硬程度.帶子生熟程度都係啱啱好.味道都ok正常發揮!⚪️Angus Beef Burger牛肉好香牛味好多汁幾好👍🏻加錢要埋薯條🍟食漢堡點可以冇薯條呢.配搭粗薯👍🏻⚪️Cream brûlée pancake等咗20分鐘上枱新鮮熱辣.Pancake都幾鬆軟有蛋香味.個汁可以再濃啲多啲就更加好!⚪️Mango smoothies正常發揮!整體方面:喺飛機呢個主題喺香港第一次見.所以一直都想試吓.食物質素正常發揮.冇特別好食或者難食.但係價錢定價略嫌太高.自問食過咁多間餐廳.用呢個價錢可以食得更加好味既野食.去打卡可以去一次.但我就唔會再去啦😌加分位有live Band.仲要live Band咁啱唱緊我哋結婚當晚揀嘅歌.好應境一路食嘢一路聽幾好👍🏻

Book 好左諗住同女朋友慶祝周年….點知坐底幾樣main course 都話賣哂😮‍💨點解唔入席前早啲講😮‍💨今次對餐廳極到失望…..意粉冇咩特別…..慶祝既話應該唔會再黎以及唔推薦….搵唔到位食飯都唔會再去…意粉質素一般…唔推薦

Holly Brown 旗下covid 期間開既飛機主題cafe依家開番關好似冇左呢個賣點坦白講雖然佢係航空相關既裝修，但冇乜代入感，個飛機窗甚至有少少怪甜品正常發揮，梳乎里熟度岩岩好，輕盈富彈性但開心果gelato 就唔係好得，重冰感而且冇開心果味格餅微微未熟透......如果唔係佢個味道係幾好，濃蛋香味而朱古力gelato 正常好多，都係食基本味安全d價格以唔駛排，又有個位乾淨舒服，抖下傾下計黎講都合理不過梳乎里都等好耐下（落單會remind 你現製等好耐）趕時間未必岩喇

上網搵到呢間，初初係好期待嘅飛機窗囗位，點知比想像中又唔係咁特別，但食物水準，氣氛，侍應態度，價錢合理，仲有live 自彈自唱，雖然位置係商場嘅邊邊位，但整體真係唔錯，值得推薦。

Holly Brown係疫情期間聘請多名國泰前員工甚至開埋副線以Cabin Crew為餐廳名由門口的登機閘口、機艙窗口卡位、航班看板等等有沒有讓你有快登機那種興奮！之前幫襯過荔枝角店一直都覺得overpriced尖沙咀分店食物還好，但優惠頗多呢～原來而家只要訂座時講明係慶生餐廳就會免！費！送丹麥吐司我地選擇美人魚丹麥吐司也太美了吧🧜🏻‍♀️另外平日竟然也有music live show是近期值得一試嘅生日好去處༝༚ 忌廉菠菜意大利粉配香煎帶子 ᴴᴷᴰ 188 ༝༚ 炸魚薯條 ᴴᴷᴰ 168 ༝༚ 帕爾馬火腿沙律 ᴴᴷᴰ 138 ༝༚ 美人魚丹麥吐司✨ 免費 / ᴴᴷᴰ 138 ༝༚ black sesame latte 跟主食 / ᴴᴷᴰ 30༝༚ blueberry smoothies 跟主食 / ᴴᴷᴰ 35༝༚ mago smoothies 跟主食 / ᴴᴷᴰ 35

想打卡、又想食正餐、又想食埋甜品添！一次個可以滿足晒三個願望？朋友網上見到網友推介Cabin Crew Coffee by Holly Brown ，今晚就帶咗我去試試。 餐廳以飛行為主題，三大特色打卡位，包括航廈指示牌，時鐘區，飛機艙‧‧‧等等。有點以為自己去緊旅行的感覺。 😋是日選擇：1️⃣慢煮西班牙乳豬🍽乳豬表面烤到金黃色，皮脆，而且經過慢煮，肉質嫩，豬肉味濃。沾上醬汁，令乳豬有不同的風味。 2️⃣Matcha Souffle Pancake 🍽香濃抹茶香味，表面一塊抹茶麻糬，口感軟柔煙韌。還有抹茶蕨餅、忌廉、紅豆蓉，不同配塔，食出不同味道。 3️⃣Creme Brulee Souffle Pancake 🍽焦糖的香甜，Creme Brulee濃郁的香氣，脆脆的口感， Souffle Pancake蓬鬆輕盈，入口即化。*餐牌寫著➡️每日晚上8時30分或之後入座，單點食物 / 飲品可享半價優惠！

🚩尖沙咀美麗華🚩成日係美麗華都聽到有人唱歌🎤，原來係美麗華入面有間餐廳係有Live Music🎶，絕對係一間幾有情調既的精品咖啡店餐廳酒吧，餐廳加入左機艙元素，座位舒適仲要旁邊係窗口，仲會不時轉唔同既畫面，好似坐緊商務位😊🍔魚柳漢堡包 $108熱辣辣既炸魚柳，口感鬆脆同肉質嫩滑，無任何雪藏味😊🥬忌廉菠菜意大利粉配香煎帶子 $168煎到金黃色既大粒帶子，忌廉意粉以為會好Creamy但實質食落去唔會，應該有少少既洋蔥🧅一齊炒爆香左，感覺唔會太膩😉🦐大蝦意大利粉 $168少少既辣爆炒大蝦意粉，蒜蓉爆炒意粉，唔會搶走左大蝦既鮮味，用辣椒輕輕帶出大蝦既鮮味☺️☺️🍵抹茶梳乎厘 $108超鬆軟既梳乎厘😀即叫即整，店員提醒可以一早叫定，因為都需要至少30分鐘時間去整，食完主食就岩岩好上甜品😍梳乎厘面頭有一塊由糯米做成薄薄既皮，甜甜地煙煙韌韌咁😊仲有紅豆同抹茶蕨餅做拌碟😝好好食🤤💡仿似去緊旅行咁，搭住飛機好Chill好放鬆咁食野，做野做到好攰黎食個飯，邊聽live music邊飲下酒，仲可以打卡📸📸📸📍 Cabin Crew Coffee by Holly Brown🗺️ 尖沙咀彌敦道132號美麗華廣場1期

好耐冇寫過食評啦，為咗呢間野忍唔住重出江湖～閒日八點半入座後有半價優惠，見到（好似）幾抵一直都想試吓～入座後有店員禮貌既招呼（值得一讚），野食都上得算快，但千其唔好太開心住！個忌廉煙三文魚意粉係今年食過最頹既意粉，沒有之一有圖有真相除左得少汁好乾同冇乜味之外，得極少量碎到乜咁既冇味煙三文魚．．．基本上成個意粉只可以靠後加既黑椒吊味先可以食哂頹既程度超越中學雞年代食既樓上cafe（但樓上cafe講緊50蚊一個意粉坐3-4個鐘玩BOARD GAME)個意粉原價$138，唔算平咖，洗唔洗慳皮到咁呀定因為我地係優惠時段會少d 三文魚？不過原因同事實係咩已經唔重要因為我同未來老公決定一定一定一定唔會再返黎食唯一值得一讚既係個阿姐店員好nice同有禮貌～（唔該哂佢！）寧願唔好搞半價優惠但做好食物有折但冇心做做到咁難食，d客一樣唔會返轉頭BYE

尖沙咀彌敦道132號美麗華廣場1期2樓228號舖今次趁朋友生日嚟到呢間餐廳慶祝😇呢間餐廳個位置寬敞舒服，仲有一種好似坐緊飛機嘅感覺✈️店入邊嘅卡位側邊係用飛機窗裝飾仲會不時變換風景添🏞️🎑而家仲做緊優惠八點後入座仲可以享有50%優惠折扣😘煙三文魚長通粉配忌廉醬🐋$138一個通粉一食，食到停唔到口，雖然係忌廉醬，但係絕對唔會好膩黑松露薯條🍟$78一啖薯條一啖黑松露醬簡直係天作之合黑松露醬味道濃郁，薯條香脆可口香煎羊架🐑$298羊架軟硬程度適中唔會好韌，配埋浸羊酥味真係冇得頂😍😍唔會好大份兩個女仔識絕對足夠😋比利時窩夫配朱古力雪糕🧇🍫$88即叫即做窩夫好香牛油味 雪糕不過不失味道正常🍦生日蛋糕之丹麥窩夫配美人魚裝飾雪糕🧜‍♀️$138如果係8:30后入座生日有得免費送㗎8:30用咗50%優惠就冇得送了，不過都有半價😘😘影相一流，好出色啊，丹麥窩夫熱辣辣拎上嚟真係好香噴噴😋配埋雪糕食冷熱交鋒嘅口感冇得彈

同屋企人行過mira見到有間餐廳幾特別，整到好似機艙咁就試吓啦🤭🍝忌廉菠菜意大利粉配香煎帶子🌟🌟🌟🌟Scallops煎得好香牛油味🧈美國牛肩扒配燒汁及薯條🍟🌟🌟🌟🌟🌟 🥩Medium Rare 岩岩好🥩不過配菜係薯角唔係薯條🥔🥞MATCHA SOUFFLE PANCAKE🌟🌟🌟🌟🌟🍵🥞有Mochi😆個pancake勁軟熟，點埋cream一齊食完全係完美配搭😂🥤Sparkling Lychee🌟🌟🌟🌟荔枝味好重，少少偏甜，不過係幾好飲既🤭餐廳除咗裝修好有機艙感覺，仲有live band🎤🤭✈️每日8:30或之後入座，單點食物/飲品可享半價優惠！✌🏻

📍#尖沙咀 Cabin Crew#羊羊在尖沙咀#羊羊在九龍一直都很關注這間店，因為看上了他們的美人魚吐司，超夢幻✨最重要當時疫情沒辦法出國，餐廳是機艙作主題，在這裡用餐有乘飛機出國旅行的感覺✈️🐖烤乳豬 $338建議要提前預訂，有機會賣光，幸好有最後一份😏乳豬油光滿面，切開的時候也能感受到皮是超脆‼️即使放了一會也能保持脆度，還能邊切邊冒煙💨肉非常多汁，不會太鹹😋🍔安格斯牛肉煙肉蛋漢堡 $148一刀切下去，滿滿肉汁，還有流心蛋黃流下來🤤唯一可惜之處，只能單點，沒有配薯條🍟👑🧜‍♀️美人魚丹麥吐司 $138超美😍夢幻的色調，必定風靡萬千少女的心🥰味道方面也不差，是彩虹+草莓Gelato🍓比平時的冰淇淋健康，因為奶油用量較少，脂肪也較少啦，美女們放心吃😆題外話，生日月預先訂座好像可以免費獲得一客😎🥛黑芝麻牛奶 $60溫溫的牛奶，喝到淡淡的黑芝麻味奶泡😗總價錢－$684+10%(10月份8點半後入座全單半價)評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀服務：🍀🍀🍀🍀

其實聽聞咗呢間餐廳好耐，但一直未有機會去。但咁啱朋友生日，佢又好想去食呢間，所以就決定一齊去食。我覺得係值得一試。我地係下午茶時間去，都唔算好多人，好快就有位。餐廳環境一早知係飛機look，因為去時唔多人，所以可以坐到卡位，咁影相就靚好多，個窗口真係會轉樣。