Cafe首爾

营业中

休息中

Oh yeah～草莓以前除了韓燒之外，甚少吃韓國的料理特別是泡菜等…我絕不接觸又酸又辣的東西自上年去完韓國旅行之後，事前也嘗試一下泡菜好讓那幾天在韓國不會餓死好啦～我認在韓國其實不吃辣也不泡菜，還是有很多選擇的啦（笑）粉嶺上水實在美食不多…只好駕車去大埔「搵食」啦大埔其實美食甚多，不過草莓Openrice一下大埔到底有什麼好吃的也歡迎大家在下面留言告知大埔有什麼好吃推薦啦（笑）一看之下就看到這家【Cafe首爾】，就扭說要吃這家！！【Cafe首爾】大埔翠怡花園B座地下8號舖 Tel: 3488 8414地點其實是近港鐵太和站的說，我把車停在大埔超級城再約朋友一起走過去因為大埔超級城消費滿HKD300 有３小時免費泊車，簡直方便過搭車當然，我也是把錢消費在一田買泡菜和芽菜啦～～（不然要跑到沙田一田買咧）好啦～～我知離題了！回到這家小店，店裡不大　如果晚市爆滿的話應該會坐得比較擠喔還好我們這天大約5點左右去吃，抱著吃下午茶的心情心知吃不了什麼飽肚的東西，小吃還是吃的下～～每台也會有泡菜和芽菜的餐前小食因為我們只點了2個小食～也不好意思再添食～不過草莓在Openrice看過有人說是可以問店家再

之前想試這間很久了，可是晚上成日都好多人，又無得book, 所以遲遲沒來試， 今日與2位好友終於有機會一試cafe首爾。我們趁12點零尚早來食lunch, 雖然紅日，但唔洗等位，一開始有少許前菜(泡菜同芽菜) 份量頗少，我點了個牛肉韓式拉麵，朋友都笑我說: 拉麵咪等於辛辣麵。可是這個韓式牛肉拉麵令我有點驚喜，湯底很濃很有牛肉味，並唔係純粹買一包韓國拉麵入面d粉沖成既湯，有少許油，但可接受。牛肉量不算多，但肉質好吃。拉麵量倒是挺多，我食唔晒。整體主要是這個湯低令我有驚喜，如果能有多點配料或牛肉會更好。另外這個麵一點也不辣，想吃辣的就不要叫了。另外朋友點了冷麵(撈麵) 等左好耐，不過朋友說好吃。

最近韓流又興起，唔知同流行首爾有冇關，應該點都有一點，但開飯影響大一點，見到一食家為首爾寫食評，看似好吸引，就來一試，店子不算大，入內大約10張4人坐位，店員同自己人溝通，都是說韓語，但會廣東話，應該正宗韓菜，先找好座位，餐具在櫃中店員送上前菜，有芽菜，泡菜，少辣，拌飯最好點餐加12元有韓國李汁餐就點了泡菜雞肉飯，同加左泡菜餅，餐有海苔湯送好豐富海苔，好足料，湯也夠味雞肉飯用料有泡菜，韓式辣醬，泡菜，韓國米，都幾大碟，微辣，韓國醬味濃，但雞肉不太食得出，泡菜唔錯，成碟飯，醬功勞最大泡菜餅，是用米醬同泡菜混合煎成，加入了一些尤魚，附醬汁，我自己覺得唔加醬汁會好食點，泡菜味突出，唔辣 尤魚味也有點，少少脆口，3片，一個人都食得晒

住在大埔快兩年了，光顧這家韓國餐廳不下二十次。有一段時間覺得質素變差沒吃，最近再吃又恢復以前的水準，太好。兩個人吃晚飯，每次必點是海鮮豆腐湯煲，帶有一點辣，非常開胃！另外我們會再點泡菜炒飯或炒粉絲，視乎餓的程度，炒飯比較飽肚一點。點泡菜炒飯會附上一碗熱湯，海帶湯或蘿蔔牛肉湯，不能選擇。我很愛蘿蔔牛肉湯，有黑胡椒帶點微辣，熱呼呼的好好喝！男友喜歡海帶湯，我們不用爭啦！可以叫服務員給辣椒醬，拌飯或粉絲也很好吃！兩個人晚飯才118元，沒加一服務費，滿意！

中午飯想食韓式抄年糕。但因本人唔想食辣所以叫服務員走辣。等咗大約10分鐘。個菜加埋三小碟伴菜。小菜有芽菜、泡菜同黃瓜。個泡菜有酸辣味。芽菜同泡菜算好新鮮。好爽口。黃瓜無特別。個餐只供韓式茶做飲品。碟韓式抄年糕好似一碟素食菜。加入大量青及紅西椒。重有紅蘿蔔。因加入太多蔬菜，好似食沙律。個韓式年糕我食得出係叮出嚟。我食唔出有抄年糕feel。本人第一次食韓式年糕。個年糕size較中式細小。好易入口同好好食。因混入大量蔬菜出嚟味道好特別。個年糕本身可以好重麵粉味，但因為有其他配菜出嚟個味道好蔬菜Feel。

見佢晚晚爆場，好奇心發作，晏晝收工經過試試啦，但有點浪得虛名！舖面好細，坐得唔舒服。大豆芽爽甜，幾吓比我食晒。泡菜還可以啦，微辣微酸，但似乎咸左少少，撈飯較為合適。韓式煎餃子，其實真係無咩味道，唔知食緊咩，唔難食，一試無妨。烤牛肉湯麵，其實係肥牛辛辣麵！甘筍同椰菜我都唔食既，湯底淡如水，麵質還可以接受，烚肥牛味道質感正常合格，唔覺有烤過囉。賣相求其而凌亂不堪入目，您估依家係自己屋企煮麵比自己食咩！掉啲肥牛配菜炒埋一碟就咁上枱，好野！茶餐廳食個餐蛋麵都靚過您呀！韓式炸醬麵，係電視見過，食就第一次，感覺似麵豉醬撈烏冬麵囉。味道好寡、低沉、單調，我寧願食潮式炸醬麵。白白既麵條，口感同外觀似足烏冬，口感一流，滑溜嚥韌彈牙，超正！係味道差啲。試吓韓式梨汁先，唓！只係罐裝果汁，無咩特別。有機會再試多次，我想試石頭飯同蔘雞湯呢。

如果去到太和站,真係會死人,完全無咩好野食.今次行出戶外,去到翠怡花園既Cafe首爾,試下平民化既韓國料理.LUNCH SET40蚊起有交易,真係幾平.另叫$38 既蔬菜煎餅,真係便宜到喊40蚊既LUNCH,都有一小碟前菜比你食,都算係咁炒飯落左好多泡菜,所以酸中帶少少辛辣,亦都因為落左咁多醬汁既關係,飯粒全部痴埋,無左炒飯應有既口感和乾爽度,都係中國式炒飯比較好食,不過當係伴飯咁食都OK蔬菜煎餅有3塊仔,煎得十分脆,亦有少少煙韌,材料除左菜外亦有八爪魚粒,十分豐富,味道不錯,只係沒有提供那個煎餅專用醬油,所以還差一點咸味不過呢個價錢,真係算係咁

係大埔算出名既，有間新分店係附近，不過主要係吃燒肉，兩件有既野都五同。甘次叫了個紫菜卷，石頭飯同埋芝士炒年糕。價錢每個都大概40—60左右，五算平。紫菜卷既分量都算多，包既料都幾多下。都幾飽肚。芝士炒年糕好吃，D年糕吃落好Q,几多芝士。個汁有d偏辣，不過幾正。我會同紫菜卷一起吃。跟住就係個石頭拌飯啦。嚟左之後已經好迅速地攪拌距。不過都係有好多飯焦。個人五係十分中意，不過可以接受。泡菜可以無限加，服務都五錯。想係大埔吃韓國料理，都可以嚟試下。

今次叫幾樣野食,整體黎講都唔錯既,首先紫菜包飯,非常普通既包飯,材料當然都一D簡單既野,雞蛋,青瓜,蟹柳同埋酸瓜咁樣,其實就唔太鍾意食酸瓜,不過食落只係會有一陣陣既酸味,算開胃,所以都接受到,不過依都有D特別,唔似用普通米,但又唔係日本個D珍珠米,食落口感好好,又唔會話好飽,當小食一流。炒年糕都做得唔錯,顏色方面已經吸引左我地,香味係另一種吸引,年糕夠哂煙韌,又唔話煮得唔夠時間所以好硬,辣醬加埋年糕本來已經一絕，再埋加埋芝士,食落又唔算太濃，DD芝士味用黎點綴下,食起上黎都好過癮，因為夠哂辣一定追住食,但又食唔到太快因為要咬,好得意。另外就係一個泡菜煎薄餅,唔錯嫁依個都,薄薄地唔會厚最緊要係煎得夠脆，泡菜煎起上黎都好香,又有少少章魚粒做配料,口感好多層既一款小食,唔錯。

本來想食蕃滿門，由於裝修～ 所以就行過來食地道韓國菜其實和女友已經不是第一次食，店內是由韓國人主理，侍應服務態度也不錯另外，只是坐位同枱面較窄～食物質素及整體上來說也不錯的~二人埋單合共約 $140，價錢正常合理

新年仍需要在工作中，將近10點完成工作。跑到這間還營業的韓國餐店醫肚，慶幸還未收爐。因為都相當餓時候亦唔早，叫咗韓餐必試嘅人蓼燉雞（想知間韓國餐館正唔正宗，就要叫返隻"雞"，一食便知龍與鳳）另外再叫咗個炸醬麵。並伴隨6小開胃菜。最好食的是蜜餞蕃薯，不會太膩，蕃薯軟軟的。人蓼燉雞就確實偏淡，雞唔夠酒味，糯米飯亦欠人蔘味。反而雞味突出，似飲雞湯。雖然臨收鋪，但服務依然做足，即席幫你拆雞肉。炸醬麵味道適中，炸醬仍有豆粒的口感，份量剛剛好。麵感少少糊，黏黏的。麥茶也好飲！－－－－－－－－－－－－－－－－－－－－－－－－－－－－回頭率：6/10 （眼見鄰座嘅朋友食嘅燒烤相當吸引，很有興趣一試）

同屋企人食韓國野食到超嬲價錢其實唔平但服務態度超差坐得好迫叫多幾樣野都冇位想走又出唔到食物味道ok,但質素參質，叫左兩個所謂的*人參*雞湯係冇人参既，完全冇人参的味道，$75得半隻，請問點解要咁貴店員只在旁邊埔住你收野一食完就即刻收，但加茶就要主動叫先可以加全程只係食左半個鐘想飲埋杯茶都已經遞張單話要埋單但其實外面只係得幾個人等緊

 最近韓國菜大熱 特意到cafe首爾試試!!由太和火車站步行至 10分鐘內就可到達很方便啊!!8點到 餐廳滿座 而門外有10幾人等待緊在門口招呼客人既係韓國人 聽不懂廣東話 要講英文的!等到半個鐘終於可以入去座位好狹窄 肥一點都坐不進沙發位還未點菜 就有泡菜和芽菜作前菜 食完可以免費再添!!湯很清甜 很正宗 雞內裡有糯米 還有特別醬汁配雞肉一起吃!熱辣辣 有很多飯焦  還送上紫菜湯給我們!!!不太吃得辣既我都停不到口!! 芝士很濃;D點菜後 食物都很快送上!! 店員很細心提醒小心燙到整體上都很好吃!! 點了3款野食 2個人都吃得飽飽只是座位實在太迫了 這餐飯要起身2次讓旁邊既人進出 又要小心其他人撞到食物

熱騰騰的石頭飯, 全是蔬菜類, 如想加豬, 牛或雞, 只需加7元便可, 不辣的普普通通的前菜, 不太辣的半隻雞,算幾新鮮, 沒有雪味, 跟湯上的一小碟SALT,本來以為是倒入湯內的, 原來的應該將小小湯倒入小碟內, 用作"點"雞肉進食的總括OK, 下次會試"炸醬麵"及"紫菜卷, 午市時間去, 見到很多人叫"湯面"吃, 大抵可能是"碟"飯比較不吸引, 一場入到大埔, 還是試一些正宗少少的韓食午市雖然有SET LUNCH 跟, 但較吸引的食品, 還是跟MENU 叫, 會比較好

話說當日去朋友屋企，我地去之前係附近諗住隨便食啲野先，點知有驚喜！特別想分享一下嘅係芝士炒年糕同泡菜煎薄餅。亞洲地區好鍾意加芝士係啲食物上，但係好多時都令都得反芝士味，今次呢個年糕唔錯，顏色鮮艷又香，已經好吸引，年糕煙韌，辣醬同年糕就一向都好夾咖啦，芝士唔係啲濃味芝士，小小芝士味令碟年糕充滿新鮮感。平時係其他韓國餐廳都係食海鮮薄餅，今次都係第一次食泡菜煎薄餅薄薄地，煎得好香脆，泡菜同時亦好香，裡面有泡菜同埋啲章魚粒等等嘅材料，好好嘅一道小食。