café bar on 8

营业中

休息中

今日同老公仔搵食黎到呢度~見到食評好高分，環境又靚，決定黎呢度探險探險旅程由搵餐廳位置開始…我地係上路來，即由羅便臣道過來，原來都要點時間才搵到條路過對面(要經動植物公園的閘口有條橋)，由係巴士站望到餐廳到抵達用左十分鐘^^"到左喇~門口接待員好有禮咁招呼我地搭，上到去餐廳店員服務一流~見到個景觀覺得好靚好開揚訂左位既關係比左個窗口位呀Semibuffet有main, 價錢係98再加錢(睇不同main加唔同錢，淨buffet就128)，我叫左煎三文魚，老公叫左個椰香雞飯，兩個都好食! 三文魚燒得香又juicy, 椰香飯個汁好味雖然餐牌話辣但我地覺得一點都唔辣~講番buffet先，雖然area比較細，但都多種類，凍盤有蝦同青口，青口極鮮甜，我唔太好都食左好多隻另我最最最喜歡佢有兩款homemade 醃salmon ，其中一款係坊間少見比較深紅色，食落去真係特別鮮味，同一般常見既粉紅色明顯鮮一點。我都添左多次總括黎講，非常滿意，值得推介

亦是放在想去列表中一段時間，可惜了無機會。今日難得到港島，當然最好時機。去前訂座，侍應說如坐的士，食滿$250元可以扣除的士費，真的明白自己弱點，有誠意。查實歺庁位置確實實路遠難找，到達後環境清幽，十分優閒，深明遠的道理。半自助有蝦及青口，沙律種類多，甜品，包類都不斷添加及出新款，性價比高。唯一可以改進的是咖啡質量，確實很淡，另外唔明點解比中湯，冇西湯？中湯同沙律吧格格不入呢！主菜牛面額夠稔，燒雞扒都可以，起碼唔鞋口。由11:30-2:30pm .真心推薦。

人人都知，中環午市揾食艱難，但係如果有少少時間，坐的士５分鐘上半山可以另有天地，在麥當勞道2号8樓有一間酒店餐廳 Cafe Bar on 8，外邊是動植物公園，環境一流。食物是半自助餐，有凍蝦，青口，沙律，湯，甜點，豆腐花， 棉花糖朱古力噴泉等。各式村料都好新鮮，唯有青口有有亞摩尼亞味，美中不足。如果不叫主菜，$128 + 10%。主菜有5、6款，加幾十蚊，女士可能食湯、沙律同甜品都夠。仲有，有免費泊車，駕車更方便。

今日大少同我一齊去咗呢一間餐廳度食午餐。呢一個係半自助餐，心裏都有啲期待，唔知有乜食。雖然半自助餐嘅款式唔多，但我鍾意食嘅全部都有。有凍蝦，三文魚，青口，沙律，中國老火湯,甜點, 朱古力噴泉，等等。啲凍蝦好新鮮，青口亦都好大隻冇沙，三文魚係自家調味。我自己比較鍾意個老火湯，今日個湯系老黃瓜煲雞腳，我覺得好好飲，飲咗三大碗。主菜有魚，有羊，有牛，有意粉，有熱狗。大少叫咗柱候牛肋條配白飯，我就叫咗煎羊扒。大少話個牛肋條一般，我自己都覺得個羊扒都係一般，但係$200都唔使，有半自助餐，環境又一流，地方又清幽，其實真係唔錯㗎。

食物選擇算可以，樓底高，有自然光，空間感是香港難求的感覺。有海鮮、生果、甜品，質素唔差，有樣野想讚讚，就是服質素好好，換碟快，侍應靚仔遠離鬧市，通常都要搭的士。哩間餐廳食滿$250就可以claim max $50 taxi fee. If you reserve table, please remember ask for window seat. My seafood plate looks so yummy and we forgot to take photo before taking photo.

三年一度嘅一日重温急救課程嚟啦，St. John總部附近真係冇咩野食，好在今次有個同事話我知總部8樓其實有間餐廳，仲要係食buffet! 真係驚訝得嚟又驚喜，因為次次去都係上急救堂或暫考試，唔會諗到果座野仲有餐廳，咁就唔使走出外邊食，好方便。餐廳環境舒適，有落地玻璃窗，由於位處8樓，望出外面有種心曠神怡嘅感覺。Lunch係semi-buffet﹐每位入場98蚊，另外每人要叫1個main course ❨40-100蚊❩﹐其實價錢都ok。我地main course點咗口水雞pizza 2份❨@40蚊❩、千層麵1份❨60蚊❩。估唔到口水雞pizza呢個口味又幾得意，小小麻辣味，醒胃。個千層麵賣相唔錯，都好食。而buffet有沙律菜、冷、熱、甜品、生果都有，茶、咖啡任飲。海鮮有蝦、青口，冷盤有煙三文魚、幾款火腿、芝士，熱葷有中式咸/甜點心，糖水有紫米露，最讚係有豆腐花，仲有幾款蛋糕，生果都有好幾款。總括嚟講我欣賞main course多d﹐但係呢d高尚住宅區之內有呢個價錢嘅buffet都算係咁啦。

一家人母親節正日外出晚飯實在是難能可貴。要選擇一間能夠坐得舒舒服服、食物質素高又不會因為節日而「趁火打劫」的餐廳難度實在高! 雖然不算是熟客, 但之前已於Cafe on 8進過餐, 印象相當不錯, 尤其可以於餐廳內飽覽港島的迷人景致, 讓人未喝先醉...今次我們一家五口選擇了母親節4-6人中式套餐, 一共八個菜式 -- 五餸一湯一甜品+鮮果盤, 也只不過$1,120!! 包括厚切超稔叉燒拼盤、燒羊架、花膠鵝掌、蒸鮑魚、大蝦伊麵、烏雞墩湯、冰糖紅棗燕窩墩原個萬壽果。媽媽們過目餐單時已表示非常滿意!結果更令人喜出望外!! 之前都是來吃西餐, 勢估不到中菜也一樣超群出眾。每一道菜被端上枱的時候均另人饞涎欲滴, 色香味俱全👍🏻全部都是encore-able! 最後原來套餐還包括送上兩位下午茶下次*免費*享用, 如此超值母親節晚餐實在有點令人難以置信😅。

今日同同事去完行山後落山黎呢度食semi lunch buffet! Well, 原來呢度環境好ok! 雖然地方唔算大，但新裝修完之後，感覺好舒服！呢度的價錢好相宜，即使加main course都唔係好貴，不過大家都唔想咁heavy, 話曬剛做完運動，同埋出面的食物都好夠食，所以最後大家都冇叫到！出面的食物：蝦、青口、沙律菜配料泰式沙律、菇菌沙律、南瓜食物賣相幾吸引，每樣拎少少試下，味道也不錯，蝦夠爽口、菜爽脆、泰式沙律好夠酸辣，尤其粉絲入曬味！呢個煎堆波波大家都覺得好好食，因為又熱又脆，入面仲有豆沙餡.不過焦糖布丁就差少少，一d都唔滑.其他甜品蛋糕還可以既.食到中段，原來每位客人都有一份刺身，我們一枱人就一碟一齊上，不過我地有兩個都唔食，所以三人分左佢. 由於佢中後段先俾我地，我地都飽飽地了，所以辛苦同事最後鯁曬佢！呢個忌廉蜆肉湯都好好味！最後就自調熱咖啡一杯！呢到可以望到中環景觀, 不錯呀!

大病一場後，開始懂得要對自己好一點。今天病友相約一起吃個Semi-buffet ，地點由她揀選，估不到她會揀在半山區，她説semi-buffet就去過很多地方試了，半山區未試過，好...就跟她試試看。Book了12:30，我們早了10分鐘到，一進食店內，發現內裏裝修簡潔，坐位間有著適當空間，是一個不錯吹吹水的好地方。食物方面，半自助午餐，對於胃口小的可選擇$90只自取沙律、甜品、生果、青口、凍蝦、湯水、糖水等，另外還有三款每款兩片的刺身，最驚喜還有三種不同的芝士供應，若是大胃口的也可放心，你可選擇加$30-60，便可有多種熱盤供你選擇，包括有炒飯、煎魚、西冷牛扒配蔬菜等(忘了影餐牌相😓），我與朋友都選擇加$60，要了西冷牛扒配蔬菜，這個餐還包咖啡或茶，講到食物質素當然不能跟四、五星級飯店相比，但以$90+60的價錢，能夠在此享餐，亦是很不錯的選擇，當中要提一提，侍應生們，不論男女都很有禮貌。

Nice environment but the tea set was average.The sandwiches were obviously made for a while because the bread was dry and dehydrated.The scones and muffins smelt strange and there was no basic cream or even clotted cream with the scones.

今日又是休息日， 又係時候出動搵好嘢食, 我好鍾意食自助餐, 而且中午自助餐比較經濟, 所以好合適一般打工仔經濟負擔。 認真講， 餐廳位於半山區， 相對其他酒店自助餐嚟講， 位置比較隔涉，但餐廳環境舒適， 而且亦有山景或海景可觀賞， 加上侍應服務態度好， 已為餐廳爭取不少分數。 講返重點, 食物質素適中，唔難食但不見突出， 而且食物選擇亦較少， 不過沙律、輕食、粉麵、熱莗、甜品不缺， 比較可取有鐵板燒物(茄子、車厘茄、豬扒、牛仔腸、洋葱、牛脷)，惹味亦好食。 甜品只欣賞法式焦糖燉蛋， 因種類實在太少, 中午時段有八折， 埋單約180蚊， 如果講求享受環境休閒進餐嘅人, 呢度可以喺首選！

I noticed this newly opened hotel café on Open Rice and gave it a try. The café  is located at the far end of the elegant  lobby  which provides a nice        first impression. The café is exceptionally cozy and feels homey.  There is a lunch buffet on offer but I opted for the a la carte.1)Honey fig ,pear & cheese salad ($128) - The fruits are refreshing and the acidity goes well with the cheese and the greens.2)Crab cake ($110)- the crabmeat is generous , would be nicer if the crust is less oi