Café Circles

終於去食自助餐啦 如果做緊折扣 8折就食到 如果午餐更高達65折優惠非常便宜!200幾蚊起食咁多野算抵啦 晚市都係400左右一位分開熟食區,甜品區 仲有刺身 燒味 燒牛肉等等 款式數量上近百款美食仲未計冷盤海鮮同前菜火腿沙律吧等等 仲有任食雪糕!今日仲有燒蠔呀!大大隻非常好食 刺身有八爪魚片 甜蝦 油甘 三文等等 目測約6-7款 冷盤有蜆螺蟹肉任食 今期主題 國際美食海鮮自助餐紐西蘭頂級牛柳、澳洲穀飼西冷扒、香煎鴨肝、原隻鮑魚、燒羊脾甜品方面仲有紅豆沙 各式一口芝士蛋糕和布甸杯 麵包布甸我覺得做得幾好食!熟食類都非常多 炒麵炒飯仲有炒時蔬等等 清真咖哩都食到 !花多眼亂食唔曬!環境唔會迫,本身餐廳就隔得好開 仲有好多私人空間!Café Circles 荃灣楊屋道8號荃灣西如心酒店9樓9/F, Nina Hotel Tsuen Wan West, 8 Yeung Uk Road, Tsuen Wan平均消費$400評分8/10

The restaurant has a high celling and you can get a city view if you get a table by the windowI am amazed by the quality of the dessert table!! Also, I love the unlimited Movenpick ice cream and fish maw double-boiled soup!!!LaksaBeef was chewyUnlimited movenpick😍😍😍Fish maw and walnut soupSeafood includes prawn, mussels, crab and whelk. TIP: 👍🏻I booked via OpenRice which gave me 40% off(Adult $233 and child/senior $172 after discount)from Sept 2021, the openrice discount is 35% off from Mon to

今日去到荃灣如心酒店3日兩夜 Staycation 🥳 第二晚就去九樓 Cafe Circles 食自助餐，每位538+10%價錢合理餐廳環境開場，座位寬敞舒適，門口接待職員非常有禮😊 每位食客都可以享用香煎鵝肝， 即叫即煎嘅鵝肝，放上香脆既麵包上面，配上醬汁，非常美味😍 食物種類都算豐富，海鮮包括凍鮮蝦🦐螺🐚蜆,龍蝦仔🦞… refill 速度都非常快另外熟食仲有芝士焗海蠔🦪、辣酒煮東風攞，紅酒會牛肉，香橙煙鴨胸，自家製燒味，食物質素都好高😍 最推介就係煙鴨胸同燒味到甜品類，竟然有麵包布甸😍😍😍另外仲有芝士餅，水果啫喱，熱情果撻，柚子慕絲蛋糕，泡芙當然唔少得就係朱古力噴泉⛲️羊肉，牛肉 都非常美味,肉質鮮嫩另外有時仲會有一啲即煮美食，廚師👨‍🍳會響鈴🔔提示食客，非常有風味

因為現在OpenRice午市自助餐有六折優惠，所以嚟如心酒店試下，以一大一小合生共四百多元嘅自助餐嚟講，係非常抵食，尤其燒牛肉同喇沙非常出色，牛肉夠軟淋喇沙椰香味濃～

服務是不錯的，但是以五百多元的自助晚餐來說，食物性價比不高，同一價錢在其他市區酒店可以吃到更多的美食，及更好的質素，唔需要山長水遠入去荃灣食，宣傳海報上所講的鮑魚及鴨肝，每人只可以拿一小塊，無得refill。刺身種類也不多，只有三、四款，有麵包蟹，但係食咗三隻都係冇蟹膏🙈🙈🙈雖然有Movenpick 雪糕，但只有四種味道，甜品也不好吃，想試酒店的拿破崙蛋糕，聽講比較出名，但蛋糕一出，已被搶購一空，又沒有refill，結果一啖都食唔到😭😭😭餐茶任添。只有喇沙湯及中湯比較好吃😋整體來說，除咗環境不錯，食物質素很失望，同樣價錢，其他區有更好的選擇。

今日去咗呢間食lunch buffet。環境尚可，每張枱之間所隔嘅空位都尚算寬躺。我同朋友被安排喺較入嘅位置坐，初初我哋仲覺得距離攞食物嘅地方較遠，不太滿意。點知反而係一件好事。因今日非常多人，全場滿晒位，可能因為有六折嘅緣故。所以我哋發現如果靠近攞食物地方坐，原來係非常嘈。食物種類算多，但食物質素一般，當然也不算差。我哋有2小時30分食，由下午12:00到2:30，時間尚算充足。如果經OpenRice網上Book位，可以有六折，所以尚算抵食。

同老婆兩個入住酒店，之前朋友食過自助午餐，二百幾银，話有寿司，燒牛肉。今日终於有机會試，做完gym經過餐廳，大概11:45已經有人等入塲，有冇咁誇張，又話經濟唔好。返房冲凉换衫，大概13:00入塲，今日係平日，都幾乎坐滿。先講環境，以前食開buffet多數係老尖，地方實迫埋迫埋，呢度係高樓底，枱分得好開，充滿私人空間，起碼唔駛聽隔離抬講嘢，由於係中午，光線充足，十分舒服。一坐低，已經有人招呼，同老婆即刻出去睇有乜好嘢食，冷嘢有刺身甜蝦，魚，希靈，沙律，冷牛肉片，攞D沙律，牛片，刺身。到戲肉，燒牛肉，㕑師介紹係美國頂级西冷，加D燒汁，芥末，火喉啱啱好，入口有肉味，一定要食，燒牛肉旁邊係麵檔，一睇，原來係馬式喇沙，湯底一流，麵爽口，食完已經飽哂，但見熱嘢，有印度帥傅企係度，仲有幾樣吸引，留番下次來試。跟著甜品，部長推介，榴槤蛋糕，美味，雪糕係Movenpick ，伴着杯香濃㗎啡，人生。回家途中，老婆話下次試晚餐，都係四佰幾。

自助餐12點開始，初時冇乜客，仲可以靜靜地坐吓。12點半過後有旅行團坐滿了整個場。食物選擇不多，基本上食了一轉都冇咩食物想再翻盤。海鮮有小龍蝦、青口、蜆、蝦，都係普通。日式刺身有三款(只食了三文魚，吞拿魚), 和冷麵，壽司。 其中熱食炒魚塊較咸、印度烤餅很厚和乾，泡菜炒飯沒有泡菜味。但如果要講邊樣野食最印像深刻真係答唔到...現場有pancake 機，整出嚟pancake 好細塊，冇乜香味食落都好淡口...甜品有幾款蛋糕，麵包布甸，Moverpick 雪糕，(當日有coffee croquant, chocolate 同villia) 整體來說，待應人手足夠，也勤於收拾，食物非常普通，沒有期望便沒有失望。

生日優惠，1人免費，所以就再來吃吃吧今次送的是鮑魚，一人一個砂鍋送上，還是熱呼呼的食物款式都算多，坐位、環境也超值，放題價錢，酒店享受食物方面都多選擇，熟食好似有十幾款，（我冇食已經飽）主要都係冷盤，刺身，蝦出奇地好食，彈牙雖然甜品選擇真的不多，有朱古力噴泉，中式亦有豆腐花、紅豆湯，不過有Mövenpick 雪糕，口味有4-5款食咗3杯另外值得推介嘅係燉湯，超級好飲，橙汁、西柚汁也有免費無限提供個人覺得價錢合理，環境舒適，服務好下次會約再去

原价$388,Openrice訂枱仲有6折。餐廳樓底很高，全落地玻璃，光綫充足，座位寬敞，空間充足，尤其在疫情期間，倍感安全放心。員工有禮，貼心，服務週到食物款式多，味道好！肉類有不少選擇。沙律蔬菜新鮮，配料多，還有韓式配菜。甜品選擇亦多。至於日本魚生，只有3種，選擇較少。最欣賞係即煮的湯粉麵，有7-8種粉麵選擇，十幾廿种餸，還可以選擇喇沙湯底，最後加上自己喜愛的配料；尤其是豬皮豬紅魚旦，尋回兒時味道，牛腩亦好味

慶祝生日🎂食餐開心buffet🍽食左超多野，肥了肥了🐽最搞笑係侍應捧上生日cake仔時，我見佢手上仲有2碟。我就同男朋友講，仲有2個人同你一樣，都慶祝生日✌🏻點知轉過頭，推左一車cake仔出黎🤣每抬都係慶祝緊生日🥳會員生日優惠的確吹引😝突然我開始理解左，點解book位，同接線侍應雞同鴨講😅抬抬登記返生日member，排位排list都係種挑戰😉

✨荃灣西如心酒店Café Circles ✨🍽🍽🍽🍽🍽🍽🍽🍽🍽士多啤梨拿破崙 1lb $338(會員優惠五折後$169)🍽🍽🍽🍽🍽🍽🍽🍽🍽✔️呢個拿破崙 cp 值真心高，用如心酒店集團會員優惠五折就入手到，平過出面買連鎖餅店蛋糕✔️滿滿勁大粒士多啤梨鋪面，影相效果好震撼😆❤️ 不過依加唔係士多啤梨季節，士多啤梨味道略酸，不過夾埋酥皮同吉士醬一齊食就甜酸平衡得啱啱好✔ 酥皮做得出色，非常鬆脆，咬落去卡卡聲😆要墊住黎食，唔係會跌到周圍都係架✨✨✨✨✨✨✨✨✨

星期三去同屋企人食lunch buffet 比想像中好食Weekday 去都算多人，比想像中多人，估唔到海鮮類比較少款沒有壽司，得刺身熟食唔錯（有炒飯呀，麵呀，菜，魚塊，牛肉，咖喱等等）薯仔牛柳粒好食中式湯好飲( 飲左三碗）肉醬意粉小朋友超鍾意食👍🏻👍🏻甜品有細葡撻，蛋糕，豆腐花，杏仁露細葡撻好食👍🏻雪糕movenpick 好食中午lunch buffet OpenRice book 有折值得一試👍🏻

前日(3-4-2021 Sat)同老公staycation一晚後食早餐,由於都晏咗啲同執房嘅姐姐好枇早啲執房,咁我哋唔出去搵嘢食,就嚟9樓食啦.睇見早餐係set嘅,而且係$90.00一位,咁我哋有8折,於是都食啦.職員話嘢飲可以自己斟,但呢日冇橙汁,算,前一日都飲咗唔緊要.坐低後我哋就先斟嘢飲,我就斟咗鮮奶同自己溝奶茶.鮮奶冇問題,奶茶就茶味好淡,我已經落好少奶,酒店水準就係咁.之後想再斟鮮奶已經冇晒,而且係唔refill.老公就斟杯咖啡飲吓啦,佢就話正常嘢.然後我哋係咁等,其實我哋10點嚟到,等咗半個鐘都重未有嘢食,於是問問,職員答,整o緊㗎喇今日人多.唯有繼續等,等多15分鐘終於到我哋係一次過上齊嘅.1. 小籠包皮係薄同多汁,ok 嘅,但可惜只係微暖.2. 皮蛋肉碎粥配炸茶/蔥花/花生o衣o家至睇到有花生,而粥又係微暖嘅,杰度可接受.3. 豉油皇炒米粉一樣係微暖,唔多夠味,算,當食得清啲.4. 白麵包多士配果醬或植物牛油果醬同植物牛油呢?唔見,老公自己去攞.多士本身係烘得唔錯,但食落,凍晒不在話吓,佢係韌.有冇攪錯?5. 新鮮烚雞蛋配扒茄,煙肉同香腸扒茄,煙肉同香腸全部都係凍晒,煙

3-course嘅波士頓龍蝦餐頭盤有兩款沙律或餐湯選擇主菜已set定係龍蝦你可以揀意粉或Risotto又或者另加$80享用原隻龍蝦而甜品方面就係Signature之一既抹茶慕斯青蘋果醬泡沫我同RN兩個人可以share食咁當然盡量各要一款試勻佢．【1️⃣ 頭盤】『羽衣甘藍藜麥香橙西瓜沙律』好有驚喜各款沙律配料都勁清新羽衣甘藍好爽脆配埋意大利醋酸酸甜甜又夠凍好開胃『車厘茄牛油果醬拌檸檬油醋汁』擺盤好有心機最愛牛油果熟透軟滑不過如果二揀一我就鍾意羽衣甘藍多少少喇【2️⃣ 主菜】已經包括基本半隻波士頓龍蝦我哋各要左一份黑松露Risotto同埋一份扁意粉波士頓龍蝦係我哋回頭最主要嘅因素肉質真係非常嫩滑而且烤得金黃新鮮彈牙龍蝦頭仲有大量蝦膏食極都仲有好感動而Risotto同扁意粉各有千秋前者單食已經好香松露味又好al dente而附上既檸檬牛油汁則同扁意粉比較夾我覺得如果食個比較大嘅可能扁意粉會比較適合【3️⃣ 甜品】抹茶慕斯青蘋果醬泡沫超級有驚喜賣相係原個青蘋果外層而碟上以青蘋果造成嘅泡沫作點綴切開之後就會發現其實係抹茶mousse整到甜品好清新又帶微酸完全可以平衡甜膩度出色高質之作最開心係有超靚 ☕️ 拉花