Cafe DPD (已結業)

蕃茄大蝦意粉！酸酸地，味道唔錯！如果多少少汁就非常之好！薑茶唔太多薑味！環境舒服可以同朋友坐耐啲吹下水！入面地方好夠大，坐得好舒服！地點係旺角朗豪坊對方，超級方便！

今日想要一個Good Morning 所以去左呢度食早餐😜 餐廳環境有別一般茶餐廳，座位闊落，氣氛舒適，似去左一間cafe甘👍🏻 早餐種類大同小異，我好中意食常餐，二話不說就下單了😉🥖牛油多士選了烘底，烘得剛剛好，2塊麵包夾了滿滿的牛油，香脆又鬆軟🥚北海道牛乳炒蛋雖然炒滑蛋油份比較多，但都係抗拒唔到誘惑😝要煎到好食嘅滑蛋唔算好易，呢度嘅滑蛋除左滑之外，一啲都唔老，仲有蛋汁流出黎，可以留一半夾係多士都好好食🤤🍜秘制沙嗲牛肉通粉沙嗲味濃郁而唔肥膩，牛肉屬鮮牛肉，無過份醃製，所以較有咬口，通粉靭度適中👍🏻如果多一兩片牛肉就更加好了✨✨✨

以下係menu，有一人或二人套餐，及單點同drink menu。呢度係qr code落單。以下係ordered food:我地叫左2人套餐$298黑松露蘑菇湯味道不錯，濃濃的菇味炙燒吞拿魚藜麥沙律呢個沙律唔錯，啲菜好新鮮，南瓜同三文魚都幾好食，唔錯，同大大份幾好跟餐加$18 焙茶雲呢拿拿鐵呢杯味道還好，茶味濃，不過飲到最尾一團沉澱物，似係未攪勻，而又冇比spoon我地。跟餐free熱檸水正常，飲完可以加水，幾好香煎黑豚肉豬鞍扒，芥末籽蘑菇燒汁 升級加$30 呢個豬鞍幾好幾好，肉質鮮嫩多汁，不過係咸左少少。唔點個蘑菇燒汁都已經好好食。同埋個燒汁有點過咸。另外側邊啲沙律好新鮮，薯條好好食。蟹籽蟹肉蟹膏卡邦尼意粉 跟餐加$30呢個意粉好濃味，幾好食，超多蟹籽蟹肉蟹膏。跟住係甜品時間跟餐加$38 法式焦糖燉蛋呢個法式焦糖燉蛋非常難食，人生之中食過最難食嘅焦糖燉蛋，個燉蛋似係未完成嘅作品，食落質感似嘔吐物，個燉蛋係完全冇味食左一啖食唔到第二啖。我即刻叫經理講換第二樣甜品，因為實在唔係人食。結果轉左呢個，跟餐加$48嘅原味疏乎厘等左半個鐘，先有得食，都好食嘅，推薦大家食呢個！

經過見到呢度環境都唔錯下午茶時間仲未食嘢就入去試一試 餐廳裝修係一間cafe下午茶時間冇做lunch set 下午茶餐牌係 港式常餐咁要咗一個火腿通粉 配煎蛋多士 不過不失 另外一個叫咗 唔係港式嘅 海鮮喇沙米線好足料 有兩隻青口兩隻大蝦同埋幾嚿豆卜湯底都還可以 唯一唔好係隻蛋好鹹另外試咗培茶鮮奶 賣相ok飲落普通佢哋飲品嘅選擇好多 喇沙海鮮米線 另外佢哋有期間限定一個冬陰功海鮮米線好似都幾吸引 不過今次食 喇沙先另外一提佢哋係自己掃q r code落單, 嘢食都嚟得好快， 整體唔錯

《除左餐飲，普遍菜式都偏鹹》點左晚巿二人餐，前菜：黑松露蘑菇湯，泰式燒豬頸肉酸辣沙律主菜：西班牙海鮮焗飯香煎黑豚豬𩣑扒首先前菜嘅黑松露蘑菇忌廉湯，向職員反映偏鹹，得到回應係：「我哋嘅湯賣咗成日，冇客人投訴過偏鹹，我哋都試過係正常」不過我其實冇諗過追究責任，我都明白口味係因人而異，但佢哋呢個回應似乎表達緊問題唔係佢地度係喺我哋度。最後個湯加錢換咗三重芝士焗大啡菇，不過都係鹹。唯一欣賞嘅係個香煎黑豚豬𩣑扒，走汁嘅話係幾好食。不過我唔會再來了。P.S. 睇返其他顧客留言，原來塵哥在2023-1-14都曾經post過「食物死咸不知所謂」為題既評語。

情人節簡簡單單食一餐本身全晚都無咩點知去到個甜品時間就出事我哋7:00落單7:45有侍應問需唔需要幫我哋落訂個梳乎厘因為要做20分鐘我哋話ok咁繼續品嘗美食去到8:15分我男朋友問侍應個梳乎厘跟住個侍應就話 唔好意思 因為太多單已經追咗㕑房 請你哋得多陣跟住去到8:25我男朋友再問個侍應你哋個梳乎厘要整幾耐呢？我哋真係想睇下有幾好食然之後我再出聲其實呢啲節日你哋公司應該知道點樣去安排如果唔係會損失好多客人我哋隔離枱個2位遲我哋10分鐘入嚟食都頂唔順埋單走而係佢哋走咗5分鐘之後個梳乎厘終於面世講真 真係一般好彩我哋有時間如果咁啱有啲買咗飛睇戲都唔知點搞環境係可以嘅 但食物就一般

每次經過見到呢間cafe 裝修幾好，好似幾岩同啲朋友閒聊，今次終於有機會試下，朋友叫左個冬陰公海鮮米線，我就叫左個lunch set, 有南瓜湯，蕃茄蝦天使麵同埋熱檸水一飲個南瓜湯就知唔得，南瓜湯好稀而且南瓜味唔夠香濃；至於個天使麵都係得個樣靚，但撈落係唔夠蕃茄汁，得番乾淨淨既天使麵。但環境係幾好坐，閒聊係可以既，但建議食野就唔好係到食啦😂

起初得悉這店名為DPD大牌檔，心想定必是主打庶民風味的餐廳。豈料來到才發現是有著Cafe般的優雅格調，但卻配上大牌檔的名字，看似違和但背後卻有著巧妙的安排，原來是集結東南亞各地大排檔的特色美食。好早去到，只能一試早餐價格在同區來說比較實惠而且CP值高，大大份似足大牌檔😂1️⃣ 特色早餐 $76楓糖鮮嫩雞扒唔算大件，不過勝在夠香口同熱！配上香脆薯餅、北海道牛乳炒蛋及牛油多士，滿足左豐富早餐既願望😋😋包埋熱朱古力鮮奶咖啡，唔駛加錢！抵！2️⃣ 全日早餐 $98個人覺得全日早餐冇特色早餐咁抵食首先係all day breakfast食洋蔥豬扒有少少違和感😛不過其他配料非常足料烤蕃茄、煎德國腸、香脆薯餅、沙律、煙肉、茄汁豆、北海道牛乳炒蛋及牛油多士…..除左洋蔥豬扒有d肥同唔match包埋野飲其實幾抵😂❇️總括黎講，特色早餐係最抵食

Café DPD旺角分店，我都係第一次消費抱住嘗試心情，幫襯左一人午餐。蕃茄芝士焗原切豬扒飯真係無得輸爆熱炒飯香有趙頭，焗豬最緊要個飯底，個底打得好先係贏家。首先豬扒厚切軟熟加芝士濃郁，鮮蕃茄味足夠。略嫌唔夠豐盛，我加多隻煎蛋，大滿足。整體黎講係溫度焗得夠熱夠透香味出晒黎，賣相火辣辣。原本想加杯咖啡，但想飲個可樂爽下。雖然價錢有D貴，食好西就唔好計較lah。去間Cafe都冇咁ge質素，仲要雙倍價錢。Baked Kurobuta Pork With Fried Rice, extra Sunny side up egg $108

星期六行街經過被入面環境吸引嗌咗個二人餐，個西班牙海鮮飯第一啖唔錯，但之後越食越鹹。。。諗住之後嘅意粉會清淡啲，點知都係好鹹，鹹到苦嗰種最後兩個main都冇食晒，成餐飯十分唔暢快埋單盛惠328大元，完全唔值呢個價🙄唔會有下次

今日係旺角見完客，個腦需要休息一下，見到這門面裝修雅緻，入面寬闊，所以便選了這間作我一天的加油站。午餐點了黑松露野菌忌廉意大利麵，賣相已經好吸引，放上枱面還是熱騰騰的，香濃黑松露味道，意粉有咬口，不是一般淋晒的港式煮法，配上軟滑忌廉，入口極有滿足感🤭 見到餐牌有港式奶茶，又試一試，杯茶很熱，奶味香濃，茶味剛好，不會苦澀，值得一讚！ 而且環境尚算清靜，點餐用qr code，唔使對話，無人打擾。一路飲住杯茶，一邊整理思路為下個會作好準備😀  如下次再係附近開會，一定會再來🥰

上個月尾諗住係旺角食個快飯，之後跟住去聖誕party慶祝，門口見到舖頭入面睇落裝修好舒服！Order 咗個晚市套餐，原來係期間限定，7:30前離座係每位208，包咗餐湯主菜，旺角市區嘅位置來講價錢合理。頭盤係煎吞拿魚青瓜沙律幾清新，仲有少少蟹子增加口感。另外揀咗海鮮意大利粉，海鮮份量都俾得足料，忌廉汁同蒜味都幾夾，啲汁比較濃，建議同朋友share一份，個set可以另外加錢叫甜品，不過食得太飽冇加到。

從來唔寫食評，不過今次不吐不快😤見佢門面唔錯以為啲食物OK，點知食完先知伏！午飯時間，堂食冇乜人。枱面上面個落單QR code過咗期，叫waiter更新之後自己落單；點咗個健康之選沙律午餐set，加多個三重芝士焗肉醬”大”啡菇。個西湯仲不知所謂！什麼紫薯忌廉湯，根本係粉漿一碗！個大啡菇，我隻手個拳頭都俾佢大！加埋一，要二百幾蚊！食完都唔覺得有食到啲乜落肚！😠😡出門口要喺隔離補食隻蛋撻同雞批先覺得有啲嘢落咗肚。呢間嘢實在好唔掂！一定唔會再幫襯！

今日係平安夜的下午，我見到Café DPD推出新既食物好吸睛。而我同朋友咁啱覓食中，見到好豐富既餐牌吸引左我地。另外，我第2次去消費，發現餐廳環境唔同左，中間多左好搶眼同植物位置可以打卡。我地最後Ordered BrunchThe Big Breakfast $148/位煙三文魚、培根、德國腸、牛油果、茄汁焗豆、炒蛋、蘑菇、蕃茄、沙律、薯餅及多士)2位起，我地2位叫左呢個，份量好多，平時去普通Cafe食都要$170up all day breakfast特別牛油果keep到好新鮮，仲有炸物絕對新鮮炸起，正!!

諗住boxing day去試下新餐廳食個all day breakfast. 首先用手機落單，但係佢有兩款唔同all day breakfast, 手機落單係睇唔到入面有乜唔同，咁就問下佢啦！點知原來有張menu可以俾我睇，但我哋坐低左又唔俾喎，要問先俾。落單後，首先黎左杯咖啡，一望係茶餐廳熱咖啡咁嘅樣😳飲一啖，淡而無味，失望。一間cafe可以連咖啡都唔係咖啡機出，係茶餐廳即溶咖啡沖出嚟。無耐份all day breakfast 到啦。煙肉係炸嘅，腸仔都係炸嘅，磨菇又係炸嘅！全部炸到乾爭爭！個黑松露薯條，無黑松露味！多士係求其白麵包烘下，撩左少少牛油俾你。呢個咁嘅all day breakfast連湯連咖啡，再加一，一共三百幾蚊！一啲都唔好食，難食到頂點！唔會要幫襯！