Café East

营业中

休息中

好耐冇食自助餐啦😆😆今次有人提議去位於尖東既千禧新世界香港酒店既自助餐，就一於試一試！葡國燒乳豬好味，個皮好香脆👍🏻。另外仲有片皮鴨，即燒海鮮、羊架、三文魚，肉質鮮嫩，好惹味。要推介個中湯，花膠雞腳，有好多料添，好正，真係要飲返一兩盅補一補。甜品方面，有haagen-daz雪糕，但唔係一杯杯，要叫佢先𢳂俾你，一定要食多幾碗！如果鐘意食榴槤既記得食榴槤雪糕，不過佢係獨立包裝好，榴槤味都好香。仲有多款芝士蛋糕、檳城薄餅、焦糖布丁等🤣不過pancake疏乎里就一般。

香港啲日式放題開到成行成市，廣受年青人愛戴，而Buffet 呢個字响年青嗰一輩就好少提起！其實坊間放題都$3XX 食得2粒鐘，趕到死！加多少少去酒店食 buffet 就可以慢慢歎，都抵嘅！今日託貴人鴻福有人請客，一於show 吓我啲食力先💪！Cafe East 地方唔算好大，但枱與枱之間非常寬敞，就算經常行出行入攞嘢食都唔怕撞到隔離枱 場內分咗幾個食品區，有沙律冷盤區，壽司刺身區，熱葷區，鐵板燒區，粉麵區，甜品區。冷盤區有凍海鮮（長腳蟹、海蝦、開邊龍蝦、貝殼類）- 龍蝦肥美，蝦膏又多又香，食兩隻係基本！- 海蝦大大隻，鮮甜爽口又彈牙，食半打濕濕碎啦！- 上海冷盤小碟有涼瓜、豆腐、溏心蛋、小冷麵，細細一碟又可以多試幾款！沙律方面，推介大蝦小八爪魚沙律拌橄欖油，除咗用少少鹽同胡椒粉調味外，啖啖都係鮮！鮮！鮮！刺身壽司水準一般，不如留肚食鐵板燒啦！鐵板燒有蝦、三文魚扒、和牛扒、羊架即叫即燒！- 大海蝦用牛油蒜蓉一齊煎，香到不得了！- 牛扒亦煎得剛好，牛味濃郁唔駛醮汁已經夠味- 羊架肉質鮮嫰，冇羶味，我見好多人都一次點兩件以上！- 如果唔想等，鐵板燒旁邊亦有已經燒好嘅烤牛肉、豬肋骨、蜜糖燒雞鎚

上星期日屋企人生日book左尖東依間酒店食buffet慶祝。食buffet當然首先要食刺身刺身的款式不是多，但勝在鮮甜，由其是帶子，肉非常厚，encore左幾次。到燒烤區，有羊架，和牛，大蝦，鵝肝，全部即叫即燒。如果唔想排隊等，都有大大件牛可以食仲到仲有面檔啲雲吞係人手包，大大粒皮薄又足料，值得堆介最後，點少得甜品區。甜品種類五花八門，有糖果，haagen-dazs 雪糕，即整嘅檳城薄餅。重有中式糕點重點仲要係做成點心樣貌，再用中式籠裝上，極具心思

好耐冇食自助餐，周年紀念就一於食好D去食dinner buffet，朋友介紹呢間位於尖東既酒店，前身為日航酒店，翻新後改左名，叫做千禧新世界香港酒店。自助晚餐6:30pm開始，自助餐地方唔大，但勝在麻雀雖小，五臟俱全，頭盤，沙律，刺身壽司，海鮮，熱葷，甜品既選擇都好多！一去到當然先食海鮮：龍蝦、麵包蟹、長腳蟹腳、大蝦等等。見佢refill都好快，唔會好快就見底～海鮮好新鮮，係一大回本位！熱葷黎講選擇好多，不過最驚喜係現場既鐵板燒，有和牛，鵝肝，大蝦等等，即叫即做。呢個價錢可以食到鐵板燒和牛，又係另一個回本位！一整塊咁上，燒到medium rare，入面仲有少少生，入口即溶。仲有即場起你面前用火鎗燒既乳豬，熱辣辣，乳豬皮燒到脆卜卜～太多野食喇，食足3個鐘都食唔哂～仲見到佢有煮麵既廚房，即場鑊氣小炒，片皮鴨，中式燉湯等等，不過仲要留肚食甜品呀！另外值得介紹既係甜品，最吸睛係呢d點心造型既甜品，有蝦餃、鵪鶉蛋燒賣、鮑魚等等，一籠一粒，係唔同味道既糕黎，有椰汁糕咖啡糕等等。張點心紙都可以食，廚師介紹係用威化紙整既，不過食落口其實冇咩味，都係用黎打卡就夠喇～即叫即做既梳乎厘同埋檳城薄餅都好好食。

已經來過好多次，喜歡這裡環境開揚寧靜，座位濶落，坐得舒適，食物種類雖不算特別多，但都好味，感覺用心去做。平時不吃羊的我，今日試咗煎羊扒，要了七成熟，外層焦香，肉質軟冧，很juicy 👍，我竟然食晒成塊。另外最欣賞的是花膠人参燉雞湯，大大件的花膠，清甜的雞湯，正！印度咖哩也是推介呢，印度廚師好有禮貌，好friendly，即做印度飛餅配菠菜燴雞肉，也是超正！食得開心滿足，捧住個肚離開，進入電梯預備關門之際，侍應哥哥追到門邊，原來樂極忘形連電話遺留在枱上都唔記得，好彩有禮貌的侍應哥哥及時追上來送還電話，唔知道這位高大的四眼哥哥叫什麼名，總之，唔該晒你！

在網上很少人分享這間酒店的LUNCH BUFFET，今次原本想去YAMM，最後都選擇了CAFE EAST，但是就無下次。環境 – 枱擺設比一般酒店闊落不擠迫，光線充足，感覺舒適。當天雖然是星期六，但是都不滿座。食物 – 選擇非常少，無論是熱葷，冷盤等，真係「一眼睇晒」。粉麵 – 油麵，河粉等，料有魚蛋，墨魚丸，雲吞，牛丸，貢丸。我女食了一碗油麵及魚蛋，墨魚丸，一般質素。中式點心 – 蝦餃昔通，菜餃及包點無食冷盤海鮮 – 蟹腳尚算粗壯，海水味不太咸，味道不錯；翡翠螺及青口一般質素，沒有特別：龍蝦拑沒有味道，要點醬油食，祗試了一隻。魚生 – 有四款，三文魚肥美，八爪魚較淋不靱，另有吞拿魚及白色的魚。沒有壽司。天婦羅 – 蝦及蔬菜湯 – 中湯是鮑魚XX湯，但就找不到鮑魚，無飲；飲了磨菇湯，味道濃郁。鐵板燒 – 和牛牛扒，但是跟一般牛扒沒分別。芝士 – 不吸引，無食燒牛肉 – 味道一般熱葷 – 炸魚柳印度食品 – 薑味奶茶味道較甜，其他咖哩食品因為唔吸引無食甜品 – 祗放在有一個櫃，榴槤糯米磁味道較好，其他一般雪糕 – MOVENPICK有大約6款生果 – 哈密瓜無味由於客人不算多，我見負責的

呢間係舊底日航酒店，印象中好似越黎越麻麻。14年改左名，而16年翻新咗，靚咗好多。嚟到食lunch buffet，其實本身唔算貴，338一個人。免費入會，有7折，都係270，真係好抵食！我幾喜歡呢度嘅裝修，好型格，好靚( ´▽｀)嘢食種類好多，熱盤有魚，蝦，質素唔差，好味。有蟹腳，青口，都肥美同多肉。呢個價位嘅buffet，熱盤算唔少，而且換得都幾密。甜品生果區，甜品係展示型雪櫃（我唔知點形容），覺得呢種擺法可以確保溫度，平時個啲係開放型雪櫃，感覺唔夠凍。呢個朱古力撻好靚好好味，朱古力好濃，大愛。甜品真係好多，揀到眼花撩亂(*☻-☻*)食到我地都幾滿意，無咩伏，分分鐘好過某啲貴buffet。芝士都有幾款選擇。整體都係令我地滿意，而且滿足。

最近試了Cafe East 的自助晚餐，折扣後兩大一小成為千三！ 雖然價錢吾算便宜，但一心想試試。果然無失望，走了一round看看心情興奮。一開始就來龍蝦及面包蟹，紅紅的糕滿足了我今天來的目的。再來漁生，澳洲和牛扒，燉湯，沙律。。。坐下來吃完就出，吃完又出不下十多次！十分滿意！雖然地方不是很大，但食物樣樣精品，特別是那些精緻甜品！服務好，地方正，一定會再光顧！

睇到好多食評都大讚，我哋更係要一試喇，難得母親節就食好啲喇。因為有我最愛嘅龍蝦無限量供應，有花膠鮑魚，有芝士焗龍蝦，蒜蓉蒸大扇貝好食到食左3轉有燒海蝦牛扒每次需要 order 不過我覺得ok，因為一定唔係放到凍晒比你 ，好夠火喉燉湯個好好長(唔知咩野有蟲草烏雞)，講下壽司刺身，三文魚一定唔小得，難得有我鐘意嘅北寄貝同甜蝦，最後就係有特色嘅甜品大小姐食左好多，因為真係又靚又好味，水準好好。價錢都唔貴，老公大人都覺值得。

呢間尖東嘅酒店唔單止容易搵，地方仲好方便啲係香港基本上冇人識。大臮今日朋友請食buffet慶祝一念過去嘅收穫咁重要嘅城市當然要出席啦。可能開心我頭，都唔記得影相。好彩突然間發現，先至影番幾張靚相出嚟。畀大家一齊睇下分享下真係好好味㗎!呢度有唔同種類嘅海鮮，有長腳蟹腳，龍蝦，仲有生蠔呀!抵食到爆燈! 除此之外我最欣賞係佢啲ham有好多唔同嘅種類，一次過可以試曬唔同咁多種嘅味道真係好開心呀!食完仲要記得留返個位食甜品有各式各樣嘅甜品仲有haagen-dazs雪糕㖭!

是夜家庭聚會，有老有嫩，選擇了近期常來的cafe east，這裡環境舒適，地方寬敞，而且服務也不錯，而最重要當然是食物質素啦！一向食自助餐冷熱盤比例是8:2的我，每次來這裡都是剛剛相反，只是吃少量冷盤，竟然主打熱盤，因為實在太吸引了，龍蝦、鮑魚、燉湯、鵝肝、扇貝、大蜆......太多選擇，所以我放棄冷盤了。另外，甜品控的我都吃了不少甜品，有整個甜品corner讓我慢慢選擇，當中最受歡迎的是即製梳乎厘，每逢出爐很快便沽清

第一次晚上黎依到食buffet, 之前見食評有d好, 有d差, 但最後試一試喇~ 海鮮有龍蝦, 長腳蟹(有海水味, 幼左d), 麵包蟹, 青口, 蜆, 全部很新鮮熟食有即煎羊架, 三文魚扒,鵝肝, 大蝦, 飽魚, 帶子....都很好味湯有蟲草花, 烏雞, 紀子, 不過太鹹, 無飲到刺身有三文魚, 帶子, 像拔旁, 好新鮮, 不過吞拿魚有d 色澤, 吾新鮮無拎到雪糕都有8款選擇, 都不錯服務非常好, 好快收碟, 地方又很乾淨

今次試新野，在網絡平台看見這間Cafe East的宣傳片被他的食物及甜品吸引，而且價錢合理即場申請會員咭有折扣優惠，而且偏愛吃buffet 一定要相約友人來試試先海鮮選擇多冷盤超正有鮑魚，蒸魚雪糕選擇多至愛的cheese cake 鐵板燒，夠新鮮即場燒鮑魚班蘭年糕燒，好好食，很香食物總類很多，真是吃不完超級滿足，值得推介給朋友來，而且還申請了vip member，全年有75折，一定會再嚟，而且服務好好很親切。

自酒店被收購之後現在才有機會嚐試這裡的自助餐，款式又不能説很多，但也不少，最重要是各式各樣味道都十分有水準，沒有一種將貨就價的感覺。當中鵝肝，和牛，羊架都非常美味，主理現場鐵板燒的員工忙過不停，不過即燒即上碟確實可以令客人大飽口福甜品款式亦令人目不暇給，尤其一口芝士蛋糕，已經有6款味道，再加上製作外型跟點心一樣的甜品有鮑魚，蝦餃之類，小朋友看見一定會十分高興還有擺放一角的印度咖哩，普遍任何一間Buffet都不會少，但吃的人總是不多，本人就一定會試，伴有軟香的油酥餅及脆口蝦片，非常滿足冷盤海鮮有龍蝦，阿拉斯加蟹腳，大蝦，青口種種，但就沒有生蠔，所以價錢比附近酒店自助餐平。

今個月做緊七折promo仲可以做埋會員， 見fb 介紹假日dinner buffet 超高班即時打去訂枱， 卻換來一句全個月已full booking 了。真的好傷心。 退而求其次，book 左星期日嘅lunch buffet, 可惜book 得遲，只能安排餐廳外面嘅走廊位。走廊位雖然無咁方便，但叫寧靜。準時1200 可以去夾野食， 冷盤其實有蟹腳、龍蝦鉗、螺、青口同凍蝦。龍蝦鉗好厚肉，質素唔差，而蟹腳好好味， 肉好飽滿、有少少海水味但唔會太咸。熱食都唔少，但我地食量唔大食唔得哂咁多款，當中蝦仁象拔蚌炒西芹有驚喜，同去飲嘅味道好似，蝦仁同象拔蚌都好爽口， 好好味，有埋象拔蚌嘅蝦仁炒西芹起其他buffet 較少見，就算幾飽都要食多轉！ 而蒸海班就較令人失望，味道欠奉。炸比目魚扒肉質幼滑，唔油膩。刺身有～4款，只叫左呢兩樣， 大眾的味道。 即叫即煎嘅和牛，熟成剛剛好， 肉淋唔 un, 但一定無可能同上等和牛滿口油脂相比嫁口廿呢度嘅甜品唔只款式多，質素仲好唔錯添。見到滿滿嘅精美甜品櫃真係好靚好吸引造型好似石春嘅芝麻糕，幾香唔太甜。而朱古力撻好正， 苦苦地唔太膩！芒果千層穌，好脆好香，如果上面