Cafe&Meal MUJI

营业中

休息中

今日午飯時段黎到又一城，見到呢間Muji Cafe嘅三餸飯都幾吸引，一於試吓😛我揀左明太子醬汁雜菌厚燒玉子、菠菜金蒜薯仔沙律、甜椒醬炸雞、紅米飯。其實冷盤都幾好食，凍嘅玉子燒好特別🤩🤣，炸雞都好好食，我不嬲都好鍾意食薯仔，所以唔洗講😂但份量真係超細🥲🥹，如果多番兩舊炸雞會好好多😭😭 我見外賣平好多，下次買外賣算了🥹 $98三餸飯可一不可再🥶🤣 好彩冇加一咋🧐

由細到大一直都買開MUJI既文具，估吾到MUJI都會開文青系cafe，餐廳主要以木系裝修為主，食物都算多樣化，感覺主要係健康、輕食為主😉🩵主食：澳洲和牛肉眼餐$238見到和牛就忍吾住叫左，一上枱就聞到好香和牛味，五成熟既和牛扒鮮嫩多汁，食落好有牛味，配菜方面就揀咗炸薯條，冷盤揀咗芝麻醬拌菠菜冬菇，真係健康又好味🤤🩵飲品：琉球紅茶飲品跟餐配送，食完和牛扒薯條，飲落冰冰涼淡，啱啱好可以解膩👍🏻

今日去九龍塘又一城行緊嘅時候有啲悶，於是就入咗去無印良品睇，發現有一間Muji Cafe於是就嗌咗呢一個焦糖布丁，食緊嘅時候覺得布丁動L動L咁幾舒服,消閑時間嘅好去處👍🏻

之前一個人去基本上唔使等位，今次可能因為星期五晚嘅關係，大約等咗15分鐘入座。1️⃣ 主食叫咗牛油雞肉雜菜咖喱飯🍛不過今次再去食，覺得冇乜牛油味，好似冇之前咁好味🥺雞肉份量算多，配料紅蘿蔔同蕃茄各有兩三嚿，可惜薯仔得一嚿☹️飯揀咗十六穀米，比較有嚼勁。2️⃣ 免費餐湯喺蕃茄麵豉湯，有蕃茄嘅微酸味，比起以前嘅普通麵豉湯好飲好多。3️⃣ 配一款冷料理，我揀咗菠菜金蒜薯仔沙律，非常好食！三樣食材味道好夾，而且蒜味好香好夠，如果之後再去食一定會再叫呢款料理。4️⃣ +$20配熱琉球紅茶，解一解膩。5️⃣ 老實講埋單$128，如果咖喱飯水準差咗，而且又冇其他嘢想食，未必需要用呢個價錢特登過嚟食，又一城food court都可以有好多其他晚飯嘅選擇。

想食輕盈D, 健康D...D度係一個好選擇😉 走入餐廳內,好有文青feel. 大部份客人都好文青,沒有人嘈喧巴閉,朋友因就算喺度傾計都唔會騷擾咗旁邊嘅人👍食物都算多樣化,主要都係一啲蔬菜,亦都有蛋糕甜品,唔同款式嘅咖啡,亦都有一啲唔同嘅茶品,果汁...今日6點前去到餐廳,仲有下午茶. 咁我就叫咗一份甜品套餐, 再加一份自選三式晚餐.味噌烤比目魚柳(辣) ： 魚肉好滑☺️ 明太子醬汁雜菌厚燒玉子 ： 蛋味好濃 蕃茄漬豆腐配魚乾 ： 唔會覺得淡,調味啱啱好 十六穀米,比白飯更好食更健康 餐湯係 雜菜,菇湯,唔會覺得淡,調味啱啱好甜品套餐係宇治抹茶 雪糕附加開心果碎加琉球桂花玫瑰紅茶.咁多嘢食只係$146. 抵👍

一直都係muji fans，經常都會幫襯，無論佢嘅三品料理、比目魚蕃茄烏冬或者疏乎厘班戟都好好味。前幾日去食，發現服務水準下降不少。首先係收銀嗰位小姐，我明白新人要俾機會佢哋實習及嘗試，但可唔可以唔好揀lunch hour呢d繁忙時段？當時兩位男職員一邊協助呢位女仔一邊教佢，叫我哋客人白白浪費時間、付出無限嘅耐性去等佢，之後仲要落錯單！如果需要培訓的話，可否請你哋私下培訓足夠先俾佢實習可以嗎？最搞笑係送甜品的時候，職員放低咗一杯凍茶，我哋係冇叫嘅，食食吓有個女職員衝過來，問咗一句：你哋冇叫飲品㗎呵？然後一句唔該都冇就攞走杯野，非常冇禮貌！當時感覺係相當愕然，我一直熟悉的無印，幾時變得服務質素咁低？實在失望。

Muji Cafe☕️ 可以说是又一城食堂了 工作日不知道吃什么的时候就会选择Muji 选择很多 有set meal/brunch/下午茶餐 整体清淡健康不出错的工作餐选择就是 三选/四选set meal 基本上每月都会换菜单 营养搭配均衡 健康好食这次专门试了新出的chef choice set - 纽西兰PS肉眼扒🥩七分熟的牛排汁水很足 吃出来牛排的品质还是不错的 调味也很简单健康 还可以搭配一款自选菜和饮料甜品的话 新出的核桃挞意外地好吃 核桃醇香不甜腻 🫐蓝莓软雪糕也不错 不会很甜

今日去左MUJI cafe食甜品，首先堂食嘅話要去攞左枱先，再去收銀區講你嘅枱號落單，落完單就番埋位等店員送餐過黎~~~方便快捷，唔洗自己取餐。等左~15-20分鐘，就有野食啦，梳乎厘賣相好靚，煎到金黃焦糖色，仲有一大舊cream，附上朱古力醬、焦糖比你自己淋上。仲好貼心配埋一隻細碟，方便你切過去食。梳乎厘本身唔會太甜，口感輕盈，入口即溶，同糖漿簡直絕配！舊Cream又好好味，想特登買盒番屋企食🤣🤤 但希望下次有多d雜莓🙈最正就係冇加一，$98埋單！

想食啲熱食，但係佢個set 熱盤竟然係凍嘅 ，好失望。奉送嘅湯都係一樣，凍嘅，我不能理解。如果係凍食，不如寫所有都係冷盤啦，熱食放到凍晒咁俾人，個飯都係唔熱㗎，不過未至於凍囉。到頭來好似食咗餐冷飯菜汁咁。南瓜核桃沙律就好好食嘅，奇異果沙律都幾開胃，冷盤正常合格無問題。希望佢哋會改變下所有熱食嘅温度，因為我朋友食嘅嘢都係一樣係凍㗎，唔係講笑。佢話咖哩飯都係凍㗎，oh my god!Muji cafe 希望你哋睇到review , add oil

今晚想食清同健康少少就去咗muji cafe order咗仲4品有冷盤同熱盤各2呢個係南瓜蓉沙律、帶子雜菜沙律、黑醋豚肉同西蘭花椰菜花蝦仁另一個set order咗雜菇菠菜、明太子炸雞、豆腐蟹肉同味噌比目魚個set配有味噌湯咁多款個人覺得味道不過不失只係因為其實又一城都冇咩好揀唯一最想去嘅就係muji cafe所以整體味道都ok 而且都算都多選擇可以自由配撘加上都坐得舒服又冇限時係幾好hea下嘅地方同friend都可以坐好耐

話說， 我見到menu 有海帶麵， 即管問吓海帶麵有冇麵粉， 帶位+執枱嘅"中年姨姨"即刻問我係咪gluten-free, 又講吓邊D 食物比較穩陣，仲帶埋我出去display雪櫃睇吓先。 真心， 喺香港遇到咁嘅service已經比🫶。喺香港，真係冇咩地方提供gluten-free食物，知道咩係gluten-free嘅人亦唔多， 突如其來嘅關懷， 係窩心嘅🫶🫶我有偷睇佢咩名架，但係，只見佢掛住Trainee牌， 希望下次嚟到都見到妳啦🫶🫶🫶

1）無人係reception。我已有攞飛等叫number，入邊勁多空位，啲員工無野做咁行黎行去，都唔會去reception 睇下有無人等位。2）勁多留位比員工食飯。員工放飯係合理，但佢留啲位係1佛佛，唔group埋。食食下野就突然見左1個員工大右1個員工，我去左員工canteen咁。3）自己員工做錯野屈客好喇，終於等到佢收飛帶位，佢叫我就咁掃code order, 咁我order果時突然有另1員工行埋黎問我點入黎，係咪自己入，點解坐係度。咁我咪話有人帶位囉。 之後佢指住放到老遠既留位牌，佢話依個留左位。又帶左我另1個位。原來個「留位」係比佢1個員工放飯囉。4）無刀用。上食物啲餐具都依樣漏果樣漏。要問佢地，但佢地好「忙」咁行黎行去。5）未食完就收餐。我其實岩岩放係餐具，仲有杯野未飲，佢就要收走我啲野，好趕咩？ 食物就一般，因我已受左佢地氣好飽，唔知食左咩喇！

$98 for a chicken curry with one cold side and soupPrice is decent but not fast food cheapSo I still hope for a certain kind of quality But the chicken is just awfulTaste rough and just like rubberIt’s all dried up and completely over cookedThe prawn salad was nice thoughJust a very petite portion

聖誕前夕，咁去咗九龍塘又一城感受下聖誕氣氛，同埋買下禮物睇下嘢。行路係需要力氣嘅，我就去左muji cafe食個三餸飯補補個energy. 我叫左，3品料理(2凍1熱〉（$98），有味噌烤比目魚柳/牛油果薏米蝦肉沙律/明太子醬汁雜菌厚燒玉子，配上一碗十六穀米，仲有碗麵豉餐湯。嘢飲我就加錢試下呢杯檸檬甘酒熱飲（加配$18）。比目魚柳幾香，塊皮幾脆口，唔腥無雪藏味。沙律水準唔錯，蝦都大粒。厚燒玉子都食落都滑同鬆軟。不過就係份量太細啦，基本一啖一味餸。唔洗10分鐘就食完哂。個檸檬甘酒熱飲，其實就無酒味，飲落都幾酸，當補下啲維他命C啦。

我非常愛無印的4餸飯！一個人時必來餐廳！試過其他食物，都是四餸飯最吸引！很健康，有菜有肉有健康的飯！飯煮得剛好，不硬不林，就咁食都好食！冷菜個人最喜歡波菜和玉子！薯餅香脆，炸皮不厚！但肉類就還好！正常！唯一不喜歡是湯，像無印賣的即食湯太重味精味最愛的梳乎厘！！全港數一數二最好食！蛋香味香！食時有份量，中間不會空！皮有焦糖香味，我個人喜歡每次一口朱古力+口cream，或一口糖漿 + 一口cream!份量大，抵食！