Café Muse (已結業)

之前同同事食過lunch,大約幾個月前,大家都覺得好好味,價錢又平,服務OK,所以今次同班FRIEND出食飯,我就提議去食DINNER,環境OK,因為我BOOK近窗口位,唔哂同人迫,仲不停播音樂,但D食物好唔惦,食物選擇己唔多,加添食物又慢,諗住佢會有D新加,等成晚,我由600,坐到930,都係多3樣到,最好食係沙律.因為唔洗煮, 其他D熱食,唔係太咸就太硬,所以我食得最多係蒜蓉包,最正常嘛,甜品就最最最失望,豆腐花好鞋,芝麻湖有怪味,最正常係雪糕,下次一定唔會再幫襯!

自兩年前試過呢度之後, 今次由朋友提議到呢度聚餐.餐廳裝修過, 有卡位好舒服. 雖然食物不算好特別, 但款式比以前多, 而且在refill 後會供應其他食物, 不錯. 值得讚揚是收碟速度快, 熱飲任飲之外, 還會送凍飲一杯, 用匯豐信用咭結帳還有九折. 用餐由6:00 - 9:30, 但食完後我們傾到10:00 才離去, 職員亦表現得歡迎, 態度很好. 值得再幫襯.

本人飲飲食食幾十年,有一晚餐飲要熱咖啡熱奶茶各一,竟然首次遇見餐廳會分開上鮮奶同花奶,如此細心,值得一讚!

試了Cafe Muse的Dinner Buffet，以下是點評：1. 時間：18:30至21:30，有3個小時任食，過了21:30之後還可繼續坐至打洋。一大班人去吹水或兩口子去撐枱腳最好。2. 人流：星期六晚都人流不多，沒有擠逼及嘈吵的感覺。3. 環境：看不到海境；室內裝修OK，幾新淨。枱與枱之間空間很足夠。4. 清潔：未發現有不潔情況出現。5. 味道：很普通很普通的食物及味道，沒有任何馳名菜式；毫無驚喜。6. 服務：可以訂枱；侍應人數足夠，態度友善。7. 價錢：餐廳本身有8折，整個Buffet連加一及Tips都只是每位百多元，價錢非常合理。總評：想吃很好的東西就不要去，但想輕輕鬆鬆與親朋共進晚餐就非常適合。

見到之前Maxim's Express 變o左間cafe 仔同星巴克，又見間cafe 仔靚靚仔仔，便走o左入去試o下。但「聰明」的我竟然沒聯想到，Maxim's Express「一分為二」，勢必事有蹊蹺：忘記了Starbucks 已歸入m.a.x. concept「旗下」；換言之...。望住個餐牌，「美心焗豬排飯」呀，「美心焗意粉」呀...通通在我腦海中縈繞不斷。唉，都係粗粗地食個salad bar 算。大集團，乾淨衛生做得到，美味可口就見仁見智：沙律同甜品選擇唔多，味道亦都麻麻...除o左個紅棗元肉南北杏雪耳雪梨糖水比較足料外（但太甜），其他都普普通通；咖啡都係普通貨仔，但即蒸餾，算係咁。環境唔錯，可惜太嘈；如果衝著食物/氣氛而來，大可不必。

星期六晚攪自助餐聚會，十多人的聚會好難照顧每一個人的口味，上網見這間餐廳的食評都不太差，姑且一試。6-9:30pm足夠時間食嘢兼傾計，環境可接受，食物品種算多，之前上網知道無三文魚刺身，但其他食物可補不足，熱盤食物有多樣選擇，因為有轉款，所以每次取食物都有新鮮感。好欣賞那些甜品，尤其那個朱古力噴泉令生果有另一種口感，每樣食一件已不能再多食了，因為已經好飽啦！4人或以上有85折，如果人少都有85折就好啦！最衰自己個肚唔爭氣，未能夠試盡每一款食物，因為真係飽到食唔落啦！但看見別人食得開心，自己都好滿意。

同其他網友意見差不多, 有換款,refill 也密, 湯有中西2款,是否合你口味見人見智, 沙律醬汁有2種,好似是醋和千島,如果多番一種就更perfect, 只有煙三文魚,冇刺生三文魚, 有扒類,但己經好飽, 連中式甜品都沒食到而且紅肉少食為妙其實整體真的不錯,有些款式我想拿己經沒有,侍應有禮貎,$158 又有15% off, 比我上次在尖沙嘴海景嘉福也不失禮,但價錢是一半, 海景以後都唔會去, 個場好細, 雖然有些食矜貴食物,但與cafe muse 相比,就貴得不值裝修清雅,但可惜入面太密封,好多網絡都收唔到(令到環境扣分了

想寫食評好耐lai~今次終於寫第一次~上星期五晚同Daddy 黎呢度預祝佢生日~ 想請佢食自助餐~$158 + 20% ~o係我可以承擔既範圍之內~ 所以揀左請佢黎呢度食餐勁既~呢典做緊國際美食~訂左6:30pm ~ 準時到達~見到佢張list都幾多人訂住~一入到去都幾靚喎間野~入到去坐一坐即刻出去拎野食la梗係~ha我最鍾意食既沙律都有幾多款呀~有款幾特別tim呀~但係食完都唔知咩黎~daddy話係椰子肉喎~真係幾好味~至熱盤既款都ok la~大約有...10多款左右la~雖然唔係真係好多~但係會經常refill同埋轉款~所以我覺得都幾多野食~另外仲有即切既西8戈同羊扒~呢兩樣就通la我覺得~仲有麵檔~可以即淥麵呀丸呀菜呀蝦咁~最後梗係dessert la~d cake細細件咁~可以食多幾款~仲有喱同雪糕~小既朱支力噴泉咁~丫~仲有係熱飲任飲既~服務都好好呀~收碟又快~整體黎講我覺得唔錯喎真係~個價錢又唔貴~算係幾抵食~我諗我一定會再去~ha~p.s.今餐真係好抵食~因為佢計錯左一個大人一個細路(當左我係細路既價錢~ha)所以埋單二百六十幾ja~抵呀~呵

放工之後好想大食一餐...始果行左黎依邊..見到都幾抵...又幾舒服咁..就決定入黎啦..頭盤真係有好多野食..有一個salad bar..有簡單既生菜,粟米,波蘿,番茄仔,青瓜..好新鮮...仲有螺,蝦,龍蝦同青口..海鮮就麻麻啦..個螺係最好既!仲有3種唔同既ham..食左其中一隻..係turkey黎..仲有煙鴨胸///唔錯唔錯...煙三文魚好好味呀...唔會過份地鹹...味道岩岩好..有4種壽司...最鍾意腐皮壽司...食完個頭盤都飽左一半...有2個湯..一中一西//中係節瓜紅蘿蔔煲雪耳...好濃好味...西係忌廉湯...無試到..先拎左件garlic bread..又熱又脆...正啊...熱既唔多...但係都refill得好快..最好味既係蔗蝦..仲有一個地方係煮麵架...無試到..但睇上去應該唔錯..亦都有燒牛肉同羊架...牛肉一般..但唔算差..羊架都係一般啦...但唔要求得咁多..到甜品時間...有唔少選擇...有3種cake,得一種好味..應該係咖啡味芝士蛋糕..另外一隻既消化餅底整得太硬...唔好食jelly,chocolate mousse, ice-cream.

有美心月餅券既Coupon68折啊.加埋一都係110蚊.(無coupon都係120蚊)仲送杯特飲添..而家仲緊泰式美食.雖然款式唔多.但係甘既價錢哦.仲要食物係成日轉d新野出黎.個個服務生都好好笑容.特別係煮麵果個啦.要讚!特別推介係串燒雞.牛.豬.咖哩.炒飯.蝦片.豬頸肉.楊枝金露等等啦.如果一大班人聚會.搵地方傾偈.呢度幾好架.

早兩年前來過兩次. 巳經很滿意今次四人來食, $104, 另加一, 四位以上送特飲每人一杯.咁既價錢, 不要期望. 但不會領你失望.今次以泰式為主. 咖哩不錯. 不過太多豬. 有豬仔骨, 叉燒, 豬扒, ....相對牛同雞就只有一兩樣.六點幾食到九點幾. 絕對有足夠時間食. 但可能是平日關係. 菜式不是轉太多. 服務員好年青, 不太懂招呼. 但態度ok. 只是唔知自己阻住客人拿食物.

同家人晚上食自助餐,最初唔知有甚麼食物,正當在門口'裝裝'下時,餐廳assist. supervisor林先生出來送上咭片,介紹入面有o羊食之餘仲請我地先入去看看。為怕唔啱食會唔好意思,於是我代表入去行個圈。初見食物不太特別,但很多選擇。出番去時再同家人商量,此時supervisor稍離開讓我們商議,而非像其他食肆般係咁叫你入去,實是恰到好處的殷勤。決定入去後再睇清楚,原來食物都幾好,因為做緊泰式buffet,冇魚生,但係泰式頭盤都好特別:鴨胸(極力推介,因醫汁由芥末及蜜糖做成,非常美味!!)洋蔥沙律香蕉沙律好香濃嘅冬陰公熱盤則較普通,但味道不錯,沒太多味精:香蒜羊肉粒烤牛肉沙嗲菜粉......最正係甜品,除左有小盤的泰式甜品外,更有黑、白朱古力火鍋,加棉花糖真係好正!待應服務周到,經常加水。飲品價錢合理,$18有果汁特飲。整體感覺良好!

同事見雜誌有coupon,每位都係$96,咪試下囉,其實食物選擇唔多,但味道可以,有幾款沙律都唔錯,青木瓜沙律就酸左D. 咖哩得一款咖哩雞,肉骨茶唔多得,冇肉味,又冇冬蔭公喎.不過個鴨胸都幾好,D醬係有少少咖哩味,幾特別,仲有D蝦片都好味,有個同事食左5大塊(真係大架喎).甜品太少喇,雖然話係泰式自助餐,但得2款泰式甜品,其餘係小蛋糕,豆腐花...其實最主要係有D自由人係到食,佢哋夠膽死,用手拎D甜品(有錫紙托),問個小朋友食唔食,唔食就擺返係盤到,個甜品都己經有D變形,見到咁,都唔想拎甜品食.仲有呀,見你攞住個野食係身邊經過,會唔掩住個口"咳~咳~咳".....試問仲點可以食碟野丫.....唔係歧視佢哋D自由人,但有佢哋係到就真係唔想再去呢間野.

如果你又想食自助餐，又唔夠子彈，又想交通方便，依處係你好選擇。百一蚊，係尖沙咀區，由冷盤/沙律/蒸魚/ 熱葷/燒牛肉到甜品都有，算係咁。當然你唔好要求咁多，反正食物都叫新鮮，味道可以，招呼殷勤，叫做係咁la。

與朋友去吃下午荼，叫了香蕉pancake 及雞翼沙律，賣相及食物水準很好，頗有特色。總計約$50元，以這個價錢吃到這般的下午荼，的確很不錯。