Café Muse (已結業)

這間餐應我來了不下四次，實在是又好吃，又抵食，尤其是午餐。今日在九龍塘早上有個活動，同行的朋友說想吃好一點，那我覺得與其在又一城吃些貴價set lunch，倒不如乘幾個站火車到別處吃划算點，於是我們一行四人便專程搭火車從九龍糖到尖東的cafe muse吃lunch。 去到的時候1:30，己經很滿，幸好訂了枱，給我們預留了一個不錯的位置。因為知道自助沙律甜品吧只是直到2:30，所以我們四人當然爭取時間開餐啦! 主菜由50-60多元左右，若單吃自助沙律甜品吧就$48，我叫了一客粟米fish fillet($56)，同行的朋友就叫了一客鮮茄牛肉意粉($5x)和兩客脆脆豬扒飯($62)。 趁主菜沒到，我當然第一時間衝去自助吧啦。沙律吧方面，是日餐湯有中式例湯和忌廉湯，還有麵包和牛油任拿，當然少不了粟米、紅腰豆、雜菜、千島醬、黑醋汁之類的沙律配料啦，水果則有西瓜和橙。甜品方面，就有我最愛最愛的麵包布甸、楊枝金露凍糕、椰汁芝麻三層凍糕、啫喱、腐竹白果薏米糖水和紅豆沙。 我沒試湯和麵包啊，因為要留肚吃我親愛的甜品們。麵

openrice又有85折coupon,所以又去食dinner buffet啦...應該去左冇10次都有8次,尖沙咀兩個人食dinner buffet唔使400落樓,都好難搵到第二度啦~老實講,食物次次都差唔多,唔會有乜野驚喜,亦唔算多野食,但係將貨就價,muse既食物味道算唔錯,d waitress同waiter都好有禮貌~食左咩呢?(sorry唔既得帶相機,賣相請參考其他食評)不如凈係介紹我既飛佛啦:*蜜瓜火腿:平時只會食金妹牌,有巴馬火腿真係正~*芒果蟹柳蟹子沙律:係1/4片芒果肉上面加蟹柳蟹子沙律,難食極有限~*海鮮沙律杯:魚肉,蝦,芒果粒,火箭菜每樣少少,加千島汁,開胃~*白灼蝦,翡翠螺:算新鮮,d螺唔會好多沙~*白灼雜錦:我要左凈:水餃,牛百葉,肉丸,生根,肥牛,生菜每樣少少,豬骨湯底,正~*蔗蝦:迷你版,算彈牙香口~*蒜蓉包:香脆~*蝦,smoke salmon粉卷:今晚第一次食咋,都幾清新~*中式牛柳:都係今晚第一次食,酸甜,幾好~*蛋散:細細件,甜甜地,鬆化~*蝦醬炒通菜:有d油,不過幾香~冇乜寫熱葷,因為d雞呀金沙骨呀魚呀真係好普通,尤其係蒸魚,有一次食覺得好腥,

You only have to paid ~$60 per person, you can have a main(I choose the chicken breast ) + a drink+unlimited salad, fruit+soup+hot lemon tea, at TST. What can you expected?Be frank, the food is just so so, environment is better than lots of fast food rest. with similar price, but unlimted sald + hot lemon tea, with service, cool air con., With under $100, at TST, is really a good choice.

lee間餐廳食物真係好差!沙律: 大路的粟米,紅腰豆,菠蘿, 都唔會唔好食,因唔駛整的嘛頭盤: 凍蝦細到無得再細隻 , 龍蝦仔有怪味 湯 : 雪耳煲豬骨, 都叫做好架啦! 但忌廉湯同金寶的無分別囉熱盤 : 吉列魚柳淋的 , 串燒雞,牛都係淋的, 西蘭花蔬菜全焗到黃哂 , 茄汁意粉乾淨淨 , D熱盤真係好差好差 , 都唔想再講囉甜品 : 一樣無樣好食 , 食一D Mini cake , eg : 瑞士卷 , 蛋糕仔 , 啫喱糖 唯一一樣好好的 , 就是服務囉!

同朋友去完文化中心睇展覽.大家都覺得好肚餓.所以近近地揾餐廳醫肚.見到呢間餐廳係食自助餐又唔係貴所以試吓.環境都ok.但放食物地方唔算大.食物種類比想像中好..海鮮有4種.但龍蝦味道就麻麻.最好味係翡翠螺.夠大隻又夠淋..估唔到熱盤泰式食物都幾好味.....百零蚊一分錢一分貨.都ok啦..起碼係美心集團..唔會太差....早知open rice有優惠劵.我就可以抵好多la..下次要記得....

It was Sunday, and our family fancied a visit to the Space museum. Before that, we hung around Tsim Sha Tsui in search for a restaurant for lunch. We five hungry scavengers came across a cool little restaurant near the museum. Cafe Muse is a small restaurant, serving semi-buffet for lunch and full buffet for dinner. We stayed for lunch, so we were treated with semi-buffet lunch. The definition of 'semi-buffet' in this restaurant is Buffet for the starter and dessert, A La Carte for the Entree.

June 13,2009 (Sat) Tea行得倦倦地，又熱到死！試吓呢度啲下午茶先！德國咸豬手酸菜飽 – 飽裡滿滿薄切咸豬手，內裡夾著用椰菜醃製的酸菜，咸咸的豬手配著帶有淡酸的椰菜絲，味道出奇的清新，一點也不感覺肥膩！非一般 TEA SET享受！不過杯熱奶茶就非常差勁，用的是 LIPTON TEA BAG，水唔夠 熱之餘，無茶味，淡奶一D都唔滑，還有很大改善空間！話哂都係美心集團嘛！沙爹串燒(牛 & 雞) – 沙爹汁味濃夠多，值得一讚！大家有無發覺，好多時沙爹汁因為太少，所以根本唔能夠真真正正暢快地享用到。牛&雞串肉味尚在，味道適中，唔會太鹹，肉還嫩嫩的，無雪藏味！OK 呀！唔似得一般餐廳雪到D肉只得一陣雪藏味，咩肉味都食唔到！凍檸茶跟一般茶餐廳味道相若，但茶色清而不濁，可能因為都係用茶包關係啦！不過總好過茶色濁濁的，見到茶膽嘅顏色就驚驚！多冰夠凍唔錯唔錯！

朋友提意去文化中心食飯，喺餐廳門口睇完個餐牌覺得「都係嗰啲啦」，但當我飲到佢個意大利菜湯，我就即刻對佢改觀。佢個意大利菜湯非常濃郁，口感creamy，令我非常滿意。朋友叫咗個穩陣嘅茄汁意粉，我試咗啲，唔單止味道好，意粉亦十分彈牙，真令我意外。至於我叫嘅魚排飯就相形見拙，因為啲飯好快就「生泠鋼」，汁量唔足以送飯。不過餐廳服務員好有質數，二話不說就滿足咗我要加汁嘅要求。到最後，連杯熱奶茶都好得。雖然只係沖到半杯，份量少咗啲，但口感又濃又滑。總括而然，以晚餐每人$100左右嚟計，呢度啲嘢食嘅質素已經係超班之作，日後我都係再嚟，同埋試埋佢個自助餐。

2009年3月24日晚上約六時至八時三十分好朋友同我慶祝生日, 她提議去食自助餐, 但又想經濟實惠, 終於揀到這裡, 雖然不是酒店自助餐, 但就價錢來說, 我們都認為可以一試。六時零五分到達, 侍應很有禮貌來接待, 帶位時亦邊行邊著我們留意梯級, 第一個感覺實在唔錯, 很親切呢!食物方面原來都很多, 冷熱盤的選擇都不少, 一般的自助餐食物都有齊, 如炒飯炒麵、湯、意粉、蒸魚、串燒、菜、豬扒、雞、實在數之難盡, 很喜歡那串燒，有雞肉和牛肉串，因為少吃牛肉，只吃了雞，很滑。冷盤雖則沒有三文魚刺身, 但有煙三文煙, 也不錯, 凍蝦、龍蝦仔、青口、沙律等.......可惜龍蝦仔味道很鯹味, 似乎不夠新鮮; 海鮮沙律杯非常抵讚, 每杯有魷魚圈、蝦、魚、生菜和沙律醬, 材料很新鮮, 配合得宜,我吃了兩杯, 真的無得彈; 另外還有芒果蝦, 大大件芒果又甜又香, very good! 亦有麵檔, 即叫即煮, 我要了一碗雲吞菜河粉, 雲吞大粒味道頗鮮味, 相當好。甜品方面不算多，有幾款蛋糕，切成細細件，很整齊的排在枱面，賣相很好，但味道一般，那芝士蛋糕芝士味不足。　亦有朱古力噴泉，黏在生果上，增添特

好耐冇寫食評。次次食完影埋都唔得閒寫。不過返來香港都半年，食來食去都係屋企附近，已經食憤左，已經覺得冇乜特別。新年紅色假完左，係時候搵班friend出來聚舊。本來打算去貴d既酒店食buffet，不過有人話唔抵，另一個又話新年時食得好飽。結果左稔右稔，有friend提議咦度。見過食評唔差，價錢都ok，就決定來試下。因為掛住傾計，仲要餵個小朋友食野，結果反而自己食得唔多。不過樣樣既質素都唔錯，有d仲幾有水準:1.冷盤-- 只食左龍蝦仔同翡翠螺，唔錯喎，細細隻龍蝦仔都幾甜，螺就幾大隻亦新鮮。仲有青口同蝦，不過冇試。2.頭盤-- 個海鮮沙律杯真係唔錯， 必食之選。煙三文魚幾好喎，好香煙燻味，可以話好過好多大酒店。讚!! 壽司就一般啦，不過最好既係唔會俾人整到成盤都係，食到完場時仲好新鮮好完整(因為只顧同人講野，好尾先食佢) 其實仲有好多，不過食唔完，我個人覺得最差係個豆腐，佢加左d辣醬係面，唉...多此一舉。3. 熱盤-- 雖然唔係話好多盤，成張枱好似得12盤左右，不過勝在樣樣都在水準或以上，而且唔會重複，食完一盤立即換另一個菜，所以成晚大大話話都

12月22日 -- 星期一因為聖誕前夕和正日都約了家人, 所以這晚相約好朋友預早慶祝聖誕。 朋友提議去文化中心的Cafe Muse, 我沒有其他意見，所以不需考慮下，就到這裡食自助晚餐。朋友早就book 了位，所以不用等位，入到Cafe裡，立即有多位侍應來向我們　say：Merry Christmas!　感覺好有聖誕氣氛，第一個感覺唔錯！　侍應帶我們到卡位，　坐得幾舒服，而且有一支Candle，好浪漫呀！肚子也餓了，立即取食物，食物很多元化，看見口水早就流出來了！熱葷方面推介：牛扒　：　好滑，一點也不硬，好入味，正～串燒　：　有兩款，牛和雞，我只吃了雞串，味道適中，燒得不過火，very good～菜類　：　有西蘭花、菜芯和椰菜花，唔會太生，不會有菜腥味，夠焾也夠味，唔錯。印度薄餅：切成細細件，味道清清地，又可以加咖哩，我吃了幾件。蒜蓉包：　好脆，焗得好香。雞翼　：　炸得唔差，夠熟但又不會太燶，有點似『家鄉的雞』，哈哈～西湯　：　好味，忌廉濃湯，頗滑。冷盤推介：龍蝦仔　：朋友揀了幾隻大大隻的，好多肉，有龍蝦膏的，好鮮甜美味，但略為鹹了一點。凍蝦　　：鮮甜爽口。沙津方面推介：海鮮沙津杯：

12/12 dinner buffet 1行12人安排咗坐入面中間位置,原本長枱傾計已經唔方便,咁啱隔離果張同我地1樣又1行1x人,環境真係.....嘈上+嘈.先講野食,真係估唔到under$200/位有咁多選擇~熱葷-都係d基本野 蒸魚,燒味,炒菜,炒飯,意粉,炸春卷,沙爹等,另外咖哩有白飯配之外,仲有蒜蓉包.(其中有1,2樣都會轉吓,無咁悶)soup-1中1西salad-沙律菜,紅腰豆,粟米粒,菠蘿等.sushi-都係d太卷同+洲卷多,出咗1,2次3文魚sashimi但好快比人攞晒...冷盤-蝦,青口,龍蝦仔,螺,仲有d火腿,日式凍豆腐,有1杯杯既蝦沙律(好受歡迎),出咗2,3次芒果沙律但又係好快比人攞晒...甜品-朱古力噴泉,雪糕(有2款但唔知咩牌子),有d細細件既cake同生果.有燒牛肉同羊扒,另外仲有車仔麵檔(但配料唔多).有熱既lemon tea同中式糖水(2款)任飲.總括嚟講d味道都好好,仲用埋openrice既20%coupon,真係好抵,一定會返兜~(如果4個人,不妨request window seat同soda位,我諗會仲正)

從前醉心於音樂ge小比~自從離開了中學之後~彷如隔世~物質上不能滿足~但心還在~這天就拉了大比陪我聽港樂的音樂會~之前就來了文化中心的cafe muse~最後5mins走人都得嘛~其實最主要係因為呢度有salad就真~applegreen在河內道~~離文化中心太遠了~所以打消了念頭雖然係美心集團~但係好精緻好cozy~小比一個人先入座~被安排坐在廚房出菜口對面~真的很很很肚餓~先幫大比叫了個B餐~咁我就可以先吃salad bar~原本對salad bar都不會有大期望~但這裡確實比ucc的多很多~$56有主菜仲有unlimited visit ge salad buffet~真開心~同埋抵到笑其實都是一般簡單ge材料~但小比已經超級滿足了~!除了salad配料~生果~中湯西湯~糖水甜品~咖啡奶茶~全部都任飲任食~~大比來了~我也吃了2輪沙律了~其實飽了~haha就叫人上main course~雖然幾十蚊包咁多野~但main course都唔馬虎~好食過平時美心ge質素~又足料~portion都唔少~唔好意思只叫一個餐share~$60 ~2個人食~好度je.....之後再叫多個珍寶腸配

同爸爸, 媽媽celebrate 生日, 一早book左枱, 講明有bb, 叫佢比個闊少少的位置去到個位真係好闊, 重安排左baby chair同bb餐具比我地~ thanks~食物ok, 熱盤會不停轉, 所以都算係多嘢食魚生出得好少, 要搶, 不過好在我地一家都唔係太好魚生, 所以唔使搶甜品好正, 啲cake cut得好細件, 可以每樣試少少, 剛剛好啲waiter好有禮貌, 收碟亦好快手四個人或以上有85折, 價錢ok, 不過一定要book位, 我見有人想walk-in, 但冇位

昨天朋友請我去吃半自助午餐, 我們二人 share了一個主菜, 杏仁龍脷 配飯, 十分好味, 另外, 麵包, 中西湯, 沙律, (有生菜, 豆, 花生, 波蘿, 青椒等), 甜品任取, 有麵包布甸, 芋頭西米糕, 紅豆糕, 而且 切開一件件, 不會浪費, 另有糖水, 生果, 豆腐花 等, 不可說是太多選擇, 但味道不錯, 而且環境舒適, 可以一試只吃沙律吧只收$45, 假期多$3!