Cafe Prince Royal (已結業)

今天見到早上八時已經開諗住睇吓飲過晨早嘅咖啡原來先知道換左咖啡師呢個比之前嗰個好好多起碼佢會因應我嘅需求去改變佢仲要係用咗精品咖啡豆味道清香帶點焦糖香氣佢哋啲嘢食多咗好多創新大膽嘅玩法冇諗到疫情期間仲會有啲咁大膽嘅諗法有少少驚喜不過我都係覺得男仔嗰個咖啡師好啲另外一個女仔好似麻麻哋佢有個新嘅夢幻奇異果窩夫雪糕我覺得幾好食雖然有啲貴連埋杯咖啡好似差唔多$200但係我覺得有啲物超所值材料亦都好新鮮冇以前果種好似整定嘅感覺不過見佢哋人手好似有點不足每次等嘢食都好似要等15-30分鐘左右雖然本身時間多的是但係希望佢哋都可以盡快改變工作能力快一點

唔值咁貴。意粉唔係普通餐廳水準。成碟意粉加配料都無味，汁稀到似水，意粉硬到未煮熟咖啡亦好普通。吐司亦都好普通無特別。有一份芝士得一忽。等既時間咁耐，但食物質素一般水準都無未食過一間cafe咁差

上星期六和老公去飲野，我冇為意全店坐滿晒人，到我入去坐低先發覺原來全店任何嘅阻隔設施，而且好密無足夠距離。當我想拉開啲張枱個店員唔比，話阻住通道，所以坐得好唔安樂，好快就走左！係而家嘅疫情下，店舖應該注意下防疫設施！

嗰日經過太子好想同男朋友試一間正宗嘅意大利餐。 這間餐廳鄰近地鐵站大概3-5分鐘就到。平時假日比較多人需要排隊所以等位。入到去通常點餐會有個忌廉湯。這個湯特別就係佢用嘅芝士係意大利mozzarella,唔同。男朋友飲嘅係羅宋湯。亦好有俄羅斯嘅特色。通常食開牛扒嘅朋友都鍾意食西餐。呢間餐廳我就會點咗個雜扒餐。嗰啲肉質好豐富而且酸甜多汁。配上特製嘅凍奶茶簡直係冇得。聖誕都想同屋企人嚟。😊😊😊😊😊

大熱天時行經太子，見到有coffee ahop就入去坐低了環境可以的，依個art jamming的畫很是喜歡叫左蜂蜜蛋糕（亦是唯一 一款蛋糕）。賣相ok, 但味道完全無蜂蜜味... 感覺係食緊一個甜味的蛋糕，但又講不出係咩味Salted Caramel latte.... 一般吧。沒有咖啡香。不推薦的咖啡店... 蛋糕同咖啡都不合格。唔知係咪主食會好啲

同朋友們下午聚一聚，叫左個All Day Breakfast, Carbonara同埋明太子意粉。食完仲叫左個pancake同一件cake happy share😆All Day Breakfast $98，好豐富，不過如果沙律多返少少會開心d😜加$20可以要一份Pancake，味道一般啦，件Cake就冇影相，不過我覺得太甜🙃唔係好岩我口味。但整體個環境係幾好，傾下計都幾舒服🤗

📍Cafe Prince Royal (太子)太子花園街232-242號禮賢大廈地下F舖🏞餐廳位置唔多，不過入到去已經見到兩台客，又玩遊戲又睇吓片，完全可以俾你放鬆心情Hea好耐🔸黑松露野菌意粉 意粉食落不過不失，我要讚就係食晒成碟都唔覺得好heavy🔸朱古力pancake呢個pancake認真麻麻，兩塊pancake都燶咗食落一陣苦味👎🏻👎🏻🔹凍杏仁焦糖瑪奇朵🔹熱焦糖海鹽latte 兩杯飲品比較底下，呢杯就比較好飲啦整體來講，依間餐廳環境同食物都唔錯，價錢唔貴，最吸引嘅就係可以坐好耐，俾一個同朋友輕鬆傾吓計嘅舒適環境😆😆😆

其實食過唔止一次我唔會話依間野難食但個感覺只係...一個煮野食比較好少少人既煮既野食唔會係去到一個廚師LEVEL之前都無咩動力去寫REVIEW但今日食真係...覺得好似差過之前我叫左杯FLAT WHITE，但唔明點解都咁多泡FLAT WHITE係應差唔多無泡同埋杯咖啡細 ( 對我而言唔太濃，可能我喜歡重口味)D野其實真係幾貴下因為星期六，ALL DAY BREAKFAST同埋野飲要分開叫個PANCAKE.........真係又唔熱又硬...跟餐38蚊..(好似係)但我真係好失望LOR個味道真係唔得另外叫左2個ALL DAY BREAKFAST其實....個大菇上面既芝士，比D菇水浸到浮浮下香腸..係普通味個茄汁豆，係普通茄汁豆依D材料本身唔會難食所以我唔會話依個餐難食但不過正如之前所言個餐既感覺係一個煮野食好少少既人煮最後叫左個唔記得咩野既雞胸飯普通家居電飯煲飯個汁辣辣地OK不過我覺得個汁襯意粉多D

週未約了朋友仔去旺角，誤打誤撞下入了這間小小cafe，面積不太，但裝潢很有文青的感覺，牆上卦了多幅希臘風景畫，不敢想起早前的希臘之旅。這裡提供的食物種類也挺多，由於朋友仔不肚餓，她只點了一件精選蛋糕和咖啡！這蛋糕我試了一點，的確不錯，份量也很大！聽說餐廳每天會提供不同口味的蛋糕🎂我則點了凱撒沙律，加$15還可以配牛油果，飲品方面點了一杯綠茶拿鐵。牛油果真的很好吃，加錢十分值得，至於綠茶拿鐵，想不到咖啡味原來那麼濃。那種咖啡因我受不了，弄得晚上睡不好😅

唔講黃唔黃店，我係見佢係間cafe又有wifi先入去坐下。14:08分叫左個雞胸珍珠飯，到左14:38分都未到。之後我好有禮貌咁問佢得未，佢仲要話佢係跟順序做，勁好笑，因為我地來之後多左兩個客，佢地叫既野都仲早過我到，仲要食完走左，我既飯都未到你地真係得既。我自問都做過好多間餐廳侍應廚房，明白被人催單感受，所以我地都去到等左20分鐘先問，但係你竟然半個鐘都整唔到一碟飯，你真係得架啦，祝你唔會遇到d冇咁好禮貌既客，因為佢地唔會好似我咁黑個面就算

之前經過幾次，見到裝潢也是很warm的，今天終於可以試一下。結果，竟然是失望的一餐飯😫由於唔想食意粉的關係，點了一個飯，諗住個名叫吉列雞胸珍珠飯都會正常的日式飯😫點知出黎係外型像碟頭飯，食下去乾乾的雞，口感很硬身。飯就是有一點像蘑菇汁的東西，很少量，所以整個飯很乾😫😢小編很餓，但也不能吃光，因為真的很乾😭餐廳是自行在外面叫的，除了和我打招呼和說再見的長髮店員較有禮外，另一位真的有點有待改善......畢竟我還是會支持小店，但食物質素還是需要的，服務態度更是。

第一次係誤打誤撞, 想搵間cafe kill time, 隨意入咗呢間。估唔到啡做得唔錯, 書架上仲有尐書可以借閱, 其中一本我非常有興趣, 自始每逢嚟太子就會入去飲啡同睇書。環境舒適, 通常我下午或傍晚去, 唔逼, 店內一般有6-8個客, 都係文靜嘅, 所以都幾好坐。我每次都點一杯咖啡, 多數係Flat White, 今晚試海鹽焦糖鮮奶咖啡, 味道討好 👍🏻 有驚喜。有次點咗件蛋糕, 店員話都係入貨返嚟賣, 我覺得就普普通通。熱食未試過, 評價唔到。但飲啡嚟講係一個好地方。

坐落於大街的小店，頗有驚喜！雖然只得大約20多個位, 除了一般的咖啡外，還有很多不同的美食選擇。朋友點了Standard breakfast, 好豐富！我點了buffalo wings 同avocado salad, 不錯。Wings是焗的，好香口。Salad好清新。Iced grapefruit tea 都好香。咁就享受了一個悠閒的星期六午餐，not bad at all.

有時唔係話X店就大晒，既然開得餐廳，食物嘅味道都非常重要。唔通求其畫隻X豬公仔就係X店咩？-形式：自助出去買飛買野食。環境：普通cafe咁-成餐飯非常難食！！牛肉無牛味，肉質偏乾，又UN，普通米飯，並唔係所標榜使用嘅珍珠米，除非係非常劣質嘅珍珠米，食唔出。熱朱古力唔夠熱，味道非常淡。我唔識煮嘢食，都應該煮得好過佢。真心唔會再黎！員工態度又差，一坐低就話限時，食緊野又趕收工咁。邊忽黃？都唔知啲好評係咪買返黎。之前有食評用「金玉其外，敗絮其中」形容得很好！

在附近工作完畢，想到小店靜靜坐下輕鬆下，見到這店外觀有些小窗戶，便走進去找個舒適座位坐低。牆身掛有食品照片，餐廳座位不多。店員奉上餐牌並簡介餐廳運作，細看餐牌後便到收銀處付款，等候送餐。煙三文魚炒蛋牛角酥  $56炒蛋內混入了已切粒的蔬菜和煙三文魚，炒蛋過熟，味道清淡，但很有家的感覺。牛角酥又熱又啖啖鬆脆，另有新鮮沙律配黑醋汁。牛角酥餐配熱朱古力想不到熱朱古力都有拉花，除了令淡味的熱朱古力不再單調外，更多了一重鮮奶味道，算是一杯窩心飲品。清新素食大早餐  $88露筍和瓜類有烤過，啡菇上有少許芝士，清淡不乾身。有兩塊薯塊，兩隻煎蛋，整體調味非常清淡，麵包香脆可口。賣相很有家的感覺，雖然我和同事都喜歡清淡，但點選的食品似乎是過於清淡，在份量方面如果能多一點會更覺滿足! 將來定會再來，希望可以試到有味道的菜式。