Cafe Prince Royal (已結業)

小人到花墟買東西，見到一間外觀以木屋設計的咖啡小店，肚子正好打著鼓，遂決定一試。走進餐廳，小人已被那店內環境驚豔：樓底很高，有陽光從頂上透入，頗有文青的風格。是日的選擇是茄汁雞肉意粉，可是等了很久才上，小人心想弄一碟意粉也弄那麼久？先說意粉，質感有點過腍，但茄汁卻又不夠濃，跟自己在家弄的差不了多少。其次乃另一主角雞肉，份量是數得出的塊數；可幸肉質雖未至很滑，並不算柴，兼且調味足夠，對整碟意粉幫助很大。餐後還點了一杯咖啡，濃厚香醇，成就了一頓簡單的午餐。

今日嗌咗個黑松露蘑菇帶子意粉 都差唔多等咗成半個鐘先出 出到嚟發現嗰碟意粉冇帶子😑我哋之後再問個店員 然後佢話會5分鐘後補返帶子俾我哋咁我哋之後等咗大概10分鐘到佢拎出嚟嘅時候 其實嗰幾粒帶子係唔熟仲要係凍嘅🥹🥲🥲 真系吾可以再去 食物要熟係最基本嘅原則😞

我同fd 1點48分落order 到2點27先有一個餐送到嚟 中途我已經催過一次 連一杯野飲都冇 我地都係點咗一杯latte一杯chocolate 服務態度不知所謂 送餐連餐具都唔提供 不斷叫我地等最令我地嬲嘅係隔離枱遲過我地入嚟 啲餐已經齊晒我地已經好肚餓呢一世都唔會再嚟呢間嘢 嘢食又唔好食 假嘅carbonara🤮

好少行入呢條街，無大shopping mall , 無名氣店舖，就因為咁所以無咁多人。12月19星期日搭車免費，嚟食個brunch , 半自助型式，自己出去order , 有人送餐。樓底好高，裝修好文青，入安心出行個郵箱仔都好靚，唔少油畫🎨🖼，格調柔和。all day breakfast , 有全素有正常，主要係多咗腸仔同煙肉，set 價128。太陽蛋燶邊💗，有切粒嘅牛油果同生果，牛角包個樣已經麻麻，食落認真一般。mocha 個奶泡都打得OK.

我喺花墟附近找到這間木屋風格的咖啡店，門面是木和白瓷磚，裡面有高樓底掛上柔和的白燈和木屋頂，感覺似有太陽射入木屋裏，關門後，外面的嘈雜車聲會靜音，只聽到cafe的背景音樂，坐下來可以安靜哋慢慢享用一餐。Mixed Berries Waffle (單點 HK$108, Set配熱飲HK$128)．價錢方面，我覺得比較進取，不過可以+HK$20轉set多杯熱飲是比單點化算啲．窩夫熱烘烘，外皮脆口，有蛋香．有好多片酸甜適中的士多啤梨．2球雜莓雪糕，味道不錯，可惜比較快溶．鮮忌廉和七彩糖碎粒做點綴，豐富了視覺效果Matcha Rose Latte．靚拉花和玫瑰花瓣好吸睛．抹茶香濃，味道微甜

Weekend花墟遊花園，實會去果頭搵食，見到早排成日有人龍嘅木系cafe今日無咩人，自然就走左去食～All-day-breakfast好難唔好食，太陽蛋煎得靚仔，水汪汪咁🥺腸仔同煙肉都ok,份量都好足，個迷你牛角包🥐唔知佢做咩，唔酥脆重硬棒棒，一陣唔好食嘅牛油味，最後必有嘅沙律🥗太多醋，啲菜濕淋淋咁好唔開胃Carbonara極麻麻，完全唔香唔creamy,汁唔夠撈個意粉，味道好平凡，正確嚟講係得一大陣齋意粉味，而且配料少得可憐🥺極伏！嘢食真係麻麻，但杯C͜͡a͜͡p͜͡p͜͡u͜͡c͜͡c͜͡i͜͡n͜͡o͜͡☕️比較好，拉花實凈，奶泡挺身滑溜，咖啡味香濃，唔會偏酸，成杯都夾得好好👍🏻

文青風系CAFE 一到門口已見到型不得了既木版粉筆餐牌仿歐式小木屋設計 做到好似有日光照射既感覺,係幾特別既CAFE內放了不少書比人影相或睇書消閒之用,想做到有一種放慢腳步既態度主打輕食類,想食豐富就可以全日早餐,再來一杯咖啡慢慢品味煎雙蛋,2款肉腸 番茄汁豆 烘多士麵包 沙律菜 大啡菇 咖啡上係紅葉既拉花份量非常豐盛,多士烘得好脆口抹上牛油好食 雙蛋係太陽蛋中間仍流黃 多士沾蛋汁食亦一流肉腸唔太濃味,入得口個皮又脆又彈 煙肉片煎得好薄好脆身 份量多,味道佳,連杯咖啡都好飲 唔止睇得食物都唔錯Cafe Prince Royal地址： 旺角花園街232-242號F鋪平均消費$150評分8/10

太子輕食Cafe👻今次老公簡的🧐佢話睇到呢間裝修幾靚❤️話我應該都鐘意🤣不過我同佢講我著重味道多d…😫座低梗係睇下OR有咩推介🤨但係點知負面評語多過乜咁🙃咁都唔緊要啦都入咗嚟坐就試吓去過lunch set🤣🤣和牛咖喱·配料都好豐富牛肉同大蘑菇都多·反而咖喱嘅味道唔係走和風係辛香料嘅味道為主⭐️牛肉同大菇都多❤️不過我老公叫嗰個coffee tonic就唔太好飲😂總結成餐都正常服務都唔係真係咁差

本身諗住一心想去試一間太子嘅串燒店，唔知係唔係因為名DJ介紹過定還是佢本身都已經好出名，我哋6:15左右去到，已經見到入面坐滿晒人，仲話全日都full左添！（雖然店舖細細）冇辦法啦，又已經入爆左咪錶，唯有喺附近搵間食算數，行咗成條街終於朋友為咗遷就我揀咗一間咖啡店，千揀萬揀⋯😰😰終於我哋叫咗一個咖喱飯再加一個黑松露意粉同埋一個甜品-雜莓撻，飲品方面我就叫咗一杯抹茶dirty 試吓入到去咩都要自助自己拎，連落order都要自己出去落，我覺得lunch咁嘅安排係OK嘅，但係夜晚就好似有人serve 會好啲囉 咖喱雞肉飯其實真係好普通嘅嘢，應該點煮都唔會太難食，係爭在個飯點樣令到佢粒粒分明又有咬口，可惜呢度做唔到😥有啲爛嘅感覺，不過朋友話OK喎⋯⋯黑松露意粉亦都係一啲唔難煮嘅嘢，好彩佢個意粉唔係煮到林晒，勉強合格啦！本身我對於個甜品真係完全冇晒希望，因為響我去洗手間嘅時候我走去昅下個甜品櫃望吓啲cake，竟然比我發現我叫咗嗰個雜莓撻啲雜莓變黑晒，真係個心都離一離，另外擺喺旁邊嘅紫薯cheese cake同樣賣相超級一般差, 一啲都唔吸引, 已經心諗死啦有d 中伏，但係都叫咗，冇辦法啦，好

作為一個小鳥胃嘅我，我都覺得個份量好細。。。咖啡都麻麻。。飲落去有咖啡渣🤨因為太難飲嘅關係，我諗住問佢哋攞啲糖水。。點知佢話唔俾。。話因為想客人是返咖啡原本嘅味道🤨errrrBTW 戴返頂頭盔🪖先。。每個人嘅口味都唔同，純粹表達下不滿😹😹個價錢收得貴。。又5好食😩失望。。個人來講，就真係應該冇下次啦😹😹Pasta 我同我男朋友分別叫咗 carbonara & 黑松露蘑菇意粉，佢就話好鹹，同埋啲意粉好硬好碎。我嗰個就蘑菇係多嘅，但太大粒。而且啲汁好多🤨🤨水咁樣 都係好鹹，好硬好碎

來到太子的花墟，太多數人都會是匆匆來匆匆買花了就離開，但其實不妨停一停，慢下來。然後就會發現轉彎位有一間木系咖啡店Cafe Prince Royal。門口已經是輕日系的木畫版粉筆寫的菜單，入到去是仿歐洲的小木屋設計，木屋頂其實帶有白燈長開，令到每位客人不論任何時間，即使夜晚，也能享受到日光射入小木屋的暖意感覺。木屋CAFE內配置不少書籍，加上掛畫，黑板做的MENU，有心意的小擺設，木系裝修，加上甜美笑容的服務生，讓大家在這忙碌的城市，不禁想慢下來，享受一下這裡的寧靜。由於佳佳胃口很細，今次就只試了三杯飲品，兩款食物，一個窩夫。全日早餐除了基本的食物外，更配有菠蘭腸、德國腸、芝士大蘑菇，只吃這一個，已經元氣十足。Yeah~!另外送上來的是黑松露忌廉磨菇意粉，在黑松露的香味下，裡面原來細心加上了牛肝菌，增加口感和層次呢。夢幻窩夫是餐廳今季主打，熱騰騰的窩夫外面香脆，內裡鬆軟，加上由日本空運的生果，再雪糕~唔~~和佳佳一樣甜度十足。而駐場咖啡師更是當代IG紅人-哈奇奇，年紀輕輕的她已經是此CAFE店的靈魂人物。每一位客人來到，即使不吃東西，也一定會order她親手炮製的飲品，尤其她獨特的拉花

服務：3月份女待應儀容不整潔，全部手指甲困哂黑邊（應該係搽黑色指甲油既結果），本人見到毛管動。當時只有我和女性朋友及另一張枱（兩個女仔），都可以把我的食物送錯到另一張枱，佢哋話冇叫個女待應就拎番入去，完全冇理冇問題咁樣。（不過疫情之下，佢放低左碟野响另一張枱我都唔敢食)之後我主動追單先有個廚房男出嚟解釋道歉，但係已經太遲。食物：本人呢幾年去過呢度無限次，非常喜歡呢度啲食物（2020年12月之前）由於疫情，2021年3月再幫襯完全不敢相信，黑松露意粉冇味材料低質係連茶餐廳都好過佢，club sandwich 我個人以前好喜歡，今次真係差到一個點，非常失望！轉左手之後，真係唔想再去！希望前一手大廚離開有更好嘅出路，唔知邊度可以搵番大廚？

卡邦尼意粉不知所謂，冇料 冇味 意粉整到咁粉 失敗 真係未食過咁難食嘅意粉碟野只係值$20 佢賣$88 淨係得幾條火腿 菜All day breakfast 個賣相極差 連個蛋煎到燶晒一開始問佢間餐廳toast 又冇 黑松露又冇 個餐牌已經唔係多野揀 仲要乜都冇一開如俾佢個裝修fake 左入嚟 真係奉勸大家千祈唔好再入嚟呢間餐廳食叫左杯americano 同caramel latte，得過且過算正正常常不過不失.............

之前一直有食開呢間Cafe，近排少去咗，今日去到好似啲人唔同晒，餐牌都唔同左，我叫咗杯flat white同埋蕃茄紅菜頭沙律，杯咖啡酸到唔可以入口，我都有同佢講，佢試完之後自己都覺得酸，所以沖多次俾我，今次杯flat white 熱啲，但仲係酸到不能，我飲咖啡咁耐都真係未試過呢啲酸，好難飲。沙律好難食，個大蕃茄切到1cm咁厚，沙律菜又唔新鮮，有紅菜頭同parma ham($88)，全單盛惠$126，沙律我都有完成佢，但杯啡真係好難飲，呢間真係唔會有下次。

唔知呢間野係咪轉左手啦,我見到佢嘅餐牌同嘢食都變咗好多,諗住試吓啦我覺得嘢食都叫不過不失,嘢飲方便就進步咗好多,起碼佢個咖啡師會肯出嚟同我傾吓計先,佢介紹嘢食同咖啡都唔錯叫做比以前有服務好多但係等嘅時間都要20分鐘,嘢食都偏貴下!其他都冇乜特別佢雖然有好多所謂而家自己整嘅甜品,咁係比以前嗰啲蛋糕好咗嘅!但係都可以仲好啲!好似感覺整左兩三日擺喺度買咁樣