Cafe Tolo (已結業)

一直聽朋友講話係中大有超高質canteen, 今日終於的起心肝上山 除左坐校巴係陳震夏宿舍落 原來係本部行去都好近食左waffle 加vanilla ice cream 好正！

星期日見天氣好,決定黎一個中大一日遊😊😊其中一個重點行程,就係黎呢間cafe對住個靚景食下waffle~~😙💕💕唔係中大人嘅話都唔係咁易搵,要搵到佢,首先要搵到呢座和聲書院,行入去就係咖啦😉餐廳有室內同室外,當日室內好多內地人好嘈,我地就簡左坐室外☺個景好正,不過有d曬同附近修緊路有d噪音~食物選擇唔算多:最尾叫左綠茶紅豆waffle配士多啤梨🍓雪糕($45),仲有rose latte☕(細杯$24)叫完有震動提示,幾方便~等左大約15mins,終於有得食😍賣相幾ok😉👍👍食落呢~就還可以啦,個waffle唔係幾夠味,生果完全唔凍..最開心係食movenpick雪糕👅杯latte都ok啦,正正常常咁~服務就真係麻麻啦😓😓個收銀姨姨自己落錯單同佢講番都態度串串貢咁,負責執野個呀姐又執到彈左d污糟野落我地個碟度...😲整體黎講冇期望中咁好,甜品賣相好,但味道未見突出🤔...對住個靚景,但有鑽地噪音令成個環境氣氛大打折扣🙄🙄 服務更加係另一大扣分點👎

假期去馬鞍山租單車踩去大美督，途經中大，諗起朋友話而家中大多左好多好野食，話說畢業後已經好多年無番過當年住嘅宿舍，便趁機番去緬懷當年。呢間cafe在新書院入面，相當隱蔽，好在當年我地就住係佢隔離，所以先咁快揾到cafe有室内位同室外位，當日天氣咁好，我地當然第一時間選個戶外位望住吐露港嘅靚景吧。Cafe嘅甜品價錢相宜，多款窩夫都係由$36~$54 不等，抵食過出面好多。我地叫了一個最平嘅甜蜜蜜窩夫伴雪糕($36), 佢用嘅係Movenpick 雪糕，(可以選vanilla, chocolate or stawberry 味)在陽光普照嘅日子，食住窩夫，搭配一杯Rose Latte, 望住個靚景，感覺一流。另外叫了一杯芒果蜜桃沙冰，好fresh, 好重蜜桃味，好飲~臨走時見到佢有好多特別味嘅Movenpick, 就另外order了一杯雙球雪糕($33), 抵食，藍莓芝士餅味好似食緊件cake嘅感覺。

中大學生對於Tolo Cafe應該不會陌生，不過對於街外人黎講，就真係可能未聽過。地點唔係太就腳，不過真係好舒服，而且好風景好靚，天然風景比起人造backdrop，真係靚同舒服好多。是日食左棉花糖厚多士，再加上一球雪糕，重點雪糕係movenpick❤️❤️呢間cafe既所有雪糕都係movenpick，正。當日既棉花糖擺得唔係好靚，好似打風咁歪左，不過唔緊要，味道是一樣的。微烤既棉花糖，配上甜甜榛子雪糕，再晒上朱古力醬係原味厚多士上面，喜歡甜品既朋友不能抗拒。建議2-3人share 呢個甜品，份量雖然唔多，不過可能唔想一口氣食咁多甜野。好彩有水果伴碟可以清一清甜味。如果雪糕係清新d既果味或者vanilla就會效果再好d，因為唔會成口太甜。呢度有各類咖啡提供，當日就飲左latte，味道香濃，舒服。例外提一提大家，上面係和聲既hall，所以黎呢度既朋友唔好太大聲喧嘩，影響到學生就唔好啦😊😊

雖然係呢個棉花糖厚多士會比平時食開嗰啲貴少少，但係佢呢個雪糕真係好好食冇估錯嘅話應該係MOVENPICK。而且喺厚多士同埋棉花糖之間仲有啲香蕉片喺度，焗暖左嘅香蕉片香蕉味就更加出，不過小編就唔係太鍾意食暖嘅香蕉啦😂但係一定要讚下嘅就係佢哋嘅厚多士真係超級脆，暖暖既厚多士+棉花糖配上凍冰冰嘅士多啤梨雪糕呢個配搭真係冇得彈啊！又一個花花窩夫，呢期有一鋪食窩夫嘅癮，簡直就係日日都想食窩夫😂今次呢個窩夫同平時食到嘅有少少分別真係稱得上係外脆內軟，有D似食緊雞蛋仔嘅感覺，蛋漿嘅香味都好重下架！仲要係即叫即整添，所以都等咗大概10至15分鐘左右。窩夫整體呢個樣都好靚，超級colorful。士多啤梨雪糕配埋朱古力醬真係冇得彈，不過小編就唔係太鍾意佢嗰隻朱古力味。但係最意想唔到嘅就係原來窩夫配埋水果都幾好食個喎，最好食嘅配搭絕對係窩夫配雪糕sure win😋其實個雪糕方面可以揀雲呢拿、朱古力同埋士多啤梨味架！

難得去中大探朋友 所以順便食埋呢個癮世甜品😆其實如果唔係搭巴士上去探朋友 都唔會特登有機會黎食🙈 價錢同出面甜品店差唔多 40-50 一個窩夫 😋但係都幾好食 個雪糕好好食 配合埋脆卜卜個窩夫 jeng！🤤同埋我最欣賞個景 空氣清新 又冇咩人 可以好舒服咁坐成個下就咁同朋友吹水 坐幾耐都得😊👍

作為為食妹，難得來到中大，當然要試一試這裏的名物在馳名的檸檬撻和早前網上有介紹的movenpick雪糕窩夫中掙紮了一會，最後選了窩夫中大一向都山明水秀、鳥語花香，這餐廳的景觀也是不錯的。只可惜當天天氣欠佳，未能於室外位置用餐...室內部分雖沒精緻裝潢，但感覺舒適甜品有窩夫、香蕉船等。價錢方面，是比外面便宜但對學生而言可能有點貴，如我點的綠茶紅豆窩夫是$46（不知有沒有另設學生價）綠茶紅豆窩夫($46)：窩夫質感略嫌輕身，不過表面脆，入面少少煙靭綠茶味不濃。至於紅豆，尚算煮得綿密，帶微甜配上movenpick雪糕大大加分

中大裡面的雪糕店比出面任何一間以waffle做主題的都叫做上等：原因1）waffle 外脆內軟 食到不停口的 原因2）雪糕更用上movenpick 梗直甜到入心 原因3）價錢雖然同出面差不多 4x起但係waffle+movenpick已經值回票價原因4）最後重點係open to public，無學生証都可以來食 原因5）外邊還有露天茶座，不落雨天氣坐出面有高山林下的感覺衛生方便係self-serve的，如果上手唔清潔基本上忙的時候係比較唔乾淨；但總計去幾次呢度都叫可以同場加影，如果識中大的地方，有個'天人合一'的景點，（調轉左影）呢度唔介紹朋友來都對唔住自己

中大很多餐廳20:30 last order時， 這間餐廳仍然有野賣。露天戶外座位，晚上夜景是另一種別緻迷人，枱上熒火燈恰如其分，不破壞周遭情調。雖然沒有 dinner menu， 叫了沙律，鬆餅， 花茶，熱朱古力，此時此刻， 這些light food 能配合情調，甜中有淡香，清爽中有暖意， 腹未滿，心頭已飽足。

It's a cute little shop with outdoor space to sit surrounded by the greenery of Univeristy. Menu boasts a lot of deliciously looking desserts and snacks, which I haven't tried but I hardly resisted temptation. Coffee there is just so so and I got my Americano with milk which was a bit dissapointing. But otherwise it's a place I would still return to for the views, for the atmosphere and maybe some of the fruity desserts!

這裏幾乎成為了我和朋友relax的好去處！最喜歡這裏的rose latte，再配上甜蜜蜜窩夫，簡直是high Tea休閑的好選擇！再配上美景，居高臨下，簡直是一絕！

第一次在CAFE TOLO 食野, 貪佢平過一般餐廳, 又可以試MOVENPICK 雪糕.露天坐位, 面向山景, 店員服務良好食物比預期差, 因為WAFFLE不夠脆, 可能是被紅豆浸濕了, 紅豆不足, 如果在WAFFLE入面有紅豆會更滿足. 佢仲有其他餐選擇, 有機會再試

返中大行下 感覺自己都年輕點。好懷念做學生的日子。和聲書院cafe 我同朋友係睇完某本雜誌介紹而去既 可惜落大雨 坐唔到戶外 冇得嘆吐露港的景色。主打食甜品！鮮果窩夫配雪糕。窩夫即叫即製 值得欣賞。不過講鬆軟度 就普通。鮮果都是西瓜蜜瓜 一般新鮮。心太軟都是即製 偏甜了少少 而且中間唔太流心。但朱古力幾濃。雪糕係重點 三四十蚊有movenpick雪糕 好正。

中文大學占地不嬲都好大，如果假日入黎行下，食個Tea都係一個唔錯嘅選擇！揸車人士注意，入車半小時係免費的，但過咗半小時就按一小時收費了，每小時$20~外面地方好大，但因為近山邊，所以比較多蚊！因為係大學關係吧，所以都主張自己執好食完嘅餐具，但好似唔多有人理，食完都係一枱餐具，攪到好亂咁，要等吓先會有員工執好啲枱！感覺唔多衛生~叫咗一份抺茶紅豆窩夫 + 一杯焦糖咖啡，坦白講個窩夫質素只係一般，但賣相係唔錯的！雪糕係Movenpick Ice-Cream，簡咗strawberry味，呢個唔使挑剔！至於個窩夫無抺茶味，外面唔夠脆~紅豆算ok的！但啲生果，一早切好，放咗好耐，稔晒，感覺好似壞壞地咁，有啲失望焦糖咖啡都出問題，無咩咖啡味，得個甜！唔多ok~ 但如果入黎行下坐下，吸下新鮮空氣的話，都係一個唔錯嘅選擇來的！

   M字頭既雪糕仲貴過H字頭，平時要成90幾蚊先得細細盒。但如果想平食M字頭雪糕就要密切注意我呢個食評啦！我唔係食M字雪糕咁簡單，我仲要係豪食！係一個M字牌既雪糕火焗！有幾種口味可以選擇，但係我認為M字頭的基本口味─朱古力做得麻麻。如果係朱古力粉可能要失望了，因為M的朱古力不太夠香、而且也不太甜、唔似一般朱古力雪糕般香甜。但反而呍喱拿就好好味，一粒一粒呍喱拿籽顯而易見，足料又矜貴。    雪糕火鍋有唔同既配料：brownies,綿花糖，小餅乾等等。個人應為brownies本身又甜、又係朱古力味，如果再點朱古力醬就會突出唔到味道，如果再食埋朱古力雪糕真係于得了，完全突出唔到個味覺…其實可以加多少少酸酸地既水果配襯、如菠蘿、青提、草莓等等，會令火鍋生色不少。如果唔講火鍋，講下單點雪糕，我比較推薦楓糖提子乾雪糕;)你地都快啲試下。