Cafe Whale (已結業)

🐷🐷哈佬！今晚同大家介紹南區嘅黃店！💛南區比起其他區少好多黃店...但我相信南區不藍！希望日後個黃色經濟圈會繼續擴大！💪🏼🐷🐷今次介紹呢間係有參與罷市，位於香港仔嘅漢堡包🍔小店～ 佢啲漢堡全部都係即叫即做！今次叫左呢個蜜糖芥末三文魚堡，配埋汽水🥤$84。入面塊三文魚超級厚！要擘到個嘴好大先食到😆但佢都煎得好香口！再配埋佢個竹炭包夾住食，好好食😊👍🏼🐷🐷鋪頭個雪櫃上面默默咁放左一隻戴上gear嘅熊仔🐻 ... 希望佢可以早日除下豬嘴同我地相認啦！

呢間cafe開起商場隔離嘅小巷入面，平日經過都無乜點留意到。今日終於有機會試!去到嘅時候都有大約10個人等位，要先問店員攞籌。等咗大約半個鐘鬆d先入到。嗌左個吉列和牛孖芝漢堡，旦黃醬牛俐漢堡同炸番薯條，每個漢堡都可以免費跟汽水或熱茶，加$10可以轉咖啡。今次就無嗌到咖啡，但係見到隔離枱有嗌三杯latte，每杯都有拉花，好有心機。跟餐嗌好抵飲，下次有機會一定要試下!塊和牛扒好厚身，咬落好juicy，見到滿滿嘅肉汁，肉味香濃!個竹炭包經過即場香煎/烤焗過，十分脆口，係食過最好味嘅牛肉漢堡!而且價錢唔算貴，唔過一百，cp值好高。牛脷分量好多，軟熟唔韌。個包都係經過香煎/烤焗，啖啖都好香脆，包面仲印左鋪頭logo，好有心思。旦黃醬帶微辣，唔食辣都接受到。最後個炸番薯條係熱辣辣即炸，每條都脆卜卜，好好味總括而言，呢間隱世cafe好值得一試，會回頭。極力推薦吉列和牛孖芝漢堡!!

同朋友叫咗安格斯珍寶牛肉漢堡同炸魚😋😋炸魚有魚嘅鮮味，同平時啲冰鮮魚柳好大分別👍🏻仲有個沙律仔。舊魚炸得好香脆，又唔油膩。牛肉漢堡肉汁豐富，又大大舊😛包都好鬆軟，仲送一罐汔水。每樣野都係新鮮整，要等10分鐘左右，不過都值得等！價錢黎講都算公道。漢堡包76蚊，炸魚就68蚊👍🏻份量的話，食個包都夠飽，我地兩個人就叫多份小食😛本來就聽講佢係黃色小店先去試下，但佢嘅質素真係好超班😍下次會再黎試竹炭包👍🏻👍🏻

炸蕃薯條好脆好甜，大條夾抵食。炸魚仲用新鮮魚仲炸，好有魚味，通常啲人都係炸魚柳，唔係新鮮魚，只有呢間有得食，外脆內軟。安格斯牛肉漢堡無晒普通包，比左黑炭包，都一樣甘好食，好厚嘅一層牛肉，咬落好軟，個包好大個，一啖食到多重口感。龍等漢堡有兩塊炸龍等夾係個包到，好脆，個醬超好食，個包一流。

在openrice 無意中發現這間幾有特式的食店，心裡一直想試試味道如何？環境佈置如何？服務如何？當然這些小店不會抱太大的期望，平常心試下再作評論。去到門口店裡都是細細的空間，但是給人舒服感覺，一齊都好簡樸，見到兩條小鯨魚🐳。簡單的食物種類指示很清晰，因為食物種類不多。我就點了（黑松露醬龍躉漢堡）$88（包一罐飲品）。等了不久食物端在面前，賣相可以，香味也可以。拿起細心觀察一番，整個魚堡不細，一定夠食，魚塊面積也適中，蔬菜顏色給我新鮮的感覺。於是一口咬下去，包面少少脆，魚塊炸得不乾，不錯不錯。蔬菜新鮮，黑松露醬好香（因為我至愛🤣）。不過仍有改善的空間，魚塊好平（好像壓偏左的）；醬汁不足夠，食到中間已經嚐不到。最後，環境算清潔，但抽氣系統應該不夠力，一邊食一邊聞到煎食物的味，其實有點討厭，因為我怕食完離開後衣服沾有油煙味，果然不幸沾上了🤦🏼‍♀️真係so sad!也建議可以在店內放少少輕音樂，而不用被動聽店主們的閒談內容。總括來說：食物尚可、抽氣系統及環境有進步空間。禮貌就好好👍🏻👍🏻

burger好大好正🤤🤤🤤塊安格斯牛肉好厚好juicy塊包有烘過 脆脆地好有口感薯條好香好脆 平平地一大兜好好食價錢少貴 不過物超所值熱朱古力超級無敵濃🤣濃到我要加熱水

食左個安格斯牛堡，好有肉汁，唔會太老，整得岩岩好。個包都唔會霖patpat好香脆👍🏻👍🏻除左漢堡之外，夜晚6點後仲會有意粉食嘅。cafe全部加埋有十款唔同嘅漢堡👍🏻👍🏻👍🏻

今次係我第一次嚟食，叫左一個安格斯牛堡同黑松露魚堡🐟。個包係鬆化又脆脆地嘅，唔會話好似一般漢堡包店咁又偏又淋嘅，另外魚塊係真係好新鮮唔似一般魚柳咁會散曬。真心極力推介👍🏻

生日月食太多生日蛋糕，有d悶，所以搞摘新意思，決定食搵次食burger代替cake, 所以日前去開香港仔，去左網上好評怎多既cafe whale.Cafe whale係一間小店，坐落於香港仔中心傍既利群商場，店內只有一張6人枱同一張2人高枱，所以每次只能招呼2，3組客人。我地選左安格斯牛，飛魚子軟殼蟹同黑松露龍躉三款漢堡。因為係即叫即整，所以要等約15分鐘左右先有得食。我地亦點左薯條同薯角，呢兩樣好快就有，所以食住薯條等就唔覺等得耐。兩樣都係新鮮炸起，不過薯角厚身，我覺得薯角係2者之間比較好食。安格斯牛好juicy，一定啱愛牛人仕。黑松露龍躉，黑松醬既味道好出魚肉好大塊，雖然都好食，但無特別驚喜。個人覺得飛魚子軟殼蟹係3款之中最好味，軟殼蟹炸得酥脆不油膩，配合鬆軟既麵包，口感非常好，讓人食唔停口，一口漢堡包，一口冰凍既可樂，呢個組合真係無得輸！

香港仔獨有既cafe靠水食水，一定要試呢度最出名既龍躉漢堡個cafe唔係好大，lunch time 時間去已經坐滿人，大約坐到10人左右，不過等左5至10分鐘就有位。2個人叫左2款包，其中一款亦都係因為衝住呢個包而黎既黑松露他他像沙巴龍躉漢堡，另外加多個炸魚仲龍躉同炸魚仲都十分新鮮，啖啖肉，唔厚粉。炸魚仲配檸檬汁同沙律醬，側邊仲配左少少沙律菜。另外一款就叫安格斯珍寶牛肉漢堡，都唔差，個汁比龍躉嗰個更juicy鋪頭地區比較隔涉，係呢區黎講價錢亦都小貴，不過都值得一試🤤

星期六晚搵地方食飯，蝦子餅提議去呢度食漢堡包，佢話平時晏晝都有同同事食，覺得整得好好，叫我一定要試吓。大概7:15就到達，鋪頭細細，只能夠容納8至10個人。等咗大概5分鐘就有位。叫咗個軟殼蟹香草扁意粉，一個南瓜湯，仲有個安格斯牛肉漢堡。先講個意粉，味道唔錯，軟硬程度來講可能係鬼佬心目中會林左少少，但我覺得都OK。軟殼蟹炸之後感覺上仲有好多汁。可能我一向比較細食，啲醬汁比較多油，所以只係食咗大半，其他嘅就俾咗蝦子餅。個安格斯牛肉漢堡好香，麵包好明顯用心toast 過，牛肉味道都唔錯，都幾juicy。個人喜好要再加多啲醬汁南瓜湯就一般啦，可能因為我不嬲都唔太鍾意南瓜。講到服務，店員都好有禮貌，而且好細心。見我哋兩個人，仲幫我地將個漢堡包切開咗一半。香港仔嘢嘅餐廳類型一向好少，都係中餐多，鬼佬野更加少之有少，難得有間漢堡包/意粉，仲做得咁有心機，下次再嚟一定要試吓個龍躉漢堡包。

今日行下街，突然間好肚餓，都差唔多成四點幾，經過呢一間cafe whale 就已經好想食佢嘅炸魚薯條下午茶，毫不猶豫地已經入咗去。呢間小店好細，最多只有10個位俾人坐，但會欣賞佢嘅設計有特色。又叫知道等大約係8分鐘，新鮮嘅炸魚薯條出嚟啦。佢嘅炸魚係用魚仲黎炸，雖然份量唔算多，但真係好好味，食落口啲魚汁係會留出嚟，非常之juicy，配埋他他醬真係勁好味。仲有薯條，因為佢即叫即炸，所以仲保持住好熱同埋外脆內軟，呢個下午茶再包一罐汽水，價值係$42 ，我覺得值得推介。

都好耐冇食過香港仔間漢堡小店，冇嚟一排發現個餐牌都轉左唔少揀咗牛脷漢堡，同出面有咁厚得咁厚唔同，呢度切得有咁薄得咁薄，雖然啖啖肉嘅滿足感少咗但有啲似煙肉感覺香口啲，而且指名用余均益辣醬溝嘅蛋黃醬，辣但好香口而朋友個安格斯就加五十蚊配鵝肝，份量唔大但有兩舊，不過都係有啲少貴😗正所謂靠山食生靠水食水，香港仔咁大個魚港緊係食海鮮啦，個人覺得比起漢堡更加環食佢啲小食，炸魚仲肉質嫩滑魚香重地寶魚薯條更加係諗唔到，自己屋企都有罐拎嚟煮麵當湯粉味，冇諗過佢地拎當shack shack粉，醬都唔洗點，就咁食已經勁香大地魚味😍

談到香港仔的美食很多人都會想起香港仔魚蛋粉或香港仔南記但是除了這些連鎖店外香港仔似乎沒有真正的地道名物今天就到了曾在一篇報導中表示希望向成為香港仔名物進發的Cafe Whale餐廳空間頗為細小驟眼看只有一張6人枱+2個吧位到訪時正是午飯時間基本上只要中間的枱有人其他食客都只能改叫外賣漢堡包的定價不低大多是七八十元另跟一罐汽水不連薯條今次點了招牌的黑松露他他醬沙巴龍躉漢堡 麵包的口感類似牛角包頗有特色龍躉柳片果然名不虛傳魚味十分重份量也算足夠淡淡的黑松露沙律漿亦恰到好處整體質素很高雖然地點(對非南區人)頗隔涉價錢也不低但是食物相當有水準值得一試

呢間burger 店睇落毫不起眼 而且座位不多 但係意想不到幾好味👍🏻先試左個黑松露他他醬沙巴龍躉漢堡 魚係即叫即炸 熱辣辣 外脆內軟 漢堡包好軟熟👍🏻 雖然黑松露味唔夠濃 但係個醬同魚味都好夾再泥就試左雙層M8和牛芝士漢堡 勁滿足岩哂d牛魔王 包係用左竹炭包 夠哂特別 仲要好多芝士同醬🤤壓軸出場係賣飛佛既飛魚子軟殻蟹漢堡😍 軟殻蟹又係即叫即炸 加埋飛魚子醬真係好好食😭 另外亦試左佢地既薯條同炸蕃薯條 Again即叫即炸既野食係唔會唔好食架😂 而且份量仲唔少添👍🏻溫馨提示：女仔如果怕食到污穢 可以叫店員幫你切開個漢堡2份/4份架😉