Cafe Whale (已結業)

呢間Café Whale開左都一年, 間唔中都聽到身邊親戚朋友好一致地推介, 口啤咁好, 今日同男朋友一齊放假就去試下睇下係咪咁堅小店位置唔多起眼, 唔係香港仔中心入邊, 對於住係南區既我黎講緊係方便同容易搵得到, 但如果唔熟呢區就可能難搵少少喇, 但都唔洗擔心, 香港仔好細嫁咋小店得十個位左右, 一張BAR檯同一張大檯, 入到去第一時間拎Menu, 食物種類唔多, 但樣樣都幾吸引除左Menu外, 我見有另一塊Board係daily special 同for晚上時段order既意粉 (因為已經睇完Menu已經諗好食乜就冇再特別留意)🍔🍟黑松露他他醬沙巴龍躉漢堡(跟汽水)$82+一份薯角$16我係好鐘意黑松露陣味所以我覺得個醬真係好香好正, 另外塊魚係食得出既新鮮同好有份量, 另外$16一份薯角係好大份. 兩個人都食唔哂, 好抵呀🍔安格斯珍寶牛肉漢堡$70 (補差價轉Mocha)$25塊肉超厚, 一口咬落去好滿足好juicy, 美中不足就係唔太食到芝士, 至於杯Mocha就一般啦, 唔會特別推介兩個人食左兩個漢堡,兩杯飲品同一份薯角, total: $195, 性價比高 環境乾淨, 又堅

今日一個人行過,記得有推介,諗住死就死,試一試有幾好食先. 叫左個安格斯,等左15分鐘,賣相唔錯,size一人食冇問題,細食既仲可兩人分享. 一咬落去肉汁走哂出黎,唔錯, 牛未都冇俾芝士蓋過. 一句講哂,抵食 (70蚊連野飲)想試薯角,可惜太飽了,下次再試.

向來喜歡四處試不同的漢堡包，早前發現這間小店後特地找天到訪，食物沒有令人失望之餘水準更比想像中高😋跟先生點了兩個漢堡及一份薯角share，漢堡包本身跟汽水，也可補差價轉咖啡或朱古力。汽水選擇頗多，都是罐裝就不多說了。Latte是先生點的，味道正正常常不會差過一般cafe。食物都是即叫即製需要等10至20分鐘，薯角份量很多，三個人share都夠食！而且新鮮炸起寧捨香脆美味，食到最後依然熱辣辣，滿足😋雞扒漢堡：麵包較薄及脆身，雞扒夠滑，醬汁帶少許辣味，加上沙律菜後夠飽之餘整個不會太膩。最喜歡整個漢堡醬汁及份量適中，容易拿上手整個吃！很多出名的漢堡包店要不就是醬汁太少肉太乾身，要不就是醬汁太多太溜，而且通常份量太大要逐層切開，失去吃漢堡包的樂趣😐雖然未試勻店內所有漢堡，但已經可以肯定這款是我最愛口味！本身超愛余均益、蛋黃醬及牛脷，沒想到三者組合起來驚喜又無違和感！牛脷意外地用上薄片牛脷，多片牛脷堆疊起來更添嚼勁，先生說口感有點像火腿🤣但還是明顯食到牛脷的香味，必定會再encore‼️😋價錢以香港仔來說應該算貴？但個人覺得性價比絕對算高😀光顧時是下午兩三時，但仍然要等位，而且陸續有人來買外賣，可

見 介紹得幾正咁今晚就去試下，開頭見到唔算太多人都驚伏 (因為 有時都幾伏)，咁我叫左個「黑松露他他醬沙巴龍躉漢堡」(好長 😅)。加左件鴨肝同叫左杯mocha。上枱見到賣相唔錯，食落真係堅得! 魚都幾鮮味，亦炸得唔膩，三扒兩撥就食曬。鴨肝煎得唔錯，keep到d油，不過如果層皮脆d的話會更加好，好彩黑醋沙律唔錯所以加返分啦。Mocha就正常水平，唔會差過S記咁啦。之後發覺少人原來係因為就收工，好彩冇白行一趟啫。😅 整體感覺十分唔錯，一定翻啅! 👍

今日亞女考完試早放，同佢去香港仔食下午茶。之前自己試過食過一次真係好好味，所以決定帶我女去。嗰度真係隱世小店，好彩係weekday下晝所以都有位坐，不過人流不絕👍🏻我哋叫咗下午茶餐A and B，連唔食牛肉嘅女都食咗個漢堡仲話好好味，我就喜歡即叫即整，個安格斯漢堡好juicy ，仲有我最鍾意食嘅新鮮菜！魚柳我女食完一舊又一舊，第一次我女食得多過我！而且佢嗰度Service好好，好有善。價錢係香港仔來講就貴啲，不過真係一分錢一分貨我見到佢嘅晚餐都好吸引，下次有機會同亞女黎食蜆肉意粉，魚柳漢堡，同炸魚仲先😋

難得放三天長假期真係只想這在家中閑閑的渡過，訓到自然醒，肚餓了又唔想食飯喎，又想試新野喎，就醒起附近有一間漢堡店，口碑唔錯，於是今日便決定試一試，鋪頭位置不大，裝修簡潔舒服又光猛，諗好食咩就去落單先，我叫咗個黑松露沙巴龍躉漢堡，炸蕃薯條，同埋一罐可樂🥤漢堡🍔薯條加多罐可樂係最好嘅配搭，落單後佢哋就即做嘅，不是聞到煎野炸嘢嘅聲音同味道，已經感到十分新鮮，外買時間大概5至10分鐘🕰回家後，已經急不及待試吓個漢堡有幾咁好味，份量果然超大，魚塊亦都揸得酥脆，啖啖肉，都有兩大塊黑松露醬汁好香， 麵包好鬆軟，夾埋啲菜一大口咁咬落去， 十分滿足，至於番薯條🍠唔油膩，香甜，番薯新鮮！假期食到呢一個漢堡包餐，真係好幸福

好少黎香港仔搵食，行過俾呢間cafe既裝潢吸引左入黎，少有既工業風裝潢，座位唔多，得十個位左右，剛過午飯時間，人唔多，可以係度過悠悠閒過一個寧靜既下午。呢度既主菜，Burger 全部都係 burger，講明即叫即做，制作需時，快快手order等食。安格斯珍寶牛肉漢堡+薯角，配可樂：講左d配角先，薯角即炸真係特別脆口，好有薯仔味，食到停唔口，可以再多d就好了。可樂係買漢堡免費配既，無乜好講。講下主角喇，安格斯漢堡真係好厚身好大個，包面辣左個餐廳logo，好得意又夠鬆軟，至於牛肉，仲厚過個包呀，咬開牛肉裏面pink pink 地，勁juicy，配上沙律菜、芝士、同好似蕃茄汁既sauce，成件事好match，雖然好食，但我下次都會選第二款burger ，因為個個我都想食，仲會試埋咖啡，希望一樣有驚喜！

由于，友人住香港仔，兼且又要湊2個仔，就山長水遠甘入香港仔餐廳嘅位置其實係屬於田灣嗰邊嘅我依個住九龍西既人，唔熟路就交俾地頭蛇带路。 餐廳其實位於 轉角位既一個小铺，唔多起眼， 呢鋪頭入面嘅座位都唔多入到餐廳入面我哋就咁多張大枱嚟坐方便小朋友睇住menu好多想食最後就揀咗兩個餐一個係安格斯牛肉堡另一個就係魚柳漢堡。一個漢堡再加一個薯條加嘢飲，都係大概一百幾， 麵包上面印咗餐廳嘅名真係幾有噱頭， 我諗佢都係諗住畀人影相打卡會見到個店名啦份安格斯牛就有兩層肉嘅即叫即整，所以食嘅時候零舍有味道牛既肉汁係好出色。就咁睇呢兩個漢堡真係有沙包咁大個拳頭食完好有滿足感，呢間餐廳所有嘅食物都係即叫即整嘅就唔會話食嗰時啱啱暖，當日餐廳入面只有兩位服務員， 佢哋都好細心咁樣為我哋煮嘢食，所以黎依到餐廳食嘢就記住要有啲耐性

今日三號風球，去了此小店，店不大，只有一張6人長枱，一張2人向街bar枱，但裝修有心思，尚算舒適，可能今日打風，不用等位，閒時吾敢包。餐店主要提供8款套餐（配罐裝汽水），各套餐都好有特色，有些小吃和點品。而店會有個daily special, 每次都有吾同，間吾中會比到額外警喜都吾定。點完餐，廚師才會即時制作，確保食材新鮮。我就點了個 【是拉差第一刀】【安格斯】餐，其中一個餐轉latte加多廿蚊，再配一個炸薯角和炸魷魚，【是拉差第一刀】真係貪佢名夠嚇鬼試吓，都okay嘅, 而個安格斯就真係幾juicy。薯角一般喇，個炸魷魚幾新鮮，配些沙律菜，買相不差， 咖啡幼滑。整體食材都倘算幾好，人圴消費約70至100元，係覺貴了半格，用心制作，一試無防。

最近在香港仔發現了一間小店，主要售賣漢堡飽和咖啡。店面較小，只可坐八到十人，尚算OK。與朋友去試，點了竹炭和牛及經典安格斯，另點了薯條和蕃薯條。由於即點即做，所以要等約10分鐘，趕時間的人要留意了。先說漢堡，要讚一讚麵包是很鬆軟，而肉很厚，又有肉汁，煎得很香！菜和醬也配合得不錯。薯條平平，但蕃薯條卻有驚喜！炸後不油膩，當中帶點甜，推介！服務的哥哥們也很有禮，耐心為我們介紹不同的漢堡。如有機會到香港仔，實推介此小店！

店舖位置唔顯眼，要花少少時間云. 入到去第一個印象好細間. 當晚去到成間店都無人.食品類唔算好多 就點左一個 炸魚漢堡同一個 安格斯牛漢堡 加芝士 仲有一個 炸鮑魚小食.個包份量好大夠男人食飽！漢堡熱辣辣新鮮,好好食好Juicy 對得起個價錢. ~$70 一個另外炸鮑魚小食都好新鮮同埋個沙律都好清爽. 不過只有2 粒、大約30頭既size 鮑魚就有少少貴. ~$60如果可以加杯生啤咁就完美。 香港仔 好少E隻漢堡Cafe. 我見佢有下午茶再抵D . 有興趣可以下晝去試下

香港仔一直在筆者心中也是個美食沙漠，然而朋友卻力讚這間位於利群商場樓下，毫不起眼的Cafe Whale，今晚一於一訪～店內裝潢設計簡約，像迷你咖啡店，只有零星2個bar枱座位和一張6人大枱。朋友點了黑松露魚堡，我點了竹炭和牛堡～這家店就座落於漁類批發市場對面，又聽過網上介紹這裡的魚製品都由那裏取貨製造的喔所以炸鮑魚、炸魚仲和炸尤魚這幾款海鮮小食值得一試所有食物，上至小食下到漢堡都即叫即製，漢堡大概十分鐘就會給客人呈上每個漢堡都配一罐炭酸飲料這個75蚊的竹炭和牛漢堡，肉厚、質嫩，不過熟，重點是超juicy！！配上芝士和菜，size適中，不油亦不膩～朋友和之後入座坐在對面的客人，吃完第一口炸魚都有同一個反應：真係魚黎架喎！下次等我又試試炸魚堡

第一次食狗爪螺，超級好食，好鮮甜，啲汁噴哂出黎！識食既人都知好難係香港仔可以食到狗爪螺，就算水上人鑿到都留返比自己食，竟然可以係一間cafe度食到真係好有驚喜。問了老闆，原來佢認識不少水上人，可以有不少新鮮既水上食材供應，認真有計。以上狗爪螺屬於期間限定，大家想食最好問清楚啦！呢度burger好食相信唔洗點推薦，我想講係大家要試下炸魚仲，新鮮即炸，啲魚油流哂出黎，簡直一流，食開魚既朋友一定要試。每次黎到必食之選，每日新鮮開魚即炸。最後附帶一提，除左招牌ｍ８和牛漢堡，呢款魚子軟殼蟹漢堡都好好食，份量十足，個蟹仲大份到突哂出黎，好抵食。我最欣賞呢間舖頭係feel到好用心，由食材到裝修，所有野都係新鮮即做，可以話係香港仔絕無僅有的Cafe。ＰＳ：已經見證過好多食肆因為舖租問題係香港仔做唔長，希望呢間小店可以保持水準，做落去。

Aberdeen, at last, has a burger joint to do it proud! I enjoyed the Cafe Whale’s Angus cheeseburger, prepared by a fiercely minimalist chef: medium-cooked premium beef, real Swiss with onion (but only enough to flatter the taste of the meat). Couldn’t decide whether I wanted more onion or not. Maybe next time (knowing that I might ruin an excellent burger). The cafe’s owned, run and staffed by a bunch of young people who clearly have a sense of focus and purpose when it comes to serving up food.

南區野食推介 CAFE WHALE我份人平時食好多垃圾都唔敢寫推介但今次忍唔住啦！依度burger 即整好食，款式特別，價錢合理，有包埋汽水仲要好食到堂食 / 買外賣番到屋企都仲好好食😋鋪頭設計都幾靚 🙂值得支持的小店 😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋 （Openrice 迫我打夠200字)