Cafeholic

营业中

休息中

約了和朋友聚會，早了一天打去訂位。到了餐廳發現，好像不用訂都會有位置，可能都是因為是平日晚上吧。（$78）泰露荀鮮菌菠菜香蒜欖油意粉，蒜味十分香濃，意粉都炒得很乾身，配上菠菜和鮮菌很合襯。（$78）卡邦尼煙肉意粉，卡邦尼醬太稀了，不夠濃厚，不過有醬汁的意粉都很好味。（$52）蒜香雞亦6隻，雞亦外皮煎得非常脆口，雞肉也很嫩口，不過炸蒜跟雞亦分開了，蒜味不太出來。（$52）芝士焗茄醬肉丸，茄醬很濃而肉丸很稔，沾上茄醬跟少許芝士，作小食一流。（$92）煙三文魚青芥末薄餅，青芥味很刺激味道很特出，薄餅很薄身批邊很脆，咬上去都有大塊的煙三文魚味，大滿足。不過如果接受不到青芥的辣可能會吃不到⋯（+$20）凍焦糖泡泡奶，（+$22）凍棉花糖朱古力，（+$18）熱棉花糖朱古力。先說熱飲是完全不熱連暖都講不上，大扣分。凍飲比較好，焦糖泡泡奶的口感很可愛，真的像每口泡泡一般，配上焦糖有點咸咸甜甜，很特別，而凍的棉花糖朱古力都很濃郁，不錯。

Tea set岩岩開始個一個鍾左右(15:30)就冇哂窩夫 特地入到沙田黎食既 白行一趟 門面tea set menu 冇做任何識別行位 帶位小姐亦冇事係門口同客人講 去到坐底先話 冇窩夫

與老友聚會，問我沙田區有甚麼選擇?吓....選擇很多，但好唔好食及值唔值就..變得選擇不多了。諗起同女兒來過幾次的呢間餐廳，印象還好，又可逃離超多人既新城市廣場一期及三期，又坐得較舒服，應是最佳選擇吧?餐湯白湯，味道好濃，還可以。我與另一位朋友也叫了海鮮飯(只有蝦及青口，味道都唔錯)，一位朋友叫牛扒(見她也沒投訴，仲好像很享受的)，朋友女兒叫了炸魚柳薯條(都話好食)，朋友聚會，要我建議去邊?都幾擔心的，因每人的口味唔同，我覺得適合我，並不代表適合其他人，但呢餐她們都冇投訴，總算過關吧！

在沙田新城市廣埸以外難得有一間日式西餐廳，座位舒適不窄，跟隣枱距離恰當，沒有侷促感。招呼快㨗利落，上菜效率高。因是日式西方料理，味道較重，但仍覺好味。Benedict egg 有驚喜。同桌點了卡邦尼意粉，中規中舉，芝士香味濃郁，入口稠但不漏。另一個 lunch set 的香草海鲜意粉也可口。Ham plate looks nice but we did not have the stomach to try. Maybe next time.

一個人在沙田希爾頓中心食個午餐，而今日就試一試這間Cafeholic。在希爾頓中心這個較舊式的商場來說，這間的門面裝修真的很漂亮。入去坐下來，每台也有一瓶放了薄荷葉的水給顧客享用。店內的環境很美，大約2:00pm的時間，顧客不算太多。先看看餐牌，今天我選擇了L2的意粉餐。加了$12要了個沙律菜，沙律口感清新，很不錯。終於意粉到了，意粉煮得軟硬度適中，蝦子有3隻，雖然沒什麼鮮味，但口感是爽口的還好，想不到內有很多軟軟的魷魚圈，吃得很高興哦。而醬汁就沒什麼牛油果的味道（可能只是要它那淡淡的綠色，令意粉看起來美美的吧），但忌廉汁處理得很好，十分香濃，和意粉配搭得恰到好處。 最後餐飲選了杯cappuccino，店內的咖啡豆是採用本地烘焙的淺炒豆，咖啡味不算濃，相信不太嘗咖啡的人都會喜愛這淡淡的咖啡香味。

日日食大集團嘅早餐食到好厭倦，今日見有時間，想去享受一個悠閒的早上，但可能時間尚早，可供選擇的餐廳不多，見這間餐廳室內裝修不錯，就入內試試。早餐只有8款，我和朋友各自選了一個餐和錫蘭奶茶。不消3分鐘，奶茶已到。奶茶味香濃，頗大杯。餐隨即送上，煎蛋火喉掌握得很好，恰到好處，雞肉腸比較多油，不合乎健康原則。鮮奶麥皮雖不太甜，個人認為若能提供無糖麥皮供客人選擇則更佳，厚多士不夠香脆，烘久一點會更香口。總括來說，食物水準不錯，有機會會再來光顧，試試其午餐和晚餐。

今次放工約埋朋友仔到公司附近的商場食晚餐。呢間餐廳雖然係商場，但唔會太多人，所以好快就有位了。餐廳環境及設計舒適，適合幾個朋友一齊食個飯傾下計。餐廳有幾個餐可以比你揀。唔岩食的，大家仲可以係Menu揀一個你鍾意的主菜，再加錢自己砌個適合自己的套餐。是日餐湯係煙肉西蘭花忌廉湯，煎香過的煙肉，再加入西蘭花及洋蔥，令成個湯都好香。主餐我揀左芝士焗白汁煙三文魚菠菜鮮菌扁意粉。芝士焗得非常香，夠香之餘仲可以拉絲，配埋個三文魚同鮮菇，正！朋友叫左個黑松露帶子白蜆欖油意粉，黑松露味夠香，意粉仲用欖油炒香過，令個味道同層次更推高點！餐飲叫左錫蘭奶茶，奶茶比例ok，唔會有任何一邊太搶。

晏就入左去科學園工作, 晚上又唔想返屋企食就同好耐冇見又住沙田既朋友A食飯朋友A話想食西餐, 最終就揀左Cafeholic 食Cafeholic環境幾舒服, 唔算好嘈, 岩晒我地傾計黑松露肉碎蛋沙律法式多士D個黑松露味好香, 連我麻麻地黑松露都覺得正, 而且個蛋令到成個多士香左好多, 唔錯, 但得3舊少左D, 我地兩個人唔夠分和風大蝦意粉隻蝦夠大隻, 個味都幾好味, 但係意粉就淋左少少, 食到中尾段已經麻麻地再想食落去西冷扒個西冷熟左少少, 而且牛味唔算好夠, 好一般, 反而個配菜焗薯有驚喜總結黎講食物只能算去到MEAN, 但環境舒服

今日同三個朋友係沙田行完街搵地方食晚餐，平時都係新城市果邊食，但食尼食去都果幾間，咁行去去希爾頓果邊發現多左間餐廳，又無咩人等，價錢又ok就入左去四個人嗌左兩個意粉，一個pizza，一碟雞翼，同加左個沙律，都幾飽意粉方面，一個係黑松露意粉，一個係明太子意粉，兩個都好好味！個pizza好多三文魚好多料，係唔錯既。雞翼味道都幾好，但唔會好特別整體來說，依間既野食都好好味，會再尼食，而價錢方面係食意粉既餐廳尼講算咁上下，味道又好

住咗沙田咁耐，每次路過cafeholic 都會有一絲嘅衝動想入去幫襯，可惜每次都就唔啱時間，所以一路都未有機會試吓佢嘅食物。今朝見有少少時間，終於有機會試吓喇。入到去都幾多人幫襯佢嘅早餐，環境其實唔錯，都幾舒適。一坐低，侍應就拎咗支有香草嘅水嚟喇。啲水飲落真係有少少香草味嘅，算幾有心思。叫咗個雞扒炒蛋早餐，飲品係錫蘭奶茶，再加多個通粉。先來杯奶茶，真係有淡淡的錫蘭味，但可惜杯奶茶唔夠熱，要扣分... 個雞扒炒蛋都係一般嘅貨色，其實無乜特別。而另外個通粉，都係好一般，齋通粉一個，無乜味咁... 整體來講，今朝個早餐有啲失望…

晏晝同老婆去羅浮宮展覽，喺附近搵吓有乜好食。老婆見呢間有人等位好似幾受歡迎咁，所以入去試吓啦。我叫咗L3配咖啡丶沙律，老婆叫咗L4配檸水丶餐湯珍珠帶子蝦肉牛油果醬忌廉扁意粉有2隻蝦仔，冇乜味。帶子真係好䄂珍，都係冇乜味。反而個扁意粉d汁好濃，唔錯。整體拉勻都OK嘅。咖哩吉列豬扒炸帶子飯咖哩味唔濃，塊豬排炸得都夠干身幾好食，兩粒帶子係d超級市場買來自己炸果d,無咩味，個飯我感覺係格夜嘅，好難食！沙律菜幾新鮮，個白湯唔值加錢叫

今日同男友去沙田睇“羅浮宮展”，訓太晏去到沙田已經中午食飯時，除左旺角，沙田都算係閒日多人既地方，城市中心果邊呀，一田food count呀……唔洗旨意搵到位食野，行左過去希爾頓中心，無咩好食ga la,基本上全部都係集團經營， Cafeholic未試過，價錢60幾到78幾，午餐來講一般，唔算平又唔算貴，環境舒服既, 剛入去人唔太多，就算坐滿人，都寬敞既，好鍾意佢個燈罩，我覺得好靚午餐加12蚊有湯或者沙律，我同男友都選左湯，是日餐湯係什菇忌廉湯，個湯要讚一下，本人覺得好好飲，夠菇味，飲完唔會勁口乾，以餐廳質素同價錢，湯既份量算係少左少少我叫左白汁火腿磨菇長通粉，男友叫左肉丸意粉，可能之前飲左忌廉湯，覺得個通粉好滯，其實味係唔錯，略為咸左少少，男友比左粒肉丸我食，唉…我食都覺豬腥味，唔怪得男友無出過聲，佢唔食豬都係怕豬腥男友好鍾情咖啡，未食野前佢話呢度咖啡可以飲得下，我話唔係呀？佢不嬲都齋啡，我要普通，飲左第一啖好伏下，感覺怪怪地，男友話成杯係奶水，佢話佢杯齋啡正常

士多啤梨真係好大粒好甜好fresh！不過只有2粒唔夠喉，咁小氣架哈哈！整體賣相幾好，價錢尚可接受，不過不失啦！另外配vanilla  ice-cream都幾好味啊！外加一杯濃朱古力，肥，但呢個就係我！

所謂孝義永在心，週未當然要陪同家人吃個豐富午飯。老爸説去沙田的Cafeholic，我以前在東涌也吃過，不知道沙田也有分店。我們12前到，餐廳經已滿了八成。現在人們那麼早吃午飯的嗎？午市套餐並不便宜，只包普通餐茶，還要加$12 才有餐湯或沙律。媽媽點了煙肉鮮菌欖油香蒜長通粉不過不失，但份量有點小。我和老爸則點的香煎牛舌配白飯有驚喜！份量大，有四片厚厚的大牛舌。牛舌外面煎得香脆，裡面卻稔而不膻，配上蒜蓉汁十分惹味！

想喺沙田新城市附近食個Tea但又唔想等位，其實都幾難！所以寧願行遠少少，見到Cafe門口四正，又唔洗等位，Menu都無睇就入左去！因為唔爆場，我地兩個人被安排坐四人座位，仲可以有位放袋，所以坐得好舒服。兩個人叫左兩份Tea, 試一咸一甜，一個菠菜三文魚班尼迪蛋，估唔到Tea set 都好足料，打開有超大塊三文魚，班尼迪都有流心效果。另一客叫左香蕉朱古力窩夫，見到賣相都好開心，個窩夫又熱又脆，好好食！但就唔好對球雪糕好有期望，只係普通朱古力雪糕。Tea Time侍應都無比壓力，可以慢慢坐同傾計，如果希望坐下休息下，但又唔想食太貴，呢到唔錯！