Cafeholic

营业中

休息中

行經沙田，見到呢間餐廳就快開始下午茶，食物同價錢都幾吸引，就入去試試，平日唔使加一服務費，唔錯坐得舒服叫左個炒蛋雞扒通粉，又有多士，味道ok連埋餐飲，都唔使50蚊

同朋友原本去粉嶺行聯和墟，由於落雨，去到都無咩好睇，之後連想食果間cafe又唔招待非工廈員工，搞到無地方好行，是但食啲野就搭去沙田，行左好多商場，之後搵地方食，見呢間唔錯，又唔洗等位~每人叫一個自己想食嘅，唔加湯、沙律和飲品，因為是洋蔥湯，無想飲嘅衝動(≧∇≦)朋友1叫鮮三文魚菠菜鮮菌欖油意粉，三文魚好厚身，試了一啖，煎得好香口，朋友話意粉好多油，食哂三文魚和菜，食唔哂啲意粉了。朋友2叫左煙三文魚黑松露鮮菌意式燴飯，一上枱已聞到黑松露香，朋友慢慢食，竟然清哂，平時佢係食唔哂一碟飯/意粉，呢碟是正常分量，我諗認該幾好食喔！我就叫左燒汁鮮菌牛肉半熟蛋焗飯，好香好多芝士，燒汁比例剛好，牛肉又嫩，隻蛋黃生的，篤穿去撈埋啲牛和飯食，好juicy的感覺，飯量幾多下, 食剩了少少飯，我喜歡同人分享試多幾樣食物，不過呢2位朋友就異常，不會大夥兒分享食物，或許因為大家喜歡食的不太相同...水是有檸檬味，所以我地都無叫飲品，個人覺得整體食物都是幾唔錯，亦唔會食完口渴，反而吹水令我口渴，又坐得舒服，好啱朋友聚會食好野又慢慢嘆~

本身經開沙田希爾頓，成日行過都有留意有間西餐廳裝橫都唔錯所以今次入去試試佢。星期六既下午見到都8成滿座，各樣感覺都唔差既。睇1睇lunch set..對於我來說下午茶時間都要80蚊未加一既一個人頭餐消費覺得有點肉痛。食落味道都可以不過唔值票價嘍～如果平啲都可以encore既，哩個價錢哩個質素當佢cafe傾計都可以，叫我再來食野就免了。總結來說服務一般，味道一般，賣相一般，價錢非一般，已經覺得不行了。

老公SEAFOOD痕, 無啦啦話要去沙田行街,好啦, 咁我地呢家港島人家庭就遠征沙田......點知遇上一田大減價, 多人到呢........帶住小朋友都行唔到街, 又熱又辛苦, 咩都買唔到, 就想搵個地方休息下, 但成個一田同新城市都逼爆人, 最後去左希爾頓中心,好似另一個世界咁!!! 少人好多!!!!去了間小西餐食返個TEA補充體力~~~TEA SET MENU都多野食! 最緊要係有卡座, 可以好舒服咁休息下~~ GOOD!!!點了個"煙三文魚碎蛋沙律&TUNA BENEDICT"有驚喜!! EGG BENEDICT好好食~ 煙三文魚大大片~ 配上沙律好MATCH!!飲返杯熱檸茶~~ 真係將剛才的人多嘈雜的煩躁掃走~~服務都OK, 帶小朋友來吃都沒問題,每張檯都有玻璃水樽自己無限REFILL~~大家如果去開沙田行街, 不妨去希爾頓中心食野, 人少好多, 可以舒服休息補給~~!! HAHA!!!

星期日嘅下午，跟姐妹一同小聚high tea，因要滿足有人想食甜品，同時有人又想食意粉，要坐得舒服傾到計之餘，價錢都唔可以太貴。 哈!! 好似好多要求皇天不負有心人，搵搵下睇到呢間嘅餐牌可以滿足哂大家，加上睇相環境舒服，價錢合理，好～就去試試大約2：30去到，門口都有一堆人仔等位，我地三人行等左兩張枱就可以安排入座坐卡位了。因為好有目標嘅緣故，所以超快就已經揀好心水下單，亦很快上菜了。特別一讚，我最愛忌廉白汁一類，卡邦尼意粉果然冇令我失望，好creamy，煙肉味道很香，每條扁意粉都好creamy，很讚雖然假日要收加一，但坐得舒服，環境又好，唔使擔心俾人趕走，呢間的確係心水選擇PS: 有限時坐90分鐘

想着去一田逛逛，經過這裡看到有下午茶就進去吃了。以星期六來說人不算很多，7成滿座。不過桌與桌之間就過於狹窄，感覺很擠迫。打開下午茶餐牌，看到有幾款意粉供選擇還有三文治或其它種類多士，價錢大概四十多到七十也有。這是我點的忌廉番茄雞肉意粉，上面鋪滿芝士，熱騰騰的。醬汁以為會帶酸，竟然沒有，反而是有種很creamy 的texture. 應該是加了忌廉的關係，不錯。還點了一杯錫蘭奶茶也不錯先生則點了煙三文魚配吞拿魚Benedict，由於他不吃魚生的關係，我就吃了魚生的一邊。這個挺特別的，因為一般Benedict都沒有煙三文魚配蛋沙律，我覺得這個口感不錯蛋沙律沒有做的很鹹，配上煙三文魚是剛剛好。這杯棉花朱古力需要加$20，下面是超濃縮朱古力，中間是厚厚的cream，頂層有很多棉花糖呢，整杯攪勻一起喝真的很美味。

入沙田，午飯時候無理由吃龍華乳鴿做午餐那麼肥膩啦～隨意一按Openrice， 在全部見慣見熟的餐廳食肆中，選了這間唔叫常見的(其實我未見過），名叫cafeholic的餐廳。週末午餐set，點選了鮮菌忌廉火腿長通粉及紅酒燴牛肋條飯配燒汁。鮮菌是鮮冬菇片，忌廉白汁是個很難會做得難吃的sauce，所以長通粉味道與口感texture都ok。紅酒燴牛肋條飯，牛肋條炆得淋滑又入味，喜歡七彩的配菜，令人食慾大增！結賬時在counter 看到，說道如有投訴，可電郵到xxx@oceanempire.com.hk...原來餐廳是海皇粥店旗下一員！也是連鎖啊！

第二次黎呢間餐廳，沙田食肆出左名人多，食物未必真是好特別，但幾乎間間都要排隊等位，真是頂唔順上次小賢子介紹左間偏僻d的cafe食西餐，唔洗等位，舒舒服服傾偈坐成晚，食物質素又唔錯喎，所以再帶埋小雲子黎一試上次食羊架+黑松露意大利飯，正到一個點今次小雲子話想食牛不過要熟d，所以試左西冷7成熟。7成熟真是好熟好似8、9成咁……不過d配菜，焗薯加番唔少分重點重點黎啦煙三文魚蛋班尼迪好鬼正呀，真係水準之作，超好味，恰到好處一定要試呀!

之前不知道有cafeholic這連鎖店，這次來到沙田就試試看。豬肋骨不是一排的，跟想象中有出入，排骨外面脆，裡面稍為韌；醬汁較稠，頗鹹；飯是日本米，我覺得太韌了。巴馬火腿芝士包來到時是熱辣辣，包的皮很香脆，裡面軟熟；火腿夠鹹，沒有太多肥膏；mozzarella有韌勁，可以拉得長長的加了$12要餐湯 - 羅宋湯：很足料，竟然有豬肉，是我意料之外的。

下午嚟tea一tea，因為鍾意呢度杯咖啡點咗餐要等一等，即叫即製，要d時間😬雞扒+炒蛋+牛油厚多士+長通粉+熱咖啡=$42雞扒煎到脆皮、脆邊，中間卻juicy，熱辣辣上碟，唔點醬仲正！炒蛋比較失色，因為凍嘅，應該係炒定，扣分。厚多士，唔使另加錢，脆卜卜，加分。長通粉好味，個湯係忌廉湯，唔係hea例湯溝水，good😌😌最期待係熱啡，唔知係咪即磨，但無酸味，仲好香滑，習慣唔落糖飲，滿滿咖啡香，唔係連鎖店果d搶喉味，如果可以加錢變大杯熱啡就好lu😊😊

少少英倫風的裝修, 2邊有卡位, 間隔都闊落又舒服. TEA SET MENU吞拿魚碎蛋法式多士一碟有4件, 多士仲香脆, TOPPING分別係吞拿魚 (2件), 及碎蛋 (2件), TOPPING份量都多. 仲有沙律菜.吞拿魚好滑又CREAMY. 碎蛋一樣好CREAMY. 好好食!忌廉茄醬芝士雞肉意粉TOPPING係一粒粒未溶的芝士, 自己攪拌後才會溶.意粉有咬口, 茄醬都幾濃, 不錯不錯.另外叫了泡泡奶, 係打了氣泡的牛奶, 好香又得意, 小朋友岩飲凍檸茶, 茶底都OK.

由於喺沙田返工，所以習慣周圍搵下午茶食！宜間餐廳下午茶我已經食過好多次，星期一到星期日都有下午茶，正！而且唔會好多人排隊。今日就食咗個煙三文魚碎蛋沙律吞拿魚班尼迪蛋英式麵包加杯熱檸水，其實依度熱咖啡都唔錯。沙律菜多汁，唔會乾爭爭，煙三文魚勁大塊差啲食唔晒，吞拿魚配班尼迪蛋味濃，麵包好似炸過，脆口！總結:好味但適合重口味者，唔算太飽男士可能唔夠，男士可選擇其他餐例如意粉！

今日會合女友往cafeholic 食雞扒, 炒蛋、多士和凍奶茶, 炒蛋炒得好香, 炒得好香滑；雞扒煎得香脆、雞肉嫩滑；厚多士好香脆、配上牛油好夾；最後奶茶香濃茶味香滑, 保持水準,不錯的早餐。

原本想點精選英式早餐，但鮮奶燕麥唔可以轉長通粉，我又唔飲奶，於是轉左吞拿魚多士，落單時職員仲再三提醒多士要焗可能耐少少（堅講左三次），再加上睇咗其他食評入面嘅相，我係加咗少少幻想覺得精美早餐需時製作，所以見倒呢份結果三分鐘就上台，咁嘅樣嘅多士，真係極為失望，我期望起碼有少少伴菜... 睇埋杯即磨咖啡（還是奶茶？？）呢個餐索價$32，真係無下次，呢個價選擇大家樂早餐會豐富得多

暑假是展銷旺季作為時常要到處跟進 Demo Event 的 Sales & Marketing Officer日前 Dayz 又跑到沙田新城市廣場工作了～幫忙把會場佈置好後剛好到了午餐時間～可以順便約住在附近的朋友一起吃飯呢！新城市廣場内有很多餐廳，不過，大部份都是連鎖餐廳實在是不太特別呢...所以我們決定去希爾頓中心那邊找找看從一田超市的天橋走過去其實很近，兩分鐘就到了！一踏進希爾頓中心就看到這家 Cafeholic這家Pasta 專門店具有歐陸風情感覺還滿不錯而且又不用等位，就決定試試吧！！每桌都有一瓶薄荷水，味道清新又健康～ Like！！Lunch MenuSet Lunch 的價錢介乎 HKD 62 - 79 之間 隨餐送熱茶或咖啡可多加 HKD 8 Order 餐湯或田園沙律一客（星期一至五沒有加一服務費）價格合理我們點了紅白汁 Pasta 各一款菠菜吞拿魚忌廉長通粉加入了大量菠菜是一道挺健康的 Pasta 呢！口味偏向清淡，不太能嘗得到吞拿魚的味道忌廉汁的質感順滑跟長通粉真的很配呢～意式肉丸茄醬扁意粉扁意粉充份吸收了蕃茄醬汁味道酸酸甜甜的～很惹味！！意式肉丸值得一讚～把以