Cafeholic

营业中

休息中

29/6$187/2人朋友已取了位置等我. 當時還有位置可以兩個人霸一張4人枱, 但之後人開始多便要搭枱了.我們沒有idea要吃什麼, 又不想吃set lunch, 便上openrice看看其他人推介什麼食物. 我們便跟著前人去點菜, 果然是好得!三文魚pizza, 餅底不厚, 吃落不會太飽, 也不會只有麵粉味. 三文魚不會鯹, 整體味道很配合.牛肝菌意粉, 有少少菌味, 有大大隻蝦和帶子, 有cream味, 好!最後我叫了cappacino, 朋友沒有叫東西飲. 咖啡雖沒拉花, 但外貌仍討好. 飲落有濃郁的奶味及奶泡, 是中上之選. 也可能是我沒expect這裡的咖啡會好飲, 所以也加了分. 不過後來旁邊搭枱的母子, 也說”這裡的咖啡好喝” 而每人叫了一杯.

相比鄰家的新城市廣場，希爾頓食肆在午市時段的人流相對較低，較易找座位。這家主售西式主食的餐廳，於午市提供四款套餐，四款均為飯或麵食。每款價錢介乎$62 至 $79，隨餐送熱茶/啡。多付$8 可加配餐湯或田園沙律。我所選的吞拿魚蝦肉茄醬意粉，蕃茄醬汁的味道酸甜適中，蝦肉尚算爽脆。吞拿魚份量欠奉，吃完都全然不覺有吞拿魚存在過。餐廳在清水瓶中加了一棵薄荷葉，滲有點點薄荷味的水感覺清新。

本來都唔想寫出黎，實在太憤怒同失望先至忍唔住寫。我一向係沙田Cafeholic既常客，佢地既餐廳環境同食物質素都唔錯，我幾欣賞。可惜今日我遇到既馬虎態度，令我忍唔住要特登開openrice account寫低佢。我唔係想投訴佢地，而係覺得好可惜，明明係一間唔錯既餐廳，點解會有d態度咁差既侍應？件事係咁：我同屋企人去食早餐，由於屋企人剛開刀唔食得生野，所以我地分別叫左一份炒蛋同一份煎蛋，屋企人要熟既炒蛋，我要生蛋。女侍應落完單後，我發現佢煎蛋落左做熟蛋，我諗係我自己無講清楚煎蛋係要生既，所以女侍應咁寫，小事姐，我就同佢講我要生蛋，唔係熟蛋。原本我以為改左單無野啦，到上餐既時候，佢地上左份完全唔似係生蛋既早餐俾我，我話我要生蛋，可否換一份俾我。好，等左一陣，我收到既係一個比之前更熟既蛋！！！我話我要生蛋呀，唔係熟蛋，上餐個位男侍應平竟然同我講我第一次收到個份已經係生蛋，ok，我以為係所謂既生蛋都係好似熟蛋咁樣，可能係我怪錯人地，算啦，熟蛋我都食。點知我隔離怡同我叫同一樣既早餐，竟然係上左一份好正常既生蛋！其實熟蛋我都食既，但係點解個位上餐既男侍應要敷衍我？明明係上左熟蛋居然同我講話上左生蛋

幾個月前黎過呢間餐廳食lunch，當時試左兩個set，其中黑松露意粉好正，黑松露味十分濃郁加上配搭香滑忌廉，即使配料袖珍帶子同蝦嘅質素非常一般都足以令我地回味。呢一日一心諗住會一會呢個黑松露意粉，點知已經不復當時味，令為食豬大失所望 ‧‧‧‧‧‧黑松露意粉上枱時聞唔到黑松露香味已經覺得不妙，而且一滴忌廉都搵唔到，配料竟然係人造蟹柳(同依然好細粒，冇鮮味嘅珍珠帶子) ‧‧‧‧‧‧呢個lunch set 只包熱c咖啡/茶，加埋一都成八十幾蚊，用料居然如此馬虎 ‧‧‧‧‧另外，意粉煮得過熟，一啲al dente 嘅感覺都冇。味道方面同預計一樣，黑松露味非常淡，而且成碟意粉好油，食到最尾剩返一攤油 。自己煮都好食過佢，不能接受，冇下次啦。

這天過一田掃貨，迫完一輪無買到野，要醫肚，新城市廣場食肆太多人，咪轉陣地去希爾頓中心，見這間餐廳裝修很好，坐滿人吃飯，都已經8點火45分，等咗10分鐘，都差不多9點，侍應在門口已經講明9點半 last order，10點要清場收工。我地都係諗住食完走，1個鐘應該夠哂，最緊要食物嚟得快。在門口已經睇定食咩，叫了一個晚餐88元，選了配沙律及和風明太子魷魚圈忌廉扁意粉，凍檸檬茶(凍飲加4元)，和另外散叫一個黑松露蝦肉鮮菌忌廉意式燴飯86元，如果叫主餐牌食物可以配飲品半價，我飲水。平日不用加一服務費，埋單178元都算抵食。沙律 : 配vinegar dressing加八爪魚粒，新鮮配搭，車厘茄唔酸，沙律菜夠新鮮。和風明太子魷魚圈忌廉扁意粉 : 用日本明太子做的忌廉汁，好creamy，明太子溶入忌廉汁內，加埋紫菜碎，味道有些似唔酸的千島醬，扁意粉做得好 al dente 好有咬口，魷魚圈係雪貨，本身無咩味，全靠個汁。這個組合好有新鮮感。黑松露蝦肉鮮菌忌廉意式燴飯 : 黑松露加了很多幼身菌類，加忌廉炒的risotto 意大利飯，忌廉味都幾重，意大利飯粒粒半生飯的感覺，就唔係人人喜歡，但這個飯就唔算

見呢間餐廳係新開既，就黎試一試水係自助既，擺左支薄荷葉入去。睇就幾好睇喇，不過唔係好敢飲set lunch 跟既磨菇湯，菇味都好香，有淡忌廉味，不過稍為稀左少少benedict egg荷蘭汁味道唔錯，煙三文魚份量都唔少，配埋少少沙律，份量都好足朋友食既意粉有淡黑松露味，但忌廉味重左d，好漏，珍珠帶子雪味重，食落淡某某。新餐廳黎講算係不錯，價錢都好合理。

呢日好友係1355來到攞飛等位，我因為遲左收工，係1410先趕到來，仲啱啱有位可以入座添，估唔到有咁多人食，我地坐係近門口位置，一直見到都有人排隊等入座，下午茶時段更多人，可能款式多少少又平少少吧，眼見人地食的下午茶餐同我地點的Set Lunch份量差唔多，識揀嘅都應該揀下午茶。我地３人點了以下食物：① 黑松露碎蛋沙律法式多士 ($42)　② Set Lunch: 鮮蝦茄汁扁意粉 跟即磨咖啡 ($69)　③ 熱檸檬茶 ($20)　④ 意式淡咖啡 ($20)　Total = $15110% Service Charge Total = $166黑松露碎蛋沙律法式多士：呢個真係極之快上枱，點單唔使３分鐘已經來喇，睇賣相好似幾好；可是蛋黃醬唔太好食，黑松露醬竟然冇味，最慘係件多士唔脆，仲係淋淋地添，對一個鍾意係脆口多士嘅我來講，對呢個真係極失望。鮮蝦茄汁扁意粉：賣相都幾靚仔，扁意粉硬度剛剛好，但整碟都好乾，也唔太熱，蝦都新鮮，略鞋了點....整體尚可。即磨咖啡：除餐附送，啡味帶苦唔酸算幾好。意式淡咖啡：淡口味的，有點失望.....即磨咖啡好Ｄ。

星期日上午和好友往希爾頓cafeholic食早餐, 我點了雞肉腸雞蛋厚多士, 長通粉配凍lemon tea, 雞肉腸好香脆好彈牙, 煎得香脆；煎雞蛋大大隻, 蛋味香滑, 而且蛋邊有少少脆, 好味；厚多士大大塊, 食落口感鬆脆, 好味；長通粉湯底好味, 雞湯好濃又夠熱, 長通粉夠腍不會太硬身；lemon tea茶味剛剛好, 不會太酸導致沒有茶味。餐廳食物好味, 值得一試。

閒日食飯最好係唔洗等位。望見間野冇嘜人，坐得七八枱到，唔洗等就入左去。有卡位坐，好舒服。慢慢揀又唔會催你落單果下幾好。枱枱有渣水自己fill，唔洗下下叫。不過野食真麻麻，應該都係叫得衰。芝士牛肉半熟蛋焗飯最怕係半熟蛋，所以叫左全熟黎食。唔理粒蛋，好少牛肉，冇咩味道淡左d。朋友仔叫左個明太子扁意粉食，連set湯及飲品要88蚊。食左兩啖覺得太咸，停左手。唯一個湯好味，夠濃，好似係周打蜆湯。係沙田搵到個坐得好既餐廳好難了，下次叫過食其他應該會好好多。再試。

三人預約了星期六晚飯，訂枱只會留十分鐘，6:40pm 未見有等位Cafe 小清新裝橫，略嫌燈光過猛，射燈令人感到有點熱主菜點了，Parma ham Benedict, carbonara, 燒豬仔骨只要惠顧主菜，就可以半價任何飲品，我地叫左熱豆奶，杏仁奶泡，樁子奶泡Carbonara好creamy 好香，意粉al denteBenedict 都唔錯，流心蛋黃，醬汁唔會太酸Ribs 好大份，但個sause 麻麻

希爾頓中心行到尾，不起眼的位置。人流雖然沒有新城市那邊咁多，但週末午市下午茶晚市仍要預時間等位。等位派飛又係唔公平的制度，死板非常，黎過幾次都係咁。兩位永遠最難等位。反而3、4位甚至5、6位有得直入，內有吉的四人枱佢又死都唔俾你入，2+2 都唔得。成日造成門口好多人等的假象，等位等到一肚氣。算啦，都係講番野食。三文魚菠菜 egg benedict，呢份抵佢做招牌菜色。食過幾次，無論味道、份量、賣相，每一次都好完美。一切開蛋汁就流出來。唯一係個sauce 未夠突出，不過呢個定價我收貨。Salad dressing 也酸度和份量剛剛好。牛油蒜蓉焗青口。呢碟一上枱就停唔到口，勁香，青口夠肉地，薯蓉綿，勁正Pizza 有驚喜。Pizza 底焗得香，上面料夠多，我鐘意再落一大堆即磨黑椒，成件事好惹味！Mocha。Standard 味道啦，不過份甜，朱古力味和咖啡味 balanced. 算大杯。泡泡奶系列夠特別。有薄荷、榛子、杏仁等口味。其實我全部都試過，OK 架，唔太甜，奶 light and airy，好特別

星期五晚上的沙田， 每間食肆都超多人， 阿媽肚餓到不得了， 逛著逛著， 行到希爾頓中心的CafeHolic，門面裝潢很有歐陸格調，正合心意，就這間啦!坐位有很多，輪候時間不用等太久!主餐牌比晚餐吸引，有班尼迪蛋、四色芝士薄餅等，但阿媽始終認為吃飯麵才飽肚....... 今次唯有叫飯麵，下次我和朋友先試其他美食...喜歡放有香草的玻璃瓶水，雖然沒有甚麼味道，但總覺得是特別一點﹗晚餐的沙律，意想不到有蟹棒，而且沙律菜爽甜，拌勻黑醋汁，很開胃﹗鮮蝦帶子忌廉扁意粉，份量不多，但也有兩隻鮮帶子及三隻蝦，感覺上又回本了。扁意粉好有口感，又能吸附著醬汁，醬汁濃稠得宜，帶子略略一煎，肉質爽嫩，不錯啊!牛肝菌汁鮮菌意式燴飯，飯面片片半溶的巴馬臣芝士，讓牛肝菌汁的味道更加突出﹗ 飯粒軟硬適中，小女孩也可輕易吞下。最後來杯即磨咖啡，啡味輕且較苦澀﹗

沙田［希爾頓中心］★Cafeholicfb/ig: followfooddiary作為cafe愛好者，有次無意中係openrice搵食時比依間餐廳個名cafeholic吸引左，所以話改名都有學問今晚食開工飯又係happy friday，本應搵個地方啤一啤，不過身心疲勞都係想去間舒舒服服既餐廳靜靜享受下晚餐。於是就諗起位希爾頓中心既cafe，貪佢略為遠離沙田市中心dinning area，人流少ｄ無咁嘈雜黎到餐廳門口，有少少去左戲院既感覺，個門面同招牌都金金地閃閃地，勝在搶眼得黎又唔會娘6點幾時間尚早，座位任揀（上面張相係7點幾走既時候影，原來都幾爆滿已經要等位嚕）。唔好講笑，行入去幾surprise間餐廳原來空間寬敞，閒閒地都有成廿張枱。餐廳走悠閒原野風，一室木系傢俬木地板，牆上有小盆栽同動物擺設作裝飾，天花吊住一盞盞綠葉陪襯睇落似雀籠既吊燈。感覺舒適又帶點warm，正正係今晚我所追求既感覺每張枱上面都放左樽以高身玻璃樽裝既薄荷葉水，其實飲落同普通水無嘜分別，ｄ薄荷葉似係gimmick野多d，但感受到餐廳係細節上既用心搵食時間- Cappuccino（原價$28，轉set半價$14）：

星期六晚七點，等位只須五分鐘算好快！上食物速度仲快！黑松露蟹肉意粉，好香濃，汁又夠多，好野味，份量唔算好多，但總括而言值得推介！三文魚明太子醬pizza, 依個超一般，冇嘜味道，料得好少，好薄，但又唔似正宗意大利pizza, 比意粉失色好多！Overall, 抵食，環境唔差，又唔洗等位，下次會再黎食！

今天來到沙田，不在名牌商場裡找食，而走在希爾頓中心，尋找一間咖啡廳。Cafeholic 正正在希爾頓中心，進入餐廳後，感到上就是一間 cafe並由木製的櫃子分隔前後用餐區，而在下則坐在前部份位置。打開餐牌，有各式各樣的焗飯西式食品，亦有泡泡鮮奶及咖啡。廚師精選餐湯為南瓜忌廉湯（三十二個大洋），南瓜湯永遠給人一種很 smooth 的感覺，既有絲絲的幼滑，又有忌廉湯的質感，南瓜散步出來的甘甜，實在好喝。主菜是燒汁香濃芝牛肉半熟蛋焗飯（六十六個大洋），上桌時，焗飯表面較為深色，而半熟雞蛋埋藏在牛肉之下，表面上則有芝士及牛肉，故吃起有種香濃的芝士味道，除此之外，牛肉也醃得相當入味的，且有香濃的牛肉酥味，而肉質也較軟腍吧！來一杯薄荷泡泡鮮奶（二十七個大洋），是一杯由牛奶打成的泡泡鮮奶，其牛奶味當然是很重的，加上薄荷，使牛奶有種清新而又清香的味覺。今次吃的午餐份量剛好，不會吃得太飽，而且味道不錯吧。