Cake 2的食记– 香港天后的西式面包店

kcrystal_23

等级1

我本身唔係會員,但有時會上黎睇下d人的食評.但今次發生左呢件事,實在令我不吐不快.

事緣我姊姊於上個星期日(17/1)擺酒,係呢間公司訂左個29 lbs的蛋糕, 因為有一張coupon,折左係$5xxx. 同擺多一圍差唔多.

係訂蛋糕之前,我姊姊都諗左好耐, 唔知係訂呢一間定另一間好,後來因為價錢相宜,都係決定左訂呢間.

係一開始,因為我姊姊都同d staff 傾晒d味道,款式等的資料,我之後都係去幫佢俾錢. 俾錢個時都冇咩野,我都覺得佢地都幾專業, 俾我的印象都幾好.

點知就係係幾日之後,呢個印象180度調轉.

本身訂的結婚蛋糕的最高位置係打算放一個precious moment 的陶瓷公仔,咁因為佢自己都有個公仔,就講好會係14號拿左去先.就係約好個日,對新人係中午個時就特登去放低個公仔,仲問埋有冇問題. 咁當時 d staff 都冇話有咩問題,佢地好放心就走左la.

點知係幾個鐘後,無端端有個staff 打電話黎,話product line出現問題, 唔可以做cream cake,只係可以做到牛油蛋糕. 我當時真係嚇到呆晒,唔知俾咩反應好.於是只好叫個新娘聯絡番,睇下可以點做.

係擾攘左一段時間之後,新娘一時間都唔知點好,就叫我打電話問清咩事.

咁我只好聯絡番間公司,睇下咩事la.係我打左幾次電話傾左幾次之後, 我有以下的了解.

d staff解釋話supplier出現問題, 唔可以做cream cake,只係可以做到牛油蛋糕. 依家可以一係選擇退款,一係改做牛油蛋糕. but 由於我地請的大多是老人家,長輩,牛油蛋糕基本上唔係太適合, 同我地係訂之前就講到明唔要牛油蛋糕, so 我地都唔係好想轉.

至於點解係放低公仔個時,唔講出個問題係對新人知,佢冇解釋.

咁之後我又問佢蛋糕d 配料都可以係街外買到, 我地唔介意轉味,只要個蛋糕唔好同之前訂的款相差好遠都ok. 佢地又話自己的recipe同出面唔同, 未必可以短時間做到.

跟住,我又問佢地會唔會有相熟的行家,可以幫我地整個cream cake. 佢又話出面間間餅店都要一個月之前訂,唔係個個都好似佢地咁短時間就接受order. 又暗示我地係擺之前一個星期才訂,出面實找唔到la. 我即刻忍唔住反駁佢,我地make order, 你接受個order,之後做唔到,完全係你的問題.問題唔係我地幾時訂,而係佢地太遲通知. 如果我地俾錢個時,佢地可以講出呢個問題,我地都仲可以係其他地方訂到個結婚蛋糕.

之後, 大家都僵持不下,唯有叫佢send d 牛油蛋糕的相,睇下點la. 咁我都驚cream cake 同牛油蛋糕的價錢唔同,即刻問埋要唔要補錢. 佢的回覆係牛油蛋糕係會貴d, but 依家唔駛補錢.

是日晚上,我同姊姊睇完相,都係決定唔要牛油蛋糕.因為d款真係相差很遠.

之後,我地覆左唔要牛油蛋糕,佢地都只係追問我的account no., 等佢可以退錢. 連我地放係佢個度的公仔未拎,提都唔提.

講真,每個人結婚,都係想開開心心,尤其是結婚所牽涉的事情實在太多,太瑣碎.就係呢件事,搞到我地之後頻頻檏檏去找餅店(最後都係訂唔到).尤其是新娘,更是為左呢件事悶悶不樂.

雖然我唔可以話呢間餅店佢錯, but 係成件事上,我真係一d都感覺唔到佢地有盡力去幫我地,枉佢仲係自己website講到好好.

係今次事件當中,佢地完全係一副唔要蛋糕,咪退錢的姿態. 係俾我地轉牛油蛋糕個時,仲有令我感覺俾你地賺到的意思.我都唔明supplier出現問題,佢地唔識去處理咩,點解可以咁做生意?

基本上都冇將心比己咁同我地諗下.

我地係呢件事上浪費左金錢,時間,仲冇左一d因為搞喜事的快樂.

up to now, 佢地都冇再聯絡, 我都唔知佢地係咪有誠意去解決件事.

總之,大家訂結婚蛋糕,自己小心la.

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

用餐日期

2010-01-17

用餐时段

其他

~Snoopy~

等级4

2.2K

337

月前曾到這漂亮餅店混吉一番,見識過那襲以糖霜製成的鎮店婚紗裙,今次特意跟好友們重臨,讓她們一同欣賞一下這漂亮裙子。餅店裝修得雅緻, 要不是看到多款精美的蛋糕樣本在店內,很有可能誤會是時裝店呢!!只是那條婚紗裙失蹤了,原因就是要換上新款式!! 好友們今次白走一趟,真不好意思!! 繼而在餅櫃裡看到各款漂亮小蛋糕,又引誘好友們一試!! 從幾款同以玫瑰花裝飾的蛋糕中選了hazelnut 很香榛子香,忌廉滑溜而且很輕很軟, 有入口即溶的感覺!忌廉沒有太重奶味,吃後不膩口也不漿著口腔, 連不喜吃cream的hon也說好吃。蛋糕用上朱古力味道的海綿蛋糕,質感也是相當柔軟,薄薄一層沒太重朱古力味,但兩者配合就真的很好吃。店員推介cheese cake給我們,吃來很像提拉米蘇的造法,芝士味算得頗濃,質感也是幼滑, 同是用上朱古力蛋糕, 今次味道較濃是因面層灑上不少朱古力粉,這種朱古力粉味道偏苦,抵銷了蛋糕部份甜味所以吃來沒那麼甜,只是它們很吸口水,吃後定要增加水份才ok! 兩款蛋糕相對hazelnut 味道及感覺較好! 推介!! 除這2款還有藍莓、紅莓和血橙味道,有機會再試試!!店員態度超好, 除了讓

月前曾到這漂亮餅店混吉一番,見識過那襲以糖霜製成的鎮店婚紗裙,今次特意跟好友們重臨,讓她們一同欣賞一下這漂亮裙子。

餅店裝修得雅緻, 要不是看到多款精美的蛋糕樣本在店內,很有可能誤會是時裝店呢!!只是那條婚紗裙失蹤了,原因就是要換上新款式!! 好友們今次白走一趟,真不好意思!! 繼而在餅櫃裡看到各款漂亮小蛋糕,又引誘好友們一試!!

從幾款同以玫瑰花裝飾的蛋糕中選了hazelnut 很香榛子香,忌廉滑溜而且很輕很軟, 有入口即溶的感覺!忌廉沒有太重奶味,吃後不膩口也不漿著口腔, 連不喜吃cream的hon也說好吃。蛋糕用上朱古力味道的海綿蛋糕,質感也是相當柔軟,薄薄一層沒太重朱古力味,但兩者配合就真的很好吃。

店員推介cheese cake給我們,吃來很像提拉米蘇的造法,芝士味算得頗濃,質感也是幼滑, 同是用上朱古力蛋糕, 今次味道較濃是因面層灑上不少朱古力粉,這種朱古力粉味道偏苦,抵銷了蛋糕部份甜味所以吃來沒那麼甜,只是它們很吸口水,吃後定要增加水份才ok!

兩款蛋糕相對hazelnut 味道及感覺較好! 推介!! 除這2款還有藍莓、紅莓和血橙味道,有機會再試試!!

店員態度超好, 除了讓我慢慢拍照外,放置蛋糕也細心地以膠紙穩固紙托,拿著盒子也安心得多!女店員記憶力勁佳, 竟然說認得我!! 哈哈~~可能我是唯一進店但混吉的客人吧。買餅後再次四處拍, 拍不到婚紗裙所以連花花蛋糕/ cupcake也拍拍拍, 開心!!

餅店提供試餅服務給將結婚的新人, 我們試了小蛋糕後也覺得可以在這裡訂生日蛋糕,看看那位好友成為收禮人了 hehehehe