California Pizza Kitchen (MegaBox)

营业中

休息中

今日中午同朋友去咗California Pizza Kitchen（CPK）食飯，試咗個四人套餐，整體來講幾滿意，份量夠晒飽，味道都唔錯！ 頭盤叫咗個**墨西哥風味雞肉烤餅**，餅皮脆脆哋，入面嘅雞肉微辣，加埋芝士同醬汁，好開胃！**燒烤雞肉沙律**就正常發揮，菜夠新鮮，醬汁唔會太鹹，不過如果可以多啲麵包粒就更好啦～ 主菜方面，**香味肉醬意大利粉**好濃郁，肉醬夠多，意粉煮得啱啱好；**蒜香忌廉汁雞肉闊麵**就Creamy得嚟唔膩，雞肉嫩滑，蒜香味突出，我個人最鍾意呢個！**烤蒜雞肉薄餅**就正常Pizza水準，菠蘿加雞肉嘅組合永遠唔會出錯。另外加咗個**薯條**，脆卜卜，點白汁食好正！ 總括來講，CPK嘅食物質素穩定，四人套餐夠抵食，適合一班朋友聚餐，一定會再來幫襯！

可能係全MegaBox最好食嘅餐廳，店長店員服務態度超好，食物質素好好食，每次揸車過嚟MegaBox永遠就係因為呢度冇嘢食，所以唔過嚟，而家食過呢間覺得每次過嚟就食佢啦！我唔識打食評，只係有感而發俾呢間餐廳感動到上黎寫兩句一定會再食，嘢飲又有得添飲，價錢又唔貴，可惜而家經濟唔好真係比較少人出街食飯，點漏咗一個餐，店長即時幫我哋搞，感受到真係有服務，下次過嚟會買會員coupon，值得推介pizza 都好好食🤤

作為CPK既粉絲，一知道Megabox分店重開，當然第一時間去試吓啦！滿心期待！點知 。。。。先來杯mocktail已貨不對版 。叫左杯Sparkling Berry-Lemon，無berry無lemon。。。同餐牌上圖示完全係2回事 。。。店長都好好人，換過杯岩既俾我哋，原來水吧整錯左 。。。不過個樣仲係差好遠 。之後就係我最期待既薄脆pizza，響我記憶中係全世界最好食既pizza. 點知梗到切唔到，更咬唔開 ，石頭咁 。。。味道更加唔係以前果種味 。最後叫左個餐牌影出來好似好靚既雞肉菠菜麵 。一上菜就知lai 野，食落更加完全唔係果回事 。。。啲雞又硬又鞋似煲湯渣，麵身無味 。成碟麵冇擺盤，似係將青黃椒同雞撈勻咗就完咁 。從前美味的CPK已成歷史，以後唔會再幫襯 。

我哋一家本身好鍾意食呢一間餐廳，因為佢哋嘅沙律真係好好味！今次去到MegaBox見到佢哋開咗新店，就即刻入去試吓啦。新店環境闊落，就算一家大細嚟食都冇問題。另外佢哋有兒童餐，而且所有兒童餐具仲經過消毒，家長就可以安心帶小朋友過嚟食今次我地叫咗：牛油果醬配墨西哥粟米脆片好香脆，連埋牛油果醬食好夾燒烤雞肉沙律呢個係我地既all time favorite! 雞肉惹味但唔辣，小朋友都可以食，而且佢有唔同蔬菜，食落健康之餘口感仲唔錯👍🏼加州特色牛油果烤雞肉薄餅一場黎到一定要叫佢地既薄餅，因為佢地用特製火山石爐即叫即焗，確保每個Pizza都香脆安格斯香蒜燴飯有驚喜！安格斯牛味濃又唔會過熟，飯粒軟硬度好好，加埋佢個調味真係好夾呢間雖然擺單唔算好平，但係真心好味，質素保持到，可以繼續幫襯

最近見California pizza kitchen喺MegaBox開咗新分店，就同小朋友去食至愛嘅pizza🍕有多款正宗美式料理，意大利粉、沙律、頭盤、湯、主菜甜品等最吸引當然係即焗pizza，新鮮熱辣脆卜卜🤤餐廳提供Kids Menu，兒童餐具🥄仲有顏色筆比小朋友畫畫🎨前菜🌮牛油果醬配墨西哥粟米脆片香脆得黎又有軟綿綿既口感，牛油果醬🥑酸酸甜甜搭上脆脆片，非常開胃。燒烤雞肉沙律🥗足料大盤，大量既菜、蕃茄粒🍅薄切脆脆片、烤雞肉等等…沙律汁甘香而不膩，健康之選加州特色牛油果烤雞肉薄餅🍕望住師傅喺特製火山石爐，即叫即焗嘅Pizza，邊邊烤到焦香有咬口，配料十足，雞肉、牛油果等，色彩繽紛🌈佢哋採用低脂馬蘇里拉芝士🧀食得健康安格斯香蒜燴飯🥩牛肉鮮嫩多汁，5成熟最岩我口味，再配上忌廉汁意大利飯，令成道飯更香口，惹味十足👍🏻而且冰茶🍹汽水🥤無限添飲，大人小朋友都食得盡興！💯

今日姨姨放假帶果果去MegaBox玩見到11樓新開左間California Pizza Kitchen 姨姨話想試好耐原來姨姨有做過資料蒐集California 源自美國比佛利山莊，經典美式餐廳全球9個國家擁有130家餐廳佢地既pizza係用特製火山石爐烤焗即叫即製薄餅仲使用低脂馬蘇里拉芝士牛油果蛋卷脆皮蛋卷包著牛油果、雞肉、煙肉同芝士每一啖都散發濃郁既牛油果香氣同煙肉既咸香烤雞沙律沙律非常新鲜口感豐富尤其係搭配既烤雞肉同調味醬再配埋水晶梨同黑豆非常清新秘製醬汁燒豬仔骨豬仔骨肉質軟腍醬料甜酸適中唔會過於油膩果果食左三條先肯收手烤牛肉薄薄餅底部焦脆搭配上烤牛肉、烟熏芝士和秘制燒烤醬味道豐富且咸中帶甜

有日去MegaBox 買新年用品 11/F開左California Pizza Kitchen，門口放左幾塊滑浪板🏄好有加州感覺，而且環境好闊落，坐係店外還可以睇人玩溜冰。我地叫咗秘製蒜蓉牛油沙律醬配脆香薯條香脆薯條🍟一定要配上秘製蒜蓉牛油及沙律醬，唔駛點茄汁都已經食唔停口😋🥗聖特菲營養沙律配雞肉好多沙律配料 芫茜薏米、菠菜、蕃茄、甜粟米、黑豆、紅椰菜、牛油果、青椒及烤南瓜子加上秘製青椒特色沙律醬 高纖低卡 好健康原味燒烤雞肉薄餅🍕現場廚師即場手拉薄餅，特製火山石焗爐 ，餅底烘得特別香脆，餡料有秘製燒烤醬、煙高打芝士、紅洋蔥及配上惹味雞肉，食得好滋味安格斯香蒜燴飯🍚每一粒意大利飯都充滿香濃忌廉汁加上優質安格斯🥩 肉質肥瘦相間，非常有嚼勁！

.今日papa👩🏻‍🦱放假去左九龍灣megabox 行街❤️‍🔥見到California Pizza Kitchen新店登陸九龍灣Megabox‼️當然要即刻入去食啦，都好幾年冇食過喇🥲係全球9個國家擁有130家餐廳🤩源自美國🇺🇸比佛利山莊，經典美式滋‼️有特製火山石爐 烤焗即叫即製薄餅🍕 使用低脂馬蘇里拉芝士🧀提供包括多款各具特色的意大利粉、沙律、頭盤、湯、主菜及甜品等✨秘製蒜蓉牛油沙律醬配脆香薯條🍟濃郁的蒜香與牛油的香氣，為脆香薯條增添了層次感。薯條外脆內軟，口感恰到好處摩洛哥風味雞肉沙律🥗第一次食摩洛哥風味雞肉沙律‼️雞肉經過香料醃製，味道濃郁，搭配新鮮的生菜和多樣的蔬菜，口感清新特色肉腸、煙肉、火腿薄餅🍕煙肉的酥脆、火腿的鹹香與特色肉腸的濃郁風味相得益彰。薄餅底部烤得恰到好處，外脆內軟墨西哥特色雞肉菠菜闊麵🍜雞肉嫩滑，菠菜帶來清新的口感，而特製醬汁則為整道菜增添了墨西哥風情@cpkhongkong @megabox_hk📍California Pizza Kitchen (MegaBox) (九龍灣)九龍灣宏照道38號企業廣場5期MegaBox 11樓10號舖

話說有一日阿女話想食薄Pizza，我第一時間就諗起California Pizza Kitchen。我知道California Pizza Kitchen (CPK)新店登陸左Megabox，我就帶佢行街shopping再食飯啦。唔講唔知California Pizza Kitchen 源自美國比佛利山莊，是一家領先的餐飲連鎖店，在全球擁有 200 多家分店，以其創新菜單而聞名。我最鍾意係佢自家有個特製火山石爐對所有order的pizza都係即叫即製即烤的，點解火山石爐會烤得咁好食？因為火爐的底部以火山石製成的一體化正宗薄餅焗爐，經高溫快烤焗，短時間內就可以把麵糰烤焗成皮薄餅脆的薄餅。佢哋選用高品質的食材及優質的配菜烹調菜式。用上美國直送的秘製獨特配料，如低脂馬蘇里拉芝士、果木煙火腿、薄餅醬汁及海鹽等。唔好以為只係有Pizza呀，CPK 仲提供包括多款各具特色的意大利粉、沙律、頭盤、湯、主菜及甜品等。CPK勁貼心照顧埋素食人士的需要，餐單亦提供數款素食薄餅，當中包括加州特色素菜薄餅,五色芝士配鮮茄薄餅,香草野菌薄餅及別具特色的墨西哥風味沙律薄餅等。美國特級豬仔骨，肉味香濃，入口即化的柔

聖特菲營養沙律配雞肉勁大碗，超級足料有好多豐富嘅食材，包括：蕃茄、牛油果、芫茜薏米、菠菜、甜粟米、黑豆、紅椰菜、青椒同埋烤南瓜籽等等……有益又好味，配埋秘製特色沙律醬，味道好fresh好新鮮！食哂都真係好飽肚原味燒烤雞肉薄餅，好鍾意佢地嘅Pizza 係用特製火山石爐烤焗，即叫即製薄餅，一上枱已經香噴噴，秘製燒烤醬真係非常惹味！薄餅餅底好香脆，燒烤雞肉肉質鮮嫩多汁安格斯香蒜燴飯，鐵板上嘅燴飯熱辣辣，燴飯粒粒分明，彈牙煙韌，同埋香蒜醬汁好入味！安格斯生熟度啱啱好，粉嫩肉質軟腍多汁秘製蒜蓉牛油沙律醬配脆香薯條香脆可口，外脆內軟，配埋秘製蒜蓉牛油沙律醬汁，好味Iced Tea 可樂

嗌咗個二人套餐過聖誕節，埋單每人$275，套餐包括1碗湯、一個主菜、一個pizza或意粉，兩杯嘢飲。墨西哥粟米湯都還可以嘅，幾好飲。杯嘢飲就真係食得出係糖水同埋汽水（雖然佢話係檸檬特飲同埋草莓紅茶咁樣啦，啲冰都係得幾粒，好快融哂）個Pizza真係硬到好似法包咁樣，我同另一半一邊食，一邊懷疑人生。上面嘅雞肉較嚡同硬，唔知係咪求其攞咗個凍咗嘅Pizza俾我哋。嗰個牛扒燶得好緊要，有一嚿筋係咬唔郁嘅，叫咗五成熟但係好似七成熟咁樣，唔算好Juicy，邊邊簡直係過熟鞋晒添。切開每人都係得四塊，最過分嘅係因為圖文不符，個蘆筍同蕃茄嘅份量變咗一半，幅相入邊明明有六粒蕃茄，上到嚟就得返幾粒茄乾屎。都做得幾成功嘅，我意思係個餐牌圖片，都俾佢吸引咗加30蚊去買個牛扒食。總之就覺得又貴又唔抵，服務就正常嘅，但係呢個價錢其實喺Pizza Hut都可以食得好過佢，我冇理由比自己再幫襯了。