California Pizza Kitchen (MegaBox)

营业中

休息中

嗌咗个二人套餐过圣诞节，埋单每人$275，套餐包括1碗汤、一个主菜、一个pizza或意粉，两杯嘢饮。墨西哥粟米汤都还可以嘅，几好饮。杯嘢饮就真系食得出系糖水同埋汽水（虽然佢话系柠檬特饮同埋草莓红茶咁样啦，啲冰都系得几粒，好快融哂）个Pizza真系硬到好似法包咁样，我同另一半一边食，一边怀疑人生。上面嘅鸡肉较嚡同硬，唔知系咪求其攞咗个冻咗嘅Pizza俾我哋。𠮶个牛扒㶶得好紧要，有一嚿筋系咬唔郁嘅，叫咗五成熟但系好似七成熟咁样，唔算好Juicy，边边简直系过熟鞋晒添。切开每人都系得四块，最过分嘅系因为图文不符，个芦笋同蕃茄嘅份量变咗一半，幅相入边明明有六粒蕃茄，上到嚟就得返几粒茄干屎。都做得几成功嘅，我意思系个餐牌图片，都俾佢吸引咗加30蚊去买个牛扒食。总之就觉得又贵又唔抵，服务就正常嘅，但系呢个价钱其实喺Pizza Hut都可以食得好过佢，我冇理由比自己再帮衬了。