Casa Luca (已結業)

今日好休閒去到九龍灣國際展貿中心，去咗一間環境很舒適，好優雅很整潔的餐廳Casa Luca食午餐，餐廳的侍應很有禮貌，我就叫咗一個黑松露蘑菇雞扒飯同一杯凍檸茶，我看見廚師很有耐性煮我的餐，十分鐘我的餐出來，侍應很有禮貌叫我去攞餐，我離遠見到我啲餐很吸引好香黑松露的味，當我食一啖雞扒有很香黑松露，雞扒肉質很滑，飯粒很軟熟，配菜很清甜，黑松露醬汁不會太鹹啱啱好很有黑松露的味，我再試一啖凍檸茶，檸檬很清甜，茶質不會太濃不會太甜很好，今日是我很滿足很便宜的午餐！

今日約咗個客喺九龍灣展貿傾野，於是是但喺下面food court食少少野！我叫咗個黑松露雞排意粉加涷檸檬茶，我覺得冇乜黑松露味，似白汁多d ，不過雞排幾出色，外皮好脆，雞肉都幾juice，意粉都幾爽口，一d都唔淋，仲有沙律菜伴碟，我覺得個沙律幾好食，因為係用日式芝麻醬撈，檸檬茶嘅茶底唔係港式，應該係紅茶，都幾好飲，價錢唔貴，整體都唔錯！

今日嚟到九展睇戲 開場朋友就話不如食d野 於是我地就去左食野樓層睇下有咩食🤔🤔🤔 睇吾出原來九展都開左好多餐廳 有西式越南河粉 中餐 拉麵 仲有冰室 真係好多選擇 花多眼亂🤣🤣行到去casa luca 個staff好賣力咁sell有野食又推薦我地試好多人叫招牌和牛漢堡 因為佢熱情嘅招待 我哋就坐低左😚 首先要去俾錢之後等左10分鐘 就可以去拎burger 漢堡上面放咗一塊半溶車打芝士的車打芝士 漢堡咬落都幾juicy 但略嫌吾夠醬汁 有d乾 漢堡包烘得微熱 幾酥脆😝 但薯條就有d失望 雖然係熱辣辣 但就一啲薯仔味都冇😢但咁的價錢仲包埋野飲 都幾抵食😍😍😍

Emax而家有條食街，呢間沙律Cafe就係食街嘅當眼處，有一個大大嘅salad bar，有三種套餐可以揀，亦有一啲熟食套餐可以揀。沙律有羽衣甘藍、蘋果沙律、番茄仔沙律、凱撒沙律等等。三文治係用一啲好淋身嘅包包住生菜加蟹柳或者吞拿魚。我揀咗蟹柳包，味道算係合格嘅。我見啲相有煙三文魚，我今日去就唔見有。餐飲可以揀即磨咖啡、奶茶、檸茶檸水。另外可以加錢換精品咖啡或者特飲。我揀咗即磨咖啡，出奇地覺得幾好飲，亦都好感動餐廳用咗鮮奶而唔係奶精。算係幾健康嘅一間餐廳。價錢都算平架。環境係開放式所以可能有啲嘈，啲位亦都唔算多。

岩岩去完旅行食得太多，返香港🇭🇰就想食清淡啲，於是就同同事去食沙律🥗refresh下。之前食過佢早餐，午餐都係第一次試。餐牌有好多選擇，除左飯同意粉，仲有啲沙律、配菜同主菜🍗配搭既套餐。今次一行三人就叫左個二人餐，包兩主菜兩配菜兩沙律兩飲品，承惠$13X。主菜就揀左豬助骨同豬手🐷，配菜就揀左炒菇同焗西蘭花🥦，沙律就揀左蘋果沙律同南瓜沙律。飲品原本想試下佢餐湯，因為之前見人飲都好吸引，但結果職員話今日唔提供餐湯☹️。豬肋骨食落比較乾同咸，食到好口渴，豬手個皮好硬，咬極咬唔開，而且肉都係凍同較硬身。反而配菜同沙律就完勝主菜。南瓜沙律好軟身又加左提子乾同肉絲，好岩取代米飯🍚。至於蘋果沙律🍎就好新鮮同爽口，仲加左提子乾🍇同合桃，食到停唔到口，唯一不足係對我個人黎講太多醬料。另外，炒菇都非常新鮮又多汁，好飽滿既感覺，西蘭花🥦就同忌廉白汁焗好惹味。整體黎講真係唔錯，水準除左主菜都值哩個價錢，而份量都好夠，我地三個人都食唔哂，下次可以純食沙律配菜餐就夠哂😋。一個字，正！

今日lunch 想食burger, 所以去咗E-max 睇下，一去到呢間餐廳，就比佢d潛艇堡吸引住賣相望落好高質，沙津又夠fresh再睇下佢個menu, 原來除咗潛艇堡，仲有意粉同飯。一心想食漢堡，所以最後都係揀漢堡漢堡有3個選擇：和牛、魚柳、脆雞堡中意食牛既我，當然即刻揀和牛漢堡漢堡set跟粗薯條同一杯飲品，我揀咗熱咖啡～和牛漢堡用料十足，塊和牛夠厚身、juicy，好怕食一d煎到乾哂既牛肉，無哂肉汁，浪費咗舊牛肉。Casa Luca 呢塊和牛煎得相當好，香口得黎又keep到juicy既口感,啖啖肉，正！ 除咗呢塊和牛之外，當然唔少得漢堡既配菜，入面夾住生菜、一片厚蕃茄同埋一大片芝士，令成個burger juicy得黎，又帶fresh既口感～好食啊！食漢堡又點少得薯條，Casa Luca用既係粗薯條，炸得香脆，又夠熱辣辣，再配埋茄汁，食到停唔到口，hahaa朋友點咗呢個黑松露蘑菇雞扒意粉，佢話雞扒唔乾，醬汁夠濃，mix埋意粉好好味

今朝又去九龍灣國際展貿中心試新野。上到二樓, 人流明顯比地下麥記少, 顯得異常冷清。  走到轉角位, 見到環境西式舒服既CASA LUCA, 有軟林林既梳化, 精緻既雲石餐枱, 木製既餐盆… 好新好靚!!!早餐主要係Bagel連飲品。叫左一份煙肉蛋Bagel同埋即磨咖啡都係$25。呢度既早餐唔係一早整定, 而係即叫即做, 由落單至有野食, 大約用咗十分鐘左右。Bagel好香而且軟棉棉, 裏面搽滿牛油。咖啡都係高質素既。早餐黎講, 呢個份量都好足夠。對比其他環境惡劣、食物質素一般既餐廳, 廿五蚊呢個價錢的確係好吸引回頭客既。 可惜呢度位置比較難搵,客人好容易就會比樓下吸引咗。就算上到二樓, 亦未必會走入呢個位。希望CASA LUCA可以繼續努力, 亦希望有更多人知道呢間小店。我會再黎, 食呢個又軟又香既Bagel~

呢間餐廳我成日食，本身佢啲沙律餐都幾吸引，但就要成$60-$70，都幾貴，所以食過一兩次之後都無食嘞！反而佢嘅快餐都幾經濟，好似成日都有嘅蘑菇雞扒飯，塊扒都幾大塊而且個汁都唔錯！呢度最驚喜係杯咖啡，個味道好好，又幾估你唔到，有時真係會為咗杯咖啡嚟食呢間！唯一覺得可以改善嘅係佢用好多即棄餐具，好似紙杯、紙兜咁，感覺好唔環保，而且最好笑嘅係佢用咁多即棄餐具，但外賣都係要加錢！希望餐廳可以轉返用普通碟就好嘞！

今次喺呢度食咗一個健康午餐，我初初以為份量少可能唔夠食，但係點知我食完都覺得幾飽，所以最輕盈嘅份量已經好夠食。三文治：其實都唔係三文治，係熱狗，佢係中間夾唔用嘅餡，我今次食嘅係煙三文魚餡，個飽雖然唔係脆，但佢會幫你叮熱30秒，食落暖暖哋，最正就係唔韌，啲飽叮完通常會韌，但係佢又唔會喎，個煙三文魚唔咸，整體嚟講幾好食沙律：雖然我揀得一款，但我個fd 畀咗佢嗰兩款我試，所以我都可以講下，我食嗰款有生菜粟米青瓜車厘茄雞肉碎沙律，個dressing係淡淡哋，有啲似白汁，雞肉碎有啲黑椒碎；另一款我個fd食嘅係蘋果沙律，冇乜特別，好在唔會好酸；最好味係羽衣甘藍，冇dressing，但係加咗少少鹽等等嘅底味去整，有驚喜！湯：今日係粟米湯，好香濃嘅粟米味，仲要係打碎咗少少啲粟米蓉，再加原粒粟米落去煮，好香，只係唔夠熱員工：收銀哥哥好好禮貌，佢可能係經理，但係都好好人，我唔係好明佢都好有耐性解釋畀我聽，畀個like佢，但取食物嘅姐姐得一個人，又要畢沙律又要叮飽一腳踢，所以做到黑黑哋面，但我明嘅，所以其實應該有兩個人serve會好啲

九展入面的餐廳都畀我食得七七八八， 今次試埋這間Casa Luca， 看見餐牌上都有不同種類的美食，例如意粉，飯，沙律，漢堡包，潛艇， 雞髀，豬頸肉，豬手等等。今次我點了一個二人套餐$135，有配菜，沙律，潛艇，飲品，份量豐富。Parma ham碎蛋潛艇 ~ 美味又夠飽。蘋果沙律 ~ 爽甜開胃。焗薯仔 ~ 帶有點兒香草味，但如果可以切細粒少少就更好。熱咖啡 ~ 咖啡味相當濃郁，值得推介。煙三文魚潛艇 ~ 煙三文魚有少少腥，不太配合 其他配菜在潛艇的味道。雜菜沙律 ~ 入面有生菜，青瓜，蕃茄，入口清新。炒雜菇 ~ 有幾款不同的菇類，但比較油膩。整體上來說Casa Luca 的食物都是新鮮健康的， 餐廳裝修採用開放式設計，感覺寬闊座位舒適， 點菜時採用自助形式，比較簡單時尚的風格， 還有店員親切友善，耐心介紹餐牌上的食物， 令到消費者感覺滿意開心，所以我下次都會再選擇到這間餐廳用膳。

平時都好少去EMaX，因為覺得呢一度都無乜野行。今日同老婆黎左睇戲，順便食埋飯。發現原來呢一度有條very food 食街。入面有好多唔同國家既餐廳，除左有得餐廳堂食外，仲有d food court 餐枱坐位，所以唔駛驚唔夠地方坐揀左一陣，最後揀左呢間Casa Luca。吸引我嘅原因系因為佢啲食物有得揀。佢嘅自選午市套餐有幾種配搭可以選擇，想食得豐富d，可以揀一個主菜、沙律、配菜再加飲品或餐湯。 我當然係揀咗食得最豐富嘅自選套餐二啦。不過有d失望既係，當我想去揀既時候，選擇已經唔多了，好多野都已經賣哂，基本上可以話係無得揀。 最後，主菜我㨂左豬頸肉、沙律係南瓜沙律，而配菜係薯仔。 老實說，食物既賣相好吸引，但味道卻一般，南瓜🎃生左小小，而且有d硬。但食物既份量好多，一個人基本上要食哂係有點兒勉強😅

想試和牛漢堡好耐但因為店鋪閂六點所以一直都試唔到今日終於試到啦！！！個牛肉味道唔錯但如果JUICY D會更好可能下午茶無咩人俾左好多好多薯條我地唔錯唔錯下次有機會會試埋個魚柳漢堡

我叫的是$73既set meal,有egg Benedict salmon sandwiches,fried mushroom同雨衣片甘藍沙律。可能sandwich唔係fresh made,汁，蛋同包都較乾，而蛋過熟，只有極少蛋汁，味道未能融合在面麵包中。炒菇是比較好的，帶咸香，只有少量較乾。雨衣甘藍沙律一般，除了只有數條黃椒絲，沒有其他配料。可能是經過烘焗，失去了蔬菜juicy既質感，帶一點脆口，卻未做到薯片般香脆。周打魚湯則很足料，質感較稀，没creamy口感，喝下不覺油膩。總評:一般，不會再試同款set meal

Casa Luca @ emax 位於food court 個層 次次想食蕃茄麵都遲左就見到依間裝修幾靚既cafe 以為會中伏不過見到有客人既carbonara 好似幾正價錢又幾平 所以就食左第一次食物好似分兩種一係喺廚房煮 一係就係擺晒出嚟揀兩次都Order 廚房煮既野食難得佢carbonara 係配有軟殼蟹又幾好食喎 軟殼蟹脆得黎唔油另一次係另一個黑松露雞扒意粉個汁杰左少少 都好香 好食Burger 塊patty 又幾juicy 未熟曬食左兩次其實唔錯 可惜一上枱唔夠熱粗薯條都做得幾脆最正既係即磨咖啡 啲咖啡都幾香糖粒嘅包裝都幾精美 環境舒服又有好咖啡 會再來食呀

今日陪爸爸嚟E-MAX睇嘢，再去商場揾野食，呢度有幾間食肆 ，最終揀咗CASA LUCA🍽點咗精選套餐: 🥚流心蛋卡邦尼意粉 🍟魚柳漢堡配薯條芝士醬汁略嫌不夠，意粉質地爽，流心蛋補了醬汁不足，食落味道也不錯漢堡麵包~皮鬆脆，魚柳最估佢唔到 完全無味 薯條最ok，夠熱同香口