Casa Luca (已結業)

Casa Luca 餐廳喺假日下午非常旺場，cashier 條龍已經成幾十人排住等俾錢。見到咁多人幫襯， 我都唔執輸排埋一份。我點咗雞扒親子鐵板($69), 黑松露忌廉意粉($64), 紅酒牛尾飯($64), 2 杯熱檸水同1杯熱奶茶。俾完錢後，職員會俾個牌我，當個牌震動時， 就代表我可以拎飯食。等咗一陣後， 終於到我可以拎飯啦。首先講咗雞扒親子鐵板先。餐廳用黑色鐵板裝上熱辣辣既白汁焗飯，飯上面個層鋪咗一塊太陽蛋同雞扒。雞肉柔嫩多汁， 好香，煎得唔錯。 透亮既蛋白同流住半熟蛋汁圓轆轆既蛋黄非常吸引。跟住就到黑松露忌廉意粉。新鮮既磨菇配上香濃嫩滑既忌廉，非常惹味。再配上香味濃郁既黑松露同芝士，食落去好香口。意粉煙韌彈牙， 口感唔錯。紅酒牛尾飯亦係令人食指大動既美食。肉質軟稔， 香濃嫩滑，入口即溶，配上怡人既紅酒簡直係完美既配搭。紅酒既味道唔會太濃，小朋友都啱食。檸水奶茶都相當大杯同好飲。餐具方面其實設計得幾有心思。 餐廳會提供有炳既托盤俾客人拎飯， 等佢地無咁易打翻或整親。總括而言， 雖然等拎飯係耐咗小小，但食物味道唔錯，份量適中，價錢合理， 環境優雅， 適合一家大細或者一班朋友一齊黎。

星期五放工之後，想去九龍灣KITEC行下街，順便去呢間食飯。呢間餐廳進晚都有set，主要係Pasta同飯。店員都好有禮貌，買左嘢食就揾位坐低。等左一陣，就有得食啦。我就揀左蕃茄汁雞肉意粉，即叫即整，味道ok。而我朋友就揀左和牛漢堡配薯條，都係熱辣辣。以呢個價錢黎講，仲可以送杯嘢飲，沙律，加$18可升級咖啡/朱古力，我同朋友都加左$18要凍朱古寥，唔會太甜。平地每人$80左右，呢個晚餐算係抵食唔錯！

睇戲之前黎食埋野，尋日食得太heavy, 見佢呢度有沙律，三文治好似幾正，一於黎個輕食。✨怕唔夠飽，佢仲有d 鐵板飯，意粉，burger等等既選擇。✨買好飛就可以起出面㨂野食，佢d 包都幾多饀， 有吞拿魚、蟹柳、豬頸肉、雞肉餡。主食有雞脾，豬手，豬肋骨～配菜沙律各有數款，望落幾吸引。✨三文治加沙律餐$58 ，個包真係好足料，超級多吞拿魚，蘋果沙律夠新鮮，放幾耐都唔變色先勁，仲有嘢飲送。✨另一個大胃餐係$138 ，有兩款主菜或三文治+兩款沙律+兩款配菜連飲品。配菜雜菌原汁原味夠清新，豬手啖啖肉，可惜外皮有點硬。不過呢款沙律幾好食，有沙律菜、青瓜、粟米、雞肉、車厘茄，味道幾豐富。✨我覺得主菜雞髀最好食，外皮夠滑帶點蜜糖味，雞肉嫩滑多汁，又夠大隻好夠飽肚。配菜有白汁西蘭花同椰菜花，味道清清地都唔錯。✨我最鍾意嘅沙律係南瓜沙律，南瓜夠腍又夠甜，紫薯都好味。不過我最鍾意既必食之選係南瓜，見佢有得單獨叫添😍

轉了新工一個月，在九展上班，平日自備午餐，都不常外出午膳，這天沒帶飯，跟同事到2樓食街吃，不太喜歡「佬飯」的我，見到Casa Luca覺得幾吸引！我跟同事order了一個二人套餐，有沙律、配菜、潛艇/主菜，還有飲品，的確很豐富！在收銀處買了飛之後就可以去食物櫃自選食物！每類菜式選擇都不少，沙律有5款，蘋果沙律、雜菜沙律、水果沙律等。配菜有3款，主菜有3款，還有各式潛艇。我們點了雜菜沙律、桃沙律、炒茄子、炒雜菇、煙三文魚潛艇和吉列魚柳。炒茄子加了芝士再焗，好香！雜菜沙律有生菜、青瓜、小蕃茄，新鮮又幾清新。吉列魚柳超巨型，大過手板，店員有先幫我們的魚柳和煙三文魚潛艇加熱，魚柳熱辣辣很香脆，又幾嫩滑，不錯！煙三文魚潛艇也很豐盛，大大片的煙三文魚，包也幾鬆軟，配搭得不錯！我們點了熱洋甘菊茶和Flat white，消消滯，這個午餐健康又豐盛！

平時去Emax睇戲多 成日都好想搵下附近有乜好野食呢間西餐廳選擇多，可自選三文治、主菜、沙律、配菜等仲有burger薯條食，種類款式都唔少選擇🤗————————————————————1️⃣ 和牛漢堡拼薯條 |$68漢堡厚身，餡料有芝士、蕃茄、沙律菜、沙律醬 🍅和牛香味突岀 但不會過膩漢堡的兩塊麵包都烘至脆卜卜～一咬就有清脆的聲音 令旁人注目🙈吃到後段，包的部分仍然是脆口的👅漢堡配薯條 是永恆的拍檔薯仔係粗身的波浪薯條 🍟份量都幾多 夠二人分享呢個set比預期的飽和滿足😆.2️⃣ 黑松露忌廉意粉 |$64身為黑松靈忠實粉絲的我 當然不會放過熱辣辣送上時 黑松露的香氣十分濃厚！一啖食落去 先有松露的香味，之後炒香的洋葱味慢慢滲岀餐廳用了幾款菇類配搭 加上用了鮮忌廉烹調醬汁，稠度剛剛好令整份意粉的香味更濃郁 每條意粉都掛有足夠的汁醬，十分推介！一份意粉配有沙律菜 意粉份量還不少~足夠一個男士吃飽飽-🥤以上兩款餐點都附送熱飲轉特飲可半價指購我地點了兩杯凍咖啡，咖啡味很濃焦糖咖啡有淡淡的焦糖香味 不會過甜-餐廳性價比高！ 食物質素很好，份量比預期多適合打工仔午餐或朋友相聚 大家有興趣可以去試~

近來E-Max 多左好多好去處，玩之前就過左呢間Casa Luca醫肚先。呢間食店主打西式快餐！餐牌價格相宜，款式都幾多。客人先到收銀處付款，再自選座位，嗶嗶機響就可以取食物喇。自選三文治有4款，望到實物想食邊個就可叫店員取果個，翻熱後就拎得。仲有豬頸肉、炸魚塊、豬肋骨，超吸引。等左5分鐘左右，食物已經到齊喇。凍飲加$3自選文治套餐配沙律 $58叫左豬頸肉餡料，份量都幾多。面包咬落煙韌熱辣。沙律有3款，選左通粉沙律。通粉經胡椒、蛋黃醬拌勻，還有蟹柳絲、紫洋蔥、紅羅白絲 非常滋味。原隻燒春雞 $108燒春雞切半放到整盤薯條上，份量十足。春雞脾位燒得嫩滑，唯胸位或其他部位較乾柴。 但$170價錢食到呢個質素真的很不錯。

今日同老媽子去九展睇戲，睇完就係度食埋野先。平時黎開都幾鍾意食呢間Casa Luca，因為好鍾意啲夠曬健康既潛艇堡同沙律。今日好可惜黎到已經差唔多晚飯時間，所以我最愛既三文治已經全數售罄。咁都好既可以黎食下新野。黎到晚餐時段都仲有好抵食既食物，全部跟野飲。我地叫左一個沙律、一個鐵板飯同漢堡，夠曬多元化。<脆炸雞沙律>（$64）好在唔係落粉漿炸既，如果唔係就肥死了。呢個炸法啱曬我。係雞髀肉，都幾厚又幾嫩。沙律係預拌沙律醬，無over，啱啱好。<香脆雞堡配檸檬蜜糖汁>（$62）個包係焗到脆身，入面有番茄、生菜、仲有一大塊雞扒。下面既薯條沾滿檸檬蜜糖，好惹味，唔落番茄醬已經好好食。<海鮮什錦番茄飯>（$73）呢個重頭戲，黎到啲芝士仲係鐵板上滾緊起曬泡，好壯觀。都幾多料，有魷魚仔、蝦仁、天婦羅炸蝦，番茄蓉都幾多，而且食落無覺得落左額外糖調味，幾健康。飲品除左跟餐茶、啡外，可以加$15（熱）/$18（凍）轉特飲。我地就無轉到，因為食完主食都好飽喇。

行開到EMAX食飯，見到這間有沙律套餐，這二人餐一人可以選一款沙律，一款烤菜跟一款主食／麵包，一看就知道比其他餐廳健康得多除了自選餐之外，也有飯餐選，但為了試一試他的健康餐，這次就先選自選沙律選擇很多，所以感覺好像十分抵食我選了一個雞肉沙律，沙律醬足而不油膩，很爽脆另外選了一份芝士茄子，當中帶點酸味又有點甜，非常開胃最後一份是吞拿魚麵包，帶有番茄跟生菜，新鮮而且多奧米加三，健康易消化另外還有一杯很濃的熱巧克力，入口的口感近乎巧克力醬，而且沒有下糖，喜歡苦澀的我加了一包啡糖剛剛好，還是澀澀的味道整個菜單選擇很多，讓人覺得很抵食

這陣子天氣悶熱,胃口不佳,今天下午想吃點簡單清新的食物作午餐🤫Casa Luca的自選午餐有西式三文治,沙律及配菜可選,而且即叫即取,非常方便~✨三文治: 蟹柳潛艇三文治配料豐富,口感清新😃店員會先為客人加熱,加分!!另有雞肉潛艇三文治或肉類主菜可選✨沙律: 通心粉沙律扭紋通心粉拼切絲青紅椒👍簡單又好吃✨配菜: 芝士焗西蘭花🥦為今天的午餐增添一點蔬菜😛這裡的西蘭花不會煮得太硬,加入芝士亦令味道更有層次✨飲品: cappuccino本來想喝的smoothie沒有供應,選擇了咖啡提提神😃跟餐半價(+$18)換購

今晚黎到e max附近，入去睇下有咩食，一眼就認出casa Luca ,之前lunch食過超正，原來晚市得返啲套餐，咁我地就簡左個炸子燒春雞套餐同埋和牛漢堡，平日夜晚真係平較靜，坐得舒服啲。個餐一出黎，嘩左出黎，啲薯條多到成坐山咁，燒春雞一開二，金黃色咁，配埋沙律菜，成件事好青春，好正！個和牛漢堡同相一樣咁靚，個包焗到脆邊，和牛漢堡中間仲係粉紅色，美中不足是太多菜，成個包好大個，女仔食起上黎真係無咩儀態，但真係好味。隻春雞仲好味，真係皮脆肉滑，朋友都話調味做得好好，不失雞味又剛剛好，趁熱食仲正。薯條份量好多，同樣熱辣辣，炸到剛剛好脆口，估唔到套餐同lunch既水準都咁高呀，如果有多啲特色飲品就更好了。

今日lunch同同事去E-Max食野，E-Max呢個地方好似冇咩野咁，但其實成層都係餐廳，好多選擇，今日我地揀呢間既環境比較開放咁，座位算多。今日食個Lunch Set，佢地嘅Lunch set都算多野食，有burger、有意粉，有沙律，有三文治，有飯。今日我哋試咗意粉，同沙律。開放式廚房，廚房都乾乾淨淨。豬頸肉，羽衣甘藍🥬，菇🍄豬頸肉好厚肉，咬落又唔硬，好夠味。羽衣甘藍，同茹嘅份量都幾多。黑松露忌廉意粉好creamy, 菇🍄大大粒，好有咬口。

星期六過了九龍灣國際展貿中心睇電影，睇完戲有點兒肚餓，於是上去二樓，我地選擇了Casa Luca,看看餐單,都有好多選擇,有特色鐵板,自選午餐👍🏻👍🏻黑松露忌廉意粉 HKD64意粉硬度適中,黑松露好香,整體味道不錯👍🏻香辣雞肉忌廉意粉HKD68雞肉反而沒有辣味,d辣味係意粉到,唔算太辣,好開胃的感覺😋😋另外,我地仲點左和牛漢堡拼薯條,薯條炸得好脆，漢堡就比較硬，芝士都凍了，沒有拉芝的效果😖😖

終於到了星期六,放假的心情,所以同朋友去左九龍灣國際展貿中心行街,地下一層開了一個好大的遊樂場,有大量夾公仔機同遊戲,我地玩左一陣就上去2樓搵野食啦😬我地選擇了Casa Luca,看看餐單,都有好多選擇,有特色鐵板,自選午餐,同其他意粉黑松露忌廉意粉意粉硬度適中,黑松露好香,整體味道不錯朋友選擇了香辣雞肉忌廉意粉雞肉反而沒有辣味,d辣味係意粉到,唔算太辣,好開胃的感覺,朋友都很滿意😬另外,我地仲點左和牛漢堡拼薯條,薯條炸得好脆,不錯👍🏻

星期日買左戲飛去九龍灣Emax睇餐，貪個度容易買到飛，睇戲前嚮Food Court揾d好野食，就食左一間"Casa Luca"，佢餐廳食物有多款選攞，有潛艇三文治套餐、Burger、飯、意粉等等，十分多選擇。餐廳價錢十分大衆化，可以話係抵食，首先點一個魚柳漢保拼薯條，包埋飲品都只係$59，魚柳夠厚夠大塊，炸得香脆，而且麵包焗得香口，非常好味抵食，而且份且又大又多，絕對抵食。另外點一個三文治潛艇套餐，包括主食、沙律、配菜連飲品，豬勁肉三文治，肉夠多但略嫌唔夠熱，通粉沙律多汁好味，加埋配菜炒磨菇，夠曬份量。因為當日星期日都幾多顧客，部份主菜食物例如豬肋骨都已售罄，為有下次再食。最後再加點水牛城雞肶飯，估唔到原來水牛城醬汁極度辣，好在有杯凍飲中和一下。

Kowloon bay is our go-to place as it’s close to us and our gym. We decided to grab something at E-MAX (a place which is developing) lol 😆 but it’s actually there a while. We saw this deli in the middle and decided to give it a try immediately as many of the items have been sold out! Only two sandwiches 🥪 left when we arrived. We picked the set for two (salad, side and bread/main) it was affordable! you can choose your own options for each of the side/salad & main. They offer sweet potatoes, gril