Catee (已結業)

樣樣嘢都好正，燒牛肋骨超正，juicy; 仲有炸魚仔，意粉，黑毛豬柳飯，Mexican chips 下次要去食威靈頓三文魚！老闆員工又親切，一定要支持楊屋道小店！仲有美味涷朱古力😋😋

🐱🐱Catee🐱🐱以貓貓做主題既餐廳入面全部擺設都同貓有關🎈🎈唔知係咩被個環境影響左😂😂😂叫左好多魚食🐟🐟🐟🐟🐟fish & chips☺️☺️大大塊魚柳 唔會好油海鮮拼盤👍🏼😊👍🏼有青口 蜆 海蝦 同三種魚柳🐟🐟好大份好豐富 一次過食到三種唔同既魚🐟貓奴們要去試下體驗下哦😋😋😋😋值得一試嫁🥰🥰🥰🥰🥰🥰#Catee #cateehk 🎉🎉🎉🎉🎉🎉🎉🎉🎉🎉🎉🎉🎉🎉🎉

身為愛貓之人🐱見到貓主題嘅西餐廳咁特別一定要試下 Catee裝修帶有復古嘅西歐風 氣氛唔錯食物方面都頗多選擇📋都有Set Dinner可以揀 有餐前麵包，沙律，餐湯，主菜，包一杯飲品同埋甜品😻同朋友share一齊食嘅話 侍應好貼心會等你地食完一道菜先上第二道前菜嘅麵包🍞好有驚喜口感超級軟❗未試過喺其他餐廳食過呢種口感😳亦可以隨個人口味點醋或者橄欖油 餐湯夠香濃順滑 同時飲到少少南瓜蓉嘅口感🥰Catee’s 香煎海鮮拼盤🦐分量算足夠 有四款海鮮 大蝦 青口 蜆同魚 再跟薯蓉蔬菜沙律 魚肉完全冇腥味 份量最多 啖啖肉食落口 蜆同青口都多肉大粒 好香口 大蝦煎到蝦殼都脆 個人認為煎得有D過龍 煎短D海鮮應該會更順口多汁😋美國安格斯牛板胛🥩牛扒分量十足😍夠厚啖啖肉 叫咗五成熟 今次呢份牛扒油脂感比較重🤤兩面煎香完全鎖住肉汁 食落Juicy兼帶有油香👍🏻點埋個特色醬汁更惹味 值得一提嘅係薯條🍟勁脆好好味抹茶芝士蛋糕🍵🍰甜品就相當驚喜 抹茶味甚重而唔苦😀唔會死甜 口感綿密 食完主菜咁飽再食都完全唔會膩☺以西餐廳來講 Catee價錢算合理 食物質素都唔錯 仲要環境有氣氛 侍應服務態度非常好👍🏻值得一

今日女友放假出黎荃灣揾我食飯，太感動啦所以就去左間有情調的餐廳食餐好的。我地點左兩個主菜，加$30就可以轉Set 有餐湯、沙律、甜品同飲品😆一定要轉Set😋今日粟米湯、都幾多粟米食到，但面包我就唔係好分到黑白兩款的不同，但幾軟身沙律就正常的水準，跟平常食到的味道差不多小食拼盤我見其他人都有食薯條（原來其他人係happy hour飲酒中），所以我叫左個小食拼盤。有薯條、雞翼、炸魷魚筒同有青椒芝士。薯條同雞翼熱辣辣好好味，魷魚有少少失色，有少少un ，炸過左時。但我最鍾意食青椒芝士，比想像好味，芝士味好濃🤤鮮蠔忌廉意大利飯（女友點）我都好鍾意食意大利飯，好入味而且蠔唔會煮太耐過左時，時間剛剛好，女友話下次可以再食美國肉眼扒（七成熟）食肉獸的我叫左肉眼扒，好淋好好味，雖然無飯同意粉，但勁大片薯蓉。切開後內𥚃仲有少少紅，正奶茶味的cake雖然無得自選甜品，但味道都唔錯，入口幾香奶茶味最後點左西柚汁同菠蘿汁西柚汁好飲d如果你唔怕西柚的苦味鋪面同內𥚃都幾靚整體而言，餐廳係我在荃灣食的餐廳中比較有特色的一間，而且適合同女友，我見另一枱一大班人happy hour 飲酒吹水（最衰我酒精敏感）

呢間西餐廳係位於荃灣楊屋道，環境舒適，氣氛亦很好，會播放流行音樂。食物方面：我和朋友各點了一份晚餐，份量足夠，黑松露野菌意大利飯亦十分好吃。除此之外，服務員態度非常好，最後還會徵詢客人意見，有待日後改善和進步。提提一家，晚上6點開始多人，記得book定位！

每逢週末，工人姐姐送放假，我倆口子就會外出覓食😋 小孩向來都好鍾意小動物，最想養一隻貓貓，所以帶左佢黎Catee望梅止渴先🐱我所講嘅望梅止渴，並不是呢到有🐈真貓。而係 Catee所有裝飾、佈置，都同貓有關。今晚就一齊踏入這個貓王國晚餐❤️每人先上一份餐包及餐湯。接著到沙律🥗烤美國安格斯牛板胛牛板胛🥩嘅肉質會比較煙韌，所以我哋叫左五成熟。切開後稍紅，入口肉質幼嫩，沾一下碟子內嘅酸汁，牛味即時提升。西班牙海鮮炒飯小心熱燙燙嘅🍳鐵pan啊，每一粒嘅濕潤嘅炒飯都吸收左海鮮嘅精華，面頭鋪滿大蝦、青口、蜆肉、墨魚仔，惹味香口。士多啤梨蛋糕餐後甜點來了兩客🍰士多啤梨蛋糕，蛋糕鬆軟Creamy，一啖不漏。士多啤梨奶昔鋒鋒除了喜歡貓，還喜歡🍓士多啤梨產物。來了一杯滿滿忌廉嘅士多啤梨奶昔，大快人心！Catee燈光較柔和，為滿佈貓裝飾嘅環境添上一點神秘感。不經不覺，又坐了一個晚上😌

香草餐包，摸上手熱辣辣，麵包皮位置食落食脆，而麵包口感鬆軟、濕身，容易入口。配埋橄欖油同黑醋一齊食，酸酸地幾開胃。蕃茄餐湯，有粒粒蕃茄肉，味道甜酸恰好。沙律，蔬菜款式幾多同埋好新鮮，包括火箭菜、散葉生菜、紫洋蔥、苦苣等，配埋日式芝麻醬食，好夾。玫瑰拿鐵，鮮奶咖啡味道濃郁，初頭只係飲到淡淡嘅玫瑰味道，但喺就快入喉嘅時候，玫瑰味道就開始不斷出尼，玫瑰味道自然、清新，幾唔錯。另外，依杯野打卡一流，咖啡表面上有忌廉、咖啡粉、玫瑰花花瓣，外觀超少女心。奧利奧奶昔，奶味同Oreo味都好濃厚，唔太甜，飲落唔會覺邪惡，食埋件Oreo簡直係Perfect。如果想飲甜D，可以將奶昔表面上朱古力粉同忌廉撈埋落奶昔度。小食拼盤，份量大，有個小沙律同其他炸物，其他炸物都係即叫即炸，炸粉薄身、香脆，點埋他他醬又或者沙律醬就味道豐富D。 炸雞翼係單骨嘅，多肉汁、味道微辣。 炸墨西哥辣椒釀芝士，一咬舊辣椒D芝士就爆出尼，墨西哥辣椒係微辣程度嘅，有埋芝士中和辣度，怕辣嘅人都應該啱食。粗切薯條，外脆，內裏食落有些少薯蓉口感。 炸墨魚圈彈牙。自製墨汁海鮮意大利飯，係是日廚師推介。墨汁味濃厚， 飯粒粒粒都俾墨汁包裹住，飯底好

去食果次係近萬聖節，佈置都充滿萬聖節氣氛，同埋有好多貓貓裝飾。燈光偏暗，算有情調。餐廳空間大，每張桌子距離足夠，傾計都舒服。一路想食威靈頓三文魚扒好耐，咁岩呢度有得食，即刻試下！好開心，整得神乎其技咁好食！外面酥皮脆卜卜，時間調教得剛剛好，包住三文魚扒，肉質鮮嫩，仲有煙出，可見師傅掌握得好好！隔離的配菜有翠玉瓜、秋葵同蕃茄仔，配搭得一流，好新鮮！成道菜完全無懈可擊！德國豬手都唔錯，但可能食完三文魚扒再食肉，有點膩，所以學精左叫食物的配搭都係試多幾種唔同口味同口感。好想試另外果個帶子意大利飯，平時自己整都花時間，下次有機會可試。豬手有配酸菜，好開胃，豬手都好足料，而且唔算多骨。叫餐的話會包括餐湯、沙津同甜品。是日甜品係栗子蛋糕。成餐飯都食得好滿足，餐廳仲提供好多玩具同board game，原來荃灣有呢間咁別緻又好味的餐廳！呢度的員工雖然睇落有點冷淡，開頭叫野食是見佢會掛住睇電話，如果多留意客人就更好，但其實佢地全部都好有禮貌，好願意幫忙。食完飯讚左一下員工話d野食好好味，佢即刻笑逐顏開，有笑容咪幾好。性價比幾高又食得心滿意足，唔錯唔錯！

去開荃灣，又想食西餐，記得好耐之前黎過呢間「catee」食，就決定食過返尋味啦！入到去侍應帶左我地係近門口既位坐，四圍燈光幽暗有種舒服感，唔少貓主題既擺設又增添藝術感！講返野食，我地叫左個set，所以先黎個湯同沙律，個忌廉湯鹹甜適中，好味！而個沙律好新鮮，加入左芝麻汁好開胃，更令我地ready食正餐啦！正餐就係「明太子蟹肉蟹籽忌廉汁燴意大利麵」Ｄ汁好濃好足料，每條麵都有忌廉汁同蟹籽包住，食完已經半飽！不過要留肚食之後道餸！之後就係佢既招牌菜「芝士焗原隻波士頓龍蝦」啦，果然份量十足！肉厚汁多又新鮮，Ｄ芝士又濃又香噴噴，每一啖都食得好滋味！最後當然要介紹佢杯朱古力啦！呢杯係每次黎都必叫既！濃濃既朱古力上有層好厚既cream，正到呢！

今日來到荃灣同飯腳食飯聚舊，飯腳又陪我去食好西，這間好近荃新天地，對我這個路痴也算易搵 店面有萬聖節裝飾，望入去氣氛唔錯。 幸好不用等位，直接入座先來Mocktail 飲品，點了Virgin Mojito, 愛薄荷的香味，比相像更好飲，好清新。飯腳叫了Virgin Mary, 一貫bloody 番茄口味，好開胃。選了一個 special set dinner 及一個烤大蝦龍蝦汁意大利飯。先來南瓜湯，南瓜湯好滑又香南瓜味，溫度夠熱，喜歡有驚喜係麵包部分，估唔到在荃灣食好西會有我鍾意的黑醋橄欖油配麵包，而且麵包更是有兩款熱哄哄的選擇：香草包及竹炭包，好好食沙律菜好新鮮，配胡麻醬剛好。開胃等主菜。主菜一上就真係不得了，這個是special set dinner 的烤美國安格斯牛板胛, 一上枱聞到好香牛排香，而且份量好重量級，幸好兩人share，一人塊半好滿足。 牛肉好嫩也好有咬口，不會痴牙，真係好食到一口接一口。而且牛膏位好甘香，這牛排做得不錯！配菜好甜，薯蓉都好大份，大食仔女會大愛！第二個主菜是烤大蝦龍蝦汁意大利飯。 香噴噴上枱。烤蝦好大隻，而且好彈牙。 感謝飯腳拆埋蝦殻給我 而蛤仔就好

今年萬聖節去左間酒吧餐廳吃飯幾值得記錄一下。因為食物質素高，氣氛更加不用講，係超正係門口已經見到有隻大蜘蛛同埋其他萬聖節嘅佈置喺出邊見到個餐牌都幾啱食，而且價錢適中就入去試吓。雖然店舖面積唔大，但係氣氛好好。餐廳老闆應該係愛貓人士，因為有好多貓貓嘅擺設同埋畫蠱惑貓貓的畫好特別，連我唔係特別喜歡貓都令我喜歡呢兩幅畫我哋坐低左就點了以下食物跟餐的沙律唔錯南瓜忌廉湯加麵包十分正，真係食到粒粒南瓜麵包好香好鬆軟加$50轉餐有沙律湯麵包同埋甜品，好值得呢個肉眼扒其實都唔錯，不過濃左少少，但好彩切出嚟食都好有肉汁，加埋側邊嘅配菜非常好味，尤其薯蓉，雖然好邪惡因為好重牛油味。驢魚都好好味，配菜亦非常豐富有串串茄燈籠椒秋葵同薯蓉，令我們吃得津津有味。炸雞翼都唔錯， 不過如果少啲粉就更加正柚子芝士蛋糕非常cream非常極度邪惡，但我like! 總結: 如果有特別節日例如生日周年紀念，我都會嚟呢度慶祝，主要係因為食物質素高服務好同埋最重要係氣氛一流臨離開餐廳嘅時候見到呢張地氈，真係講得好啱喎😺

兩口子間中撐吓枱腳是情趣! 呢晚拋下我的小情人, 相約余爸爸到荃灣一間高質餐廳食晚餐~Catee不是貓餐廳, 而是貓廚房, 店內沒有貓, 只有貓掛畫, 不是貓痴也可以來試試呀～ 餐廳燈光柔和, 裝修有枱調, 播着輕音樂, 氣氛非常relax~ 加上當晚是Halloween, 店內佈置得很有氣氛~ 當日餐廳提供主餐牌和廚師精選, 搞到我地好多野都想試吓, 選擇困難症又發作喇! 哈哈！ 很欣賞Catee在傳統菜色上加以創新, 不時都為客人帶來無限驚喜~我地點左兩個廚師精選, 每個都加50蚊轉套餐, 附有沙律, 湯, 飲品, 甜品, 份量充足很抵食~ 沙律清新健康~餐湯濃郁可口, 看得出真材實料!牛魔王要試吓呢款<烤美國安格斯牛板胛>($278), 口感扎實, 脂肪比較少, 肉質香嫩, 有香派的牛味, 配上香滑嘅薯蓉和沙律菜, 十分美味~ <香煎海鮮拼盤>($298)內容豐富, 有蜆, 青口, 蝦和3款香煎魚扒(黃花魚, 倉魚和紅鴨), 不愧為貓廚房, 有咁多款唔同款式嘅魚, 而且外層香脆, 肉質滑溜, 還有蔬菜伴碟, 整體感覺香口但不油膩, 很不錯

天氣涼涼地，特別想出街食飯！襯囡囡第二日唔洗返學，近近地去荃灣食下飯開心下。我地揀左Catee, 雖然以貓為名，但店內其實無貓架😂​因為接近萬勝節，店內都有好多裝飾，好有氣氛，加上昏暗既燈光下，更加有氣氛，不過影相就暗左少少！餐牌供應西餐為主，選擇都幾多喎👍​​​​龍蝦湯($68)好大碗，2個人都夠飲，賣相幾精緻，湯稀杰適中，不似街外的龍蝦湯偏鹹。​ ​香烤黃金帶子($138)一碟4隻，用獨立匙羹盛着，帶子面有金箔點綴，賣相十分高貴. 選用的是刺身級帶子, 兩邊煎熟至微焦, 內層仍帶少許生, 冷暖交融, 肉質柔軟, 很有鮮味.​小食拼盤($138) 有炸雞翼、炸魷魚圈、炸墨西哥辣椒釀芝士、炸薯條  雞翼食到尾會回辣，好惹味。墨西哥辣椒炸芝士辣得來仲有濃郁芝味，依個配搭又幾新穎。炸魷魚圈同薯條就係囡囡既至愛，香脆鬆化，十分香口。 ​明太子蟹肉蟹籽忌廉汁燴意大利麵($198蚊)都幾大碟，好creamy，每條意粉都掛上忌廉汁，蟹肉融入飯內，特別鮮味。 ​西班牙海鮮炒飯 Paella ($228)有蝦，藍青口，蜆肉，飯就比較稔，吸收了全部汁料，有幾突出既香甜蕃茄味，飯入面亦有粒粒蜆肉

個人推介指數 7分 （10分為滿分) - 每逄節日, 我們一家也很重視, 特別是萬聖節和聖誕節更是重點, 所以吃一頓萬聖節晚餐是絶不可少. 要岩一家大細的店子而有濃厚的節日氣氛其實選擇不多, 因為大多是以酒吧形式, 音樂大多比較嚮亮, 囡兒接受不了. 這所西餐廳不論佈置, 氣氛, 食物也有很高的水平, 加上音樂以柔和為主, 非常適合一家大細來慶祝.室內光視比較柔和, 偏向有點昏暗, 萬聖節氣氛已十分足夠. 加上不同的恐佈佈置, 更增加一份驚喜, 無錯, 是驚喜, 因為我們仨實在太喜歡恐佈的裝飾.喜歡還喜歡, 小囡兒也不敢坐靠這個面具太近. 先來青瓜沙律和兩個濃湯包括龍蝦湯和硯肉湯. 青瓜沙律配上芝麻醬, 十分清新開胃. 兩個湯的份量出奇的大, 最少可供兩人飲用, 味道方面以硯肉湯較佳,硯味很濃郁. 龍蝦湯的味道也不錯, 龍蝦味足夠, 咸度也適中, 只是欠了一點回甘味.主菜方面不能不提這個香焗原條牛仔肋骨伴濃燒汁. 老實說, 這個菜式我品嚐過不少, 這樣原條吃還是第一次. 店員很貼心地把牛肋骨的肋肉平均分開, 好讓客人享受啖啖肉的樂趣.肉質相當結實, 有咬口, 在咀嚼其間, 濃濃的牛肉味

之前都寫過唔少酒吧餐廳，亦講到發覺好多酒吧餐廳都唔喺就咁賣吓酒、賣吓伴酒嘅小食，仲提供唔少正餐菜式，而且，更一啲都唔馬虎，質素比得上好多西餐廳。就好似今晚到訪嘅「Catee」，就喺其中一家，等老婆上完咗個進修班，一齊過嚟「撐枱腳」。既為酒吧餐廳，內籠自不然喺一派酒吧格局，踏入門口，先入眼簾就喺酒吧枱，掛滿酒杯，放滿各式各樣嘅烈酒。望入少少，就喺用餐區，其實，驟眼一望，跟一般西餐廳無疑，仲佈置得頗有氣氛，而且不停播住悠揚嘅英文歌，最有趣喺當中有唔少跟貓有關嘅裝飾，怪唔之得店名叫「Catee」啦，但太可放心，餐廳內唔見有真貓嘅。每日嘅8:00pm前都喺「歡樂時光」，所有酒精類飲品都有買一送一優惠；着數嘢仲未止，星期日至四，凡惠顧一輪「歡樂時光」，仲可以以半價享用小食一份。不過，我哋兩公婆唔好酒，嚟到亦喺食正餐，所以，呢啲優惠今次暫且用唔着。但順帶一講，將近八點，見到店員再晌每枱都提一提「歡樂時光」優惠，可見服務嘅細心位。食物方面，翻一轉主餐牌，可謂選擇俱全，有前菜、湯品、沙律、主菜、意大利飯、意大利麵、小食、甜品……等等。當中嘅主食類，都可以加$50轉為套餐，就會多埋沙律、餐湯、甜品及餐飲