Chateau R&T (已結業)

一行四人去旺角食飯， 但揀嚟揀去冇咩心水，因為全部排隊，已經沒什麼心機，其中一個朋友見議上樓搵好野，於是你眼望我眼，好search 左好景大廈嘅Chateau R&T 餐廳門口全是紅酒瓶， 餐廳內的裝修簡單整齊， 座位很多還有露天位，原來仲可以BB蕉，啱曬一班人黎先叫左個蟹肉火腿焗鮮蘆筍，蟹肉很多而蘆筍鮮嫩鮮甜，一個清新頭盤之選叫左個新野豆豉鯪魚薄餅，唔講唔知係豆豉鯪魚，食落似非常鮮甜的吞拿魚味，不過真係好香好好食，估唔到同芝士非常夾，整體味道不覺得古怪仲覺得幾好食呢度食物選擇唔算好多，不過食物味道唔錯。店員好有禮貌，環境也相當0k鮮蝦帶子忌廉汁配闊麵條，蝦有三隻啖啖肉，帶子冇雪味，麵條軟硬適中，醬汁不算多小小乾，不過整體個粉與醬汁也配搭恰當

Chateau R&T 緣份晩餐，幾年前認識的朋友終於一聚，為了有個好地方盡情暢談，上網搜尋到Chateau R&T旺角好景大廈搭𨋢上到3樓，門口有很多不同年份的酒瓶，入內環境寬敞，有很大的露天位置，還有BBQ場，在鬧市中大班人開心燒烤，還有VIP房唔怕俾人打擾，餐廳老闆想得十分週到。豆豉鯪魚薄餅$158朋友經店員介紹，點了一個豆豉鯪魚Pizza？我有無聽錯？重覆了三次😳聽落離奇，入口薄餅皮夠脆，豆豉鯪魚配巴馬臣芝士，味道出乎意料配合，愈食愈喜歡；非只是Gimmick咁簡單，真心覺得幾惹味，讚不絕口👍🏻煙燻鴨胸片沙律$138堆疊漂亮的鴨胸片及沙律，鴨胸片 入口帶著濃厚的煙燻味，肉質鮮嫩溢出濃厚的肉味及煙燻的香味。 緊接著沙律的新鮮，入口清爽滋味流心朱古力蛋糕伴香草雪$78細細件小甜點，首先將心太軟切開，之後朱古力慢慢流出，蛋糕也軟綿，喜歡熱乎乎的時候食。香草雪小小法式甜點，甜度適中，略嫌軟淋。我們很喜歡這個地方，朋友還打算極力推介給同事來這裏聚餐。而我也十分喜歡豆豉鯪魚薄餅和會再去品嚐。

有一晚我帶太太及外父母等人前往位於旺角好景商場3/F的Chateau R & T進食晚餐，這乃是一間額具歐陸色彩佈置的餐廳，有酒吧露台，甚至夜晚有歌廊演唱等，很有歐陸情調。而當晚我們品嚐數款餸式，有煙三文魚沙律(配新鮮生菜及泰式酸甜水等)，煙三文魚總是能令人想試試因見佢色澤似幾香滑，食完沙律後喉嚨好似清潤不少。黑椒汁蘑菇意粉(配生菜蕃茄魚片塊等)，黑椒汁反令蘑菇味的意粉成為更出色的味覺，比較少見配黑椒汁，食落特別有趣的。

同朋友行經旺角女人街買野，順便在附近一帶的 Chateau R&T 食晚餐，上到去見原來座位分室內及室外，如果叫紅酒飲坐室外更有氣紛，剛好有樂隊在唱英文歌，好似在酒吧食野呢。香炸鮮雞翼，醃味雞油炸惹味，一食似跟他餐廳味道有大分別，雞肉熟度十足令人咬哂來食，真想問是如何秘製的？新穎特色的豆豉鯪魚簿餅，餅面頭鋪上香濃豆豉粒鯪魚片....等，非常吸引因豆豉鯪魚的關係，我們食過夠尋味。再加上陶醉夜店的環境氣氛，真惹人嚮往。

After shopping with my friend in Mong kok, we decided to dine at a relaxing place. We picked this restaurant as it looked decent on openrice. It was a bit hard to locate the place as we were not aware of the position of the lift in the building. Anyway, we located the restaurant eventually and luckily did not have to wait for a seat.It turned out that we pretty enjoy the atmosphere. The restaurant is quite spacious and consists of both outdoor and indoor areas. As the weather was not too hot, we

<難得旺角區有個西餐廳可以靜靜甘食下野飲杯酒傾計>🍻😆#fafafoodblog油麻地以前經過mk好景時 欣象中 上面只有bbq場 都幾熱鬧下 . 但近排 開左間西餐bar chateau半露天式既環境 食唔食煙都啱， 有各種唔同既西餐美食 同cocktail啤酒都有 都幾多種類選擇😆🍴車厘茄水牛芝士沙律 128 蚊🥗🧀 落足料既沙律 車厘茄🍅 同生菜新鮮 隱約試到d檸檬汁🍋 最正係佢既水牛芝士好軟滑 而且好多舊 好開胃好食既前菜😆🍴滋味拼盤 86 蚊 😍有蟹餅🦀 蟹肉味香濃 而且切得夠碎好有口感 春卷 帶有d 木耳絲同芋頭蓉 夠哂入味😆 炸雞翼🐤 呢個推介 十分香脆 雞肉熱辣辣又嫩滑 炸洋葱圈🌰外面既茨粉炸得唔錯 夠哂juicy 炸薯條🥔 炸得外脆內香 點埋凍茄汁更惹味😍🍴龍蝦湯伴蒜蓉包 88 蚊🐉🦐龍蝦湯 湯密度偏高 飲落帶有好香龍蝦味 同忌廉既香滑 入面既龍蝦肉落足料 口感彈牙 😄 點埋焗得香脆既蒜蓉包 味道好襯🍞 正！🍴燒紐西蘭極品羊鞍配魔鬼汁 358 蚊🐑🔥兩隻羊鞍大大件 煮至5 成熟 羊肉煙靭 羊味香濃 保留應有既juicy 🐑 上面放左炸蒜點綴更有口感

今日約咗朋友去旺角食dinner,諗住都係好似平時咁揀番啲樓上Cafe，點知竟然誤打誤撞，嚟咗呢間感覺幾高級嘅餐廳😆一入到去見到四圍都擺滿曬紅酒樽，就知道呢度嘅老闆一定系好鍾意飲酒，不過我哋兩個都冇飲開紅酒，所以唔係好知應該要飲咩好。但係老闆好貼心，佢知道我哋第一次飲，所以想安排左一杯for beginner 嘅紅酒俾我哋，等我哋可以容易啲入口！😛一開始嚟咗呢兩杯紅酒，再配埋枱面上嘅蠟燭，就已經覺得呢度係一間好有情調嘅餐廳😍呢度其實有好多款食物選擇，不過既然飲得紅酒，我哋最後就選擇食牛😛首先食嘅係田螺薄脆卷,裏面除咗田螺之外仲有少少蘑菇碎，味道配合得好好，田螺都幾鮮甜好味！之後有煙三文魚蘆筍，煙三文魚味道好豐富，而蘆筍就比較清淡，所以兩樣嘢一齊食啱啱好😛呢個牛柳係配咗紅酒汁，味道好特別，平時一向都係食開黑椒汁、洋蔥汁嘅我終於可以有返啲新嘗試！海膽帶子天使麵係我今餐覺得最好味嘅一款食物，雖然本身唔食海膽，但係佢嘅味道唔係好重，海膽係撈咗入啲汁入邊最後食埋個甜品，咁就滿足晒啦😍臨走嘅時候，先見到門口有個聖誕大餐嘅餐牌，如果下次有機會一定要試吓先😆

是晚餐廳乃吹水之友其中一員挑選的，小人應約而赴。小食拼盤有薄餅皮春卷、蝦餅、雞翼、薯條，即使加上一小撮沙律菜，陣容不算鼎盛。春卷是用薄餅皮包著來炸的，但實在吃不出有何特色，又不是特別脆，跟普通春卷皮唯一的分別就只是特別厚。蝦餅和雞翼的肉都很實，不太喜歡，而且很油膩。只因小人曾在其他酒吧餐廳吃過更佳的佐酒小食，比拚之下，這裡略遜一籌。用火腿圍著哈蜜瓜本來是一道簡單到不得了的前菜，但未知是否哈蜜瓜不是當造，瓜不夠甜，火腿亦不夠濃味，產生不出兩者應有的相對而鮮香的效果。燒豬肋骨挽回一點劣勢，起碼吃到燒烤的香味，豬肉亦腍，燒汁稠杰，剛好黏到每件豬肋骨，不甜不膩。牛柳乃是晚另一道佳作。半熟的牛柳肉嫩多汁，中間的肉呈粉紅色，外層微焦，尚可接受。可是件頭之小再次令人側目，只要拿伴菜的煎茄子一比，不難明白這件牛柳屬迷你版，一人份的話數口可以吃完。卡邦尼長通粉的通粉算有嚼勁，惟汁是烯少得可以，未能掛到每條通粉上，結果我們吃到一些有汁、一些無汁，而且卡邦尼汁獨特的蛋香是欠奉的，與一般白汁相差無幾。海鮮火腿薄餅是厚餅底，焗得夠透，很是香脆，沒有粉味。餡料有三文魚、火腿、芝士，配搭和諧，至少是滿足的。不能說所

約左朋友出黎行街，朋友推介呢間cafe食下午茶，我地揀左坐露天。坐低叫左個小食拼盤+2杯飲品，小食拼盤係蝦餅+雞翼+春卷，可能因為下午茶時間無乜人，所以等既時間比較耐，但小食拼盤擺上台已經聞到好香，春卷脆卜卜，咬落去入面仲出緊煙，同埋佢地個春卷唔係用一般春卷皮，係用薄蘇皮。另外，蝦餅個形狀係丸形既，但又唔似龍蝦丸，似係丸形既泰式蝦餅，而且咬落去都好彈牙。整體黎講係價錢比較貴左少少，食品同飲品味道都唔錯既。

已經是第三次黎呢間食，就係中意佢樓上有個露台露天座。夜晚係相當寫意舒服的！但由於今次係早黎，正於Happy Hour時間，加上唔算好肚餓，兩個人食野都只係叫左一道菜。Salami Pizza 莎樂美腸PIZZA第一次係呢度叫pizza食，價錢都唔平，$108得好細件，約8吋小批但味道相當ok，亦是正宗薄餅，有薄餅該有的樣式，就係"薄"！而咸料都好足夠，醬汁夠同，集中返係中間，仲有好多芝士，一拉就有芝士絲，絕對是一個合格既pizza 最後點少得嘆返一杯cocktail丫~點左一杯例牌Mojito，合格！

環境不錯，夠靜，佈置優雅。出面露台應該望出去仲靚，不過等下次天氣不凍先Menu菜單選擇多，價錢也不太貴小食拼盤($165)，相當好食，個春卷同雞翼最出色，香脆惹味。薯條都好香口，配合辣醬更爽希臘海鮮沙律 ($92)簡單的沙律菜，配上豐富海鮮配料，有鮮蝦、魷魚、蜆肉，味道酸香醒胃。配料都好鮮甜，沙律菜又清爽。海鮮沙律咁好食，未夠喉，於是又order了海鮮飯。同樣地好味。

呢晚同朋友行完街搵地方食飯就揀左呢間揀左一個餐加個Pizza 兩個人Share個餐唔記得影相就唔講啦, 主要講個Pizza, 真係好正和風鴨肉薄餅 $98味道唔錯, 餅底薄脆柔韌, 鴨肉都唔太油膩, 食落好滋味而且環境都唔錯, 靜靜地, 又幾有氣氛

今日本來約左個BEST FD mm同佢男朋友去打邊爐但係我地提早一日都book唔到位咁唯有出旺角睇下有咩好西吃忽然記得上次大佬介紹左1間環境好好既餐廳價錢唔太貴 岩曬我地D小資女 咁我就帶左佢地2個去試下新野啦 我地上去個陣已經9點幾 所以無咩人 唔洗等位望下個餐牌D野食都好似幾正 咁就入左去坐啦餐廳入面環境唔錯 出面有個大露台可以俾D煙民食煙因為我地唔食煙 所以坐左入面Waiter都好細心幫我地關左個玻璃門睇到出面環境之餘又唔會有煙味坐低左就開始叫野食因為MM男朋友想食天使麵 咁我地就無叫set diiner喇, 叫左3個麵share黎食由於太餓既關係 所以叫多左個小食拼盤黎充飢 小食拼盤比我想像中好食 全部野都係熱既個春卷同雞翼簡直係我的菜, 好想encore三文魚天使麵  100分推介我地3個唔洗10分鐘就KO左卡邦尼長通粉係我揀既個汁好濃 味道十足可惜我地覺得有D滯 但下次會再叫最後1個係鮮蝦闊忌廉闊麵 除左D蝦大隻個麵其實無咩味 下次可以唔洗叫食物同環境都唔錯 但係飲品方便 我地叫左杯凍奶茶等左陣佢落錯單俾左杯凍檸茶黎我地同個waiter講話黎錯左 佢就話佢地無奶茶提供

因為朋友介紹所以今日去試Aqua Cafe. 啲嘢食味道唔錯，不過價錢俾我想像有啲高。我地叫咗2個Set dinner, 188同288, Steak 唔錯，3乘熟，同石斑魚，都ok. Portion size.. For girls lor... 男生就算唔share,一定唔夠.其實一路都好好，直至到我fd覺得個waiter蝦我，幫我出頭，之後，個waiter就好無禮貌。。。😨仲有嘅係，啲Staff到最尾好似趕住收工，未食完嘅嘢，就企係我地張枱隔離，一直叫我地食埋佢，俾佢收嘢😰 我自己都嚇嚫。。未見過咁嘅Service... 其實，如果老闆睇到的話，可以出句聲。。。未必會再去。。。 Service失望，就算嘢食幾好都好， 背脊骨落都無用。。。

之前有個fd介紹呢間, 話d蠔真係ok, 終於有機會上去食. 令我覺得出奇的係, 係旺角好景一個咁唔起眼的商場, 仲要排隊搭上3樓.... 原來都無咩期望, 但上到去, 氣氛ok, 室外的枱比室內的多~坐室外會舒服d, 同朋友食飯,飲野,傾計就最啱! d伙記又好好service~ 驚訝的係, 當我地叫酒, d酒竟然大多都係法國唔差的酒, 適逢老細又係度, 好詳細咁為我地介紹紅酒同白酒, 全部都係佢自己親自揀過的, 之後仲請左我地試飲^^又為我地逐一介紹生蠔, 我食過的一隻最細的日本BB蠔同最大的蠔王"belon"仲要係4個OOOO, 都係係度食~真係超底食, 又好味!係第2度一定食唔到呢個價錢！ 之後仲叫左個黑毛豬扒, 法國奄春, 味道一流~~雖然環境就比唔上酒店, 但勝在舒適, 味道絕對唔會輸俾酒店(有d仲貴格唔飽+唔好食)