ChaTraMue Cafe

营业中

休息中

鍾意食甜品嘅朋友一定要Save低呢間🔥可以話喺香港最多人識嘅泰茶專門店最近先發現原來除咗泰茶，沙田呢間分店仲有賣多款泰式蛋糕甜品同泰菜料理😮-👍🏻泰茶巴斯克芝士蛋糕 $75 👍🏻泰茶千層蛋糕 $65私心最推薦千層蛋糕！店員介紹係每日新鮮手造泰茶餅皮層層分明，夾心忌廉好幼滑🥺巴斯克都唔錯，芝士鹹香濃郁又食到泰茶茶香比例平衡，邊位挺身，中間做到軟心幼滑🤤-👍🏻泰茶梳乎厘班戟 $88 口感鬆軟空氣感重，蛋香突出，呢個幾有驚喜！奶蓋輕盈奶味香濃，再灑上朱古力粉同焦糖脆脆-👍🏻泰式安格斯牛肉湯河 $88估唔到唔止甜品出色，主食都唔錯🔥湯底每日新鮮牛骨牛腩熬製，非常清甜陣陣牛脂香同香料味，成碗飲晒都唔頸渴安格斯牛肉軟嫩，牛味濃又冇筋鍾意食辣嘅一定要點埋秘製辣汁，好過癮🤪-👍🏻泰式冬蔭海鮮薄餅 $98 薄批邊位香脆，用咗冬蔭功醬做base微微酸辣，食到椰奶香同香茅味，冬蔭功味突出仲有大量海鮮菇菌配料同拉絲芝士呢個fusion特別嚟得真係幾好食-👍🏻正宗泰國綠奶茶 $32 & 熱薑奶茶 $35薑奶茶係秋冬限定，有薑嘅辛香味但唔會太辣，暖胃飲一流😌始終係正宗泰茶偏甜，香港人口味建議嗌少甜好啲-🔸牛乳忌廉

逛完商場路過這間餐廳，被它店舖的門面引起注意，餐廳裝修簡潔，但非常光猛，以深紅色為主調。坐位也較寬濶，有分幾種不同形式。店內好像主要是賣蛋糕、烘焙食品及茶飲，但也有兼售簡單的湯粉及飯類。🔸泰式黃咖喱雞肉麵包很大的麵包🥯，比想像中還要大，滿滿的雞肉及濃厚的咖喱汁，可能是汁太多，麵包不是脆了，但沾滿咖喱的麵包又特別香。⁡因為黃咖喱含有的辣椒較少，所以總體來說口味較溫和帶點甜。⁡**設有繁忙時間最低消費為每人$60**⁡

我同妹妹都好欣賞ChaTraMue  Cafe嘅甜品，今日放假專程嚟食佢哋下午茶嘅Cake Menu，任何一款蛋糕加$20就可以坐幾粒鐘，下午 2:30-5:30，抵！但係未食甜品之前我哋又忍唔住叫咗佢地「超級正」嘅泰式牛肉湯河，每次都要勁讚一下，高質牛肉不在話下，佢哋每日熬製的牛骨湯底，真係與別不同，鮮甜味美，牛味濃郁，我同妹妹都會飲唒佢哋個湯底，完全唔會覺得頸渴，一流！ 👍🏻👍🏻我要咗一件泰茶千層蛋糕，柔軟新鮮，泰茶味濃，配一杯冰凍泰奶茶，正！妹妹叫咗一件泰式椰子蛋糕，非常有驚喜，椰味香濃，蛋糕新鮮，食得出忌廉唔係用埋啲植物油做嘅。 佢配一杯熱薑泰奶茶，茶味同薑味好平𧗾，絕配！呢間 Cafe 啲嘢食好高質，超乎想像，淨係個泰式牛肉湯河已經係Michelin級數，之前都試過佢哋啲小食，整體佢哋啲嘢食真係好食到爆炸，價錢亦唔算貴，要狠狠推介一下。 👍🏻👍🏻

泰茶好得👍🏻👍🏻，隔日行過都會買杯，濃厚香滑，獨愛它的偏甜，而每次行過，甜品看上去好有食慾的樣子。今日出糧日，入去坐低堂食。午餐 menu 好吸引，一個主食加一杯飲品 $70，而飲品是原本份量，沒有減少，超抵。我叫咗泰式海南雞飯，雞肉滑嫩有雞味，好食！ 👍🏻 朋友叫咗香葉肉碎飯，非常香口惹味，超好食。我哋再加一件椰絲蛋糕 $45，超級好味，蛋糕新鮮軟熟，椰味香濃。之前都試過佢地泰茶千層蛋糕，都已經覺得佢哋甜品，去到 Michelin 水準，雖然只係一間小店，但甜品、食物，飲品都做得很認真，真係值得推介。 食物質素及服務態度都相當優悅。👍🏻

叫咗泰奶沙冰超淡，我問店員佢話"係咁呀"，再問可唔可以比d糖水我？ 佢話"我地冇" , 咁可唔可以轉其他飲品？ 又話"唔可以呀", ok, 我唯有硬食，冇下次囉bye, 呢間嘢咩泰feel都冇

閒日午餐無需等位, 簡單食完又行街.LUNCH SET- 泰式牛肉河 - 牛肉好好食. 河粉也大碗, 湯頭未算濃味. 但都唔太差. - 泰式青咖喱海鮮金邊粉 - 呢個道然好有驚喜, 味道也很好. 好特別泰茶 - 要點少甜才好. 否則太甜, 如飲開呢間奶茶就知跟茶餐廳口味是完全不同, 同埋係偏甜的甜品 - 泰茶梳乎里PANCAKE  - 呢個超有驚喜, 唔太甜而且好好食. 做得有水準.整體滿意. 餐廳細細. 裝修簡單. 服務都算不錯. 

沙田新城市有好多嘢食，想食泰國嘢，見依間咖啡店嘅嘢食幾吸引咁，又有甜品，就入咗去食啦😆依日係平日晚餐時間，QR code點完餐後等咗好耐都未有嘢食！🫣睇吓隔籬枱，好似係依個冬陰功炒飯等得特別耐😯等咗超過20分鐘🙂‍↔️味道都正常冬陰功味，唔係特別重口味，同有啲唔夠熱😂另外嗌咗泰國奶茶(💲38)，佢係冇餐嗌嘅～嘢飲就好快嚟，嗌咗少冰，但都好多冰咁～味道幾甜，都啱我口味😬本身仲嗌咗個九層塔薄餅，但話要等30分鐘，咁就唔食啦😂後來嗌咗個泰茶梳乎厘班戟，但係20幾分鐘都未嚟，最後冇食cancel咗就走咗😯所以淨係食咗個炒飯同飲咗杯奶茶～好彩本身兩個人都唔係好肚餓🫣

今次係第x訪，次次都覺得有驚喜, 我上次覺得肉碎飯好食，所以今次都係一定要encore, 香葉肉碎飯都keep住係炒得好食喎, 今次人多左, 試埋個新的豬手飯(上次都仲未有), 真係有水準喎, 味道好local thai style, 真係推薦, 我見佢都有其他item , 熱食同蛋糕都有除此之外, 今次叫左叫巴斯克芝士蛋糕, 我食落感覺落左少少thai tea 的粉, 呢個mixture 個味好恰當, 兩個味道都幾夾喎

上星期試過呢度嘅安格斯牛肉湯河，性價比之高，驚為天人，已經張呢間店mark 咗為自己必選餐廳。今日試佢嘅海南雞飯, 男友又食香葉肉碎飯，真係要寫一寫幫佢加分。 海南雞分量十足但飯畧少，雞肉真係嫩滑好味有雞味，唔係淡淡白白嘅白切雞，飯的分量約一碗，但用米上乘, 飯煮得軟熟可口，點埋碟雞醬，好開胃，好快食唒。 另一碟香葉肉碎飯亦係我同男友至愛，肉碎功力炒得唔錯，惹味辣味都平𧗾，亦都係冇得輸。最後再加多一件椰子忌廉蛋糕超正，蛋糕好香椰子味，不太甜，而椰絲有咬口，好味。呢餐好完美, 每次係度食嘢都好充實又好味，黎呢度食嘢我同男友都好放心。 侍應親切有禮，坐得舒服的。

好幾個住沙田區嘅朋友都推介過叫我哋去呢間位於沙田嘅ChaTraMue Cafe ，週末專登去探訪一下，順便行吓街。其實真係好舒適嘅地方，環境俾人一個好舒適輕鬆，泰國feel的 Cafe，而食物質素真係好唔錯，價錢又唔貴。ChaTraMue 泰茶有幾好飲就人人都知，試過 Cafe 嘅嘢食，有驚喜所以要幫手寫下咁有心機做飲食嘅店舖。 安格斯牛肉湯河超好味，牛肉湯真材實料，安格斯牛肉質素極高，入口嫩滑，但咁高質嘅一碗牛河都只係$88。 泰式滷水豬髀飯啲豬髀已經炆到好腍好入味，配上少少甜酸菜加蛋，好開胃。 泰式海南雞飯，雞肉嫩滑可口，有雞味，又大大份，啲自家雞醬汁好特別，絕配。泰式海南雞廚師事先已經細心嘅起咗骨食起嚟啖啖肉，好正。我哋再加多咗一份泰茶疏乎厘pancake，超好食，我哋個個掛住搶食，唔記得影相，但真係要推介一下呢度嘅甜品真係好正！

沙田新城市廣場開咗呢間ChaTraMue Cafe 一直都有朋友讚好，但直至今日做完gym同幾個朋友一於去試吓。 餐牌簡簡單單一睇落去價錢都唔算貴。泰茶有幾好飲就不用介紹。 我叫咗個安格斯牛肉湯河, 班friend分別叫咗一個香葉肉碎飯, 豬頸肉飯同泰式海南雞飯。之後再加咗幾個甜品，泰茶巴斯克芝士蛋糕椰子蛋糕同埋 Waffle. 安格斯牛肉湯河，牛肉有牛肉味，入口嫩滑，湯底清甜，係好食㗎，只係$88。班friends 嘅海南雞飯都好味，海南雞做得好，高質雞肉，入口嫩滑有雞味，香米飯都係優質香味入口軟熟。個friend話佢個燒豬頸肉飯非常好味，豬頸肉醃得入味，燒得又好香口，佢叫我要大大力去讚吓佢個點豬頸肉醬汁。 另一個朋友話個香葉肉碎飯炒得都非常香口好有泰國feel。佢哋主食質素高班，大部分都係$88，抵食。甜品真係有驚喜，巴斯克芝士蛋糕茶味同芝士味非常平衡，鍾意食芝士蛋糕嘅人肯定鍾意。但係驚喜嘅係佢嘅椰子蛋糕有濃郁嘅椰香味及忌廉香味，蛋糕軟熟幼滑加上一絲絲椰子好有咬口，呢個係我個人最喜愛嘅！另外一客嘅Waffle新鮮整出嚟好有蛋香味，食咗一啖係會唔停口。店舖環境優雅乾乾淨淨員工都好有禮

新城市廣場人流稀疏，阿妹喺加拿大返嚟，問點解香港而家搞成咁。我哋途經呢間 ChaTraMue Cafe, 阿妹話裝修得幾靚, 同阿妹、妹夫坐低食吓嘢。佢有張poster貼咗個牛肉湯河，應該係招牌菜，所以我叫左試吓，湯底濃但清甜，牛肉幼滑有牛味，不愧係安格斯牛，加上少少配菜，例如牙菜、新鮮紅蔥片、乾蔥碎，令到整碗牛肉湯河很有層次感，非常可口。妹夫叫咗個泰式滷水豬髀飯，滷水味道溫和、豬髀已經炆到好腍，感覺充滿骨膠原，配上小小甜酸菜在旁，仲有半隻滷水蛋，都係$88，抵食呀！阿妹叫咗碟豬頸肉飯，豬頸肉好入味，非常之有泰式感覺，燒到香香地，要來點豬頸肉嗰碟醬汁，更加有驚喜，微微辣，但係好有層次感，豬頸肉點咗之後更加好食。我哋再叫多一件巴斯克芝士蛋糕，三個人分。芝士味好香，但又不失又泰茶味，呢個甜品非常成功。我哋食得滿足，整間店舖環境乾淨，服務態度良好，氛圍也好，我哋會再嚟，值得推薦。安格斯牛肉湯河 泰茶巴斯克芝士蛋糕

我coweater 試完呢度嘅牛肉湯河真係著迷，今日同呀媽女友再試下其他嘢食。我再點安格斯牛肉湯河，真係冇得輸，湯味非常鮮甜，牛肉入口幼嫩，好正。女友點咗個泰式肉碎玉子湯粉絲，雞湯底都係非常鮮甜，唔係啲乜乜化學湯，味精味重，食完口渴嗰種，配搭有豬肉碎，少少芽菜及通菜，成碗粉絲湯好開胃好味。阿媽碟海南雞飯都好唔錯，好有雞味，入口軟滑，要特別推介係佢嗰碟海南雞嘅雞汁，好惹味好開胃。佢哋啲甜品好似幾出名，嚟到梗係要試吓啦。叫咗一件椰子蛋糕，表面鋪滿粗粗椰子絲，口感非常好，食落椰子cream味好重，而蛋糕又好幼滑。另外一件係牛乳蛋糕，牛乳味非常濃厚，好好味，表面鋪上一些杏仁碎片，有着濃郁嘅牛乳同忌廉味，好明顯佢哋唔係用啲cheap cheap嘅植物忌廉，非常有心做蛋糕。女朋友話佢裏面嘅唔係海綿蛋糕，我淨係知道佢哋好幼滑，甜品的確係好出色。三個人叫咗三杯嘢飲平均每人約 $120-150。以後我多咗一個最愛美食嘅地方，呢度嘢食性價比高，質素好環境舒服又有得泊車，極力推介俾鍾意去性價比高餐廳嘅朋友！

周圍都等位，見呢間有位入去trytry。坐近門口位置，張枱同櫈矮到爆，坐得勁唔舒服🫤叫左個海南雞飯同泰茶疏乎厘，餐具黎到冇抹過咁，真係好污糟🤦🏻‍♀️全部水漬係上面好似冇洗過咁😵海南雞飯份量好少，雖然佢俾咗雞髀位我，但係真係勁薄同埋好多筋😥兩塊青瓜仲要變左味⋯⋯好彩最後個疏乎厘拯救咗我既心情😮‍💨甜品吾錯，下次都係黎食甜品就算了。

不得不大大力讚賞一下佢呢度牛肉湯河，上次食完心思思再返黎，都係為咗佢哋入口軟滑，牛肉味豐富的安格思牛肉，濃濃牛肉湯底我飲唒，今時今日，一碗咁高級數的牛肉湯河只係 $88，吃完之後非常滿意，牛肉湯河水準非常穩定，唔會失望。朋友的香葉肉碎飯都非常出色，用料上乘，炒得出色，非常惹味，好好送飯，停唔到口，好味。 食完主食，黎得呢到，當然一定要食埋佢地甜品，今次我哋要咗個西多加綠茶雪糕，非常滿足。西多新鮮軟熟，食得出用牛油煎，好香口，熱辣辣，但每一口多士又配一啖綠茶雪糕，超級好食。次次黎親我同朋友、屋企人，都食得好開心。除咗穩定的泰式主食，每次食完，都可以即時點一些精緻甜品，感覺圓滿，環境都坐得舒服，清潔衛生各方面都不錯，侍應斯文有禮，所以令我對呢間 cafe 加分再加分，highly recommend. 👍🏻