Chef’s Cuts Restaurant & Bakery

营业中

休息中

野食好好美，服務態度非常友善。去慶祝生日，好開心無揀錯地方，環境非常適合。推薦有特別日子去吃，當晚食既野樣樣都有水準，非常推薦。Really exceed my expectations, the price is regular western restaurant price but the taste definitely match up with it. I would personally revisit the place again and try other dishes

專登黎到啟徳airside 朝聖成個商場都好多食肆，無意中見到呢間餐廳好多人圍住，原來係一間開係Chef’s cut入面叫sour dough既烘焙店，見佢環境幾靚，咁岩行到好攰，所以就揀左個牛角包坐低試試，順便抖下。朱古力酸種牛角包外觀色澤均勻，有好靚嘅深啡色。外皮酥脆，加上可能係sour dough麵團嘅緣故，令佢嘅內部唔似喺其他地方食嘅朱古力酥咁死實，而係有彈性同煙韌。咬落去充滿牛油香，朱古力亦都十分香濃，整體配合100分！Flat white口感綿密厚滑，有得按喜好選擇 全脂奶/燕麥奶之類，配佢現場烘焙嘅pastry 一流

Airside近排咁紅梗係要去行吓。試咗間西餐，比想像中好味😋-牛肉他他（$178）好出色，調味恰到好處 鮮嫩無比，橄欖油令佢滑溜香口，醬汁又令佢有少少酸甜，減低膩胃，追住食。西班牙風味烤八爪魚（$158）🐙有誠意，配料多，有辣肉腸、酸豆、橄欖🫒、幾種蕃茄🍅，淨係顏色都夠晒繽紛，望落開心又開胃🤤八爪魚軟綿少少煙韌，唔會嚼到牙軟，腸仔粒香噴噴唔死咸，惹味。龍蝦焗芝士通心粉（$198），係美國人comfort 🍲 food升級版⁉️熱辣辣，芝士🧀偏淡身，唔會愈食愈膩，啖啖龍蝦🦞肉新鮮扎實，份量都還算對得住近二百蚊嘅價錢。招呼不過不失，有點生硬，大概仲係新開張，但環境闊落，冷氣適中，坐得十分舒適。-最後叫咗兩杯嘢飲lemon and lime bitters （$58）and Mimosa（$85），即係西柚加sparking wine ,酸甜夠氣，無咩好挑剔。

想試下airside 既新餐廳，周圍都好多人，最後去左chef’s cut 試下。一入門口都幾大，門口有賣包既地方，前面有個特式bar 枱位。入面空間感都大。餐廳侍應有部分係外藉人士，有感覺去左外國既餐廳既，食物同the captains house 有啲似，都係主打海鮮，每款份量都算大。青口份量都算多，同埋好新鮮，好有海水味帶子煎得好好味，不過意大利粉配青瓜就一般，意大利粉比較稔身。整體都係滿意呢間餐廳嘅，有機會想試吓佢嘅手法，可以夜晚happy hour嚟，環境都幾舒服。