Chefs' Kitchen

营业中

休息中

有陣時去旺角都唔知食咩好🤣就會直接去通菜街嗰邊搵食 性價比高d～經過見到有間Cafe新開 比burger吸引咗🍔店舖比較細 唔算太多位🫣七點幾左右就要排隊 想試朋友要早啲到🙌🏻⚠️小編見到餐廳做緊「午市」買5送1優惠‼️📍秘製炸菠蘿脆香雞扒漢堡 （$68）Burger黎到超級巨型👅 一口咬唔晒菠蘿同雞扒都炸過🍍🐓另外仲有蕃茄同埋生菜 略嫌醬汁唔夠多🥺好在雞扒同埋菠蘿都好多汁而且雞係好嫩滑juicy 成個感覺唔會太乾💋📍薯條 + 飲品 （$18）叫咗漢堡跟餐加$18有薯條加飲品～薯條係幼身🍟 熱辣辣好食飲品冇乜特別選擇 所以直接叫可樂🥤📍昆布活蜆扁意粉 （$108）小編覺得呢個意粉好正 枱枱都叫✋🏻嚟到見到成10隻蜆😍意粉同昆布煮埋一齊再蒜香炒成個意粉好香🍝 蜆新鮮冇腥味～絕對值得encore ✌🏻📍湯 + 脆香雞翼（$28）呢個係跟餐價～單骨雞翼啖啖肉🫶🏻夠熱夠辣夠脆 醬汁仲好好味是日餐湯：蘑菇湯🍄夠creamy有蘑菇碎 但略嫌偏淡🥲📍火焰明太子醬·吉列大蝦蛋捲 （$62）開頭以為係玉子燒🔥 原來係蛋卷🤣勁大隻吉列大蝦🍤 好脆口蛋捲同蝦之間仲有椰菜🥬+明太子醬蛋卷唔係完全熟🍳中間仲有少少蛋

小店係近排新開,位裡嘅面積唔係好大🙌🏻但勝在店員態度好好同食物價錢都唔貴🫧大部分嘅食物都唔得過$100~🔺是日餐湯當日嘅係雜菌忌廉湯,唔算好濃蘑菇味但也不錯🤲🏻🔺火灸明太子醬•吉列大虎蝦蛋卷 $62蛋卷配上炸蝦椰菜花絲加明太子醬好夾,層次很豐富🥰炸蝦很大隻,炸皮不會太厚又脆🍤重點加上明太子醬令成個蛋卷更正!!只係當日蛋卷有點太熟就差少少了🤏🏻🔺明太子煙三文魚火炙蟹棒烏冬 $98個人最鐘意呢個!!每條烏冬掛上明太子醬😆明太子控表示很愛💕上面還有炙燒芝士撈埋一齊食更正🧀而烏冬口感偏淋一點,煙三文魚唔會過鹹😚🔺Vodka Pink sauce虎蝦•德國腸闊條麵 $126大大隻虎蝦又彈牙仲要剝咗殻真係大加分🤩醬汁有vodka,番茄同香草🌿感覺很開胃與闊條麵也很夾😙另外配料還有德國腸和車厘茄🔺黑松露薯條🍟+$28係啤酒薯條🍻新鮮炸起真係炸卜卜會食唔停口!!再加上芝士碎係更香😆再點黑松露沙律醬真係好正🙌🏻

無諗過外表平平無奇嘅小店食物咁有水準！！同朋友諗住搵少少嘢食嘅時候見到呢間係食意粉同漢堡就諗住試吓但係菜式真係非常有驚喜，同埋選擇都唔算好少意粉味超級濃，每一啖都食到明太子味煙三文魚唔係細細舊，求其整俾你，仲好有誠意整咗朵花成個意粉嘅份量仲要非常足夠，唔係嗰啲打卡意粉食完又唔飽又唔入味廚師同埋waiter都好好人，好好禮貌朋友食嗰個黑松露意粉都話好好食，一樣都係份量非常足夠已經話下次都要繼續嚟食，佢哋價錢仲要唔貴，幾乎全部都唔過$100勁抵食希望呢啲小店可以多啲人支持！

因為果日我同幾個friend去完旺角電話中心買完野肚餓諗住去茶記食野，行過女人行見到呢間店新開所以就入去試下。其實對女人街d食店都唔抱太大期望，啊，點知呢間食店又真係比到d驚喜我喎。佢地意粉同寬條麵超正，個羊漢堡好嗱正，個小食豬仔脾同慢煮牛脷做得好有心機（睇得出佢地有誠意）仲有甜品可以點。因為佢地係open kitchen,我見到佢地個廚房好乾淨，老闆又好鬼好傾，傾落先知原來佢係酒店出黎開舖。但唯一缺點係飲品無咩選擇，但係食物方面絕對可以翻踔。

點樣食推介✨⭐️創意臘腸溫泉蛋卡班尼意粉⭐️⭐️旺角女人街小店⭐️Chefs' Kitchen 地址：旺角通菜街34號地舖🍖黑毛豬臘腸溫泉蛋卡邦尼闊條麵 $88 (7.3/10)估唔到臘腸可以同意粉crossover🤔，卡班尼味嘅基礎下多左陣臘腸味非常之有趣，個溫泉蛋豆好流心🍖牛油果醬黑松露龍葵菇 $68 + 冷萃咖啡+薯條 $32 (7.5/10)非常清爽嘅burger，餡料配搭都好用心，大啡菇菇味好香、配合沙律醬、番茄、沙律菜同牛油果醬好味得黎又唔會油膩薯條都係一定要加配嘅item! 薯條嘅炸衣比一般坊間食到嘅薯條脆，即炸熱辣辣好快就ko曬，普通嘢飲同薯條加18蚊就可以加配🫶🏻，唔可以錯過！🍖芝士黑松露炸漿薯條 $58 (7.5/10)灑上Parmesan芝士碎更加香，個芝士黑松露醬都唔錯，如果burger套餐都可以加配就好🤣🍖焦糖心太軟配雪糕 $68 (7.5/10)估唔到小店都有高質嘅心太軟，極度流心，朱古力味濃郁，球cookies & cream雪糕就普通啦🤣，淨係食心太軟就夠-回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️

係旺角食野食到厭，今日比我發現一間新開西餐小店，座位雖然吾多，但冇局促感覺，當日幫襯全場爆滿，一枱接一枱，可見口碑不錯。講番食物先， 有單點同套餐簡， 套餐包湯或加錢飲品同優惠價加小食，價錢合理。 我叫左明太子煙三文魚闊麵配當日餐湯 ： 雜菌湯同黑松露薯條。 明太子煙三文魚闊麵， 明太子汁充足每啖麵都有濃濃的明太子，花型的煙三文魚足料，絕對吾係得幾片交貨。雜菌湯好足料，每淡都好濃郁。黑松露薯條亦吾係炸到乾淨淨咁。

上星期行過通菜街意外發現左呢間小店，見倒佢試業期間八折優惠就入去試下。叫左個龍葵黑松露意粉同黑毛豬蕃茄長通粉，意外地两款意粉都好好食，估唔倒70幾80蚊食倒出面百幾二百蚊嘅西餐廳質素。另外仲有個慢煮牛脷，食落勁淋滑，仲好夠牛味👍🏻👍🏻叫左三碟嘢都好好食，折完两個人都係百幾蚊位，之後路過附近一定會再回頭👍🏻👍🏻👍🏻雖然鋪頭細細得两個人，但都好熱情好好服務，小店要繼續加油💪🏻💪🏻