Chef's Stage Cafe (已搬遷) 新店位置

等位時間唔耐 5 分鐘左右就有位，鋪位較細，坐得唔係咁舒服，但員工服務態度好nice 。 黎到一定要試egg benedicts  Brunch , 賣相勁掂，雞蛋超滑，一試愛上了，我就覺得份量岩岩好，另一半就覺得細份左 d,  食完唔夠飽。

好多時候好的食店每每在於舖租昂貴，而要退守於較遠之新市鎮這一間我想也可例入其中．．．區外客的我，手持着Google繞過兩圈終可找到 沒想過圍繞着鳳攸南街一帶原來有這麼多美食，就如美食街一樣找上了Chef's Stage Cafe ，店子全用上茶色玻璃一個不留神就給走了眼店舖面積十分細小，當日所見還不像其他店子般放上枱櫈於戶外區旺場時真的溜走了很多客人接過等候票子，約十五分鐘過後、老闆便致電覆實有枱一人入座．．老闆也沒有因為旺場而硬將客人搭枱、真有點不好意思 要上一個egg benedict $58.烘得熱脆脆之英式鬆餅，入口香鬆、熱力令牛油更覺味美沒有濕潤之菠菜下，所以鬆餅更覺乾身、加上咸香味美之煙三文魚本已很滋味再配以標準流心蛋及荷蘭醬作面層，一义而下擁着四種不同之味道於口、實太滿足 加上$8.轉來一杯凍的cappuccino，甜度來得恰好啜一口輕輕的咖啡味道，滿注嘴腔、涼快非常

這間位於樓下的Cafe，甜魔媽媽只寫過它的brunch set，其實早前也試過晚市set dinner / 散點，最近還趁放產假，試了週一至五供應的午餐；今天就午晚餐一起寫吧!　由於地方不大，無論是brunch、午餐還是晚餐，都絕對建議先致電訂位。七月的一個晚上，與兩位妹妹訂了位來吃，先送上的麵包碟不錯，大食的媽媽與muimui食了兩碟之多!晚餐有4-5款選擇，由$108-$198不等，亦可在a la carte menu上加$30轉成套餐，套餐會包廚師精選沙律／廚師推介餐湯及飲品，三個女生點了兩份晚餐，再加一份散點轉餐；當晚的廚師精選沙律是火腿絲伴雜菜沙律，味道可以。食客也可加$8升級為黑松露牛肝菌蘑菇湯，我與muimui都升了，其實成品的黑松露味未算突出，菌味就頗為香濃，也算滿意收貨。主菜頗快就上檯，首先是散點的Penne Carbonara($78)，成品的忌廉蛋汁夠香，味道不錯之餘口感也頗佳，同來的為食哥哥非常喜歡呢，不斷搶食，估計至少食了十條之多!接著是晚餐的板燒美國極黑豬扒伴雜胡椒粒汁($168)，我覺得超抵食，因為豬扒份量十足，厚身得來又不會太熟，吃來有著頗豐富的肉汁，不

上個星期來的時候遇著 lunch 時間，全店滿座，店員都叫我們不用等。今日專程再去過，竟然只等了 3 分鐘就有位。老婆點了 egg benedict, 我就點了 chef's stage breakfast.兩個 set 的味道都不錯，只是略嫌 full breakfast 的份量少了一點，同貴了一點。店內只有 10 多個位。店雖小，但坐得還算舒適。店員服務也不錯。

終於可以在家附近 (不用走出市區) 也吃到brunch,, 最愛的egg benedict. 下午二時多, 因太熱, 等室內座位等左一陣,, 好快都有位坐. 店員都會建議你坐出邊等一陣, 俾杯水你飲下, 睇定食乜.同朋友都一齊點了egg benedict w/ smoked salmon.蛋真的有點生...醬汁都比較淡..不過, 元朗區, 50幾蚊, 算係咁.睇過其他食評, 我聰明咁避開左 +$8 ge cappuccino,, 揀左即磨咖啡, 平平穩穩, 唔錯.但朋友揀ge latte, 我冇影相,一黎到... 成杯野白色.. 勁多奶.. 好淡,近乎完全冇咖啡味.. 只係咁0岩又中左朋友獨有ge口味..餐廳內,,因空間有限, 坐得都比較逼狹. 但, 都係果句, 元朗區, 有得咁近食all day breakfast or egg benedict, 已經感激佢帶俾我多個最近ge選擇.

繼續元朗攻略戰，最初這家店子以Brunch揚名，不過吸引我來的是晚市套餐。星期四的晚上來到，由於已預先訂座，所以能準時入座。環境比預想狹小，若沒有訂座更可能要坐在室外。是晚點了兩客套餐，包沙律或餐湯、主菜和飲品。餐包分別是Grissini和Focaccia。前者並不鬆脆如餅乾條，而是像麵包條，外皮比較有韌性，內裡倒是夠鬆軟，麵包香和芝麻香均已十足。後者軟身不油身，麥味香濃，香草味不太像是迷迭香，倒較像是奧勒岡，確實香口便是。麵包醬是疑似蜜糖芥末的醬汁，又像有蛋黃醬的成份，亦有橄欖油，有着細微的甜香，異常誘人。是日餐湯為甘荀薑湯，其中一客升級為黑松露牛肝菌蘑菇湯(+HKD8)。前者口味特別，甘荀味平和清新，薑味顯而不濃，緩緩散發出來。不如忌廉湯般的細滑，有着細微而厚實的質感。個人來說挺喜愛這款湯。後者牛肝菌味大於一切，細碎的蘑菇的味道更大於黑松露應有最濃烈的香氣。整體來說菌味是頗香濃，松露味欠奉這點卻讓人有點失望。單點的小食，炸意大利馬蘇尼拉芝士條配香草蕃茄醬(HKD48)，芝士條炸得金黃香脆，脆實的外皮與軟綿的芝士內芯確實炸得出色。芝士條本身鹹度已然十足，惟乾香草的作用發揮不足，有炸香

星期天家庭日，老是去喝茶吃點心也會悶。今天一於搞搞新意思去元朗吃西式早餐。早一晚先打去chef stage 預先訂座。到達chef stage 門口就看到有好幾個人在等位置，馬上就有點緊張：因為有些小店比較討人厭，即使有客人定位了也不會放過做多一轉生意的機會，絕不會放著一張空枱不用! 但chef stage 明顯是有他們的堅持。當我看到室內一張四人枱上放著｢留座｣的牌子及我的訂座資料時，心里覺得非常受重視很開心呢。星期六日公眾假期chef stage開10am-4pm, 提供brunch set 價錢由HK$42-HK$118, 不用加一服務費, 選擇不多但款式很齊全，像沙律全日早餐意粉到牛扒都有，跟餐飲一杯。＝　＋　＝　＋　＝　＋　＝　＋　＝　＋　＝本來我覺得Egg Benedict跟火腿是比較傳統的，但媽媽的口味做女兒的當然清楚啦，還是煙三文魚比較適合她。賣相很漂亮，一道沙律河斜斜地分開了兩隻egg Benedict, 感覺清爽。英式鬆餅上放了煙三文魚、流心的波蛋及淋上了荷蘭醬，用刀在蛋上輕輕拉一下，蛋黃就澎湃地湧了出來。我自己覺得chef stage 的荷蘭醬質地偏稀薄但味道很好

第二次來Chef's Stage Cafe, 因為味道真的很好,所以上來讚一讚,支持一下。第一次因為WALK IN 所以在門外吃。不過剛剛吹東南風的位置,所以都不太熱。第一次很有驚喜，感覺有誠意,心思的食物。是點了DINNER SET 有湯或沙律+主菜+飲品面包是多士和餅條，有蓄茄和香草香味。光是配菜已經不馬虎， 都是用茄湯煮過的，有多點味道，不是白灼的。伴菜可以選粗薯條、薯蓉、焗薯。我這個芥末醬汁豬扒份量十分大，一個男生都可能吃不下。哈哈。朋友的牛排就比較正常。這裡的沙律,不管是跟餐或者散叫，都是有水準。味道好,新鮮。第二次,怕人多要訂位比較好。跟3個朋友一齊點了DINNER SET 一齊分享。最後記得點朱古力。 上面的忌廉是用奶打成,有奶香。不是用現成枝裝忌廉。

聽聞元朗有新餐廳可以食到egg benedicts!當然要試試！我地晏奏3點幾先黎，唔駛等位〜^_^Egg benedicts，正〜蛋味好濃，賣相都好好。另要讚讚侍應服務態度好好，好nice！廚師是酒店大廚出身的，我估佢地初初試業所以價錢唔高〜總括而言可以再試〜

家住元朗雞地附近，星期天是很難找早餐食！每間餐館都擠滿人！ 因附近有間大教會！話説當天同hubby找不到餐館，見到這間新開的Chef 's Stage Cafe 居然有很多位！望—望餐牌，怪不得啦，价$由$4X至$1XX！ 主食 brunch!基於附近冇位又有我喜觀的Egg Benedicts 班尼迪蛋配煙火腿，鬆餅及沙律，就試下啦！班尼迪蛋5錯！好香滑！好流心！我的hubby早晨全餐！都OK，但未到中午，佢話已開始肚餓！其它有意粉选墿！當然百多元嘅早餐有点貴！但試下亦可 !!

本來打算去附近的泰菜館食晚飯, 點知路經Chef's Stage門口, 見到放出來Display的食品賣相唔錯, 而且都幾多人等位, 所以就決定改係哩度食。 單看門面, 店舖面積唔算大, 坐位很少, 初時都怕要等好耐位, 等位其間, 店員的招呼都唔錯, 會KEEP位話比我地知仲要等幾耐, 又拎凳比我地坐住等, 好彩等咗一陣就好快有得入座。因為食品選擇唔算多, 所以坐底後好快就決定好要order的食物。先來一個 "意大利特式冷盤" (有西班牙辣肉腸, 意大利風乾腿及煙燻三文魚件中東包)分量不算大, 而且賣相真的很不算, 未食已經攞晒分 !味道方面OK, 同出面食的差不多。至於set dinner包括:廚師精選沙律 or 廚房推介餐湯Main Course冷熱咖啡, 茶或朱古力+ $18有每日星級甜品我地點咗兩個set dinner, 由於見到隔離檯個湯好似好好味, 所以又跟住點。忌廉蘑菇湯個湯味道剛剛好, 質感又唔會好水, 又唔會杰到好似糊咁, 仲有好多蘑菇粒粒 !仲有一客麵包同麵包棒伴湯, 分量小小地, 唔會滯住個肚, 而且都幾香口。最令人驚喜係個醬, 店員話入面加咗少少蒜茸, 連

上週日是運動暴食日，一家4口與2位舊友借打波為名，動手前不斷食食食，第一場就是樓下新開的Chef's Stage Cafe。小店位於開心小叙隔壁，10am-4pm供應的brunch set相當吸引，人氣頗為強勁，好在我們一早有訂位。是日被安排就坐冷氣開放的店內，其實夜晚來吃的話（隔壁店不開），就坐店外都幾清涼兼有情調的!　小店除了食物選擇清新吸引，定價還相當親民抵食，大家就點了4份brunch共享。首先是凱撒沙律($42)，羅馬生菜十分爽脆清新，加上適量沙律醬，以及片片芝士相當滋味，於悶熱的初夏特別合口胃；我們還加了$15配上美式香草扒蝦，一共有4隻之多，而且味鮮肉爽，頗為吸引的。 　個人向來超愛Egg Benedicts，故當見有班尼迪蛋配煙火腿、英式鬆餅、荷蘭汁及田園沙律($52)，毫不猶豫馬上點了，幾乎還想連點兩份! 事實上成品一點沒教人失望，班尼迪蛋切開有一定流心，香滑的蛋汁加上荷蘭汁，再襯以金門火腿以及美味的英式鬆餅，真是一件太幸福的事了! 吃膩了嗎? 伴碟還有田園沙律，起了清新中和的作用，整個組合實在太動人了! 另一款挪威煙三文魚多士配炒蛋及鮮蛋子忌廉汁($48)也

俾老婆話我無口齒，四年嚟一直無上載食評，咁今次新婚後寫下食評啦^^今次嚟到呢間喺元朗新開嘅餐廳，朋友食過話正所以去試下。坐低不久便來一藍麵包，睇落同出面餐廳無乜分別，但一點個醬汁就覺得好特別，我從未試過食麵包點哂啲醬，問啲職員先知隻醬原來係「自家制」，正！之後嚟碗湯係磨菇湯，一睇又係啲我唔好嘅攪拌機做嘅湯，但食落個味好濃好香，有啲似上次喺諾仕佛台飲嘅，好creamy，like!!嚟到主菜我最愛嘅Carbonara長通粉，呢個配搭好match，長通粉裡面載住啲汁，咬落去啱啱好，唔會太多又唔會太少，加埋店長親手幫我哋加刨芝士，再like!!!跟住試咗我同老婆馬爾代夫honeymoon時食嘅意大利飯 Risotto，我可以肯定呢間chefs stage 整得好好多，啲汁收得啱啱好唔乾又唔會濕滴滴，個飯又夠軟身，再一次like!!!再嚟呢個係店長推介: 外脆內軟嘅牛扒，但我感覺一般，可能我哋之前又飯又意粉已經食得太多嘢，又俾人話眼濶肚窄=.=|||最後老婆話要試埋Tiramisu，仍有進步空間。。。埋單時用咗朋友俾我嘅9折咭，好抵呀！下次再入嚟元朗一定會試多次，希望到時有多啲「自家制」嘅產品！

剛同朋友去完南生圍出到元朗鬼咁肚餓，見到呢間新開嘅餐廳都有唔少人等位，就決定一試。真係估唔到係元朗都能夠食到如此水準，所以就想係度介紹一下。其實間舖頭細細我地又成6個人又有狗仔，所以就坐係門口位置，環境上算一般. 我地選擇一人一個set dinner 同share小食，一開始送上一籃小麵包，最特別係個特制醬汁，真係一試難忘，因為平常出面都係只係比牛油同橄欖油，但係佢地個醬感覺係有D似沙律醬酸酸地再有D橄欖油用來點麵包真係好好味。仲有我地當日係配特濃磨菇湯，除咗同一般出面一樣打碎D蘑菇有飲落有粒粒質感仲有小小切片係上面點綴，味道非常濃郁。小食方面，我地點咗意大利特色冷盤，用料講究絕不馬虎。香辣雞鎚花伴薯條，如果喜歡炸物朋友可以一試，但本人就比較喜歡佢地D又粗又扁嘅薯條多啲。芝士辣豆肉醬墨西哥米餅，佢係好似小型Pizza味道一般，我覺得如果個底脆D會更加好。主菜，我朋友就揀咗：蟹肉蘆筍意大利飯，味道香滑可口，不過建議同人share食,一般意大利飯食得多都會比較膩。板燒穀飼澳洲肉眼扒，6成熟啱啱好切開仲保留肉汁。而我就簡咗挪威三文魚香蔥炒薯仔.忌廉波菜，魚皮煎到金黃香脆，薯仔波菜吸收曬忌廉汁