CHICKEN FACTORY (置富第一城)

营业中

休息中

今日嚟到第一城搵食，見到新開嘅烤雞店(我唔知開咗幾耐😅)我揀咗烤雞+焗薯雜菜，買外賣。打開外賣盒，望落去唔錯😋烤雞味好香香草味，皮仍然脆，肉有汁溜出嚟😋雞半隻都唔算少，夠飽。雜菜味道好好，焗薯仲正，牛油味濃👍🏻CP價高，有回頭！

$68隻，如果係3、4點或者五點買就$48，一模一樣嘅，會抵好多～～買返去嘅途中聞到好香好吸引返到去食都仲係熱辣辣！佢真係用爐燒嘅！雞皮燒到有少少趣，薄薄地、非常香口雖然食得出唔係新鮮雞（呢個價錢其實一定係啦），肉質林林地定但係都不失口感佢啲雞髀位都有好嫩滑嘅感覺！好好味😋就連仔空位都會覺得好鞋～同埋佢有黑椒粒喺面，有極輕微嘅辣辣地添加非常之香口吸引其實同斬料燒味舖頭相比，我會揀呢度嘅燒雞！因為非常抵食呀

之前叫咗個餐加配咗個小食 比咗小食但係盒雞唔見咗踪影 因為係外賣 返到屋企先發現 廢事追究但係今次又係咁 雞係比咗 但係小食冇咗各位真係要check清楚麻煩可唔可以執嘢食執齊啲 只係叫一個餐加樣嘢都可以執漏係想點

經過呢間食雞嘅餐廳，睇嚟唔錯，於是乎入去食個下午茶試試。見到呢個全日餐（$48）都唔錯，包半隻烤雞、醬汁三選一、配料三選二、飲品。烤雞熱辣辣，肉嫩有肉汁，香草味醃得唔錯，加埋牛肝菌汁，更夠味。雞油飯正常，但雞油味不重，撈埋牛肝菌汁食就好味啲。焗薯好味，焗得夠淋，香草味又夠。

【沙田•Chicken Factory】—————————————————————————每次都見到有人排隊 今次試吓Openrice叫定不過都要等30分鐘😳有啲誇張 🌟麻辣無骨雞飯HKD48之前試過海南雞湯麵 不過湯底好清淡 都係食飯啦黃油飯配海南雞 啲雞係幾嫩滑 旁邊備有麻辣汁雖則唔係特別好食 但T小姐覺得不過不失啦個份量就女士okay 男士可能唔夠食個飯係配咗碗湯 入面係有蘿蔔粒其實唔知個湯撈飯定飲 因為非常鹹 我放棄咗。整體嚟緊 味道係okay 但唔特別見到好多人排隊買燒雞 唔知係咪特別好食 不過佢啲燒雞又真係算平 原隻HKD68係限定時間買只需HKD48 屋企加餸都得服務質素：😊😊😊😊食物味道：👅👅👅性價比：💰💰💰💰人均消費 HKD48✨✨✨✨✨✨✨✨✨✨✨✨✨#nkiki沙田 #nkiki西式🏠 Chicken Factory📮 沙田置富第一城地下G37,G38及G38A號舖

其實呢到幾抵食! 50幾蚊就可以食到半隻雞，仲有配菜，雖然自己冇食過，但見到人地食，都真係見到幾大份下! 呢到係自助形式，自己點完餐再去拎。我就叫左麻辣海南雞飯，本身以為佢係調左味既海南雞，但原來佢個麻辣汁係分上，都幾好，又可以試下原味，又可以試下麻辣。雞係無骨雞，所以食落好方便。麻辣汁幾香，不過點得多食到最尾會咸。側邊D配菜幾好食!酸酸地，又幾開胃。 仲有個蘿蔔湯，成個餐都幾夠飽，可以encore!!!

見到第一城開咗一間專食雞嘅餐廳，裝修尚算企理，而且有個自動點餐機，比較方便。今次就叫咗一個佢哋招牌嘅燒雞套餐，成間餐廳都係用即棄嘅餐具，所以堂食或者外賣都冇乜分別。見佢堂食有位置，就坐咗喺餐廳度食。半隻燒雞份量都比較多，一定會飽肚。可惜係冰鮮雞，所以雞肉沒有那麼滑。雞肉可以加自己鍾意嘅醬汁，建議加，因為雞肉比較乾。個套餐都會有飲品送，可樂就唔需要加錢。套餐可以配油飯和時菜，兩樣配菜感覺都比較油膩。但整體性價比都係高嘅！

Cp值極高，一個女仔食，食雞都會飽。個雞入曬味，同埋估唔到雞胸位都唔鞋口，勁淋啲肉。薯仔係用新薯😍 已經有調味，唔洗點汁都好食。跟餐有兩個配菜，揀飯有油飯仲要唔洗加錢。本身跟餐有野飲，我就加多$2飲豆漿，豆漿就正常。

之前新開張見佢日日都排長龍，今晚想加餸，見無乜人排隊就一於俾次機會試一試佢。佢由下午三點開始到晚上八點，每個鐘頭整點都會出一次爐，賣$48特價原隻烤雞🐔🐔$48定時出爐限量烤雞🐔購買程序：⏱18:50到達，係門口排定隊，等派籌⏱18:55 呀姐出黎派籌，我係第七個✌🏻 繼續排住隊等出爐買雞⏱19:09 新鮮焗好，燒雞出爐，排隊俾錢兼即時拎埋隻雞走🐔🐔 唔係講笑，呢袋雞都有啲重量🍽🐔開餐😋食評：自己拆件，隻雞一啲唔難起肉，我唔係好識都好輕易起到肉，求其見到肉就撕出黎😂，直到見骨為止。一打開見隻雞焗到金黃色已經好驚喜，百里香烤雞都幾入味，唔洗點佢附送既醬料都夠味道。(btw, 感覺跟餐送嗰盒醬料好味精，係好味但少點為妙。) 肉質幼嫩，一啲都唔鞋口，以$48黎講，性價比好高，非常抵食。👍🏻下次屋企唔夠餸，絕對會再幫襯買呢個特價原隻烤雞。😋至於店家其他食物掂唔掂就唔sure，見好多人都話好味精，所以我都有啲保留唔係好夠膽買。

新開舖，朋友推薦，好多人試，我當然要試下！皇牌烤雞（半隻）($48),配雞油飯，焗薯，麻辣醬(可選) 好香好吸引，份量夠，食完好滿足海南雞($68)，朋友推薦，話好好食！今日食左名不虛傳，雞好滑，配薑蓉醬好正！

如果你鐘意食🐔咁就啱你啦！$48 去骨海南🐔飯🐔都算嫩滑，配雞油飯， 食第一啖都覺Ok, 但當你食曬成盒飯嘅時候， 覺得有D咸，而附送之蘿蔔雞湯，真係咸到入唔到口……飲左一啖……放棄了$48 半隻烤🐔餐有三款汁及三選二配菜選，再加野飲諗住烤雞， 會較為 (鞋) 口，但雞肉出奇既滑……份量都夠...……可自己配搭，無咁悶又平，質量又唔差……推介店内有洗手盆供客人洗手……

頭先落去買外賣，叫咗個一個正常半隻雞餐$50，另外叫多一個下午茶餐的海南雞飯$30，份量少得可憐。有圖為證，你地自己睇，個白飯盒size一半都無，好耐未試過見到咁驚訝的發現。點少的下午茶餐通常都有2/3份量。無下次！

剛剛食過屋企附近Chicken Factory新店的麻辣雞飯，配上黑芝麻豆漿，以下是我的食後感。不論你是點了海南雞飯抑或是麻辣雞飯，除了醬汁，內容都是一樣。雞已去骨，雞皮肥脂部份不多，肉正常嫩滑，麻辣不太麻辣，適合怕辣之人嘗試。這個價錢份量，在現時的租金物價來說，定價五十幾元算是合理。沒有什麼大驚喜，但如果一周吃兩三次也不會覺得厭倦（當然我不會這樣做）。至於餐湯是蘿蔔湯，湯味濃，有蘿蔔幾塊，味精難免一定有啲，OK。黑芝麻豆漿和正常街買的沒有什麼分別，不過吃完麻辣之後喝它會感覺比較舒服。如果去和近似在$80以下的的雞飯比較，我覺得在醬汁和雞油飯底方面仍然有一些改善嘅空間。整體而言，這個價錢和這個質量我是收貨的。