Chill Chill @449

营业中

休息中

今日去左西貢玩,好曬好熱,想食杯雪糕。喺巴士站附近見到Chill Chill @449有雪糕賣,仲有沙冰、手打檸檬茶、生椰乳同其他飲品,仲有得夾糖。雖然鋪頭細細,但都有少少位置可以坐低食。叫左杯Chill cup 雪糕 - OREO&朱古力,雪糕杯好大杯,拎上手好聚手,入面有3球雪糕,仲有好多配料,最底有OREO碎碎,中間有粟米片,最頂有OREO餅乾,熊仔餅乾同biscoff餅乾。食得出朱古力雪糕係用movenpick 雪糕,唔係一般嘅雪糕,雪糕入面有朱古力碎碎。$68大大杯,又有movenpick 雪糕,又有咁多配料,都幾抵食,食完好滿足,簡直透心涼。

夏天又到左去玩水嘅季節，面對d咁夏嘅天氣，必須以凍飲同甜品去解暑係西貢見到呢間充滿童趣嘅小店，有得夾糖，有以往樓下士多賣嘅唔同類型嘅糖，例如爆炸糖、可樂糖、精靈球，另一邊貼住當年當紅偶像嘅海報，例如飛輪海、棒棒堂。大電視播住甜品&飲品嘅介紹，有依傢最興嘅手打檸檬茶、生椰奶系列、綿綿冰，仲可以加錢要霸王杯，超級大杯今次就揀左芭菲杯系列嘅曲奇奇朱古力系列，朱古力雪糕係用movenpick 嘅雪糕，一杯樂因杯，面要鋪滿小熊餅、脆脆筒、曲奇餅同彩虹碎碎，色彩豐富。底面都有大量雪糕，份量十足，內層有曲奇碎碎及粟米脆片，增加層次感拎住係西貢壁畫 ，拎住個芭菲杯，岩哂打卡

星期六去左西貢玩, 天氣好熱, 好想食雪糕, 行經呢間雪糕飲品店, 好近巴士總站, 過條馬路就到, 呢到裝修好得意擺設左唔同公仔可以打卡, 又有糖果售賣, 店內有少量座位可以坐低食~ 選擇種類都幾多下:*Chill cup雪糕杯（包含MOVENPICK雪糕)*Chill Chill綿綿冰*手打香水檸檬茶*水牛奶奶茶*Take away Mocktail (無酒精手調特飲)我地就叫左芒果&熱情果雪糕杯 ($78), 疊得高高的, 好colourful, 很適合打卡, 哈哈! 芒果味雪糕食落好滑, 芒果肉香甜, 底下有脆餅, 綿綿冰好冰涼, 熱情果酸酸甜甜夠醒神, 呢杯雪糕杯口感層次豐富, 食完即刻消暑降溫~

夜晚去chok墨魚早少少入咗去西貢行吓，冇諗到西貢去到四五點都咁熱，熱到就嚟暈，食完西貢名物菠蘿油之後於是去了chill chill @449試下，甜品店主打綿綿冰雪糕新地及各種飲品，餐廳非常有誠意地用上Movepick雪糕，非常抌本。見到其他人嘅雪糕新地非常足料，我哋2個人叫咗個芒果加熱情果雪葩新地share 黎食，一人一個真係食唔晒。熱情果雪葩入口清新酸味十足，配上芒果Movepick雪糕，粟米片，窩夫等等，非常抵食。另外叫咗杯冇酒精Cocktail 梵高下之星空，青檸荔枝及蝶豆花溝製意成，非常適合我個人嘅口味，亦都清新消暑。由於一陣要去chok墨魚，於是我哋叫咗一杯無糖鴨屎香檸檬茶仲加咗$12轉霸王桶有成1公升。檸檬香氣配上香濃嘅茶底，霸王桶亦非常適合大家去西貢戶外活動。

西貢隱世小店 正正子炎炎夏日經過西貢 見到依間甜品店 試叫左杯雪糕系列曲奇+朱古力 店內貼了不少甜品的樣式讓客人未下單已經預先知道大慨的樣子坐了下來等一會 就製作出來了有得take away或是坐下慢慢吃我與友人在西貢玩完水 時間不趕當然是坐下來慢慢吃本黎全身都熱到流曬汗 坐了一會冷氣已帶走了我們濕熱的感覺不久 甜品來了冰凍極了 涼入心 解熱一流 仲有兩張雅座供客人坐一下西貢玩完水最佳選擇下次滑完水玩完水上活動一定再光顧