Chin Chin Thai Cuisine (康怡廣場) (已結業)

今日諗住一家人慶祝生日...諗住人多，就去屋企附近新開嘅呢間泰國菜食晚飯，等咗大約一個鐘，終於入到坐。第一時間，緊係雪咗個蛋糕先啦。不過奉勸大家如果想慶祝生日就最好唔好嚟啦！因為佢地絕不提供暫存任何蛋糕嘅服務！建議各位黎之前有特別要求，最好打個電話問一問！因為真係估唔到咁大間餐廳，連咁簡單嘅要求都話唔得，一句「我哋無雪櫃」，搞到個蛋糕做咗前菜！只怪自己無一早打嚟問，亦無諗過連大排檔都做到嘅要求，佢都做唔到，下次唔會再幫襯😡！

電話已booking, 去到話無落簿，無位 wow, 態度極惡劣，跟住比電話記錄佢睇先無聲出，跟本係自己忘記就將責任退比客人，處理手法極有問題，重要同客嗌交其實只要客客氣氣，同客講我盡快安排反個位比你已解決問題，去食飯如果咁受氣，我會選擇一間食得開心嘅

太古城嘅越泰餐廳唔多，開咗間新嘅泰式餐廳簡直係天大嘅喜訊。試咗幾次唔同嘢，真心覺得呢間食物嘅味道好有水準好可靠。食咗幾次最推薦嘅佢嘅泰式船河金邊粉，因為佢嘅湯底實在太濃郁太入味啦！個人黎講呢個係我食過最濃郁湯底嘅湯河 佢連啲配菜都好好味，除左有豬肉片，肉丸外，仲有豬軟骨同五花腩 (個層肥肉唔油 )仲有重中之重炸豬皮！啲肉點跟餐個酸酸地辣辣地嘅醬，我覺得我可以encore 食多碗。跟埋杯真.西柚茶好解渴同refresh。]佢唔止個湯底，連個金邊粉都好薄好幼好透，好索汁。]

好味道上菜快、泰國🐘beer👍🍺、坐位多所以等待時間不會太長⏱、價格合理💰、地點方便坐地鐵🚇太古站落車出A出口上lift可達😄、經理人員服務態度好寫菜快👍👍👍

如果星期六日出街食飯, 一係就去間有得訂位; 或者食6點頭輪, 如果唔係就有排排隊等食啦~康怡廣場最近開左幾間新食店, 其中一間係泰國菜chin chin, 環境寬敞坐位多; 食物種類都好多, 我就點左 #冬陰公海鮮湯 #牛油果芒果軟殼蟹米紙卷 ,仲有 #泰式鐵板煎蠔仔餅鐵板煎蠔餅好有鑊氣, 泰式食物係偏濃味, 整體都幾好味, 係個冬陰公咸左少少, 可能係我近排食得太清淡?!btw, 真係要食頭輪, 未到7點已經坐滿人; 外邊仲排擠滿人龍

喺鰂魚涌康怡廣場 開咗一間新嘅泰國菜 鍾意食泰國菜嘅我哋 當然就唔會放過呢間新餐廳 馬上就去試味我哋六點鐘已經到達一邊已經有幾枱客 我哋揀咗一張戶外 這座位 話就話戶外其實即係店舖外餐牌選擇多其實同一般泰國餐廳冇乜分別 我哋就點咗冬陰功湯 黃咖哩牛脷 香茅豬扒 泰式燒雞 要等半個鐘 冬陰功湯好快就送到 而且佢哋仲有一個爐仔 暖著每一道餸 前期都覺得幾喎心 後期呢就差啲煮到嘢食到燶埋。冬陰功湯味道唔錯， 香酸甜三種味道平衡不錯，但太油。 我畢咗第一碗湯飲， 成口都係油 。雖然係咁但係佢嘅調味同料 ，足以補救呢個缺點。仲有就係紅咖哩牛脷 ，同樣係有個爐仔跟住 。我一開始以為係我最鍾意食嘅炒紅咖哩， 見到係湯有啲失望， 而且有啲希。 但係滾一滾之後愈煮愈傑， 質感都唔錯 。味道方面就好好，薯仔夠淋，牛脷都夠牛味又好味 。香茅豬扒不過不失 ，香茅味夠， 豬扒不過不失 。等咗45分鐘終於等到泰式燒雞，同我喺我最鍾意食嘅一間泰國舖 相比都係有啲距離。 我個人覺得唔值45分鐘嘅等待，但都係幾好食嘅 。買單價錢合理，但唔算抵食 ，諗唔到食咩下次都可以再嚟。

一向鐘意東南亞菜色的我，聽聞康怡廣場開了家正宗泰菜，朋友介紹是純泰國師傅的始祖當主廚，在九龍城的開泰菜館的老闆也極力推薦，所以我當然不會放過，果然一試成主顧👍👍👍👍👍😊尤其推薦這道混搭西式的西冷牛排沙律⋯⋯⋯醬汁清新，西冷juice～簡直令我難忘～要推薦給食家們⋯

前幾日食左間港式茶餐廳味道既泰越餐廳，覺得好失望。要再覓食下！呢排太古康怡三樓開左間新泰國餐廳，聽聞泰國人做廚師👨🏽‍🍳晚上7點半到等左幾個就有得入座。首先叫左近年hit起既泰式船河（金邊粉）材料有通菜炸豬皮豬肉豬軟骨豬腩肉同肉丸！湯頭幾甜，加醬後變酸辣，一碗麵試兩種口味！冬陰公 味道鮮甜帶少少椰香後尾有酸辣味。啲青口肥卜卜又肥美，蝦不會有死實的口感材料好足夠又好吃！青咖哩豬頸肉 一啲都5辣反而幾甜咖哩幾幼滑，重有荔枝肉配咖哩！今餐呢☺️大滿足