Chow Chow Cafe

营业中

休息中

元朗真係好多好野食，今日黎到鳳攸南街， 好多食肆都可以坐室外， 我當然有帶埋我隻🐶🐶狗狗黎搵食啦😁我哋今次就揀咗呢間門口都幾多位又好整潔既西餐廳。我地揀左2個set dinner 一個係帶子黑松露忌廉汁燴飯，另一個係黑松露醬抄蛋豬柳漢堡包🍔呢度D waiter 好好人仲經常幫我哋換碟☺️先黎既係沙律🥗加腸仔，都👌🏻跟住係餐湯同餐包，一個係羅宋湯一個係黑松露忌廉湯， 個包仲熱架， 好鬆軟，點湯食超正， 黑松露湯又香又滑好正羅宋湯都好香茄味之後黎主菜， 個漢堡好多醬，豬柳都好腍好好食，薯條都熱辣辣好脆好正至於燴飯一樣都好好味， 好香黑松露味， 上面既帶子煎得剛剛好最後仲有餐飲同甜品， 雪糕係椰子味好清新好正會再黎食

呢個朋友好難約，因為我番九至六佢番shift，好難夾時間，即使大家住同一區！終於約到啦～咁食邊間好呢？朋友剛開始養狗，想帶住佢一齊唔想掉底狗狗，於是專登揀間可以攜帶寵物嘅餐廳！當然因爲想比佢周圍行，所以坐戶外，有一個缺點：隔離枱都是吸煙的，焗死我！打開餐牌，揀左set dinner,都好食野食，外貌普通，但會覺得估唔到幾好食，好似個金菇肥牛卷，我覺得做得好過好多餐廳！個帶子熟得剛剛好！沙律同湯就一般啦⋯⋯最尾仲會送個甜品，迷睇佢又係咁平凡，好食架！幾好的一晚！

近日多了幫襯這間餐廳多次，嚐過餐湯，味道可以，餐包烘至趣趣的，十分可口雙重芝士雞扒：份量足夠，任選薯菜、飯，意粉，雞扒質感不錯，味道良佳，配以火腿、菠蘿，這配搭很好，吃肉之餘又可嚐開胃的菠蘿，另有少量薯菜，不是冷冰冰，而且有紅蘿蔔、瓜等，賣相漢堡配飯，漢堡厚厚的，差點吃不完，賣相相對較前者稍遜，味道不錯檸檬茶正常留意是星期一至五有數款甜品，我試過紅豆焦糖布旬，好味，椰子雪糕也不錯。假期就沒有整體對餐廳食物印象不錯，環境也舒服，如果有寵物就要坐在外面

平時一個人諗唔到食咩，都會落黎呢間cafe食lunch 皆因佢真係好抵食，質數好😋😋平時黎呢到食開意粉既。今日食魚柳薯條 因為天氣熱唔想食飯。講講個魚柳 應該輕輕用胡椒、鹽淹過 ，最驚喜係上面個醬，有蕃茄同溶左既芝士 ，蕃茄酸酸甜甜 配埋芝士 味道好夾 而且一齊食既話，個魚柳既魚味仲出左，👍🏻👍🏻👍🏻👍🏻好好味另外薯條係粗薯，炸得好香脆，最鍾意就點大量茄汁黎食同埋呢到坐得好舒服 放假一個人黎食都好relax😋😋

行過呢間餐廳中午時段唔使排隊，望一望個logo，日本過江龍波！我仲記得係東京買過呢家出既芝士餅乾，幾好食架！⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀炸雞配薯條 $58⠀⠀⠀⠀⠀⠀⠀⠀⠀日本既炸物一向無得輸，呢到都唔例外！炸雞🍗醃得入味，炸得脆口又唔油，薯條條條都又粗又長🍟最重要係沙律🥗加左黑醋，中和反食炸野既油膩罪惡感～⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀mocha $38⠀⠀⠀⠀⠀⠀⠀⠀⠀有少少失望，以為會有拉花添~不過另外有小驚喜，就係送左3塊唔同口味既芝士餅乾吖！零售一包10塊裝賣$88架～⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀

話說琴晚同阿媽食生日飯，訂左位個間無比到枱我，咁就諗住一係泊左車前面個幾間揀啦！咁樣就發現左依間Chow Chow Cafe!開始以為佢係酒吧黎，睇到Menu個覺得價錢合理就坐低左！服務一啲都唔求其，例如餐包係熱既，我地坐出面都會不停問洗唔洗加冰水，又會幫我地加冰水入吹風機^ ^ 琴日咁熱但都食得舒舒服服架～食物方面相當有水準，而且上菜速度都快既！我地4個人叫左4個餐一齊些牙食，份量係西餐風，大大隻碟但得中間會裝野，算合理。

熱辣辣 搵個位飲一杯 冷氣夠勁，或者講室內溫度寒冬咁feel附近的環境靠近街邊，如果需要泊車也方便。如果收工後的聚會，算好Hea的聚會最適合親朋好友聚在一起聊天 飲酒偶爾食下扒。

已經幫襯過幾次每次都吾會令人失望除左食物高質 服務同環境都加分今晚約左個姊妹聚一聚傾下計 即刻諗起黎chow chow cafe兩個人叫左黑松露帶子意大利飯+肉眼扒因為張枱比較細 waitress好細心同我地講食完一碟先再上一碟飲完湯就上主菜 - 黑松露帶子意大利飯好有驚喜 個飯香口又夠軟 帶子煎過好好味睇落好細 但食落份量岩岩好比滿分跟住到下一個主菜 - 肉眼扒薯菜薯條夠脆口 份量又夠大牛扒都夠淋 點芥辣醬好美中不足⋯叫左五成但佢比八成不過好彩吾會un 好味既！最後仲有甜品食（吾記得影相）飽到呢⋯總結黎講 超級滿意既一餐一定會再幫襯

今日中午黎Chow chow 食lunch。餐巾好得意，有d狗仔腳印。我地食左燒雞沙律，好大份，好多菜，好多又厚又大舊加好味既雞肉。跟住係芝士龍利柳意粉，魚Ok，但意粉就一般啦。最後仲送甜品添。

Chow Chow Cafe喺雞地屹立多年，keep住受歡迎，好多時冇訂位都冇位，食物質素好一定係主因。午餐餐湯係粟米磨菇湯加面包，要讚吓餐包暖笠笠，配合牛油簡直完美！蕃茄芝士龍脷柳配意粉，配菜豐富，有多種蔬菜，蕃茄同芝士味都好濃。藜麥烤雞沙律，份量好足，食菜都飽！甜品係菠蘿雪糕，唔太甜，但好香菠蘿味，入面仲有果肉！朋友就食焦糖燉蛋，味道唔知，不過賣相好吸引！最後梗係唔少得咖啡一杯，十分香濃，鮮奶係熱的，好貼心

今次第2次幫襯了。上次試左意粉及素漢堡，味道及賣相不錯，今次再來。今次點了鰻魚芝麻醬冷麵及鴨胸蘋果沙律。麵包非常鬆軟新鮮，南瓜湯亦不錯。沙律超級大份，賣相很好，味道不錯。鰻魚亦很美味，但麵卻麻麻。麵大小不一有粗有幼，不特別美味，普通粉麵。芝麻醬太少，亦沒有味，如不看餐牌我不會知那是芝麻醬。店內很多電視，3個不同店台，令人很難不看電視。除室內亦可選擇路天茶座，今天好幾隻小狗在鬧交，好熱鬧😘。又有chow chow 的大海報做牆紙，這間店令愛動物的人去得好開心

每逢週末的下午，這餐廳都很滿座，室外通常都是座滿帶狗狗散步的顧客。因為到達餐廳已經是四點多，所以餐廳不算人多。餐廳座位寬闊，周圍都是chow chow 狗的裝飾，店主一定好鐘意chow chow！本來想試全日早餐，但店員說下午茶時間不供應，唯有點下午茶餐吧！下午茶餐的款式都好特別，不是普通茶餐廳的三文治多士。首先叫左日式咖哩雞肉漢堡飯 ($58)這個咖哩飯不算很好，咖哩汁不辣，但不夠厚，咖哩味也不夠濃。雞肉漢堡味道一般，比較腍，沒有口感。飯的份量不算大，可能我們太肚餓，當午餐有點不夠(哈！唔知下次可否叫多飯呢？！太為食！)。招牌菠蘿蝦肉漢堡包 ($48)這個要俾like！賣相很吸引，一層層，很分明。蝦肉漢堡很厚，而且很彈牙。加上菠蘿和沙津醬，味道帶點果香，甜甜酸酸，跟蝦肉很夾。點了杯熱奶茶，喝到最後，原來黑白淡奶杯底有個很得意的公仔，有趣！總結，雖然咖啡飯普通，但蝦肉漢堡有驚喜。餐廳座位舒適，服務也不錯，相信我會再來試試其他款式，尤其這次未有吃到的all daybreakfast！

以往，住元朗逢親星期六日，大多來這個地方吃東西當時服務態度良好，更推薦狗狗朋友來吃。今天再回來，真的食到乏味：1.食物不論質素還是味道，都比以往大跌，Yvonne喜歡吃他的豬扒，豬扒厚且十分多汁，但今天薄薄的一塊，還居然加一塊火腿扒，但是多謝晒😒2.服務態度：可能以往冇乜人，現在人流旺了，便都覺得一個半個客可有可無吧3.仍可取的地方，是可比狗狗吃東西，亦有包包免費給狗狗4.餐湯仍如以往一樣好味。

平日都成日呢一間餐廳度食午餐，覺得性價比好高又好食又唔貴。今次第一次嚟食晚餐，係同朋友一齊食嘅生日飯。整體都滿意， 唯獨是個豬鞍唔係幾好食，有一陣豬嘅臭味，啲肉又好鞋。所以我同朋友食咗少少都已經模式。另外叫咗個黑松露意粉，呢個就好好味，份量都正常。我同朋友都將個意粉清曬。另外，個餐係跟甜品，有幾款唔同嘅選擇俾你揀，我揀咗椰子雪糕，呢度嘅椰子雪糕好好食，每次我都揀呢一款。希望該處下次可以整得好食啲，其他都冇問題。

以下食評為本人親身體驗，自費體驗，非廣告打手。呢間餐廳都食左幾次，如果晚上黎最好前一日先訂枱，咁就一定安排到室內坐。室內環境燈光幽雅，大約五張枱，傾計都唔會覺得太嘈。呢點我非常鐘意。半年內我黎左三次，主餐單菜式無變，所以每款我都差唔多試過哂，包括卡邦尼意粉. 牛扒餐，大蝦意粉，意大利飯....總括黎講 每樣食物水準穩定，而且個套餐好豐富，有前菜，通常係沙津菜加一件炸蝦/炸魚，有湯配麵包，主菜，餐飲，最後仲有甜品（多款選擇），個個朋友食完都會一齊捧住肚子走，最緊要係價位合理，平至128 一個意粉set，最貴都係大約240 牛扒set，幾個朋友的話我通常都會share主菜食。如果想三五知己靜靜地傾下計，呢間西餐廳係唔錯的選擇。與其去yoho outback，呢邊仲多小店可以揀啦