Ciao Ristorante Italiano (已結業)

只是看雜誌廣告去試這間餐廳，裝修簡潔舒服，也可寧靜地享用我的晚餐~頭盤是自助形式,但選擇不多，我選擇了沙律菜，水牛芝士番茄及翡翠螺，翡翠螺是全晚最好味的！不過間中會有一隻有砂及腥。蝦串燒，太小！沒鮮味，應是雪藏貨。焗蚝，感覺像吃蠔豉，好腥！炸蝦，粉很厚，沒蝦味！薄餅，夠脆！但不夠番茄醬及餸！燒番薯，變壞了，所以只吃了一口！主菜是要order的，叫了燒尤魚，太乾，沒味~燒魚，一般~燒腸最好味燒牛柳，算不錯，起碼不會"un"燒排骨，ok,個汁還可~甜點不用浪費唇舌講，完全不及格~整體來說，not good lor~

大約在一星期前,如沒有記錯應該是10/9,約了朋友一起來到這間意大利餐廳享用晚餐...當天晚上被安排了坐在二樓,由一位男侍應帶我們上去,二樓環境個人感覺比樓下幾好的,光線不會太暗也不太強因為朋友還沒到齊,所以還有沒有ORDER叫東西吃在我們等待朋友來的時候,竟然發覺男侍應自己拿了一碟食物進了二樓的房間之後沒多久又有一位應該是廚師拿回了那碟東西走了...讓人感覺很差的喔!朋友到齊了就開始叫東西吃,那位男侍應開始幫我們ORDER...巴馬火腿沙律 感覺好FRESH生牛肉 望落去血淋淋的樣子,但放進口後感覺不錯的!石蠔 味道一般般田螺肉 很大,但沒什麼味道的羊比肉,牛仔利 羊比肉很香呀,牛仔利味道也不差!食物來得很快,,,感覺不錯喔!!之後客人開始多了,侍應的工作也多了,那位男侍應說話的聲線變得漸大,而且也很粗魯感覺就像在茶餐廳一樣....之後再叫了很多食物也不錯的,可惜忘記了令人最深刻的是翡翠螺 很新鮮呀一人吃6隻也感覺不夠的甜品有3款,我選擇了木"康"布甸,沒什麼特別!!總結餐廳食物不錯,但員工行為/服務真的有很大改善空間!!!

果日女友介紹我去, 去到佢9張台得5張有人, 但伙計無打算俾個新位我地坐, 講話"個d留俾4位的", 但果時己見過左夜晚8點, 佢地10點半last order的, 真係咁睇好自己重有大把生意?結果.... 野食okay好味, 但服務上好多地方有問題:1) 死霸位. 有空台, 但要我地等一張夾中間2人台埋單後先執台俾我地坐; 但最後完場都有3張4人台無人坐過~2) 唔考慮顧客的需要! 因為逼, 無地方俾人放手袋(椅背又太滑), 叫左伙計, 伙計都唔肯俾張椅子我地放袋, 理由係d椅太大張! 結果我女友要將個新LV袋放係地下law~3) 無禮貌. 佢地買埋隔離鋪的, 我地見好逼問佢可唔可以轉位坐果一間, 伙計竟然話"隔離食埋燒烤的, 好貴喎~" 言下之意, 係咪暗示我地食唔起? 佢連罵便幾多錢都無講, 就咁樣一句"dust"埋來, 好狗眼看人低law~雖然感覺食物抵食, 但無興趣再去law~

昨晚一行七人到此餐食飯開飯及慶祝生日, 由我們坐定到下單, 食物來得很快, 但本應是熱的食物, 來到桌也只是有點暖暖的並不熱.食品味道不錯, 只是溫度控制較差. 所以全晚最受歡迎的是涷翡翠螺及凱撒沙律......其他一般, 不太好也不太差.除此之外~ 食品的味道沒特別, 跟普通西餐廳沒分別~ 另外服務員時常忘了添水, 除了這點外, 她們的服務太態也很好.總括來說~~~ 試過就好, 不會再去第二次.

平時好小寫食評,D 店舖食完唔再補襯就是,人地都係搵食,但呢次實在食得太火滾,6299 同埋姑拉,老公都叫我要上網劣評,仲催左我幾次.不過為免再有受害人,都係要寫呢間店之前未補襯過,寫食評覺得好似唔錯,所以WEEKEND 去左食,食完一肚火,只可以講呢間食食物普通,但係SERVICE 只可以以"垃圾"2字形容第一輪叫食物都OK 既,因為之前試過任食叫得太多關係,我地第一輪只係叫左小小點知到第2輪叫野,就出事個男WAITER唔係好想幫我地落單甘,寫左幾樣就轉身走,我地要叫返佢返黎,個樣仲黑哂面,好似欠左佢甘,佢張ORDER 單無講明,但係我地6個人, 每樣ORDER既食物,無論ORDER幾多件,都係得6件,order 意粉,飯個d,我地成6個人,但無論order幾多碟都係得一碟!!!!!!!!但6個人一碟!!!佢既一碟係得幾咪份量,仲要隔成十幾二十分鐘先黎一樣,叫個湯,坐低order ,其實佢都係畢,到我地埋單先黎,成個食飯過程就係不停催單,鄰座有d 頂唔順走左,我覺得比左錢無理由唔食飽走,我地7點等到9點幾,係甘催,每次催佢就上小小...我地見佢樓上同旁邊仲有好多枱,坐哂人,根本佢地就

兩個人夜晚去, 因為一早訂左位所以去到唔洗等一坐低個waiter就問我地係咪第一次泥, 我地話係, 佢就介紹左d沙律同頭盤俾我地一開始佢俾我地既印象都幾好..但係之後既服務態度就好差啦, 先容許我講一講waiters既服務態度再講d野食一開頭諗住加$48任飲紅白酒, 點知佢地話唔夠紅酒, 所以淨係可以任飲白酒冇紅酒飲, 最後都冇加錢飲野個老闆娘話因為d蠔唔夠, 所以每人限叫兩隻冇得任叫, 佢首先上左兩隻俾我地, 之後我地諗住叫佢上埋另外果兩隻, 個waiter話每人只可以只兩隻架咋喎, 頭先咪上左俾你地囉, 我地話頭先淨係上左兩隻咋喎, 跟住佢好悔氣好似好唔願意咁叫廚房上埋另外果兩隻蠔俾我地我心諗 你d蠔又唔係特別大隻好味 我洗唔洗貪你果幾隻蠔呀跟住食食下發現我地頭上既冷氣機滴水, 我地就話俾個waiter聽叫佢印一印d水, 點知印完都係滴, 佢就幫我地熄左部冷氣過左陣唔知邊個又開番部冷氣機又滴水, 今次仲液左落個頭同隻碟到, 跟住我地又同同一個waiter講, 佢"哦"完一聲後又熄左部冷氣又過左陣個老闆娘就問另外一個waiter(唔係幫我地熄冷氣果個) "果枱(我地隔.離再隔離果枱)

因為打左幾日邊爐的關係，所以想食西式野！行行下，暴龍推介左178蚊任食.細看之下，原來係全個menu都任叫別任食…真係good! 最適合d好似我多心既人！估唔到星期三都咁full..無book位，都係坐outdoor seat!~個男Waiter知我地第一次來，即話幫我地order幾款頭盤，好NICE. 如下：唔知叫左幾多碟.芝士焗蠔 (有少少殼!~)意大利生牛肉 (暴龍encore左N次)田螺 (淡左d, 暴龍話清清地ok!)翡翠螺 (Ok Fresh!) Casar Salad每樣都兩件仔，好好portion, 可以試多d!~個Soup of the day係南瓜湯!~好正，又encore左多碗Drink方便:l $28任叫~~暴龍就order左三款，都唔錯，而我就$68任飲紅酒！都ok, 甜甜地紅酒！主菜叫左:燒牛肉 (乾身左d!)羊仔脾 (good, 又encore)牛尾骨 (好soft!)Pasta就冇配料，齋粉，味道ok!~意大利野唯一遺憾係冇Pizza叫！不過$178真超值!~暴龍一路食一路話抵!~甜品時我已Full Full 地:食左幾啖，由暴龍包底，Thanks!~t

星期日晚訂左台, 唔係好多人都唔係第一次去食, 因為尋晚落大雨, 好悶熱, 想食salad唔知有冇人好似我咁, 專登比正價食salad做main course又好似好唔底咁, 所以就去左178蚊任食.一坐低校係ceasar salad啦!太正喇!加多個parma ham salad, 感覺好fresh唔知叫左幾多碟.仲有佢個芝士局蠔又係好好食.我自己都差唔多食左成打呀!wakaka意大利生牛肉又係好新鮮, 食倒牛的甜味田螺就真係唔得喇.好似白烚咁.完全冇味可言.得個大堆頭.但係堅唔好食囉.仲有個燒牛肉加吞拿魚汁, 個汁好好味呀!不過d牛肉鞋爆主菜, 其實去過幾次, 我既建議係, 兩三個人最多叫一兩碟粉類好喇!佢會勁大碟,同埋唔係幾好食.唔食曬又好似唔係幾好同埋好似冇咩配料!另外, 香草羊仔脾同牛尾骨都好好食, 叫左兩round.其他燒牛肉就唔得喇, 好"un", 魚果d都唔得, 好鞋同好雪藏甜品一人限叫一個. 我地岩岩三個人一人一個.我次次都一定係食佢個chocolate mousse!好濃朱古力味, 唔太甜, 真係好ok!木康布din, averagetiramisu, 直頭係差呀我

為了避開旺區人群, 我們便駕車入深井覓食, 兜了一會, 泊了入陳記後面的停車場後四處步行, 看看除了幾家燒鵝迨外還有什麼選擇.. 結果走至這裡, 我們停下看看餐牌, 便決定進餐 等位十分鍾, 時間剛八時, 內外都是滿座的呢!我們被安排坐裡面, 似乎有點嘈, 不過只是有一枱人客不顧其他人的感受在高談闊論及大笑, 不可怪環境不好呢.... 由沙律開始, 幾款都不是太突出, 於是進攻至前菜及湯味道不錯, 可惜只是殼大肉不多不妨一試主菜: 有水準, 不過很飽肚呢非常香脆, encore蝦美味, 牛仔脷100分!非常像樣! 超濃咖咖菲, 絕對不是馬虎!總括今餐, 食物是可以的, 個別職員態度有待改善, 每道食物的份量純屬'以供嘗試'的份量, 方便客人盡量試多些不同食物, 這算是周到!

住深井，所以間唔中就去食...食左有2-3年.......以前無咁多人.....靜靜地，好有郊外feel.....當然野好食，抵食先會紅......可能始終人客多左, workload多左.....你未講完order, 佢差唔多會話落住先la，一陣再落, 或者你叫n咁多次都唔得閒應你anyway, 食物質數仍然好好, D salad, 我都仲係忍唔order十碟....$200加埋一，ok o既....打呢遍野，只係想話佢地知，我明白佢忙，笑一笑，我做客，我食都食得開心d....有一兩個女員工,應該新黎(半年前無見過佢地)雖然好忙，都好落力，應應你，笑住叫好快黎，有個男人黑面黑到，每次order，都好似我欠佢錢咁..有個應該士頭婆..都係做到惡惡地咁.....)我今晚食得有d upset...希望下次唔會......如果下次一樣，我應該唔會再黎

用那麼便宜的價錢可享受不到款式的食物也算吧！ 用$48任飲紅白酒也不可要求什麽。 每次叫的食物只是每人一、兩件但也用了一只碟盛載， 感覺有點浪費及環保。 建議可用一只大碟放上不同種類較好。 由於所用的碟是膠做更感覺到在快餐店進食，幸好有酒在手便再沒有這種想法。 翡翠螺不是那麽鮮故此不覺特別。 其他食物也是平平。由於那天是星期二環境也不太嘈，座椅也舒服但燈光微微暗些會令整個環境更浪漫。waiter只得兩位, 態度也很親切。

明明室內有位就唔安排比你，要你坐出面食風，又話有人訂左，跟住又有一班人walk in，又比左人坐入面，跟住我話我都要坐入面，同佢理論，佢又話人地有訂位，當時我等𢴇枱時候聽到后到的一班人在討論去那一間吃，所以我肯定那班人一定是無訂枱的，不知所謂，大話連編。太度勁差。

難得假期，想輕鬆一吓，好耐無入深井，於是決定走一轉!有室外同室內，梗係揀....室外啦!! 有少少風，都幾舒服! $148任食，叫左香蒜辣椒蜆肉白酒天使麵、一個拼盤 (焗生蠔、我既其中一個至愛翡翠螺、吉列蝦、同炸芝士) 、仲有個火腿雜菜沙律............(因為任食，叫左好多野)，最後見佢有個tiramisu，飯後甜品可能係坐室外，野食會快凍d，可能人地出菜既時候無咁凍掛.....我鍾意個意粉，少少辣，但香，唔係死辣...個蠔夠大隻，但有少少鯹。講少左牛尾骨，唔韌、入味。生牛肉我就唔係幾識欣賞了。本來可以加錢飲紅白酒，但食lunch飲酒好似誇左d，下次啦!呢度個景唔錯，放假入黎hea一流!

好多款式...8個人試都試唔哂...服務幾好...但次次要待應幫我地mark食d咩...好徙時間...嗌到自己都有少少唔好意思...加多28蚊任飲原來唔算抵...因為杯野飲好大...根本飲唔哂...餐牌上大約有兩三款野食係冇供應...都算ok既...總括大部份野食都好味...但有d太咸...真係可以食到爆肚都唔覺...走果一刻行唔郁咁滯...推介多d人去試多d野...記得早一天訂位...

今日同女朋友黎今晚飯,因為Ciao係任點任食既意大利餐廳,比較少見,所以決定試一試餐廳既裝飾幾舒服,唔會太grand,食很好自在,侍應生收碟速度好快,態度積極,主動,有禮貌,唔錯唔錯食物方面就正常水準,芝士條好脆,芝士可以拉到好長,好玩又好味,什菜燙夠香夠清,唔係味精水,野菌什菜沙律跟黑醋汁都ok,但野菌唔夠味,黑松露菌汁燴闊蛋面值得推介,黑松露菌汁夠creamy,淡淡既黑菌味,三文魚蕃茄天使麵蕃茄味濃,三文魚香夾滑,唔錯,而野菌燴意大利飯就太濕,唔夠野菌味,有少少失望,Tiramisu的手指餅太多,cream少了點,咖啡味夠,on top的不是谷古粉而是朱古力粉,我自己比較鐘意谷古粉多d,食物份量唔大,客人可以試到更多種食物,細心既安排有空既話我都會再去,因為pasta非常有水準