CoCo Cafe

营业中

休息中

假日真系好多人 等餐等左半個鐘都算～因爲平時食開lunch系幾好食既～所以就好期待～點餐果陣套餐系寫明有多士～點知等左半個鐘～餐黎到先話無多士～賣曬 ～放低就走左～完全無問過我介唔介意～唔系想R平～系唔系應該落餐前就要同我講？同埋應該要尊重下我～問我要唔要轉第2樣野～我唔需要我既事～我嬲嬲地～嘗試問多次服務員無多士咁點～佢答我～無就無架啦～今次我忍～因爲唔會再幫襯提提會去食既師兄師姐～唔好叫炸魚柳～黎到都凍冰冰～好難食

假日食物凍，出餐超慢，平均超過30分鐘先有野食，因為人多，比少咗件多士，就咁用手拎到你面前，你係入面用咩都好，出到黎咪用手喇唔該！用手拎住件多士去到我面前令我大開眼界。去呢間食一定要平日下午茶時段冇人先好去。今日好多人都坐係到由凍飲等到變熱，熱飲等到變凍飲，出前一丁浸到林哂，等到咁就算好食都變唔好食，何況食物平時都只係一般，假日差過出面嘅聯營快餐店。如果你/妳假日打算黎呢邊食野，我提議大家去返啇場入面嘅餐廳食，呢間嘢人手完全應付唔到假日人流。

員工服務態度係黑面，講野好似正係比自己聽咁，等左半個鍾有多一樣野都未到，問佢重有幾耐就唔答跟住黑面對住你！好聲好氣問佢地呢係唔會應機嘅，要就黎講粗口問候佢啲野食黎未佢就會答你一句未。啲野食唔可以用難食形容，因為個麵可以冇調味料，同佢講個麵冇味佢就過黎黑面跟住一手攞走個麵唔出聲咁行左去，你以為佢加返調味料啦，佢又唔係喎，一直係度等，你唔出聲佢就唔比返你，你問佢就用極差態度同你講「等陣啦」！真好野！叫佢埋單好似要求佢先肯幫你埋咁。神早要啲食客去受氣？好似東涌冇左佢間餐廳啲人會餓死咁，以後都唔會再去衣間垃圾餐廳！比錢買難受嘅垃圾餐廳！！！

這間位於東涌的小店. 一直是同事口中的晚餐食堂, 今天下班終有機會一嘗, 由同事駕車, 因此餐廳在地理上有少許不便餐牌所見價錢比茶記高, 但又不及一般西菜蘑菇湯 : 有誠意,食得出粒粒的口感, 蘑菇味香澳洲肉眼拼意粉 : 七成熟, 剛剛好，沒有過火, 燒汁味道適中, 有咸香亦不會搶去肉味, 意粉硬度ok, 用忌廉炒過, 香濃夠味雖然食物賣相一般但味道卻很實在, 性價比高, 在東涌確是不錯之選, 難怪是同事間之食堂

這cafe門口比較難找，不過都有很多行山人士及單車友前來tea一tea小店環境一般，簡簡單單，戶外座位多有客人吸煙。下午茶餐選擇如下，有熱飲配上。與友人share了菠菜火腿意粉和肉醬千層麵。前者很快上枱，後者大約等10分鐘。菠菜火腿意粉很creamy，意粉不會太硬，不過如一個人吃完整份會有點漏。肉醬千層麵賣相就麻麻😅不過芝士味濃(啱我)，千層麵熱騰騰的很好吃，只是份量稍為少了點。

十級驚喜的晚餐！其實幫襯左呢度既早、午餐都好多年，感覺都算幾好，屬中上級！原來coco喺早排搞埋晚餐，見佢泊車夠方便咪黎試吓囉！我覺得真係好掂!我既評價: 一般餐廳賣緊2-3百蚊既晚餐，以7-80蚊就食得到！

七月一日車爸爸放假瞓到下午茶時間想了又想真吃什麼,樓下的都食到厭倦不堪忽然想起馬灣新村間CoCo Cafe早年試過早餐印象不錯,便拉車爸爸去吃late lunch啦!!是日全場爆滿還要坐到門外呢!!到達時剛巧午餐與下午茶交接所以兩個餐牌也可選~而午餐只剩兩款E餐{澳洲牛肉眼}連熱飲$59挺合車爸爸心水那便叫它吧!!飲品車爸爸例牌要了熱奶茶質感須不鞋口但茶味不足,我的凍檸茶下午茶+$2同一命運沒多茶香一般貨色!E餐一到心底已暗罵牛扒抖也不抖便上檯,那像親戚到般的血河真的慘不忍睹,而且牛扒係全熟質地偏鞋而牛味更是很一般,那汁我試了一口只怪我味蕾笨拙味道燒汁不像蒜蓉汁也不似呀!!而我選了{菠菜火腿意粉}$32,意粉質感還可,但味道很是清淡我要加多點芝士粉才覺得好吃點不過吃到底油較豐盈很肥膩!!Btw這兒的衛生情況很差蒼蠅十分多而且貨物放到四圍都係我相信無下次喇!!

星期六又到東涌工作，雖然當日天氣嚴熱，曬得汗流浹背，但一想起再有機會到coco cafe食午餐，成個人立時充滿動力了！工作完差不多下午一點鐘了，體力的消耗導致肚子發出飢餓的警號，於是立即開車到馬灣新村吃午飯。到達之後，幸好還有六、七個泊車位剩低，要不然就要將車停泊在人家的車旁，當你用餐的時候就要擔心倒車的煩惱。入到餐廳第一時間看一看今天的午餐精選是什麼，上次來的時候吃了羊仔柳，今次當然要嘗試其它的，於是我點了最貴的紅酒燴牛尾（$59），數分鐘後，侍應就捧著香噴噴的食物端上我的桌子上，數段已經砌開的牛尾浸在酒紅色的香濃汁液裏，表面還浮起一層薄薄的牛油，立時食指大動。首先喝一口紅酒汁，汁融入了牛的香味，紅酒烹煮過後亦揮發了它的酒精，味道相當不俗。接著吃它的牛尾，牛尾肉嫩，吸收了汁的香味，甚是匹配，吃完後齒頰留香。 我把紅酒汁澆在白飯上，三扒兩撥就把整碟飯吃光，差點兒連一滴汁也不剩，再加上一杯冰凍的檸檬茶，立時暑氣全消。再次到來，感覺這餐廳的食物保持着一定的水準，每次也有不同的驚喜，雖然整個餐連凍飲盛惠$62，但我覺得仍是物有所值，始終食物的質素是相當重要的！

上星期去東涌工作完，已經到中午食飯時間了～於是行去馬灣村食飯。先前黎到附近都係食中餐，今次試下食西餐，所以就試試這間cafe。坐低後睇下餐牌，只得A-F幾個餐揀，跟住我點左個黑椒羊仔柳飯。唔使五分鐘就有得食喇～侍應放低個飯時我已經嗅到D黑椒味了，跟住急不及待食一啖連肉帶汁的羊仔柳，食落去D羊肉有少許羶味，我認為這才是羊肉好食之處，加埋黑椒汁非常匹配，一碗十多嚿羊肉加埋西蘭花等配菜，其實真係幾夠份量，不消十分鍾我已經將成個餐食落肚了，加埋碗送的忌廉磨菇湯（好飲過好多西餐廳），真係十分滿足。 這裏雖然舖仔細細，但唔算坐得擠迫，價錢$60左右一個餐連飲品，雖然不太便宜，但勝在食物質素搭夠，偶爾食一餐也不為過的，期待下次再來試下其它食物！！

平時訓到黃朝百晏.. 但今日肥仔竟然早起身話陪我出去食埋飯先番工 保持神秘下.. 原來走左來呢度~之前朋友來呢度食早餐話覺得好好味~所以今日真係要一試可能午市..  爆場勁多人佢有out side..  但太熱完全唔想坐見到有枱就坐埋去.. 但原來係留左俾人..但我坐左一陣先有人講..  之後叫我坐入去最角位既一邊..我話:點坐呀(望住我男友) 佢都唔係細隻啦佢話:咁你出去等下先(無禮貌)搵位既過程已經唔爽..  坐低又得三個餐揀..上菜之後直頭想講粗口..  四廿幾蚊.. 得一塊魚  唔好話我.. 連我男朋友都食唔飽啦!!食左幾啖我已經停埋手..  呢間野真係勝在有個停車場無下次

見食黎食去都係果啲早餐，去試新野，點知一試就出事！我叫左兩杯凍檸茶一杯要少甜少冰，一杯要正常既，野飲一到佢地既員工放底左一句説話都無講就行左去，但當時只有兩三枱客，完全唔忙，我問佢邊杯係少甜少冰？佢既員工就答我依杯“囉“（佢既面口係黑囗黑面，十分不悅既樣子）,之後食物到，佢既食物不過不失，但當我食左一啖炸魚時，我發覺炸魚上有“幾隻曱甴“,我立即叫佢既員工過黎，個員工係好遠處既地方問我咩事，我費時比其他食客知道有生炸曱甴腳，我叫佢過黎先講，佢継續黑面答我，我放底啲野先啦！之後佢過到黎問我咩事，我話比佢聽啲炸魚上面有曱甴腳，佢一手就拎左楪野，望左兩望，一句聲都無講就行左去，我等左一陣見佢無答返我換過碟比我定取消，我行過去揾佢，我問佢宜家碟野呢？佢継續黑面答倒左啦！我問佢咁宜家即係點，換過比我定點？佢同事見我黑面，即刻問我咩事，我講左比佢聽，佢換左第二樣野比我，真係食到成肚氣，但到我走果一刻都無一個員工同我講句唔好意思或者對唔住，依間野真係無第二次！

家住東涌㡬年經常踩單車的我，竟然最近至留意到呢間coco cafe,事緣我要到單車舖，望著對面呢間cafe點解下午都那麼多人嘅呢？喜歡奶茶嘅我忍唔住去試一試、叫左個下午茶肉醬意粉餐同凍奶茶，一拎埋嚟已經睇得到好味，食落口一試，肉醬味啱啱好意粉不太（林），正合心水，再試杯凍奶茶，竟然好掂（通常cafe只有咖啡好，想唔到呢杯奶茶咁掂）環境舒服，仲大把車位泊車，單車放出面非常之放心！十個讚最重要係價錢唔貴添

東涌除了有昂平360及東薈城名店坊以外, 其實還有一些偏離市中心的隠世地區, 就如Coco Cafe身處的馬灣村. 馬灣村有幾間食店, 唯一 Coco Cafe是提供西式食品.在Coco Cafe吃lunch, 要點他們的意大利粉. 不要選飯或焗意, 前者沒有多特別, 後者因焗過而失去了al dente的口感. 是次點的比目魚配意大利粉. 他們的意粉以忌廉炒過, 很香, 並都因以忌廉炒過, 更能carry到配菜的汁. 試問有幾多間餐廳提供$50的set lunch, 又會做到以鮮忌廉炒底? 加一個靚的presentation? 所以我說他們有誠意. 位於這個偏僻的地方, 本已是獨市生意, 但都以誠意做出食物, 這不就是做一間好餐廳的首要條件嗎? 若果假日去了東涌郊遊/shopping, 不妨走遠少少, 探訪一下這間隠世小店吧! 門前有多個街錶車住可供泊車. 註: 長假期或星期日很多時都會有單車團在這裏食飯, 有時候會比較多人. 喜歡狗的, 他們有數張室外的枱, 狗狗是可以坐室外的.

看到這裏食評, 滿懷期望到 Co Co Cafe 午餐. Co Co 對面就是單車店/ 單車會.是日星期天, 很多三鑯人, 單車人在這裏賽後吹水 但又未至於爆滿 . 等位時間 : 0 分鐘 泊車 : >30 咪錶位 吸煙區 : 室外設置 環境衛生 : 一般, 不太好. 地面不清潔. 服務 : 侍應較忙 食物選擇 : 少. 只有 4 款 set lunch, 未有其他. 價錢 $42 ~ $50. 是日下午茶餐 2:45pm 才開始朋友叫了芝士煙肉栗米焗飯, 我要了牛油汁比目魚飯. 餐湯是忌廉磨菇湯, 足料. 味道 okay.主菜份量 okay. 味道很很普通, 不算難食, 但與好味道仍有一段距離.餐飲咖啡及奶茶都不錯. 全餐最好味 價錢 $42 / $45, 不設加一.不會再專程幫襯, 順道或會考慮

真係好好食!D野食好味道不得了!等我小韜介紹D好野比大家啦!co co cafe 嘅 早，午餐&下午茶(佢地冇晚餐呀!因太忙喇)都超好食尤其係下午茶嘅千層麵,只係＄28。上面有大大塊嘅芝士，肉醬又好食，簡直物超所值!個午餐都好好味,個意粉同忌廉一煮，一枝棒!羊安，牛眼，三文魚嘅set lunch都好食!!!D咖啡都一流