Cocolo Tokyo Cake Factory (利東街)

营业中

休息中

美酒佳餚節已經開始左🍷因為疫情問題，買左品味券可以到參加左自助行的餐廳🍴或商戶用一至三個品味卷換領飲品或美食。今次黎到灣仔利東街出口D ，來自東京池袋既Cocolo Tokyo Factory ， 一間主打日本直送蘋果批，可以喺香港食到日本原味道，而且仲開係利東街地下商場，十分方便。店舖面積不大，只有一張二人雅座，所以多數客人外賣🥡。青心蘋果批+雙層鮮奶芝士蛋糕🧁+ 抹茶鮮奶櫻花🌸啫喱（2個品味證約港幣100 元）：青心蘋果批望落去好似好酥脆，但其實佢只係用保溫爐焗住，望落脆口，食落焾曬，同埋底部好油膩，真係成手油。蘋果醃漬到晶透剔透，但竟然有蘋果酸味，太焾太爛，又油，真係搞吾掂，好heavy。雙層鮮奶芝士蛋糕🧁：上層奶味好香濃，芝士集中係底部，食落好順滑，蛋糕出色過蘋果批😅 抹茶鮮奶櫻花🌸啫喱：抹茶🍵好濃但竟然味融化得曬，望落好igable 上綠下白襯色，飲落奶脂味出，全脂奶先好飲，櫻花🌸啫喱帶甜味，增加咬口，吾錯。總結：蘋果批有點失望 不是想像咁好食地方淺窄變左無得堂食

最近唱左咁耐MY APPLE PIE，真正食蘋果批其實好耐無食，快餐廳的蘋果批過甜小編唔係幾LIKE。經灣仔區同事吹水得知一間要必試蘋果批店，標榜所有的蘋果批及蛋糕均由日本當地製作，再空運到港，來自東京的直送蘋果批，由西貢開到灣仔旺角到最新的元朗分店，今日就來到利東街地下商場一探究竟。青森蘋果批 $33推介:⭐️⭐️⭐️⭐️⭐️一入門口已見到排排酥皮吸引的蘋果批，金黃色千層酥皮全人手製造，堂食攞上手熱辣辣，帶牛油香鬆脆中又有層甜甜果漿包圍著，蘋果內餡係用日本直送青森蘋果粒製作，用上傳統法式蜜餞蘋果的製法，將蘋果蓉、蘋果醬及蘋果粒混合，再加入左日本直送豆乳忌廉同吉士忌廉，經過兩次烤焗程序，入口香滑之中清甜可口。整體厚身酥脆口感豐富，如果吉士醬分佈得再好D就更加好，因為差唔多食到最後先食到吉士醬的存在。三層抹茶蛋糕 $25推介:⭐️⭐️⭐️⭐️同樣是日本直送的蛋糕系列，蛋糕鬆軟清新，選用日本國產抹茶及和歌山雞蛋，濃郁抹茶搭配鬆軟蛋香的三層抹茶蛋糕，忌廉層甜度同厚道均適中，還原每次日旅在百貨公司內的蛋糕櫃，味道都唔錯亦可以一試。同場還有新出品和風牛肉餡批、蒙布朗蛋糕等都係唔錯的三心兩意選擇。分店地址詳情元朗店

經過利東街口痕想食下甜品，見到有一間喺利東街入邊地嘅日本甜品舖，經過店員推薦之下，就食咗佢嘅蘋果酥同雙層朱古力蛋糕！佢係日本製造嘅甜品，所以對原材料比較有信心，首先食嘅雙層朱古力蛋糕（$25）雖然款式唔花巧，但將蛋一樣簡單嘅甜品做到好好食都唔容易㗎，呢一個朱古力蛋糕🍰係日本直送，但係都係非常之濕潤，蛋糕有彈性得來孔洞綿密，有美味嘅蛋香味，配上出邊嘅朱古力林醬真係非常之香滑，成個口感係比較輕盈，同美式嘅蛋糕好有分別，食多一個都得！另外係店員推薦嘅青森蘋果批（$33）有問到店員蘋果酥同埋蘋果批有乜嘢分別，蘋果批係酥皮，入邊嘅係蘋果夾心同埋吉士，相對會比較甜滑同濃郁；而蘋果酥就係上面有菠蘿包嘅甜皮，入邊就冇吉士。兩款入邊我比較想食蘋果批，出邊嘅酥皮真係非常非常之脆，上到手微熱，亦都唔會太油，入邊蘋果餡酸酸甜甜，青森蘋果真係好juicy, 唔會有人工假甜味，食多兩啖有甜甜嘅吉士醬，好似食咗兩款蘋果嘅感覺，口感方面做得好出色，成件事唔會好肥膩，酸酸甜甜好開胃，出色！呢度可能因為店舖比較細，所以有簡單嘅一兩張枱比大家堂食，另外佢都有得外賣訂送，我都諗緊遲啲山水餅買呢一間嘅蘋果酥啊～

突然想念旅行的日子，可以食到地道美食，又有靚風景打卡，所以趁著周末，就去充滿異國特色的利東街，和朋友打卡，食下午茶。 彩色的小屋設計，加上拱門天橋等，影完一輪，開始肚餓，經過地庫商場時，見到一間寫著 "來自日本的青森蘋果批" 就被吸引，結果我們就試左myapplepie加件蛋糕 😋 =青森蘋果批 ($33)=第一次食到咁大個蘋果批! 平時連鎖店食開的批類只是兩口便吃光，今次這間日本蘋果批，賣相吸引，大份又厚身，咬下去時多餡到流出來，蘋果蓉香甜，而且酥皮是多層又鬆脆，是神奇的味道，彷彿在日本旅行的觀光區吃到的地道小食一樣，也打破了一般對蘋果批的看法。 = 三重朱古力蛋糕 ($25) =蛋糕外表平滑美觀，食落朱古力味濃郁，唔會太甜，蛋糕每層的忌廉份量適中，整體用料高質，不用令人太cream或口感太假的紗糖味，是不錯的朱古力蛋糕。 蘋果批和蛋糕的質素高級，作為輕食甜點或經過買走都不錯，價錢跟連鎖蛋糕店差不多，但食到來自日本的味道，蘋果批更加值得推介，口感難忘，相信食完未必返到轉頭食連鎖 🤭

終於可以食到這間人氣蘋果批🤩旺角也有分店，比灣的大，而且可以堂食.灣仔主要是外賣，但也有2張枱.不過我也是買回家品嘗😋除了有出名的蘋果批之外，還有賣蛋糕甜品，飲品.價錢來說好平，值得一試👍🏻 所以今次買了原味蘋果批和一款cake.💠蘋果批 Apple Pie 🍎🥧$33比想像中大件 🤩🤩外層的皮烤得金黃香脆，表皮也能看到蘋果果肉，咬下去十分鬆脆，吃到每一層脆卜卜的口感😋中間餡更是有更很多果肉，好香甜又不漏.💠三層抹茶蛋糕 The Green Cake🍵🍰 $25好香濃的抹茶味☺️蛋糕好香滑，軟綿細緻.面層是厚身的cream,creamy又不會太甜，甜度剛剛好. 25蚊食到如此高質的蛋糕，真是超抵食

星期五要獎勵吓自己，lunch去左買甜品俾自己食😍 冇得去日本，食返個日本直送青森蘋果批當去左日本啦 ，拎返office慢慢食先🤣服務態度都好好，一入去就問我食咩。我揀得一件cake都有個靚靚盒放，放完仲俾我望一眼先再封口。個蘋果批勁鬆脆，暖笠笠，甜到適中，仲勁香蘋果味🤤咬落口，仲有爆岀蘋果蓉，好足料🍎其實我已經唔係第一次幫襯蘋果批，今日心情好，決定試埋佢的蛋糕🤩作為朱古力fans，我諗都唔諗就揀左三層朱古力雪糕🍰3層朱古力，食落好有層次，口感好豐富，cream仲好 creamy走先見到門口仲有日本直送汽水🥤，下次要試埋佢的波子汽水，個味好特別，楓葉豆沙饅頭味，真係想像唔到咩味😂😂😂

之前經過利東街商場見到新開嘅呢間蘋果批店已經想試。 今次終於比我試到啦，買咗一個蘋果批同糖焦糖堅果奶油蛋糕做下午茶😌 先講講個蘋果批，蘋果批到手嘅時候仲係熱辣辣，咬落去個酥皮非常鬆脆👏🏻 蘋果餡料裏面係一粒粒嘅蘋果肉，好有咬口。甜度亦都啱啱好，蘋果味好香，但係又唔會好似某快餐店嗰啲蘋果批嘅死甜味🤭 至於個焦糖堅果奶油蛋糕，雖然細細件，但係食完啱啱好。個蛋糕嘅焦糖味，我覺得有啲似楓糖糖漿嘅味道，啲堅果碎有少少軟，忌廉清爽唔油膩，配埋一啲比較甜嘅咖啡都冇問題。 下次希望試埋其他蛋糕啦❤️

之前喺西貢已經試過一次， 今次經過佢返仔利東街嘅分店， 特登買幾個返屋企同屋企人share😋 超正！拎返屋企用焗爐整返熱食，依然酥脆😋日本直送蘋果批 $33呢到招牌係青森蘋果批，所以一定要試！仲要襯熱食😋 （之前去西貢食嗰陣係特登排隊等佢出爐🙈）小店所有食材都係來自日本🇯🇵 第一啖咬就覺得外皮好酥脆，入面有超多粒蘋果肉同吉士，非常足料，口感好正，而肉桂味唔算重，值得再試😋👍草莓蒙布朗 $28今次另外試多左一件cake，食厭咗傳統栗子口味嘅蒙布朗嘅話，呢度就有好多隻口味嘅蒙布朗畀你揀！今次我揀咗士多啤梨味，面層嘅士多啤梨蓉好幼滑， 食嘅時候又唔會覺得肥膩，細細件最啱過吓甜品口癮😋

今日去左灣仔做野，做完野同老公去左利東街行下，唔講唔知利東街現家多左好多店鋪，我地就去左利東街一個地庫商場，俾我地發現有一間賣日本甜點既鋪頭-Cocolo Tokyo Cake Factory 好吸引😁😁呢間日本店舖最岀名既甜品係青森蘋果批，佢係採用青森縣蘋果並由日本產地直送過黎香港，所以都算幾有特色，不過佢除左有咁岀名既蘋果批，都仲有藍梅批同各式各樣既甜品同有氣飲品。呢間店舖好易搵，不過店舖面積唔大，不過都有提供張枱比客人食野👍🏻👍🏻佢仲有其他分店既👍🏻而我地就點左二樣甜品作為我地既飯後甜品🍮📍 青森蘋果批 ($33)呢個青蘋果批一拎上手外皮鬆脆，而且仲好熱，咬到中間係粒粒果肉，唔算甜，味道岩岩好 ，餡料入邊加埋吉士達奶油真係好夾，不過整體黎講口感好好👍🏻📍榛子摩卡蛋糕($25)呢個蛋糕賣相幾好睇，食落都唔算甜，仲食到有咖啡味，真係好香👍🏻👍🏻👍🏻

黎間主打青林蘋果批 今次試左佢既cake同批🥧-✨青林蘋果批 ($33)反到屋企焗反熱佢食 外皮係幾脆 內有蘋果同吉士醬 略有少少甜🥧-✨焦糖奶油堅果蛋糕 ($25)蛋糕比較乾身 味道冇咩特別 但堅果數量算多🥜-✨香橙芝士蛋糕 ($25)蛋糕個樣好吸引又特別 係店內既人氣蛋糕 但比預期中稍遜🙈芝士蛋糕吾重芝士 味道有啲酸 cake底係用蛋糕而吾係餅底 可能用餅底口感會好啲

上次入西貢見到呢間蘋果批店覺得好吸引，已經好想試，可惜嗰陣時飽到不得了所以就算數~之後睇到有blogger介紹話好食, 就更加覺得好後悔嗰陣無試到已經bookmark定下次入西貢必試! 今次竟然比我意外發現原來鬧市中都有分店，好surprise呀雖然今次都係好飽, 不過我唔理啦，有理無理買咗先，費事又後悔呀嘛，最多外賣返屋企食 首先當然二話不說買咗招牌蘋果批先，之後埋單嗰時望到蛋糕櫃嘅cake 好似都幾平幾吸引咁，反正外賣就唔爭在買多件返屋企慢慢嘆啦於是就揀埋焦糖堅果奶油蛋糕~ 仲幫佢影多兩張靚相先拎返屋企~ 蘋果批我返到屋企第二朝用焗爐翻熱咗，外皮超級酥脆，內餡有豐富嘅吉士忌廉同蘋果，好香滑好正，不愧為招牌產品另外件蛋糕我當晚就食咗，焦糖味幾出，如果果仁味再重啲就更好了~ 總括黎講絕對值得一試，而家仲唔洗西貢咁遠都有得食，實在太幸福了

日本青森蘋果批🍎聽講日本青森既蘋果係最出名🤩所以都係最貴🤣唔知將蘋果變成批會點既呢☺️.青森蘋果批 $33依到啲蘋果批係由日本直送黎架‼️岩晒我地去唔到日本，但又想食日本甜點🤣個餡真係好多，除左有蘋果之外，仲有吉士醬😇食左唔會話好甜😗.特濃雙層朱古力蛋糕弓$35店員話依件蛋糕🍰比較出名，估唔到真係好濃，感覺有啲似慕絲😇唔會話好甜，但如果有埋蛋糕係底會更好😇可以減低油膩感👅正呀😍

平時去開CWB 買蘋果批, 今次聽朋友介紹，行過少少來灣仔買呢度日本直送丶人手製作嘅青森蘋果批幾好味，今日就嚟試吓喇～ 店舖位置係喺Lee Tung Avenue地庫，如果搭港鐵，就係灣仔站D出口，出閘行2分鐘左右就到，位置好易搵。必試就一定係主角青森蘋果批，$33/件，酥脆外層，青新香味嘅青森蘋果粒粒，仲有甜度啱啱好嘅吉士醬，趁熱食最好味！原來仲有多款蛋糕丶飲品，我哋2個人share，所以揀多件焦糖堅果奶油蛋糕試吓，焦糖味好出，奶油夠濃滑，無揀錯～

另一間日本既過江龍! 依家越開越多呢d 蘋果批既鋪頭 作為pastry 愛好者當然要試試佢!青森蘋果批($33)好香 同埋個酥皮好crispy 唔會覺得好多牛油好漏好肥既感覺 😋 食完都唔會guilty! 佢放係個display櫃度keep住個溫度 唔會凍左入面都好多餡 食落以為加左糖 原來係純蘋果蓉再加左custard! 我地當飯前甜品一人一個 食完都唔會覺得好飽😗Mont Blanc ($28)成日見到呢個甜品都覺得出面D栗子好吸引 但成日怕入面d cream太多都唔敢叫😳 但同店員傾計先知原來入面係好似雪糕咁既cream 😍 即刻叫左來食! 要等10-15分鐘解凍 一食😳😳 好好食好驚喜! 除左栗子蓉 frozen cream 仲有一層海綿蛋糕 中意食栗子既朋友仔一定要試下呀!😋同埋呢排經過yoho終於開左! 仲有得坐 可以試試佢!

源於日本池袋嘅一間甜品小店🇯🇵除咗主打蘋果批外 都有蛋糕同慕絲杯等等🍰好鍾意佢地個種對還原蛋糕最質樸之美嘅熱情❤️‍🔥-🍏青森蘋果批 $33蘋果批喺日本製作完直送黎香港再即場以北海道牛油同歌山吉士醬焗製金黃嘅外皮非常酥脆 又唔會一咬就散👍🏻內裡嘅蘋果果肉多到一咬就唧出黎🤤食完成個都唔會太膩😚 重點係性價比甚高!-🍊香橙鮮芝士蛋糕 $28屬於比較輕身嘅芝士蛋糕🍰芝士軟身 底層為蛋糕而非餅底 面頭舖上原片橙皮 靚得黎又清新🌱