COCOMO (已結業)

有時候在下都幾喜歡到日式餐廳用膳，原因是份量不會太多，而且不會吃得太過肥膩。不過有時候吃得太多壽司烏冬和便當，便想到了日式的西餐廳。來到新城市廣場三期，目標就是日式茶座Cocomo，其吸引在下的，正正是日式西餐廳，份量也較輕盈。當到達餐廳的時候，卻又令在下有點新鮮感，餐廳分為兩邊，以木色做主題，配以餐具的燈飾，又以圍欄相隔著，感覺上很清新和具備東洋氣息。餐牌有兩個：分別是午餐及飲品餐牌。從 Lunch Menu 看，其實都有不少選擇，從意粉飯到牛扒都有得選擇，不過在下還是選擇意粉好了。由於 Cocomo 是香港 A-1 Bakery 其中的一個品牌，因此在餐包上也選用了 A-1 Bakery的麵包，這麵包從手分開，卻來得很硬，塗上牛油後吃下，同樣感覺很硬，然而內裡卻又很軟孰。餐湯是蕃茄雜菜湯。餐湯來得酸酸微微的，富有蕃茄的味道，而且蔬菜也很腍。主菜是蘆筍肉醬意粉伴溫泉蛋，從肉醬意粉加上了蘆筍，可見有點心思，而且肉醬的份量都不少。當在下把肉醬和意粉混和以後，吃一口肉醬加上蕃茄醬是酸酸微微的，而意粉則較腍，未見爽口；而溫泉蛋有蛋汁流出，再混和意粉，是雙重口味呢！凍咖啡具有咖啡的濃郁和芬芳，

星期日，優閒日，與男友係沙田，行到攰攰地見Food court 入面人多沒位座。。就諗住搵呢間坐得好d 既cocomo,試下high tea.Order左一份 tea set，飲品叫了凍咖啡及奶茶。Tea set 到了，外觀甚美！適合喜歡影相既美女們。但當中甜品同想象中有d落差。因2層高既tea set .上層滿載既大多數係牛油蛋糕（感覺有d似美心西餅），只得一件藍梅cheese cake，同2件小甜撻(栗子&乳酸味）下層 有4件三文治同2件蛋沙律多士。牛油蛋糕類我不太愛吃，所以只叉左一小口，都係普通既味.blueberry cheese cake 略甜，挺結實，算ok.甜撻，一般而已，撻皮不好吃蛋沙律多士，好味 三文治方面，竹炭包夾著三文魚，好味！白麺包夾著吞拿魚的都ok.令全餐加分的地方係飲品，沒想到奶同糖漿都另外上。凍咖啡，咖啡味重，亦香，自己加奶，令咖啡更滑，連平日怕咖啡苦要加多d糖既我，落左極小糖都已經滿足，好喝 凍奶茶，男友飲，落左少奶少糖，茶味香濃，都好喝：）總括，對於比較喜歡食有mousse cake 奶凍 果凍 啫喱 cheeses cake 等high tea既我,

今天到新城市廣場三期的COCOMO食午餐，遇到一碟有長頭髮的意粉，服務員態度很好，立刻替我換新一碟，可是我一時大意沒轉其他菜式，結果來了一碟無頭髮，但係比第一碟買相差的意粉(例如:芝士碎本是意粉的上面，新一碟是意粉中間，還有第一碟意粉是乾身的，而第二碟的似燴意粉.......)，因為午飯後仍然要上班，所以都是食了這碟意粉，沒有其他要求。現在請該店的廚師們注意衛生，不要把退回有問題的食物翻熱再供食客食用，還有如其他食客遇到我類似不幸的問題請記緊換叧款食物，以免有人貪快又不好好包裝再放回來。

今日約了一班朋友相聚，想了很久也不知道食甚麼好，這餐廳經過很多次但沒有機會試。這餐廳環境位置是於food court附近，人流多，設計又開揚，自然亦較嘈。而且餐廳是分拆成兩個區域, 即是兩個區域中間會行人行過, 這樣並不是太有私隱, 反正是想試下, 也無所謂由於下午茶時間, 人流較多, 所以等位也較耐, 不過服務員態度良好唯經驗不足, 已取輪候票還問"小姐幾多位?"下午茶時段提供的食物款式不多, 大約10款左右, 價格亦相宜, 至於分量就見仁見智. 女仕來說是夠飽的, 至於男仕就可能要1-2份才足夠。分別叫了芝士薯仔卡邦尼意粉同茄汁蜆肉意粉芝士薯仔卡邦尼意粉味道OK，芝士味不濃，意粉韌度可以，薯仔夠＂淋＂茄汁蜆肉意粉茄汁香濃，有新鮮蜆同冷藏蜆，意粉煮得剛剛好

今日同女朋友既短聚之前都想來呢間試下食下午茶今日終於有機會啦一入到去女朋友就話d枱櫈既顏色好靚女朋友叫左個$44既馬蘇里拉芝士蕃茄煙肉忌廉意粉佢話芝士汁好好味,好夠濃雖然其貌不洋一睇以為好普通但最後都好好食可以一試我就叫左個$46既鐵板拿破崙意粉有蛋有腸蛋都唔錯,正正常常腸都ok總括來講都唔錯感覺上所有野都幾match,出來既效果都唔錯而且都算夠飽另外仲加左$10薯角一拎出來趁熱食好好食有成支茄汁比我地鐘意茄汁既我地梗係落左好多啦仲有野飲不過杯橙汁就麻麻本身諗住會係鮮榨既但最後點知似係果汁先生仲要好細杯,有少少失望

呢日去到新城市已經１點半啦，Mama問我食乜好？我咪帶佢去希爾頓中心，佢見到價錢又話貴，所以就去一田Food Court由佢揀啦，睇吓睇吓行均全場，終於揀咗呢間＜COCOMO＞。我地坐低後，職員就放低Menu，睇落好似好多個套餐揀，不過對我都係麻麻，反而mama都對餐牌幾有興趣，最後揀了個拼盤，貪佢多款式可以試喎，而我呢....就冇乜好揀，好在係＜惠顧午餐，可特惠價$10配小食＞，所以我就揀咗３個小食，再點多個即磨咖啡，一日唔飲Coffee點得喎！Set Lunch ❿餐 ($69)① 意粉拼盤：肉醬意粉+珍寶腸+特色三文治+沙律（跟精選麵包+是日餐湯／沙律及咖啡／茶／橙汁）惠顧午餐，可特惠價$10配小食 ②精選沙律 + ③南瓜野菜炸薯餅 + ④是日甜品 - 意式奶凍 ⑤ 即磨咖啡 ($28)Total: $127點餐後無耐，職員捧住一藍麵包行過來，裡面有２款分別係黑麥和軟包，叫揀一個係For套餐嘅，我就想食黑麥喇，不過Mama揀咗軟包，附帶ANCHOR butter，我都有試吓個包，應該係新鮮包，幾香軟都唔錯噃。之後到套餐的<是日餐湯：西蘭花忌廉湯>，味就較淡，質感都

本來冇打算在此 tea 的... 但因為行到腳軟, 又見到剛剛有位, 又見到有 "high tea" set, 又想飲杯咖啡, 咁多個巧合下, 終於坐低了.整體食物的質素是還可以的. 但有個類似木糠布甸的甜點, 味道實在太濃烈, 接受不到的會形容味道似 "嘔吐物" ... 另阱 macaron 則較甜...此店的咖啡不錯, 以平價咖啡店來說, 已經很好了.

午飯時間人流不多, 完全不用等位。水晶燈是餐具吊飾, 切合主題。部份圍欄也是刀叉標記來了set lunch 的salad (或可選湯)麵包好正! 因為是A1集團, 而且菜都好新鮮, 絕對不是下價貨, 上面的橙好甜好FRESH~~估唔到咁好食!奄列飯, 味道不錯, 但份量少了一點意粉OK!漢堡扒的份量都不錯, 還有好味的薯角~再配以蕃茄醬同白色的 (好似係CREAM) 味道甜酸甜酸好開胃

好耐冇同桂去行街食假了,難得大家得閒先約到,因為出面太熱了,一於行室內有冷氣既地方,去左沙田行,見喱間既lunch都幾抵即係到食,星期日都幾多人呀,要等位,不過好快有位呀。分開左兩邊位置,一個係場中間位。另一個係場邊位。好寫意既擺設。凍咖啡,普通。忌廉湯+餐包,湯淡味。沙律+餐包,聽桂個杯太窄,用來食沙律好麻煩。 明太子忌廉汁蛋包飯,個賣相唔多吸引,個蛋皮要爛的,蛋亦唔係滑...飯有少少明太子,食落有點cream,味道上都算可以既。香腸洋蔥青椒蘑菇意粉,味道好普通,有少少似微波爐叮叮pizza既味呀。食物水準普通,不過以沙田食市來講個價算幾平,環境睇落幾好,坐都幾舒服,不過係嘈左d,整體ok呀。

唔經很多次﹐次次都只係心思思想試﹐到哩一日真係特地來試了!雖然餐廳位置係古怪了點﹐正正係一田入面但仲分開兩邊﹐但離舖比較遠的那邊Area 感覺反而像樣一點。不用等位﹐Waiter就安排入坐。粉紅色的餐牌...基本上是可以點Main Course﹐然後沙律、餐湯、飲品同甜品就睇你自己喜歡而加﹐每款$9﹐加幾多款都可以。本來想要湯﹐但是晚係青豆忌廉湯﹐那我個人喜好寧可要沙律....香辣鮮蝦橄欖油意粉﹐上檯時完全看不出那有『香辣』﹐因為完全沒辣椒的成份﹐聞上去也嗅不到﹐份量也少﹐可是老公吃了一口就說：『嘩... 都唔係唔辣o架﹐噫... 味道Ok 喎。』比想像中好﹐他吃光了後說那份量其實都夠吃的。蟹肉元貝蕃茄意大利飯﹐點的時候都驚驚地會很Cheese那一種﹐但吃下又不會﹐是有點芝士粉在面﹐有點水水的感覺但又不會水汪汪的﹐感覺很好﹐其實係其他餐廳一定會很Cream Cheese的﹐不是Cream Cheese不好﹐只是很容易滯﹐相反這個我就很喜歡了。

餐牌裡數款食品，可加$9加餐湯/飲品/沙律/甜品，自由配搭！拼盆B($62)，我覺得超抵，份餐包括沙律、蝦意粉、4片牛肉、煙肉菠菜撻、茄子，份量也不少，滿足到貪心的我。蝦意粉炒得香口，兩隻蝦算大隻，但欠鮮味，有點假。牛肉都有牛味，比預期中好。煙肉菠菜撻出奇地花心思，很巧功夫，好香、推介！鮮茄咖喱海鮮意大利飯($68)，個汁好醒胃，茄汁和咖喱平衡得很好。總括蜆肉、青口、小柱子也鮮甜，而蝦較拼盆的蝦好味、爽，亦帶少許蝦味。至於個飯，似日本米多過意大利米喎！這份餐感覺很精緻，有心思的配搭。以這個價錢，無諗過有此水準，只是環境方面比較嘈，位於沙田一田百貨超市樓層，餐廳只用離笆圍住，周圍人來人往，欠私隱。而且坐位比較少及密，這點比較遜色！

之前友人推介此餐廳,但一直見要排長龍,事隔幾月再次經過,沒太多人流, 終於可以試一下!店入面裝橫以食具為主,店框至吊燈都見到餐具的樣子, 很可愛。牆身的鐘是真的, 不過沒有秒針店框有餐具作點綴二人不是太餓, 但仍想試試菜,除了兩個主食還點了一個餐湯跟一個沙律share柚子沙律, 份量其實是很少, 兩下子吃光了。餐湯 - 西蘭花忌廉湯, 味道略帶清淡, 但餐包是有烘的, 香脆主菜一: 蕃茄汁海鮮意粉意粉口感彈牙, 海鮮有加工, 吃著不太像是急凍海鮮, 不過醬汁較淡主菜二: 蕃茄咖哩海鮮飯因為兩個主菜也機乎一樣, 沒什麼特別, 不過米飯口感還真的不錯,咖哩略帶辣味亦有香濃蕃茄味, 相比意粉, 我會選擇此飯。有機會還會再試!

要在沙田買東西, 所以又要找地方醫肚, 見到這間都有下午茶, 而且都不少人幫襯, 決定要試試~餐牌上的下午茶餐都有不少選擇~橙汁:既不是橙汁汽水, 也不是橙粉開的橙汁, 是真有果肉的橙汁, 估不到不貴的下午茶餐都有真橙汁飲~ 菠菜芝士拿破崙意粉: 看餐牌本以為菠菜芝士, 應該是白汁吧, 但原來是芝士蕃茄意粉, 雖賣相不錯, 但與想像中有差異, 所以都要試試先知龍與鳳~ 芝士味偏淡, 反之蕃茄味比芝士味重, 只有少許腸仔/火腿是肉類, 其餘配料都是蔬菜, 算是健康的意粉~綠茶雪糕: 叫下午茶餐, +$9就可以點雪糕或其他小吃, 我選了綠茶雪糕, 超冰凍的雪糕入口即溶, 但綠茶味就一直留在舌頭, YUMMY~ 在吃下午茶時, 發現原來這裡的燈很別緻, 是掛上不同的餐具以成的燈~

七月十六日 (星期六)到過日本東京100% CHOCOLATE CAFE的朋友,對這家新開餐廳的主題顏色也不會陌生正正是因為那耀目的LIGHT BLUE在未正式開業前已經吸引到我留意前身正是麻布茶房,現在化身為富東洋風的咖啡店,以賣相精緻為賣點正值午餐繁忙時份,等了十多分鐘留意到很受一家大細的歡迎店子分開了兩邊,所以部份店員要兩邊走,好不忙碌看過menu,心中有數要吃包類和意粉吉列魚柳蛋沙律漢堡,還有辣肉腸批拼吉列魚柳配西蘭花炒意粉先來了前菜分別各一南瓜忌廉湯和雜菜沙律南瓜湯稍淡,忌廉味也不知去了哪裡?!沙律也是一般,不過酸酸的,總算可以醒胃店員過來捧著一盤麵包,分別有黑麥和芝麻麵包我們要了各一,口感軟熟我特別喜歡芝麻包,包內很多氣洞,寧捨軟身感覺有點似A1 Bakery出產的,不知是否同一集團?!還期待會有一大堆的egg salad原來只有包內的一些,以份量而言,有點失望!不過蛋香甚濃,很清香怡人吉列魚柳似是茶餐廳那種,不覺新鮮,而且炸得太脆,魚肉的質感稍欠那鬆軟麵包仍然是我的至愛批似乎涼了,質感較軟錦,如果是熱烘烘的就不同說法魚柳一樣,炸得太脆影響了口感西蘭花意粉,不過不失,但味道

五月初有一天經過這裡，發現這裡開了間別緻可愛的和風系餐廳，心裡即時想：不得了，一定要擇日一試！回到家還是惦記著那些精巧的甜點，所以立即上一田的網看看，原來當天正是餐廳開業的第一天呢，怪不得有那麼多花籃放在餐廳門口喇!後來又在雜誌上看到對此店的介紹，原來她是屬於A-1旗下的！我一向喜歡她的包，所以好感又多了不過這裡離我家始終太遠，所以拖了又拖都不曾吃到．．．終於到了五月尾一田大減價，我當然要去看看執一執著數喇，再加上原來Cocomo也會在這段時間進行九折優惠，實在找不到不試的理由喇但我低估了這間餐廳的受歡迎程度，七時去到已有不少人輪候喇，如果平時的話我也願意等的，但今次主要是來掃貨，計過時間應該不夠了，迫不得已放棄堂食了．．．當然也要買一兩件蛋糕彌補一下失落！原來選擇並不多，只有不到五款的甜點、兩三款鹹點、數款口味曲奇、蛋白餅和小蛋糕，每款賣相都很精緻就要一鹹一甜吧，要了一件Quiche，一件焦糖杏仁批。先吃鹹的，已經放涼了，但我這個饞嘴鬼又怎能捱得到回家才吃？照食可也！放涼了的餅皮當然是變淋了，不香也不鬆化，但原來這些只是質感上的小瑕疵，因為味道實在太出色了！蛋餅透著一股非常誘惑的濃香