COMEBUYTEA (荃灣廣場)

营业中

休息中

一直覺得COMEBUYTEA茶飲質素不錯，商場經過舖頭見唔算多人等，就買杯茶解渴叫左推薦爆款︰柴茶鮮奶珍珠 (其實我唔知咩係柴茶)，買完之後見到係錫蘭紅茶+鮮奶+珍珠，普普通通茉莉綠茶+鳳梨汁+椰果晶鑽 - 鳳梨汁好味，但呢杯好甜

荃灣分店🌿COMEBUYTEA嘆茶，今次唔駛外賣可以堂飲細意慢活品嚐🌿原創混合茶（綠茶、紅茶、淡烏龍）百香果汁+寒天晶球茶清飲每淡粒粒都煙煙韌韌好過引🌿桂花釀烏龍個人愛桂花香讓人心情舒暢，茶香+桂花嘅香氣飲落好甜潤

Comebuy Tea Comebuy 啲茶飲嘅質素一直都幾好食飽飽覺得頸渴諗起就近有Comebuy 就買左個齋茶離試炭焙烏龍（走冰）💰27茶香夾雜炭烤味 消滯解膩大C妹幾鍾意❤️不過呢款茶偏濃 飲開清茶嘅豬仔留意喇🫶🏻

聽店員推介話皇家厚奶芋圓烘焙烏龍最多人叫，就試下啦... 已經走甜少冰，冇可能冇茶味啦卦？結果超級難飲！！！ 完全冇茶味！ 芋圓超級甜！只有厚奶係對版，因為成杯都係奶味，飲咗幾啖已經好滯...大拿拿41蚊，飲杯咁嘅垃圾，掉咗佢條氣又唔多順... 我就攞返去睇佢換唔換畀我，結果係有換畀我嘅，服務態度良好，不過換完都係垃圾。今次走芋圓，唔要厚奶，改奶霜，照舊走甜少冰，冇芋圓的甜，應該影響唔到味覺啦啩，走曬所有嘢就係一杯普通奶茶... 喺冇攪勻的情況下，飲筒插落底純飲烏龍茶，我頂... 係冇味既，或者我講得太誇張，超級少茶味，冇烏龍茶的烘焙香，亦都冇茶的甘澀味，簡單講我平時飲開津路嘅，同津路對比，佢根本係水，如果個名唔係打住烏龍茶，我實在完全飲唔出佢係烏龍茶，諗住打去客戶服務部反映一下意見啦，九字頭嘅電話係停止服務嘅 ，咁我唯有上嚟openrice表達下不滿，$41飲杯咁嘅垃圾，茶葉明顯孤寒落得少，門面係靚嘅，設備係先進嘅，可惜有姿勢冇實際，早知我買支津路飲好過... 暫時我都係覺得貢茶嘅奶蓋係最好飲嘅，同埋荃灣廣場以前有間大陸牌子唔記得咩名，個奶蓋比貢茶更好飲，可惜執咗。之前都飲過旺角中心

不得不讚 Comebuytea既所有門市都好靚 😆 是採用摩登的風格吧 店面光鮮簡潔 看起來很乾淨的感覺 而且Comebuytea有一個特色 就是他的裝修以很多機器和茶葉組裝而成 🥰 看起來就是茶葉的專家🤣🤣 而且每每行過都會比其香氣所吸引🧋 都會特意買一杯〰️重乳烏龍厚奶芋🍼這是我每次去必點的飲料🧋同時也是店內的王牌產品 當天我點了走甜 但大家不用害怕會沒有味道 因為裏面的小芋圓也是浸過糖水的 本就帶厚重的甜味 ☺️ 奶蓋薄身但滿載濃郁的奶味 搖勻後 一入口先吃到小芋圓的甜味和煙韌的口感 再來濃濃的奶味 然後就是清爽烏龍茶從後撲出 awww 好喝！-店員服務很殷切 即使我在櫃檯猶豫很久 他們也沒有催促 反而非常貼心地為我推介店內好喝的飲料🥤待我取了飲品後 店員還非常真誠地道謝和道別 真的很少見！這種服務態度很吸引客人回頭 值得一讚🥰

因為疫情關係，已經無辦法像從前一樣行街時路過台式飲品就買，要除低口罩一邊行街一邊飲或者企在偏僻位置偷偷地快飲的確少了動力去消費，但是每次路過comebuytea還是被噴氣聲吸引到。從前最愛鮮奶珍珠，最近喜歡上芋圓的組合。來杯重乳烏龍厚奶芋，芋圓口感極佳，他們的炭焙烏龍是最正的茶底！雖然加上黃家厚奶及飄浮奶霜，但surprise 也沒有覺得過甜（居然比黑糖好）正正正，一大杯拿回家雖然部份冰已經溶了，但是還是不失口感，會再encore ！

次次行過Comebuy都會買杯珍奶飲🍹因為冬天關係 特別想食 紫薯🍠 / 芋頭今次叫左佢Top 1既重乳鳥龍芋丸 茶香依然突出 芋丸細細粒但好有咬口 同埋叫左少冰 冬天飲都吾怕凍❄️

想減肥，但總係戒唔到手搖飲品～每星期都最少一杯🤦🏻‍♀️🤦🏻‍♂️有時怕太肥 就會飲清爽d嘅野飲😹 好似無咁有罪惡感 haha今次買左COMEBUYTEA嘅「紅柚烏龍寒天Q」 半糖、少冰💰35姐係炭焙烏龍+葡萄柚汁+寒天晶球炭焙烏龍茶味好濃，可以感受到焙火香氣，飲完會回甘。但搞到搶左西柚嘅味，澀上加澀☹️可能炭焙烏龍襯奶蓋先好飲掛上次揀清香烏龍就好好多～～寒天好有咬口 Q彈Q彈☺️👍🏻

今日試咗佢嘅top3，鳳梨茉莉寒天Q，大熱天時嚟一杯，真係好爽。好Fresh，寒天又有口感，好煙韌，一飲上癮，同夏天簡直係絕配。下次經過會再買多杯！可以無限回購啊

每次經過呢間台式飲品店就聞到勁大陣茶香味，忍唔住即刻買番兩杯黎飲下。我揀左其中一款最受歡迎嘅百香茉莉綠茶配寒天晶球，茶味又濃又香，配百香果汁非常清新，寒天晶球有咬口，味道好夾好好飲但價錢就有啲貴。

一直飲comebuytea既阿里山烏龍茶，以前都仲好飲，依家越來越淡。上次飲完，無論顏色同味道都好似水咁，乜味都冇，搵佢換過杯，換完都仲係好似水咁樣，成二十八蚊買杯凍水，以後唔敢再幫襯呢間。

今日天氣好熱 同朋友係荃灣行街～ 行到好口渴見呢間又好多人排隊所以試下～ 佢既裝修好靚 好時尚 仲有幾部沖茶既棧好型 所以吸引左我～ 記得呢間以前唔係咁既裝修 比較普通 但轉左裝修後 多左好多人幫襯～ 咁我記叫左杯推介既炭焙烏龍加厚奶加芋圓 見佢推介又無寫價錢 所以都試下 點知比錢果陣成為38蚊🙈 其實都幾貴🙈 等左5-10分鐘 終於有得飲啦！ 第一啖覺試佢既厚奶的確好厚同好香好滑 飲多啖就有陣陣既茶香 再用飲管飲多啖食到d芋圓 細細粒 都食到有1粒粒既芋頭係入面最後好快比我飲晒 杯野係好味既 但好邪惡🙈

係唔多人嘅情況下，一杯嘢飲等左差唔多半個鐘，仲要唔好味以後唔會再幫襯 杯茶嘅味道好奇怪小芋圓同珍珠都冇乜味我老公直情飲左一啖之後完全冇興趣再飲可以講話係我飲過以來最差嘅珍珠奶茶

在附近工作的關係得知消息comebuy tea會進駐荃灣廣場，不用去到🐼🏨才有分店，方便了附近的上班族提供多間台式飲料店給大家選擇👏🏻假期時都會有排隊人潮/等候領取飲料🥤我多數都會在平日/與同事一齊開心分享😋我試過後覺得清香烏龍+鳳梨🍍汁、厚奶烏龍小芋Q、桂花烏龍黑糖Q味道相當不錯👍值得推介大家一試味道方面覺得有相當濃郁的茶香味，若加左鳳梨🍍汁就較香水果味比較清新可口😍其次加厚奶就有濃濃的奶香味再加上小芋圓的口感相當不錯👍再者桂花烏龍茶也帶清新桂花香氣加上黑糖Q口感彈牙😋