Cova Pasticceria & Confetteria

营业中

休息中

I love Cova's Cakes, even i know the chocolate sache cake is the fattest one among all the cakes sell in HK.Mango cream and mixed fruit, no one can compare!When you celebrate for birthday, dont forget about the chocolate plate.it costs for $5, and you can choose the ready-to-go and customer made one.You can become a VIP with purchase over 8,800 and enjoy the 10% discount on every items in COVA.Here is a VIP !

好耐冇唻呢度買旦糕,昨日買了一個Blueberry Cheesecake回家同太太分享。本來諗住食少少算,但實在太好味,兩個人食左大半個...Blueberry十分新鮮,果醬香甜,芝士軟滑,整個旦糕不太甜,味道剛好。期待今晚回家吃完剩下的半個^^

十一月十三日- 星期二Cova既出品，其實有一定水準，所以賣成二百五十蚊一個蛋糕都有好多人買。這個Mango Cream Cake，賣相已經滿分，外層鋪滿芒果蛋糕碎，忌廉亦十分滑溜，芒果酸酸哋幾開胃。蛋糕盒又十分美觀，值得加分。

今日心情喺谷底,一定要d朱古力嚟療下傷先得...本來想買GODIVA,但係相信熱飲嘅療效會高d,而且個口又唔想"趙"野,so轉投COVA的懷抱...*_*,其實我覺得喺COVA飲朱古力唔係太抵,佢都只係超級市場可以買到紫色罐嗰種朱古力粉開的,不過貪佢夠就腳而且d staff又快手...今日呢杯朱古力唔知點解開頭就越飲越甜,但係飲到中段又正常番wor,不過佢次次都有一個問題...就係無攪"暈",次次d朱古力都一舊舊沉哂底,一定要飲之前攪咗先,唔係就唔夠味lu...如果飲熱朱古力都係星巴克抵d,因為大杯d...^Q^

(13/9/07)無胃口,買杯正o野作lunch。心目中甜品絕配之一,熱咖啡加雪糕。仲要係single espresso,剛剛整好時,咖啡仲係暖架!好快雪糕已混埋一齊,可惜Venilla Gelato沒有呍哩o拿籽,唔夠Prof。anyway,都係一杯勁勁好味的雪糕/飲品。p.s.似乎飲Gelato飲品,係吸兩個印仔架!

(7/9/07)就快秋涼喇,快d試左呢杯Creama Al Pistacchio & Biscoti先!無冰的開心果奶飲品,有脆脆開心果、crumble crispy、朱古力碎,正!貴貴的買一次,值得的,很滿足。

平時多數食cheese cake及mousse cake，未食過其他種類的，今次因媽媽生日，特別訂了她喜愛的栗子蛋糕。原來這個栗子蛋榚是舊款，價錢比其他種類的貴少許。不過是貴得有價值的，一來得媽媽好開心，二來味道十分好，是我食過的栗子蛋糕中，最出色的一個。面頭佈滿士多啤梨及栗子蓉，士多啤梨香甜，栗子蓉幼滑，好濃烈的栗子香，兩者不會互搶對方。而入面一層蛋榚一層粟子一層忌廉，蛋糕鬆軟，栗蓉及忌廉滑溜，滿口軟綿綿的感覺，幸好忌廉份量不算太多，不會有種肥膩感覺。

今日係公司last day, director請食飯, 都知會係貴o野但冇問係邊度食, 最後來到了久仰大名的COVA.等待時間頗長, 侍應送來鮮橙汁, fresh; 重比個menu我地睇住先, 而且each item介紹, service算係唔錯la~一向都唔食開高檔o野, 所以唔可以作專業介紹, 但我重可以分出自己喜歡同唔喜歡d咩.麵包籃我閒到香噴噴但老細叫了芝士條說超好食, 又係真ga wor, 好香脆, 芝士味也適中, 唔會太膩.頭盤要了caesar salad with 牛油果&大蝦, 菜好新鮮, 麵包都尚算脆口, 但最好的還是牛油果&大蝦^^主菜要了肉, 經理說是肉眼扒, 要了medium, 肉汁豐富, 肉質好嫩, 一dd都唔鞋, 一切就分開了, 一大塊都食得哂, 雖然唔係成日食牛扒, 但我覺得依個唔錯, 同埋有我最愛的薯仔粒^^Dessert經理見我久久未能作出決定就給我作了一個介紹, 一聽就話好la, 真係COVA甜品是出色的, 有三層, 1st layer 係有nuts的moose, 凍凍的, 而且幼滑, 2nd layer 係有米通feel的巧克力脆脆, 超愛, 同事

(25/7/07)咖啡引到,買杯平時無飲開的Espresso Macchiato$22, doppio(雙份)。叮size的一小杯,以為到喉唔到肺啦,原來都ok噃!口感很rich。(26/7/07)小許為了吸印仔,買一杯mokka少甜,味道o岩o岩好,咖啡味無被朱古力蓋過。連續買兩天,都發覺,呢度整咖啡速度奇快o羅!

成日行過都好想買來試下。今日終於試0左。杯latte唔錯，口感好好，值得一試。但服務就有點混亂。原本得兩個人，等等下，成條龍出0左來。落單要講兩次，卑錢時再講多次剛才叫0左0羊。可能個服務員都系新掛?!

試了一杯朱古力特飲Ciocco Gelato ($42@)，味道像Starbucks的星冰樂，但似乎更具朱古力香，配濃厚的忌廉，上加一片印有Cova大名的朱古力片，兩枚chocolate sticks相伴著…喝罷要跑上十個圈來燃燒脂肪也心甘情願。

I always visit this shop. I especially like the expresso. The quality of the sandwich is also good. Most of the staff are very friendly. Recommended!

朝早有任務要到中環一趟, 順便黎COVA買埋個早餐至返公司. 本來只係打算要杯大cappuccino, 但見到個croissant好飽滿, 就買埋佢作為一個圓滿o既早餐. 要o既係sucre croissant, 即croissant上加上糖粒, 最簡單o既一個變化. 牛角酥皮做到有層次感而且富牛油香不特止, 最驚喜係佢o係酥皮內加左檸檬皮, 立即就提升左層次感, 更即刻將坊間o既同類產品比下去! 當然, cappuccino就依然no.1!

一向認為Cova算係一間幾有質素既cafe﹐呢間分店我亦光顧過唔少次﹐但今次實在大失所望。以為好正既芒果芝士凍餅﹐原來只係虛有其表。包住件凍餅既係一塊印有Cova字樣既玻璃紙﹐好厚下﹐仲好難開囉因為膠紙貼得好實。我心諗﹕都頗講究播。點知食左兩啖餅﹐我就完全唔明白點解張紙要厚成咁。D芒果粒大粒到不得了﹐而cream cheese就好軟身﹐舊餅一叉即刻collapse﹐有如危樓一棟。底層多此一舉整層sponge cake﹐其實真係整到好cheap下。不過計一計﹐$23食呢度D蛋糕﹐又真係頗平。但係Cova奉勸一句-有時你想將貨就價分分鐘仲做衰自己既名囉。杯Mocha溫度太高﹐好辣手﹐咖啡本身好watery下。咖啡太依賴我去攪﹐可以話上面係Latte﹐下面Hot Choc。係咪好有層次感呢﹖

12月中左右我係呢度訂左個蛋糕~我買果個係雜果蛋糕~如果冇記錯,個蛋糕應該要200幾蚊~本來以為價錢同quality應該係成正比既.. 但非常可惜...個蛋糕D水果完全都唔新鮮,全部都係淋bat bat... 我個感覺就係D生果係擺左一段時間!!勁失望呀!!! 我發誓以後唔再黎買! 又貴又唔好食! 完全同我expect既係唔一樣>_<一味得個門面靚,擺明sell高格調,但係D蛋糕就完全唔得!!!佢地d Sales又勁臭寸又鐘意擺款,有D好似唔優做咁既態度!