Cow Bean (TKO Gateway) (已結業)

是咁的新精頭大年初一緊係要食好啲架啦朝早拜完年又見肚仔有啲餓 行開商場見到依間餐廳(好似新開左無幾耐？😂) 見到門口寫住有M9和牛 價錢都未睇就入左黎先反正新年嘛 食豪少少有咩所謂入到餐廳 成個環境俾人感覺好舒服 唔會話好逼 啲坐位都係Sofa位 坐左好耐條腰都無話好痛入到黎啲員工好好 好Nice好有笑容 會主動話俾你知今日有啲咩餐湯 依樣野真係值得一讚講番塊和牛先 通常啲西餐廳叫五成 七成都唔會準得去邊但係今次好好 嗌左份medium eventually同我想像中嘅終於一樣 要值得加分👍👍👍原先以爲份量唔會好多 點知其實都幾飽 除左main dish之外 onside仲會有沙律茶同薯角 薯角仲要食得出係新鮮炸出黎👍👍👍👍雖然本身個餐唔跟野飲 不過對我黎講已經好滿足以屋村商場 二百有找就有得食到咁juicy嘅和牛 係依到真係好少見 一句到尾 真係好滿足加油

3點幾經過見到cow bean冇乜人就同媽咪去試下個下午茶。叫左3個餐，有三文魚沙律，三文魚Pizza同炸脾薯條。對女仔黎講份量都ok, 沙律share食，pizza就我食, 炸脾就媽咪食。沙律有士多啤梨同紅腰豆感覺都幾健康。pizza新鮮焗都脆皮，不過面頭嘅醬汁我就覺得多左少少，下次會叫佢落少醬。炸脾有驚喜，炸到外脆內嫩。員工好有禮貌，會講歡迎光臨，新年快樂。所有員工都好有耐心，俾人感覺係和善唔急燥。整體不錯👍🏻

情人節周圍都多人好難搵位食飯，經過Cow Bean見到賣相好似幾好，而且之前申請左張會員卡可以用個會員價叫情人節餐就拎左飛等位。等左唔係好耐就入得，環境燈光都好舒服乾淨，咁岩有張窗口位。有位肥姐姐好好禮貌一入去就講歡迎光臨情人節快樂～之後主動介紹情人節餐，雖然價錢有點貴，不過一年一次慶祝冇所謂啦😂前菜同湯都幾特別，三文魚配芒果個味幾夾，南瓜薑汁湯個味都幾特別😋主菜分別叫左西冷牛扒同羊鞍，兩款成數都掌握得好好。西冷肉質鮮嫩，唔會好硬，牛味濃；羊鞍冇so味而且肉質唔會太熟太硬。整體食物質素都好好👍🏻甜品係士多啤梨蛋糕，賣相幾精緻有玫瑰花瓣襯托，掛住食都冇影到相😂😂有位肥經理主動幫我地影相好好人。埋完單走每個員工都有講拜拜多謝曬，由入座到走都咁好服務，服務態度真係一流！我覺得係值得可以再去食～下次可以搵多d朋友一齊可以叫多d甜品一齊share食多幾款！

到處食野都係集團式，不過見呢間未試過就今晚去試下8點左右去到，要拎飛，不過好快就叫到我地（前面個啲無左影）未食之前，睇menu都ok，不過睇人地張枱食緊嘅份量就相對性細份，不過賣相幾靚，門口聞到煎牛扒勁香，應該好好味因帶埋仔仔去，所以安排坐bb櫈，櫈底有餐廳提供嘅bb餐具跌左係地，啲職員放bb櫈個時都唔執諗住叫2個set加1份沙律沙律來先，係煙三文魚士多啤梨沙律（$68）來到真係好失望。。。。沙律有幾款，呢款最貴，與menu張相唔係好match，煙三文魚好細片，士多啤梨薄切到。。。一碟夾埋唔知係咪可以砌返成1粒同埋咁細碟賣咁貴，不如換返隻再細啲嘅碟啦，食完唔知食左乜落肚，太唔抵食跟住來左忌廉海鮮燴飯海鮮有蝦，青口，細細粒嘅帶子個忌廉汁甜甜地，感覺怪怪，不過似輕食感覺，食完都未感覺到飽肚盒仔紐西蘭肉眼扒7成熟賣相幾好，切好晒上，方便食，牛食落都好味，因為叫7成，所以少少老左啲，不過有肥膏果粒牛扒，就勁好味個牛扒跟一個飯或意粉，要意粉就送錯左飯，咁侍應即換啦換左但。。。。意粉凍晒，一餅野咁，點食呢再叫侍應跟進，最後應該整返熱。。。不過凍左就好快再變一餅野啲意粉睇來都整左好耐，係齋淥熟，淡淡

星期六夜晚8點幾，決定試下食最近新開既cow bean，等位既時候嗅到野食既香味，望入去見到野食賣相都吾錯，等位吾算好奈，入到去，dinner set 有a-i,我同朋友各叫左個set i($148/1)肉眼扒 配飯，加個雞翼薯條($48)野食黎得算快，賣相ok，到呢一刻我對呢間餐廳既感覺都ok，薯條食落去係凍既淋既，仲要染哂塊扒d血水，（塊扒本身已經係切好左），肉眼扒食落去都係凍既，感覺放左好奈，只有雞翼係岩岩炸起，凍朱古力（加$28）食左大半野食先黎，味道正常如果係食物味道吾得都由佢，但一上菜已經係凍既，放左好奈既食物真係超吾值呢個價錢，同埋不停收碟，食完一樣即刻收走，感覺好吾舒服，好無禮貌，無講野直接拎走，不停打斷你食野，亦好似想趕人走甘，（附近有好多空枱，我地大概入左去30-40分鐘就走左），埋單$409.2，第一次連一毫子小費都吾想俾，吾會有下次，平時吾會打食評的我，特登申請個ac打呢篇食評，完。